زوجة لسبعة أيام

٤٠

طيب الهزاز دا تلفونك ولا شنو ، وقفيهو !ّ
_ ااا اا ااا ااااي تت تلفوني قوم انت الوقت اتأخر ...
*لا انا حاخد اجازة ما ماشي الشغل ..
_شششنووووووو!
*براااحه طيب صنيتي لي اضاني ، دي فرحه ولا خلعه ! اي م ماشي ّ
_ ليه ؟
*داير اتفرغ لي مرتي حبيبتي واخلي بالي منها ..
_احمد اكيد ما جادي ، انا مالي اسي !
*لا جادي ، داير اخدك نغير جوو
_لا ما دايرة ، مالي مزااج لحاجة بس حابة قعدة البيت ، و قوم شوف شغلك ..
*خلاص بقعد معاكي في البيت انا كمان ..
_اففففففف....
*بقيتي عصبيه صراحه و ما قادر افهمك يا رحاب ..
_لا ما عصبيه بس انت م بتخليني براحتي ..
*راحتك في اني ما اقعد في البيت ؟
_لا راحتي انك ما تعاملني كأني مكسخة ، كلو مجرد حمل ، وانا عارفه تعاملك دا عشان الفي بطني ما عشاني ..
*رحاب دا كلام شنو يا بت الناس ، لا حول ولاقوة الا بالله ،، طيب طيب ، انا طالع حأمشي البيت الكبير، لامي ..
_طيب ، والبت دي مالها اتأخرت !ّ
*بت منو ؟
_علياء الحتنضف لي !
*اتصلي عليهااا .. لا اتصل انت
_تلفوني طافي جيبي تلفونك اتصل من عندك..
*تلفوني اناااا ! طط طيب .. ختو ف اضانك جرس ..
_رحاب ، جبتي رقمها من وين مش قلتي ما اتصلتي عليها ؟

( في جانبي )
*الوو
_ايواا يا علياء
*ايوا منو معاي ؟
_انا احمد
*احمد ! ايوااا احمد
_خير الليله ما جيتي !
*اي والله بعتذر ما حقدر اجي ، حبوبتي مريضه من امبارح و صعب اخليها براها واجي اشتغل ..
_سلامة ليها هي بقت كيف اسي ؟
*الحمدلله
_طيب يا علياء دا رقم المدام ، سجليهو عندك و اخدي وقتك و لمن تقدري تنزلي تشتغلي ادينا خبر .. عن ازنك ..
*انا ما ......*قفل السكة !!

( في جانب احمد)
* امسكي تلفونك ... انا قايم اجهز ..
_حتمشي الشغل ؟
*عندي كم مشوار
_حتتاخر ؟
*في شنو يا رحاب ، وقت كنت عايز اقعد معاكي رفضتي ، و وقت داير امشي بتسألي حرجع متين ، قصتك شنو انتي ؟
_ اا لالا ، م م مافي حاجة ولا قصدي حاجة انا بس ساي بسال ، و م وريتني علياء قالت شنو ؟
*قالت عندها ظروف مانعاها تجي ! م وريتيني رقم علياء جا عندك من وين ؟
_سجلتو لي هي امبارح !
*تمام طيب ، انت قايم ..

*بعد ساعه ونص من كلام احمد مع رحاب ، لبس و طلع ، على المكتب علي اساس يأكد على الاجازة ، بس كان في فايل على مكتبو لازم يراجعو بخصوص مشكلة في الشغل ، و شالو معاهو يراجعو في االبيت ، ختاهو في درج العربية .. و كمل مشاويرو على كداا ..
و لمن وصل بيت امه ، م لقى زول ، اتصل على عبير اختو ..
*الوووو
_هلااااا احمد ازيك
*الحمدلله وووينكم ؟
_والله زهجانين ، سقتا امي و طلعنا
*طيب انتو وين اجي افعد معاكم !
_انت جيتنا ف البيت ولا شنو ؟
*اي واقف براا
_مفتاحك وين ؟
*في البيت خليتو ما اتوقعت ما القاكم ، اها وينكم اجي عليكم ؟
_لالا ما بينفع تجينا قعدة حريم ..
*اهاااا ، لالا كان كداا انبسطو ساي انا برجع بيتي و بكرة بجيب رحاب و بنجي نتغدا معاكم ..
_خلاص تشرفووو يا غالي ..
*يلا سلمي على امي لحد ما اشوفهاا ..
_هي سامعاك بتقوليك فاتك جو حلو
*هههههه قولي ليها انبسطي يا غاليه و بكرة بجي عليكم ..
_قالت ليك في انتطارك
*يلا ف امان الله ..
_ف امان الله ...

( في جانب رحاب )
*انا ما بقدر يا ايمن
_دا ما اتفاقنا يا ست البنات ..
*ايمن عاين الساعه كم !
_لو الساعه 3 الفجر قلت دايرك تجيني والا انتي عارفه الممكن يحصل شنو !
*ايمن ما تهددني!
_هههههههههه اها طيب مشتاق ليكي اسوي شنو ؟ اتفلق ؟
*ايمن راجلي ممكن يجي يلقاني مافي وانا عارفه انهرم حيجي اسي بس كدا ممكن تحصل مشكله ، انت اخف مني و عندك عربيه تحت يدك ( للتوضيح ، ايمن دي ما عربيتو ، دي عربية صحبو ومشغلنها ترحال بس هو قاشر بيها) ..
_خلاص عشر دقايق واكون عندك ..
*م تتاخر
_راجلك بجي الساعه كم ؟
*لسسه م حيجي اسي طالما مشى عند اهلو ..
_حنقعد براحتنا يعني ؟
*ايمن يلا....
_جاي جاي ...

#استككانة_..💔
انا عندي مبدأ ، الكذبة م بتزوم و عمرها م تستر ليها زول ، و حتتعرف حتتعرف بي ربنا بيأجل وقت معرفتها ...