زوجة لسبعة أيام

٢٢

مشيت عليها ..
و انا ماشه عليها ، قلت ليها خالة حنان العاوزاني ؟ 
قالت لي م بعرف ، بس قالو لي اناديك ، قلت ليها تمام م مشكلة .. لمن وصلنا ، وصلنا الغرفه الكانت حصلت فيها المشكله مع رحاب ، بقت بالنسبه لي معلم سيئ و ذكرى سيئة ، 
هي دخلت ، وانا اترددتا ادخل ، حسيت الزمن بعيد نفسو .. قالت لي تعالي ادخلي ، طوالي دخلتا ، قلت ليها سلومة شكلها مرسلاكي ، قالت لي لالا .. 
بعد دخلتا جات وحدة داخلة بي وراي قالت لي انا يا قلبي المرسله ليكي ، خفت اجيكي بي نفسي و ما توافقي .. عاينت ليها لقيتا رحاب ! استغربتا و طوالي وشي قلب ، قلت ليها عادي يعني ليه ما اجي ! 
و جات وحدة تانيه داخله قالت لي وانا كمان عارفاكي كارهاني ، قلت ليها ممممم و ط الي استحضرتها دي بتاعت الصيدليه لمن سالت نفسي الرابط شنو ! اتزكرت ان دا بيت وليد و هي خطيبتو .. قلت ليهم الدنيا مافيها حاجة عادي حصل الحصل وانتهى وبقى اسمو ماضي ، قالت لي رحاب ، عارفه يا قلبي بقى ماضي بس انا من وقت الحصل وزعلانه من نفسي وقلبي واجعني شديد عشان كدا حابه اعتذر منك و يعلم الله اني حبيتك لله في لله ، وما تحرجيني عليكي الله و اقبلي مني الهديه دي ،قلت ليها لالا هديه شنو و لزوما شنو عادي كل الناس بتغلط و من وقت سلمى جاتني الموضوع كان انتهى ، رغد جات باستني قالت لي حقك علي ، و رحاب لمن شافت رغد عملت كدا ، طوالي هي كمان جات و باستني قالت لي اسفه يا قلبي ( بي دلع) قلت ليهم حصل خير ، قالت لي رغده لو حصل خير بالجد ، يلا شيلي الهديه ، قلت ليها حاضر ، و شلتها .. ّ
قعدو في السراير ،. و رحاب قالت لي اقعدي عايزة اتكلم معاكي في موضوع ، قلت ليها حاضر ، و قعدتا براي في سرير وجمبي البت النادتني و رحاب ورغد ف السرير التاني ، عايزة تبدا تتكلم كدا ،جات سلمى داخله ، رحاب كتمت .. طبعاً سلمى جات حضنتني
وسلمت علي قالت لي جيت بسرعه خفت اجي تكوني مشيتي ، قلت ليها اصلا شويه و كنت حأمشي .. عاينت لقتني مع رحاب و رغدة استغربت ، طوالي رغده قالت ليها اتصافينا و رحاب اعتذرت ، سلمى عاينت لي ، قلت ليهو فعلاااا .. سلمى قالت لي اممم تمام طيب .. قلت لرحاب كنتي عاوزاني في شنو ؟ 
فجاة مسكت تلفونها و عملت فيها مشغوله بي مكالمة و طلعت ، انتظرتها كتير و انا بتونس مع سلمى ، برضو ما جات ..

( في جانب ايمن ) 
_اها 
*م عارف. راحت مت بالي كيف 
_ما حنك اسي صورها 
* التلفون دا مساحتو كيف ؟
_عادي بيشيل لحد 60 دقيقه ما كفايه ؟
*كفايه بس ما عارف نسيت كيف المرة الفاتت
_طيب الحنك شنو ، حتهددا بالمقطع ؟
*قصدك اشيل منها قروش ؟
_اي
*ممكن بس هدفي الاول داير اغسل ليها مخها عشان تلحد تماماً
_الموضوع صعب يا ايمن 
*كلمتك ما صعب علي يا زول ، اسي اهم شي لازم الاقيها و اعمل معاها نفس الموضوع واخليها تتعود علي و اسجل الفيديو و بعدااك بطبخا علي نار هاديه ..
_الخوف ترفض تلاقيك 
*انا حبها الاول ، وراجلها دا معرساهو نظام صراف آلي ، لو قلت ليها اقعي في النار بتقع..
_قوووووي لكن 
*لسه ما شفت حاجة و البعمل حاجة مرة بيعملا الف مرة ، زي ما قبلت اني المسها وهي متزوجة يبقي راسها خفيف واي شي عايزو بقدر اسوي معاها .. المهم انت وصلت لحد وين مع زولتك ؟
_ياتا فيهم شغال على اتنين اسي هههههه
*يا واد لا ههههههه اسي القوي منو فينا 
_الاتنين طاهلات برستيج و نفخه على الفاضي 
*نشوووووف ..
_بكرة م تجي لحد ما اضرب ليك عندي فهم
*هنا في الشقه خطر 
_م عندي مكان ليوم بكرة 
*خلاص حاول توريها ان دي شقه صحبتك عشان لو حصلت حاجة م تعرف دربك ..
_معلم ، م توصي حريص 
*مية مية ..

انا ، سلمى ساقتني ، لي غرفتا 
قعدتني و بقت توريني الحاجات المشترياها للعرس و بتاخد راي .. قلت ليها :
*سلومة عادي اسألك سؤال ؟ 
_قالت لي علوشه هبله انتي ؟ اسألي ساي يا بت 
*طيب ، ااااا ووليد اخوكي ؟
_اتخلعت وعاينت لي ، قالت لي ايوة اخوي اسمو وليد ، بتعرفي من وين ؟
*سبحان الله ، والله يا سلمى صدفه ..
_احكي لي طيب الشمار حيكتلني ..
*من فترة انحنا كنا ساكنين في ال(..) و رحلنا في البيت الشفتيهو داك ، بعدها بيومين كنت محتاجة علاجات لحبوبه ، المهم سالتا و وصفو لي الصيدليه البشتغل فيها وليد ، ومشيت و سبحان الله كانت معاي قروش و اظن وقعت و لمن جيت احاسب وليد م لقيت القروش اتخيلي اداني العلاج كدا ، و في علاج تاني وقتها م كان موجود في صدليتو ، تاني يوم جابو لي من فرع تاني و ما شال مني قروش و ساعدني شديد ، و دي كانت اول مرة الدنيا توقف جمبي زول ، زي ملاك الرحمة يا سلمى و دا دين وجميل عمري ما حأنساهو ليهو وانا عارفه موقف زي دا م حتكوني عارفاهو عن اخوكي ، بس حبيت اوريكي قدر شنو هو راجل ، ولازم تكوني فخورة بيهو ... 
_سكتت و بقت بسمل و تقول سبحان الله ، سبحان الله ، ااي هو رخم و غياظ و انطوائي لكن ما عارفه والله يا علياء بس الصدفه غريبه ..
*كانت غريبه بالنسبه لي ، لكن نظراً لان الصيدليه م بعيده من

بيتكم ، فا ربنا اراد يعني وحتى اكتشفت ان دا بيتو ف اخر يوم لي شغل ، ف اليومين الفاتو ما صادفتو ولا شفتو ..
_انا واثقه ان حبي ليكي دا ما ساي يا علوشة ، انتي جميله شديد و تتحبي و انا بحبك ومبسوطة بيكي شديد و بحسك شبهي في روحك ..
*انا مبسوطه بيكي اكتر ..
_ممكن اطلب منك طلب و ما ترديني ؟
*اكيد عيوني ليكي ..
_اي عيونك حلوة لكن حلوة عليكي انتي بس عشان كدا ما دايرة عيونك ، دايراكي تجي العرس بكرة !
*مسسسسسسستحيل ، تصدقي و تؤمتي بالله عمري ما حضرتا عرس
_وااااي اسي ليه مستحيل علياء عليكي الله عليكي الله عشان خاطري ..
*يا بت البرجعني شنو انصاص الليالي وانا م بسهر و غير حبوبه ، بري لالالا ..
_ما حجج بنرجعك ياخ تعالي غيري جو عليكي الله حبوبتك م بتجيها عوجة 
*لالالا 
_علوشه م تكسري خاطري حلفتك
*يا بت انا م زيكم حفلات و لبس و تجهيزات و انا م بعرف غيرك يعتبر اتشالق ساي كدا اجي احضر م حلوة والله ..
_ياخ انا عازماكي و لبسك وحاجاتك علي 
*لالا
_علياء ، زعلت منك جد والله
*ياخ افهميني ما تزعلي ساي
_طيب ساعتين وبرجعك لحد البيت ، رايك شنو ؟ 
*اممممممممممم
_ولبسك علي 
*اممممممم
_قولي موافقه 
*طيب طيب ، ساعتين بس و ترجعيني لحد الباب 
_مواااااافقة ياااخ ايوة كدااا يسلااااام 
*ههههههه هوي انا ماشه بعد دا اتاخرتا علي حبوبة 
_اقيفي اقدمك
*لالا اقعدي لملمي هتشك دا انا بدل دربي 
_تمام يلااا 
*يلااا ... 

طلعت براا ..نزلت الحوش و انا ماشة 
فجأة لقيت يد مسكتني من يدي. !! 

*في الحلقة الجاية *

ايمن قوم ووووووب انا مش قلت ليك 
قوم اللبس ، الليله ووووووب ، احمد جا احمد جا قوم ..... 

°~منووو القااال الانييين رااحة ؟! ومتييييين الحمى بتدفي ؟!

#استككانة😓~

يتبع .....