زوجة لسبعة أيام

٥٩

عاينت ليهو لمن مشى .. 
و كملت تهجئة في الايات ، وانا واقفة في مكاني حسيت بالتلفون بيرن ، طلعتو من جيبي و رديت .. 
_علووووشتي 
*سلووووومة مشتاقه ليكي والله
_انتي فاضيه لي !
*ليه ما فاضيه ليكي من شركاتي المردرمة ههه..
_هههه عارفاكي عند عبير ،صراحه كنا عاملين ليكي مفاجاة امس اني اجي لمتكم بس ما قدرتاا ، تعبت شوية كداا.
*تعبتي ! مالك فيكي شنو بسم الله !
_قالو فقر دم والله و انا مع جري الجامعه دا ما شغاله بالاكل كتير ..
*كيف فقر دم سجمي يا بت 
_يعني دمي ناقص 
*واااي يا سلمى طيب دي علاجها شنو ؟
_ا بت ما تتخلعي كدا بسيطه بي حبوب و لكل فيهو حديد دمي بزيد
*تاكلي حديد ؟
_ههههههههه يا حليلكيا علوشة والله ، حديد يعني نوع اكل معين فيهو فوائد مغذية و بتزيد نسبة الدم ..
*اهاااا طيب اكلي منتظرة شنو ، انا بعرف اسوي مديدة اعملا ليكي ؟
_ههههههههههههه علوشة ياخ انتي عسل ،المديدة ما ليها علاقه ، مادة الحديد دي بتكون موجودةفي الخضروات اكتر شي عرفتي ؟
*طيب اجيب ليكي سلطة يعني ؟
_لا م تجيبي حاجة ،اشتقت للونسه معاكي بس ، تعالي مع عبير ..
*اكيد حاجيكي بس نصلي الضهر و عبير دي تصحى ، خلي بالك من نفسك يا بت 
_حااااضر ، اوامرك يا فندم هههههه
*عويرة هههه يلا سلام ..

(في جانب ايمن )
انا بعد دا لازم اقلب التربيزة على رحاب دا الوقت المناسب عشان تحل عني واتفرغ تماماً ل عليائي ، لانه طول م هي مرازياني كداا حتخنقني وما حأقدر اخد راحتي ، طيب دي اول الخطة ... امممممم صورك وين صورك وسجل المكالمات .... ايواااااه كدا تمام ،، طيب انا اسي لازم انجز لانه مدة السلفيه فضل ليها 15 يوم لازم اطلع برا الخرطوم في اسرع وقت، يا الله اموري جاطت ،، اسلم حل اوقف عربيه محمد دي من ترحاال ( عربية صحبو الشغال بيها ترحاال ) ..ابيع العربيه واطلع بس واساسا الجامعه دي ما نافعه معاي ... طيب و عليائي !

( في جانب رحاب )
*امي!
*امييييي!
_نعم 
*مالك ما بتردي !
_انت عارفه ان اخوكي حيجي الليله ؟
*اخووووووي لالالا ما كلمتوني وووب علي ، وجاي متين ؟
_بكرة بالمساء
*وجاي لشنووو ؟
_جاي اجازة كيف يعني جاي لشنو ( دا اخ تاني غير وائل، انتو متزكرين ان وائل و سلمى في حاجات كدا بينهم بس ما مصرحين بيها ! )...
*يا الله ، طيب انتي لابسه ماشه وين ؟
_ماشه ناس حنان قالو سلمى دي تعبت شوية كدااا ..
*طيب جاية معاكي 
_بمنظرك دا !
*مالو منظري يا امي ؟
_زي العيانه ليكي 8 سنة ، قومي اللبسي منتظراكي و سوي ليك حاجة ف وشك داا ..
*طيب ي امي ... 

لقيت عبير مسبقاً عارفة بمرض سلمى ، شلت هم حبوبة ، بس ام احمد قالت لي انا بقعد معاها ما تشيلي هم ، دايرة نمشي و شايفه عدير بتتصل بتتصل و واقفه ، قلت ليها مالك ! قالت لي منتظ.....*هدااك ليهو جاا ، يلا ..
استغربتاا ، المهم ركبنا العربيه .. 
عبير قالت لي يا حليلا سلمى والله ما تستاهل ، قلت ليها اي والله قدامها العافيه ان شاءالله ، قالت لي بما انو سلمى صحبتك عارفه صوتك حلو كدا ؟ قلت ليها انا م بغني الا لحبوبة بدندن ليهاا و اغاني زمان دي كلها حفظتني ليها هي ، عشان كدا م عندها فكرة ، قالت لي خلاص رايك شنو نعمل قعدة وتغمي ليهر نغير ليها جو !
احمد ، قاليها ف شباب في البيت ، قالت ليهو يعني شنو عادي انحنا برانا حنكون ، سكت وتاني قاليها صوتها زاتو م حلو ومزعج ، عليك الله م تزعجو الناس ساي ،، عبير دي لمن سكتت وبتعاين فيهو مستغربة ، انا بالجد حسيت بالاحراج و كرهت فكرة اني اغني للحظة ، عبير قالت ليهو احمد !
قاليها مالك ! دي الحقيقه ، قالت ليهو م صح منك رغم انها ثا الحقيقه ، و شدو في بعض كلمو بكلمة ، انا قاطعتهم بضحكة قلت ليهم انتو جادين اتشاكلتو اسي هههههه ، طيب ياخ عادي فيها شنوو ، زي لمن تمشو محل تختارو حاجة ،في حاجة تعجب احمد و ما تعجبك انتي ، دا اسمو اختلاف اذوااق واراء ، وانا بحب الغناء معترفه ، بس عارفة انه صوتي عادي ، وكل البيحصل مني هو دندنة اوقات زهج ما اكتررر ، لا رايك صح يا عبير ولا رأي احمد غلط ، عادي مالكم مكبرين الموضوع هههه ....
احمد سكت تاني حرف م نطقوو ، عبير قالت لي م تشتغلي بيهووو ،عاين ليها وقاليها انزلي وصلنا ، قالت ليهو اسمها انزلووووووو!
قاليها لحظة قبل انسى داير اسالك يا عبورة ، قالت ليهو وقت داير مني حاجة بقيت عبورة نسيت قبل شوية كنت بتشاكلني ! قاليها ياخ اصبري ، عايني ركزي معاي !
*متزكرة سيف صحبي؟ 
_لا سيف منو ؟
*الحضرنا عرسو طول !
_حضرنا اعراس كتيرة لاصحابك والله م متزكرة اها مالو ؟
*م علينا ، المهم ( بدا يتكلم وهو مركز بعاين لي في المراية والغريبة م نزلت عيني ، بنعاين في بعض بعمق ) المهم ، حصلت مشاكل مع زوجته و اتوصلو للطلاق والزوجة حامل وهو داير الولد ، القانرن بيديهو ؟
_لا الطفل محتاج لأمه خصوصا في الفترة الاولى ، لكن لو انت عرستا وهي عرست القانون بيديك حق الحضانه قبل السن القانوني اللي هو 8 سنة !
*انتي ليه بتمثليها فيني ؟

_ما قصدت دا ضرب مثاال بس 
*طيب انزلوو ، انا عندي مشوار قريب وراجع ..
_طيب ... 
نزلنا ، من دخلنا استرجعت زكريات اول يوم لي ف البيت داا ، ليهو مكانة عندي ،، دخلنا كان باب الصالون فاتح ،ماشاءالله بيتهم دا دايماً عامر ، من غير قصد والله اتلفت شفت وليد قاعد ، وشافني لمن فتح خشمو زي الاتخلع كداا ، المهم دخلنا لجواا ف الحوش ، لقينا الخالات متجمعين في الجبنة والبخور والونسة ، سلمنا ، و طلعنا على غرفة سلمى ، لقينا رغدة قاعده جمب سلمى ، و وحدة تانية م عرفتها ، خشيت فيها بالحضن مسافه والله م دايرة افكها ، بس فكيتا كدا وقبلتا بضهري لقيت رحاب ! في وشي..

#استككانة_☕