زوجة لسبعة أيام

١٨

*بعد المكالمة*
ووواي ايمن ايمن ، قوووم اللبس قوم 
احمد جاي علي البيت ، سجمي م يكون قريب ، وووب ، قووم ياخ 

(في جانب تاني احمد) 
_ في شنو يا زول استهدأ بالله 
*مافي حاجة يا عمار
_لا في ما شايف نفسك كيف كنت بتكورك في التلفون ! في شنو ؟
*ياخ قلت ليك مافي حاجة 
_استغفرالله العظيم من متين انت ما بتحكي لي مشاكلك ؟
* لمن مشاكلي تكون ليها علاقه بالبيت و خصوصيتو ، ييقي حتفرق واكيد ما حأقعد أشكي ليك و احكي ليك زي المرة المطلقه ..
_ايواه لالا كلامك صح بس كل الفكرة اتعودت اشاركك ، بس كمان م اكذب عليك ، هو انت ياداب عريس متين لحقت على الدبرسه و المشاكل ، لكن يا زول ربنا يهون عليك ..
*خليها بالنيه ان شاءالله .. 
_يا مهون الحال 
*يلا انا طالع لحد بكرة ان شاءالله .. 

*نبذه عن احمد*
احمد ، شاب عمرو 28سنة ، متزوج من رحاب 24 سنة .. من اسرة اكتر من انها ميسورة الحال ، طبعا حالهم زي حال المغتربين العاشو برا سنين و رجعو في الاخر بعد اسسو نفسهم صح .. احمد عنده اختين و اخ واحد يعني كلهم اربعه ربنا يحفظهم ، في منهم عبير اتعرفتو عليها حبيبة معاذ صاحب احمد دا زاتو .. والباقين بجوكم قداكم .. 
احمد درس البرمجة و اللغات و ادارة اعمال ، يعني شخصيه كدا متفتحه و متقبلة العلم ، شخصية اكتر من انه يقال عليها قوية و حاسمة محترم جدااً ، بقيم العلاقات و بيحترم الحب و عندو امو فوق اي حاجة ،، طبعا شغلو في مجال ادارة الاعمال و مستقل في شغلو ، و م اكذب عليكم احمد وجيه جدااا ، و عندي صديقات و عندو عالمه في العلاقات العامة مع الناس .... نكتفي بهذا القدر .. 
( في جانب عبير ) 
*انا قررتا خلاص
_انت لسه مصمم ؟
*ايوة يا عبير 
_طيب خليها اجازتك الجايه 
*لا ، و انتي زي البتتهربي كدا مالك ؟ علاقتنا دي ما بتسوى عندك ولا شنو ؟
_يا الله ياخ ما كدااا يا معاذ
*طيب شنو ؟ّ
_ما عارفه بس خايفه لمن يعرف عن علاقتنا
*م تخافي انا جيت بالباب
_طيب يا معاذ انا ما حاتكلم التشوفو صح ابقى عليهو 
*انتي مالك ما فرحانه ولا في شنو حاصل م قادر افهمك انا ؟
_بس خايفه
*اطمني انا معاكي 
_حاضر حبيبي ، خلاص بكرة ؟
*باذن الله حبيبتي 
_يلا طيب ... 

طبعاً يمكن تكونو لسه ما قادرين تستوعبو كمية الناس الفي حياتي دي ، كلهم عايشين قصص و تفاصيل حولي ، انا كنت عبارة عن النواة ، بس للاسف دا كل الكان حاصل حولي قبل ما انا اتعمق زي زيهم و اعيش حياتي ، لحد اسي زي ما شايفين حياتي بتتمحور حول حبوبتي و لقمة العيش المطارداها ، عايشه لا بي لا علي ، متسامحه ومتطايبه مع كل الناس عشان انا في الوقت الراهن دايرة اعيش و كلهم عايشين بأهدافهم و احلامهم ، وانا كان هدفي الوحيد علاج حبوبتي واملتا و شرابنا و ملجأ يسترنا .. كلهم كانت ليهم احلام و اهداف و انا كنت حلم للبعض و هدف للبعض و حب للبعض ... 
من هنا يأسفني اقوليكم ان ياداب قصتي حتبدأ ..... #زوجة_لسبعه_أيام ...

#استككانة👻 ~ّ