زوجة لسبعة أيام

١٩

بعد سلمى طلعت .. 
مشيت غيرتت الكنت لابساهو ، و انا في المصلاية حبوبة فتحت عاينت لي ،و كنت قصادها طوالي ، من شفتها طوالي قمت مشيت عليها ، شلت منها الغطا ، لانها كانت عرقانه كدا و نامت كتير غير العادة .. قلت ليها بصوت عالي ، انا اتزحلقتا في الحوش ورا ما تتخلعي ( لانها كانت بتعاين في وشي باستغراب) .. قامت مسحت لي بي يدها في خدي محل الورمة .. 
ياخ والله ارتحتا شديد ، يدها فيها البركة ، بس لاحظت انها كانت سخنه شديد ، لمست جسمها لقيت عندها حمى .. طوالي قومتها ، علي الحوش و قعدتها في العنقريب و بقيت بحمي فيها بي موية باردة من البرميل .. و لبستها ، ورجعتها قعدتها ، اكلتها و اديتا العلاج ، شويه و رقدتها تاني .. و بقيت قاعده جمبها لحد الساعه 8 بليل ، كل شويها اطمن عليها و ارجع ارقد .. 

( في جانب تاني ) 
*ليه عملتي كدا يا رحاب ؟
_وريتك يا احمد الموضوع بسبط بتكبرو ليه ؟
*عشان عايز اوديك واجيبك يبقي كبرتا الموضوع ؟
_ما قصدي بس ما مستاهل كل داا ّ
*طيب ممكن ما تكرريها لحدي ما عربيتك تصلك ؟
_حاضر حبيبي 
*عيون حبيبك انتي 
_مالك اتاخرتا كدا من وقت قلت جاي قعدت منتظراك 
*اخرني واحد من الشباب 
_اهاااا 
*اكلتي ؟
_ايوة 
*صليتي حاجة ؟
_ااا ا ...اا اي ص صص صليت 
*ربنا يتقبل حبيبتي ... دي شنو ؟
_شنوووو ؟
*دي مش ولاعه !
_وو وويي وين !
*قدامك ، دي مش ولاعه. ؟
_ممم اااها ااي ااي و انا داخله عمارتنا لقيتا واقعه في السلم شلتها جبتها قلت اولع بيها البوتجاز ..
*بس بتوجازك اوتوماتيك !
_جد ؟
*ايوة جد 
_عارفني م حصل طبختا من جيت و قلت ليك دايرة خدامة انت رفضتا ..
*م رفضتا يا رحاب قلت ليكي شوفيها بطريقتك ..
_صح
*ماعاجباني انتي الليله 
_في احسن حال بس نعاس 
*انتي مالك كل م اجي اقرب ليكي تقولي لي نعاس في شنو ؟
_مافي حاجة حبيبي بس صدفه
*تمام ، طيب نومي 
_طيب ....

صحيت الصباح مع نومي المتقطع دا .. شقرتا على حبوبة ، لقيتا كويسه حمدلله عاديه ، خلصت ليها حاجاتا كلها ، و حاجاتي ،لبست لبسه من ملابس سلمى تحت العبايه ، و مشيت لي خالتو صفيه ..صبحت عليها و اديتا المفتاح ، و مشيت على شغلي ، و طبعا الليله اخر يوم .. 
مشيت دغري علي البيت ، واليوم دا كان جواي احساس غريب ، زي كأنه الليله اول يوم اطلع فيهو للعالم ، عندي ثقة في نفسي غريبه ، يمكن الموقف الحصل معاي كان في صالحي يعني من جوااي كدا حسيت انه رغم الاهانة الا انه اداني قوة اني ما اكون متساهله مع اياً كان .. 
وصلتا ، الشارع جمب البيت ، و سمعت صوت بوري ورااي ، قمتا زحيت على جمب علي اساس انه العربيه تعدي و ما اتلفتا ، بقيت واقفه و وهو بيضرب في البوري ،، اتلفتا لقيتا عربيه ملاكي كبديه ، لمن لقيتو وقف و بصرب بوري قلتا معناتو م مني ، مشيت بقدامها و علي بيت الشغل .. قام طلع راسو بالشباك قالي دايرة تموتي انتي ما قادرة تنتظري لمن اركن ،، رجعت لورا عاينت ليهو و سكتا ، بقى يبرطم السمعتو انه عالم غريبه ، قلت ليهو حسستني انك سايق شاحنة ، كونك ما قادر تتعامل مع عربيتك والسواقه م تطلع فشلك على العالم .. 
و دفرت الباب و دخلتا .. علي يميني في صالون وصاله دي مليانه رجال ، و الباقين حريم و بنات و شفع في الحوش ، مشيت دغري المطبخ بفتش في خالة حنان ، م لقيتا ، دخلت الصاله جواا لقيت الحريم و م لقيت زول اعرفو ..طلعت الحوش براا ، لقيتا ياداب داخله زي الكانت في سوق ، انتظرتها لمن دخلت .. سلمت علي و عاينت لي وشي و اعتزرت لي ، قالت لي الليله عفيتك من الشغل، قلت ليها لا الاتفاق اتفاق ما تتعاطفي معاي شديد كداا ، يلا من قبيل منتظراكي توريني ابدا من وين ..قالت لي تعالي طيب ،، و تتكلم مع دي و مع دي نمش خطوة و نوقف عشرة .. لمن دخلنا الغرفه ، فتحتا بالمفتاح ، دخلت و دخلتا وراها ..
لقيتا طلعت لي المكوة و تلاته جلاليب بي عممهم ، و تربيزة المكوة ، قالت لي اكويهم و طبقيهم هنا ، و دا المفتاح بعد تخلصي جري وراكي الباب و اقفليهو .. قلت ليها تمام 

( في جانب قريب مني شديد )
_جات جات شفتيها ؟
*ااي شفتها قبلك ، حي انا بس كان يفكوني عليها 
_في شنو يا رحاب مش اتفقنا تسايسي لي الامور ؟
*ايوة لكن المقطعه دي م تتخيلي ردت لاحمد راجلي كيف !

#استككانة☕~