زوجة لسبعة أيام

٤٢

( في جانب رحاب)
*ايمن عليك الله خليها دي تكون اخر مرة 
عليك الله ، والله انا تعبانه ونفسياتي في الارض ..
_اخر مرة ! 
 *ارجوووك يا ايمن ، خليني لحياتي و لراجلي ارجوووك والله انا متدمرة قبل اي شي ..
_مش اتفقنا ان كل واحد يدفع تمن غلطو !
*انا التمن بقيت بدفعو كل ما اتكلم معاك و كل ما تقرب علي ، دا عقاب نفسي ..
_الزمن دا بتغير ، وين زمن حبك لي و شلهتك عشان نتقابل ونتكلم !
*انت بتصرفاتك وصلتني لي هنا !
_انا ما بجبر زول حاجة ، انتي لو مخك خفيف و قلبك خفيف براكي بتجبري روحك مافي راجل بيغصب ليهو وحدة على حاجة .
*مش لمن تكون راجل من الاساس !
_  اداها كف
*بتمد يدك علي ؟
_ايوا واكسرا كمان ، اوعي تقلي ادبك اكتر ما انك قليله ادب ،لان انتي الحتخسري في النهاية فاهمة ولالا ؟
*فكني ، فكككككني يا ايمن ، ايمن فك ..
_ليه افكك ! 
*فكني يا ايمن عليك الله فكني ....
_شوفي انتي اتزليتي لي قدر شنووو ههههه 
و بعدين دا شنو المصحف دا ! بتقري قرآن !
*دا حق احمد ما حقي ..
_ربنا هداكي ولاشنو !
*ايمن ، فكني و خلاص بعد دا امشي احمد قرب يجي الزمن اتتأخر ..
_خلي يجي انا زاتي دايرو يجي هههه
*ايمن كفاية لو سمحته..
_لا م كفايه ، لسسسسسه 
*ايمن ...

( جانب احمد)
اخيرااااً لقيتو 
يا رب يعجب رحاب ، ياااااارب ، ياخ كان اخدت ليها الفضي ! اممم لا الروز احلى ، 
طيب احسن حاجة انا اقص الشريحة و اركبها
ليها جاهزة .... 
العربيه دي لسه واقفه ههه والله جنيت انا ، اخر الزمن بكلم لي عربيه 
وين المقص وووين وين ( بيفتش في درج العربية ) بس قبضتك .. 
نولع النووور ، و نطلع الشريحة اممم
بس كدا بقت جاهزة ، ارجع التلفون في علبتو
* دخل عليهو اتصال *
*الووووو عبورة
_ها احمد كيفك ؟
*حمدلله ، هااا ...
_انت بعيد ؟
*انا تحت جمب بيتي ، ليه في شنو ؟
_لا بس كنت عايزاك تجيب حبوب الضغط حقت امي لو قريب مننا !
*انتو رجعتو ؟
_ااي من بدري ، بس يلا عاين انت لعيد حرام تاخد المشوار داا 
*هي م عندها ولا حباذة للصباح ؟
_في وحدة 
*خلاص الصباح قبل امشي الشغل بجيبا ليها و وريني لو في حاجة ناقصه رسليهم لي واتساب تمام ؟
_تمام يا غالينا ... يلا باي
*سلاام ..
بلسان احمد
شلت كيسيي و نزلت من العربيه 
قفلتها و مظيت و انا مبسوط و بدندن ، صراحت احساس حلو لمن تكون في حياتك شغل وجري و مشاوير وضغط نفسي كدا و تجي بيتك ، تقابل وش زوجتك البتحبها و بتحب تشوف وشها ، وقتها م حتحس بأي ارهاق او تعب .. نفس احساسي حالياً وانا ماشي بيتي .. 
قبل اصل المدخل حق البيت ، اتفاجأتا بي زول طالع في وشي ، و كان ما انا رجعتا لي ورا شوية ،كان ممكن يخبط فيني من الاستعجال ! 
يعني حركتو دي خلتو وقف غصباً عنه ، و شوفتي ليهو كانت مفاجأة بالنسبه لي ... 
لقيت نفسي بقول ليهو #ايمن !!!!!

#استكككانة☺~..