زوجة لسبعة أيام

١٠

اليوم عدى ، عادي مافي اي حاجة تزكر بالنسبه لي ..
ّ( في جانب عبير) 
*هاه حبيبي 
_ها طلعتي ؟
*وصلتا عديل ، راجل ولا شاب الرسلتا معاهو ومالو ما اتصل علي ؟
_لا شاب، اديتو رقمك حيتصل عليكي 
*طيب اقغل انت يمكن بيحاول وانت شاغل الخط 
_لا مش عندك انتظار م تشيلي هم ، بس وريني لابسه لون شنو عشان اكلمو ..
*ام ما بعرفو ، الطرحه لونا كدي زي البرتقالي و ما برتقالي ياخ خليك من الطرحه ، انا لابسه نضارة شمس ولا بسه الباقي اسود و الشنطة طقم الطرحه ...
_طيب حاكلمو 
*تكلمو كيف وانت معاي ع الخط و بعدين انت اتصالك دا مش دولي رصيدك م بنتهي ؟
_اممممممم مشكلتك م ركزتي في الرقم الاتصلتا ليك بيهو 
*كيف يعني ؟
_يعني ييييييي دي انتي ؟؟؟
*بنرجع ليهم*

اما انا ...
من ضمن الايام شالتني نومة ، م صحيت الا ب خبيط الباب و صوت خالتو صفيه ..قمت مخلوعه ،جريت على الباب فتحتو ليها .. قالت لي خوفتوني مالك م بتفتحي و الساعه 11 نايمة لحد اسي !
قلت ليها م بعرف نمت كيف والله و م حسيت على حاجة والغريبه نايمة بدري .. قالت لي م مشكله اللبسي و صحقحي سرعه كدا اوديك للمرة ،، فرحتا فرح ، قلت ليها جد ؟ 
قالت لي اي يلا سرعه بس ، قلت ليها م بقدر اطلع الا افطر حبوبة قالت لي عندك شنو بخت ليها انا ، قلت ليها سلطه بس معليش يا خالتو حكلف عليكي ، قالت لي طيب ، قلت ليها مسافه تجهزيها لازم احميها و اوديها الحمام ، قالت لي تمام .. سقتا حبوبه ختيتا في عنقريبا حميتا و لبستها ، عاين للهدوم لقيتا كترت للغسيل و م عندي حق الصابون قلتا ربنا بيفرجا .. 
خلصتا ورجعتها سريرا و انا مشيت لبستا ، خالتو صفيه فطرتا و اديتا علاجها و استودعتها الله الذي لا تضيع عنده الودائع و طلعنا .. 
قلتا لخالتو صفيه عليك الله لو غبتا تطلي عليها عليك الله بالذات بعد ترجعي ، قالت لي م تشيلي هم يلا بس سرعي ..

وصلنا لانو المرة كانت قريبه من صيدلية. دكتور وائل نفس المسافه بس وراهم بشارع ،، مشينا .. رحبت بينا و كانت بتعاين لي و معجبة بي شديد ، كل شويه تقولي حلاتك و سالت خالتو صفيه دي اهلها وين بتشتغل الشغل دا حرام والله .. قلت ليها معليش يا خاله انا مقدرة تعاطفك معاي واي زول بشوفني بقول كدا بس احسن اشتغل بضراعي من امد يدي للناس و انا بصراحه حياتي واهلي بشوفا خصوصيات م بقصد احرجك لكن م بحب اتكلم عنها ف النهايه انتهى بي المطاف بشتغل الشغل دا والحمدلله رب العالمين رضا طالما رزقني بالعافيه .. استغربت فيني وعاينت لي كداا .. 
قالت لي طيب انا م حشغلك مستديمة ، عندنا مناسبه و من بكرة تجي يدك معانا من نضافه لغسيل عدة لي كلو .. خالتو صفيه قالت ليها بي كم حيكون ؟ قالت ليها على حسب شغلها انا بخلي اختي تكرما ، و الشغل حيكون هنا في بيتي لانو العروسة محبوسه عندي .. خالتو صفيه قالت ليها برضو حتديها في حدود كم ؟ قالت ليها تشتغل معاي التلاته يوم بديها الالف قافلة .. خالتو قالت ليها حبه ، دي حتكون نضافه شامله و يمكن الشغل كلو يتكل علي راسها و انحنا عارفين شغل المناسبات داا بكون كيف وقبل تبدا اي شغل تسلميني القروش في يدي .. عاينت لخالتو صفيه استغربتا بس قلت هي اكيد عايزة تضمن لي حقي ، بس كمان هي قالت بتعرفهم يعني مفروض تكون في ثقة متوفرة ..
قلتا عديلة انا مالي .. اتفقو ، و اخر حاجة اتفقنا من بكرة الضهر بكون معاهم ، احسن من العدم علي الاقل اسدد قروش العلاجات و اجيب اكل للبيت و اتم باقي العلاجات .. 

رجعنا ، خالتو صفيه قالت لي م تسوي حاجه للغدا انا طابخه( في سري قلتا هو في شنو اسوي ، ) قالت لي ، برسل ليكي الصينينه مع عم اسماعيل .. انا هنا قلبي قبضني 
قلت ليها انا بجي بشيلا م تتعبي عم اسماعيل هو براهو تعبان ، قالت لي لا بجيبا عادي شغلتو شنوو .. يلا يلا ... 

( في جانب تاني )
_ما بتقدر يا ايمن 
*ما بتقدر دي قولها لي زول تاني 
_اها اقنعتها كيف ؟
*اكيد ما بالساهل لوحدة مسلمة بس بكلام الحب و الرومنسيه و بدخل فهمي في نصو و بقدر اوصل ليها كلامي و بتتقبلو 
_يعني اقتنعت ؟
*شوية شوية ، اول حاجة وقفت الصلاة
_معقول طيب وراجلا 
*ياخ انت اصبر علي زواجها دا اصلا ما حياثر في حاجة االدايرو بسويهو نوعية رحاب دي يا صحبي ما عندها عقل ، جاريه ورا حاجات فارغة و سهل اني استغلها و حتشوف ... 
_عرفت بالواضح انك #مُلحد ؟
*اكيد لا ، بس لمن تعرف اني ملحد حيكون الوقت فات لأنها تسوي حاجة .. 

#استككانة_🙉~... الله يحفظنا ..