زوجة لسبعة أيام

٣٩

اما في جانبي انا ، زي م انا خاتة الكرسي قصاد حبوبه و قاعده بعاين فيهاز..
فجأة ، بعد سلمى طلعت لوليد براا ، عاينت لقيت حبوبة مفتحه .. بقيت بكووورك 
يا سلمى ، تعاااالي تعالي 
حبوبة فتحت تعالي شوفيها ههه ..
حبوبة ! حبوبة! شايفني ؟ سامعاني يا عمري انا ؟ انا علياء يا نور عبوني انتي .. 
هزت لي رأسها ، انا مافضل لي الا اطير ، قمت حضنتهاا ، 
جات سلمى لقتني حاضناها كدا ، قالت لي في شنو ؟ قلت ليها حبوبة صحت حمدلله ، قالت لي طيب كدا حتكتميها زحي منها شوية ، قلت ليها من فرحتي ياخ. 
زحيت منها لوراا حبوبة مسكت يدي ، و هزت لي راسها تاني انه انا بخير ، بقيت بقول حمدلله حمدلله حمدلله .. 
طوالي مشيت مطبخي ، دفيت شوربة العدس ، و جبتها ، و قعدتها و بقيت ااكل فيهاا ،
و اعاين ليها ، والله العظيم بالدنيا ، نظرتا لي دي بالدنيا و الفيها ، ياخ شنو ممكن يفرحني اكتر من كداا ! 
ماااافي والله مااافي ، انا في اللحظة دي اسعد انسانة ، اوووع تخليني براي يا حبوبة ، انتي الوحيدة الاتمسكتي بي في الدنيا دي و قبلتي بي وكبرتيني ، انا لسه عندي لحظات ما عشتها معاكي لسه ما وديتك بيت الله زي ما كنتي بتحلمي ، ااااي وضعي صعب و المصاريف البطلعا بتكون حقت يوم بي يومو ، بس كمان ربنا ما حيخزلني بيفتح لي ابواب رحمته و يخليني احقق امنيتك و امنيتي ، ااااخ يا الله ما يحرمني منك و يعافيكي و يبعد عنك كل الم و كل وجع يا رب العالمين .. فجأة سلمى قالت لي :
_علياء ليكي ساعه بتأكلي في حبوبة و اكلتيها و قاعده وسرحتي و انا منتظراكي تجي ..
*سلمى اعفي لي والله فعلاّ سرحتا في وش حبوبة و في تجاعيد الزمن الغزت وشها وخطوط يدينها ، ياااا رب تعافيها يا رب .. 
_اللهم امين يا رب بس تاني تابعي معاها و م تهملي رغم اني عارفاكي مسؤلة لمن اقوليكي ما تهملي زي البظلمك بيها ..
*فعلا اهملتا بس غصب عني ، مشيت لاكل عيشي..
_دا شنوووو ! انتي اشتغلتي ؟ 
*ايوة اشتغلتا ....... صح وليد جاب الدواء ! و دا شنو الكيس الجمبك دا ؟
_دا اكل طلبتو عشان ناكل ، دا ما وليد دا ياهو الدليفري ..
*الدفيفري دا شنو !
_لا يا علياء اسمو دليييييف ف رر ري .
*اها طيب ، دا مالو طيب ولا دا شنو ؟
_دا البوصل الاكل للعناوين البيوت وكدا .. 
*اول مرة اسمع حاجة زي دي وهو عرف بيتي كيف ؟
_يا علياء انا بكون رقم المطعم ، بتصل عليهم بختار الاكل العايزاهو و بوريهو طلبي ، و بعداك بديهو العنوان بالتفصيل ، و بيجي يوصلو لي زول من المطعم و بديهو قروشو ، دا بيسمو دليفري ، عرفتي ؟
*ايواااااااااه ، والله الدنيا دي ، سبحان الله ..
_تعالي اكلي تعالي خلي الغلبة 
*عايني اكلي انتي والله نفسي اخد لي حمام ..
_بعد الاكل حتبرد ياخ ، اقعدي اقعدي الحمان ملحوق ..
*اهاااا قعدتاا ، بيني وبينك انا زاتي جعانه وياداب نفسي اتفتحت على الاكل ..
_ هاكي ..
*دا شنو شكلو حلو ؟
_دي بيتزا ، اكله ايطالية ، بيعملوها هنا بس مشي حالك ما بتطلع زي ديك لكن حلوة اكليها ..
*عشتا وشفتا ، لحظه اضوق حبوبة منها ..
_ضوقيها حته ما صحية عشانها ..
*اخلبها يعني ، ما صحية !
_لا حتة ما حتأثر .. 
*متأكدة ؟ 
_ايواااااه متأكده و اديها من البطاطس دا حتتين هاكي ..

و فات الليل ، اول مرة احس بي ونيس لي و يقاسمني الليل و يتونس معاي و م احس بالزمن ، اااي سلمى بت مافي منها و انا عصبت عليها من ولاشي و حكمت عليها ، بالجد ما عارفه لكن الحصل انتهى بس كلها عقبات و مواقف و بتثبت لينا طبيعة البني آدم ... 
اصبحنا والحمدلله ، حبوبة كويسه شديد حمدلله ، حممتها و خلصتا حاجاتها كلها ، و انا بفرش ليها ، حسيت اني عفصتا حاجة برجلي ، دنقرتا ، لقيتها علبة الحبوب حقت حبوبة ، ياخ انا والله زي اللقيت كنز ، انا متأكده كانت مع العلاجات ، حمدلله بس ، حمدلله ..
شايفة سلمى بتتكلم تلفون و متضايقه كداا .. و كانت المكالمة :
*يا امي والله رسلت ليكي مع وليد !
_سلمى قلت ليكي وليد ما كلمني و بعدين قصتك شنو انتي مع البت دي ! 
*قصة شنو يا امي ، انتي ربيتيني اتعامل و اساعد الناس واقيف معاهم و بعدين انتي اكتر وحدة عارفه اخلاق علياء !
_لا ما بعرفها والله ، كلها معرفة تلاته يوم ..
*يا امي الزول بيظهر ليك من موقف واحد خلي تلاته يوم ، المهم يا امي كلمت وليد يوريكي لمن بقيت بتصل و تلفونك مقفول و هو نفسه ما قالي حاجة ..
_انا ف بيت خالاتك م قعد اخليكي تبيتي لمن تمشي تبيتي لي في مكان غريب !
*يا امي خلاص عليكي الله حصل لي شنو يعني ! انا مبسوطة علئ الاقل لو احتاجت حاجة بقدر اساعدها و ااااا **جيت انا قاطعتها ، قلت ليها مالك صارة وشك كداا ، مزعلك منو ؟ قالت لي ما نزعلني زول بس بتكلم مع امي .. قلت ليها جد عليكي الله اديني ليها و شلت منها التلفون .. 
*الووووووو خالتووو ازيك كيف حالك و الله سائلة منك و في بالي يعلم الله ، و بالجد ما عارفة اشكرك كيف انك خليتي سلمى تبيت عندي بالجد شكرا ليكي و ان شاءالله اقزر اردها ليكي ف

ي لحظات فرح و يحفظ ليكي سلمى و تعيشي و تربي تربية زي تربية سلمى ، الله يحفظكم ،و شكرااا مرة تانية ... هاكي سلمى معاكي ......
سلمى ، سلمى هاكي مادة ليكي التلفوووون .... سرحانه وين !
_معاكي معاكي يا علوشة ..
*طييب امك ف التلفون م صح تعلقيها ردي عليها .... سامعه صوت تلفوتي جادعاهو وين ما عارفه ... 

( في جانب رحاب ) 
_احمد 
_احمممد قوووم يا احمد 
*ايوا حبيبتي انتي كويسة ؟
_ايوة كويسه قوم الوقت اتاخر نمته كتير الليله ! 
*طيب الهزاز دا تلفونك ولا شنو ، وقفيهو !ّ
_ ااا اا ااا ااااي تت تلفوني قوم انت الوقت اتأخر ... 
*لا انا حاخد اجازة ما ماشي الشغل ..
_شششنووووووو!

#استككانة😑..