زوجة لسبعة أيام

١٦

خليتو وراي واقف جمب الصيدلية و مشيت
قطعت الشارع و ياهو بالاتجاه التاني حلتنا وتاني شارع حقنا ، بس ماشه بسرعه زي الساكيني زول .. وصلت شارعنا لقيت عم اسماعيل قاعد برا بي كرسيهو ، مغطيه وشي بالطرحه و مشيت من جمبه ، لمن وصلت البيت شلت هم خلعة حبوبة لو شافتني بالمنظر دا ، احسن حاجة بس من اخش احاول اتصرف ما عارفه زاتو اسوي شنو ، فتحت الباب اتوكلتا غطيت وشي ، لقيت قدامها في صينية اكل مغطيه و نايمة مسكينه شكلها كانت منتظراني ، براحه غيرتا و مشيت جوا كدا في نص مراية مكسورة عندي ، بعاين في الضربه و خشمي اتأذى ولالا ، لقيت محلها لمن مزرق وكل ما امضمض خشمي بكب دم .. بعد شويه سمعت صوت الباب ، و سامعه صوت خالتو صفيه بتنادي فيني ، جيت لحقتها ، و من شافتني شهقت ختيت يدي في خشمها و جريتا بعيد من سرير حبوبه .. قلت ليها شوفي دي حاجة بسيطه و م تتخلعي و تخلعي حبوبه ، قالت لي منو ضربك ، قلت ليها مافي زول ، قالت لي يمين بالله يا علياء ما توريني انا بمش براي و اطربق البيت داك فوق راسينهم عشان كدا وريني ،قلت ليها طيب روقي دا خلاف بسيط ، قالت لي بسيط يوصل للضرب لكن !
قلت ليها انا الغلطانه يا خالتو ، قالت لي انتي م حتغلطي براك مجنونة ، قات ليها بتدافعي لي مالك انتي من غير م تفهمي الحصل شنو ! قالت لي لاني عارفاك و بحكم سغلك طبيعي تتعرضي للحقارة ، اسمعيني هنا يا علياء ، الشغل دا اخر يوم ليك الليله وانا بمشي لي حنان دي و اوريها الما بتعرفو  الباب خبط عاينا لبعض انحنا الاتنين ، عشان هي لابسه طوالي مشت فتحت الباب ... 

( كان في جانب تاني )

_وجع دا شنو دا ! الناس دي فارت ودفقت كدا في شنو هو ؟
*ما بعرف اذا ما كانت مجرد خدامة !
_هوي يا رحاب اااي انا ما حضرتا الا في الاخر بس من كلامهم انتي غلطانه و ستين مرة وريتك الفاظك دي م تمرقيها كدااا ، بس كمان بيني و بينك بردتي لي قلبي ..
*بالنسبه للتناقض !
_دا موضوع طويل وكنت عارفه الدنيا حتلمني بيها تاني اخد حق حرقة قلبي منها 
*نتي بتعرفي خدامات من وين ؟
_ما بعرفا اناا بس بتتلاعب حولين وليد..
*طيب وانتي من متين بتسكتي لي وليد !
_ما بعرف يا رحاب لكن المرة دي غير ، اسمعيني ! انتي مش قلتي عايزة خدامة ؟
* اااي دايره
_سمح شغليها عندك 
*لالالالا ما دايراها 
_مشكلتك شنو معاها زي الغيرانه كدا يا رحاب كان ما اخاف الكضب 
*اغير من الجربوعه الشحاته دي ، شكلك انتي الغيرانه و شايلاها معاها تقيله و زاتا بعد العملتو فيها دا م حتقبل تشتغل عندي ..
_لا يختي انا م غيرانه منها بس عندي معاها فهم 
*طيب بحاول ، بس كيف 
_اعملي فيها عاوزة تعتذري ليها و اعملي سلمى كبري 
*خليها علي ، طالما ختيتها في راسي حأجيبا يعني حأجيبا يا #رغده .. 
_دا العشم برضو يا بت خالتي
*صحي رغد دايرة اسألك ، انتي البت دي صحبة سلمى ؟
_بري ما بعرف 
*يا بت كان شفتي ما فضل ليها الا تدقني اتنفشت فيني و سمعتني فارغ من خلعتي لمن ما قدرت ارد عليها ..
_لاحظت ليها لمن جيت داخله كانت منفعله شديد 
*وصل بيها تصاحب الخدامات !
_انتي ما عارفه سلمى والمبادئ القادانا بيها 
حي بس لو ما كنت مجبرة اتحملا ..
*هووي يختي ، احمد قرب يجي بعد داا انا ماشه بيتي 
_بتهزري طبعاا م حتحضري الحفلة ؟
*بحضر اكيد بس ما الليله ، بكرة..

خالتو صفية مشت فتحت الباب ، و جاتني داخله ، قالت لي في وحدة  قبل تتم كلامها عاينت لقيتا سلمى طبعاً اتخلعتا ، معقول لحقتني لحد البيت ! طيب انا كنت واقفه مسافه مع وليد لو فعلا حقتني كان لقتني واقفه معاهو !
قالت لي ما عايزة تيولي لي اتفضلي!
قلت ليها اسفه اسفه بس اتخلعتا ، تعالي اقعدي تعالي ، مشت علي سرير حبوبة ، وقفت مسافه تعاين فيها .. 
بعداك جات وقفت جمبي و هي بتعاين في البيت ، خالتو صفيه قالت ليها جايه عشان تتفرجي هنا ؟ قالت ليها اسفه ما قصدت كدا انا جيت اتكلم مع علياء ،قالت ليها انتي بت حنان ما ياها ؟ سلمى قالت ليها انا سلمى بت حنان فعلاً ،خالتو قالت ليها طيب ينفع لكن الحصل دا ؟ عاينت لخالتو صفيه قلت ليها حاجة حصلت و انتهت و قلت ليكي سوء تفاهم يا خالتو و بعدين سلمى م عندها ذنب وحالياً هي ضيفه في بيتي حتى لو هي المدت يدها علي ، طالما جوا بيتي ،واجب علي احترمها لحد م تطلع منه ما صح التأنيب علي شي ربنا كاتبو .. طبعاً سلمى احتارت فيني ، وخالتو صفيه قالت لي طيب انا ماشه ، قلت ليها انا م قلت ليكي كدا عسان تزعلي م بيهون علي زعلك ،، قالت لي لالا مافي اي زعل ،يلااا ، لو احتجتي حاجة تعالي ، قلت ليها تمام .. قدمتها 
و مشيت فتحت الصينية الفيها اكل مغطى ، لقيت ليمونة ، شلتها و مشيت المطبخ ، عملتها عصير و جبتو لي سلمى ...
شالت مني الكبايه وشربت منها و مسكت الكبايه و دنقرت كداا ،منتطراها تتكلم لقبتا ساكتا ، قلت ليها العرس حقكم دا متين ؟
عاينت لي و قعدت تبكي قلت ليها مالك ؟
قالت لي دا بيتك ! دا اسي ساترك ! كيف قاعده كدا انتي بأعتبارك بت براكي ي

ا علياء ،م ممكن تكون ظروفك بالسوء دا وين اهل امك وين اهل ابوكي م معقول تكوني كداا ! قلت ليها ربنا ما خلقني عشان ينساني !

#استككانة🐾~

يتبع ....