زوجة لسبعة أيام

٨

انا كنت واقفه و كان عندي هدف و بالنسبه لي هم زي الجبل ، اللي هو اني اقدر اودي لحبوبه العلاج حقها ، دي كانت اقصى طموحاتي في اللحظه دي .. قامت جاتني البت الاتكلمت معاي و طنشتها .. قالت لي بتعرفي وليد من وين ؟ سكتا م رديت ، قالت لي بتكلم معاكي انا ما تسفهيني ،، برضو ما رديت ، قالت لي علي فكرة وليد خطيبي و من حقي اعرف .. قلت ليها في الحالة دي تسأليهو هو ما تسأليني انا .. قالت لي اتكلمي بي ادب ، قلت ليها لمن تتعلميهو انتي الاول و تتعلمي م تتجاوزي خصوصيان الناس و تحترمي غيرك ، وقتها تعالي و علميني الادب .. قالت لي انتي تفاهه ولاشنو ، انتي قايله نفسك منك ، الزيك ديل انا ما بشوفهم قدامي اصلاً ، قلت ليها واضح جداً انك ما شايفاني قدامك هئ ،، قالت لي هين ،كان م خليت وليد شاتك برا الصيدليه دي ما ابقي انا ، عاينت ليها وابتسمت ، قلت ليها للاسف همي اكبر من اني ارد عليكي ، انتي انسانه قاعده تصارعي في الفارغة .. 
انفعلت و جرتني من عبايتي عند الصدر ، قالت لي اطلعي برا المحل دا ، الولد الصيدلي قاليها يا رغد روقي م كدا دي بت ناس برضو و البتعمليهو دا غلط ما بتوصل ل مد اليد ، قالت ليهو انت زاتك تسكت عشان انت عارف انا ممكن اسوي شنو كويس ، صحبتا جاتا الغي البدايه ضحكت فيني لمن قلت استاذ ، قالت ليها رغد م تكبري الموضوع البت م عملت ليكي حاجة .. قالت ليها هند لو ما دايراني اخسرك زحي مني .. 
كل دا و انا مربعه واقفه ليها ، قالت لي سمعتيني قلت ليكي شنو ؟ عاينت ليها و قبلتا وشي منها ، بدت تلذ فيني لذ الحقارة دااك ( كأنها دايراني اغلط وانا تقات دمي عشان مصلحة حبوبة م عشان حاجة ياما استحملت اهانه و انا مجبرة ) ..
في اللحظة دي ،جا وليد من القزاز من برا شاف المنظر ، من جا داخل مسك يدها قاليها انتي مجنونة ولاشنو ، قالت ليهو كيف تقولي مجنونة قدامهم ، وبعدين كان ما قلت ادبها علي ما بمد يدي عليها ،من جات داخله و هي بتتكلم بطريقه م حلوة و استفزتني ،، طبعا بعاين ليها من شدة كذبا لمن حسيت اني بحصر في فلم ، وليد عاين لي ، قالي تعالي براا و قام طلع من الصيدليه وقف ، طوالي طلعت وراهو ، قالي اسمك منو انتي ؟ 
قلت ليهو اسمي علياء ، و بصراحه يا دكتور انا والله ما عملت حاجة من الكلام القالتو دا و ..... *قاطعني قالي انا عارف م تشغلي بالك انا بحلها ،، يلا يا علياء دا الدواء طبعا عارفه التنظيم حقو ؟ قلت ليهو ايوة عارفه .. قالي زي م اتفقنا ، قلت ليهو ايوة بس الرقم الكتبتو لي غلط ، قالي لا صح ، قلت ليهو معليش عشان الحصل دا ما يتكرر واجي ساي ، دا تلفوني دخلو لي ف التلفون ، قالي جيبيهو ، اديتو كتب لي الرفم قالي سجلي باسمي ، قلت ليهو انا ما بعرف ،قالي كيف يعني في زول م بيعرف يسجل رقم ، قلت ليهو معليش كل زول بياخد نصيبو اذا مافيها تعب دخلي ايمك فيهو ووريني شكلو عشان احفظو ...عاين لي بأستغرااااب ،، كتب لي واداني التلفون ، مسكتو منو بعاين ف اول حرف من اسمو عشان بعدين افتشو وقت احتاجو ، قلت ليهو شكرا ليك و حاحاول ارد ليك القروش في اقرب وقت .. و مشيت و كان واقف بعاين فيني باستغراب .. اتلفتا لقيت رغد ولا سمها دي طلعت ليهو براا و شكله شغاله .... 

( في جانب تاني )
* في شنوو ؟
_شش شنو ؟
*اتخلعتي كدا مالك لمن شفتيني ؟
_مافي حاجة ساي بس
*اهااا ، بصراحه يا رحاب تصرفاتك توتر و غريبه اي نعم نحن يمكن نكون غرباء بس خلاص اسي انحنا زوجين و في شهر العسل مفروض نقرب من بعض و نعرف بعض كويييس ..
_صص صح كلامك .. استاذنك احمد عايزة اطلع اتصل علي ناس امي ..
*لا م تطلعي انا الطالع اخدي راحتك و بلغيهم تحياتي...
_تمام ... *بعد دقايق* 
*الوووو 
_ايوة يا رحاب 
*انا مش قلت ليك م تتصل علي رقمي داا لو عايزني رسل لي واتساب انت حتجيب لي مشاكل بالطريقه دي ..
_اعصابك حبيبتي بس اشتقت ليكي
*وانا كمان اشتقت ليك بس خلاص انا بقيت مرة متزوجة 
_عارف و ما فيها حاجة لو بقينا متواصلين 
*طيب اقفل اقفل اسي احمد بيناديني 
_اوكي باي ... 

امااا ، انا رجعت البيت جري ، قبل ادخل لاقيت عماسماعيل مطلع كرسيهو و قاعد قدام بيتو ،ماشة بي قلب قوي و مليان ،جات خالتو صفية طالعه .. قالت لي عليا يااا بت وينك انتي ، قلت ليها حمدلله لقيتك والله كايسه ليكي م لامة فيكي ،عاينت لعم اسماعيل بي خلعه قلت ليهو سجمي دا شنو الفي راسك دااا جرحك شنو لا حول ولايوة الا بالله كفارة ليك والله .. خالتو صفية قالت لي علي اليعترو وقع قدام الحمام ، قلت ليها سبحان الله قاليك كدا ، قالت لي اي والله ، عاينت لعم اسماعيل قلت ليهو صحي الكلام دا ! لكن دي زحلقه والله ، المهم اجر وعافيه م تشوف شر يا عموو ... 

( في الحلقات الجاية)
_ما بتقدر يا ايمن 
*ما بتقدر دي قولها لي زول تاني 
_اها اقنعتها كيف ؟
*اكيد ما بالساهل لوحدة مسلمة بس بكلام الحب و الرومنسيه و بدخل فهمي في نصو و بقدر اوصل ليها كلامي و بتتقبلو 
_يعني اقتنعت ؟
*شوية شوية ، ا

ول حاجة وقفت الصلاة
_معقول طيب وراجلا 
*ياخ انت اصبر علي زواجها دا اصلا ما حياثر في حاجة االدايرو بسويهو ... 
_عرفت بالواضح انك #مُلحد ؟

*ملحوظة 
القصه فيها جزئية حساسة ، لو سمحتو 🔞اتجاوزوها ..