زوجة لسبعة أيام

٦

 للصيدلي والله انا عندي قروش و كنت خاتاها هنا ، كانت في انا متأكدة والله في والله في ، صدقني ، م معقول فاتو وين والله شوف عيني القروش الادتني ليهم عزة الكنت شغاله عندهم والله جد والله جد ..
اتفاجأتا بالصيدلي لف من جواا ، جا طالع علي ..
(في جانب تاني )
_هسي انتي ممكن تستفيدي منها 
*استفيد منها في شنو المسكينه هي و حبوبتا ما حيلتهم حاجة ّ
_يعني عامليها زي بتك الربنا ما رزقك بيهاّ
*اجي ! يا اسماعيل
_اسمعيني للاخر يا صفية ، 
*اهااااا
_هسي انحنا بيتنا دا كبيييير ، يعني انا وانتي برانا و هي و حبوبتهم براهم ، بدل يدفعو ايجار في بيت زي دا كلو مفتح و مكشوف للشارع و خصوصا في الخريف حيتعبو شديد ، انا شايف انحنا اولى بالقروش دي 
*يا لطيييييييف منك يا لطيييف بري بري منك يا اسماعيل تموت في القرش دا موت ، انا حسي قلتا خلاااص الراجل حيقول لي نجيبهم نقعدهم معانا ونكسب فيهم الاجر علي الاقل نراعي للمرة الكبيرة دي لعل و عسى ربنا يفتحا لينا في وشنا ، لكن جاي تقول لي ناجر ليهم احنا و نحنا اولى بالقروش ، هي وينا القروش ما المسكينه دي بتلحس الواطه لحس عشان تطلع قرشين تمشي بيهم روحا ، ياخ اختششي ...
_شنووووو يا مرة انفجرتي في وشي زي انبوبه الغاز ، ما كان راي دا قلتوو ، خلاص انتي حرة انا مالي ...
*رايك اخير عدمووو ، قوم قوم شوف صلاتك بي وين 
_تعالي اديني كف بالله 
*اسماعيل قووووم عليك الله براي مصدعه انا ...

استغربتا في الصيدلي بعاين ليهو لمن جا عندي ،قالي لي استهدي بالله ، و روقي ما حصل حاجة ، بتكون وقعت منك في البيت ولا حاجة ، بس قولي لن يصيبنا الا ما كتب الله لنا و لو وقعت ياستي بتكون مشت للمحتاج ليها اكتر منك و احتسبيها صدقه طلعتيها .. قومي ... شال مني الشنطة و خت لي فيها القطرة و اداني ليها .. 
قالي بكرة تعالي لي زي الوقت داا حأكون جبت ليكي علبة من الحبوب المحتاجاها ،، قلت ليهوو لالا م تجيبا اسي م حقدر و القطرة ( بقيت اطربق شلت الهم ) 
قالي انا ما داير منك قروش ، يمكن يجي يوم احتاج لبكي برضو ،قلت ليهو تحتاج لي انا ؟ كيف وانت ما بتعرفني و انا ما حأدخلك في مشكله تديني قطرة من غير ما تاخد تمنهم ، قالي اولا ماف زول بحاسبني غير ربنا و ثانياً اخدي العلاج و بكرة م تنسي تجي ، قلت ليهو شوف انا عشت طول السنين دي م مديت يدي لي زول و لا اخدت لي حاجة من زول لو بموت من الجوع ، و ااي نعم انا في امس الحاجة للعلاج دا لحبوبتي بس كمان م بقدر اخدو كداا ،، قالي وانا بحترم كونك كدا ، و لمن تقدري تتحصلي علي المبلغ تعالي رجعيهم لي ، و دا رقمي ... و جمبو اسمي قبل ما تجي كلمينذ شرفيني موجود ولالا .. قلت ليهو تمام .. اسمك وينو ؟ 
قالي دااا ! قلت ليهو اقراهو لي .. قالي وليد قلت ليهو شكراً يا وليد .. و مشيت 

ماشه وراسي داير ينفجر ، كل اعتمادي علي القروش دي بعد رب العالمين ، اي زي ما دقولو لا حارياها لا دارباها ، الله رزقني بيها و اسي حتى الفكة الكانت عندي مافيشه ، اللهم اني لا اسألك رد القضاء ولكني اسألك اللطف فيه .. وصلتا شارعنا .. لقيت عم اسماعيل قاعد بالكرسي برا ، قلت ليهو : 
* السلام عليكم عم اسماعيل 
_عليكم السلام
*عايزة خالتو ضروري عليك الله قاعده ؟
_ايوة جوة بتعوس في كسرة 
*تمام 
كل الخاته في بالي امشي عشان استعجلا في موضوع الشغل الطلبتو منها ، بعد رب العالمين متكله عليها .. دخلتا البيت بسرعه 
و .. بقيت بنادي يا خالتو صفيه خالتووو وووينك انتي ، خالتووووو .. لفيت ف الحوش التاني اتجاه المطبخ .. بس فجأة سمعت صوت مشي جاي من وراي ، اتلفتا لقيتو عم اسماعيل .....

في نفس اليوم بليل كان ... 
( في جانب تاني )
*مبروووك يا عروسه 
_و مبروك ليك كمان 
*تسلمي ، طبعاً زي ما كلموك ، حنبيت هنا ليله و لازم ننوم الكم ساعه ديل ، عشان طيارتنا 5 صباحاً ..
_ما كلموني والله انا قايله حنقعد هنا
*هههههههه اتلومو معاك لكن ، بس ان شاءالله ما تكون مفاجأة بايخه او ما جاهزة ليها !
_ههه ياخ معقولة كيف ما جاهزة ليها (دا انا اجهز ليها مخصووووص اصلاً انا معرساك عشان الروووقه دي ، اخيراً حأطلع براا البلد الفقر دي و اشوب الدنيا ، اااااخ و الله انك صبرتي و نلتي يا رحوبة هاهاهاهاهاي)
*قلتي حاجة انتي ؟
_لالالالا بس سرحتا ساي 
*طيب اخدي راحتك ، رايك شنو نطلب عشاء ؟
_لالا جعانة نوم صراحه 
*خلاص طوالي تنومي و تاخدي راحتك 
_تسلم 
*انحنا حنتكلم بي رسميات كدا كتير ولا سنو علي فكرة انتي بقيتي مرتي يعني عادي م تحسسيني انك شغاله سكيرتيرتي ..
_ هه م للدرجة دي يا ايمن ..
* اااااا احم ، بس انا اسمي احمد ما ايمن 
وانتي عارفه اسمي كوييس م لدرجة تنطيهو و تناديني بأسم زول تاني ،ايمن دا منووو ؟؟

*ملحووظة 

في الحلقات الجاية فضلا لو في وحدة 🔞 يا تقريها بالفايده كأنسنة واعيه 
يا تتجاوزيها. فضلاً ... 

#استككانة🔫~

يتبع ....