زوجة لسبعة أيام

٤٨

*احممد!
_كيف حالك ؟
*الحمدلله 
_حبوبتك كيف ؟
*احسن حمدلله 
_عارف انك قاعدة براكي و م صح ادخل ، و كنت حابي اتطمن على حبوبة ، اذا ممكن زي م انتي اقيفي جمب الباب بس مسافة ادخل و اطلع دقايق ..
*اتفضل .. ( صراحه استغربت في تصرفو وفي رجولتو وفي كلامو زاتو منسق ومنمق كدا رغم كل شي بس بيفرض احترامو غصب ، عكس يوم كلمني بالتلفون ، اصلاً ما اتوقعتو يجي ) .. 
دخل زي خمسه دقايق و جا طالع ، وانا دخلتا ، واقفه جمب الباب ، قالي .. 
_بتتصرفي من وين ؟
*ما بحب زول يتدخل في حياتي الشخصية .
_دا م تدخل لو سمحتي ، اي راجل في مكاني حيسأل اتا ما زول فشولي لعلمك ..
*طيب بصرف من باقي قروش شغلي مع خالة حنان ..
_طيب حبوبتك دي وضعها دا م بينفع ، في النهاية انتي بنت مهما الظروف جبرتك فا عندك حد ، الراجل ما حيتحمل مسؤلية زي دي ..
*احمد ، دي ما حبوبتي ! 
دي امي دي ابوي ، دي اختي دي اخوي و حبوبتي وجدي و اصحابي و دنيتي كلها ، هي كمان مرت عليها ايام اشتغلت وطفحت الدم عشان تأكلني و تسترني ، يبقى ما من الصح لمن الدنيا تدور و يجي دوري اتنكر ليها ، و حقيقي انا سعيدة بحياتي دي بالفيها والمافيها..
_انا ما بقوليكي اتنكري انا بتكلم بي منطق دي م حياة معليش يعني ، ولا دا شغل بصرفكم ..
*يا استاذ على قدر العندي والماعندي ، حمدلله على النفس الطالع والنازل دا .. 
_حمدلله ، انا جيت لاخر مرة اتكلم معاكي على الاقل زولة موثوق فيكي و اشتغلتي معانا قبل كدا ومع خالة حنان و انا دايرك تاكلي عيش ، فاا انا عايزك تجي تشتغلي ما ساعتين تلاته و تمشي ، لا زي م شفتي البيت كبير و بيوفر ليكم غرفة بي احتياجتها يعني بتقدري تجيبي حبوبتك و تشتغلي شغلك وانتي مرتاحه ، بالاضافة ل قاطعتو ...
* اقعد انا ! و حبوبة ، مع مرتك انت ؟
_ايوة مرتي انا !
*اللي هي رحاب !!
_ايوة رحاب ..
* يلا انا عارفة ان دا الحل الوحيد 
بس الما بتعرفو انت ، ان مرتك دي عادي تقتل حبوبتي ! 
_دا كلام شنو ؟
*دا كلام عديل بما انها مرتك مفترض تكون عرفت الحاجة دي .. 
_مرتي عصبيه بس محتاجة المسايسه وزول يفهما وانتي م حتحتكي بيها كتير ، انا ناوي احول شغلك للشركة عندنا و يكون اوسع ..
*ما عارفه اقوليك شنو ااي انا نحتاجة للشغل دا بس كمان مادايرة مقاطعني ..
_يكفي انك محتاجة للشغل دا ، بكرة حأجي اسوقكم ، اتوكلي وربنا يجيب الفيهو الخير ..
و مشى ... 
وقفت مسافة بفكر ، طيب هو ليه بعاملني كدا ، دي حتى ما شفقة ، م عارفه بس فعلاً دا الحل الوحيد حأتوكل على الله ومنو تكون حبوبة زاتا تحت عيني .. 

( في جانب رحاب) 
*ايمن خليها بكرة ارجوك 
_لا اسي دا يا اجي يا تجي 
*عليك الله لا م تتعبني ، خليها بكرة وانا بجي وعد ..
_اذا م جيتي حتحصل حاجة مافي حسبانك 
*طيب طيب يلاااا .... 

فات اليوم داا رغم الناس الجوني والحاجات الاستجدت فيهو الا كان حلو بالجد حلو ، و جية خالتو صفية ، بالجد المسامحه مافي اريح منها حتى لو الزول دا غلط عليك و اذاك ف النهايه مغلوب على امرنا و كلنا بشر و نسامح و نتسامح والله نفسياً الزول برتاح ، اصلاً طبع البني آدم حنين مهما اتدعى القسوة .. 
قمت الصباح ، وريت حبوبة المفروض يحصل ، سبحان الله هي بتريد احمد ، كل م اجيب ليها سيرة واحد طوالي تقولي احمد .. المهم جهزتا شنطة هاندباق ، و شلت علاجات حبوبة في كيس و لملمت حاجاتنا المهم بطريقة مؤقته ، الساعه 1 كان جمب البيت ، طلعت ختيت حاجاتنا و نزلتا حبوبة على الكرسي و طلعت بيها لحد الباب ، احمد جا شالها ، و ركبنا واتحركنا .. 
*بعد ساعه الا ربع *
وصلنا ، و دخلنا بي باب تاني زي الغرف الجانبية ، اصلاً استخدامها بختو فيها العفش الزيادة والقديم والمكسر ، بس دي كانت ما فيها غير سريرين و تلاجة صغيرة و مكيف الاصلاً اول مرة اشوفو و تربيزات ، و ملانه تراب ، خليت حبوبة قاعدة براا .. 
احمد جاني قالي الليله نضفي المكان دا و ارتاحو ومن بكرة اشتغلي عادي ، و رحاب بهناك، بالباب دا بتخشي ليها .. قلت ليهو هي عارفه ! قالي ايوة ، يلا عن ازنكم انا اتاخرت على الشغل ، قلت ليهو تسلم .. 
بس خليتو طلع بي جاي ، و طلعت عبايتي و قعدت انفض و اكنس وامسح ، خليتا تلمع لمع بس فضل لي الملايات .. م عندي حل غير امشي لي رحاب تديني ملايتين .. 

( في جانب رحاب)
*اها ّ
*ايوة طلع 
*لا اسي ما براي البت الخدامة قاعدة عندي ..
*ايمن لا ما الشقه ديك عليك الله شوف غيراا لا ديك ما بجيك فيها .. 
*تمام ... ياتو قميص ؟ 
*قميصي الاحمر ؟ طيب بجيبو بختو اسي في الشنطة و .....*قاطعتها انا .. ّ
اتخلعت و بي صوت عالي قالت لي ..
_ااااانتي واقفة هنا من متتتتتين ؟
*بتكلم معاكي انتي ما سمعتيني قلت ليكي دايرة ملايتين !
_تتململي ميتة مالك ما بتعرفي تخبطي الباب دا !
*استغفر الله العظيم يا رب ..
_سمعتي شنوووو وريني سمعتي شنوووو قولي .... قصدك شنو لمن بتستغفري؟
*اذا انتي واثقه من نفسك وانك ما بتعملي حاجة غلط ما حتسأليني سؤ

الك داا ! ولا شنو يا مدام رحاب ؟
_اوووعك تنسي نفسك يا علياء انتي هنا و خدامة وبس ..
*انتي الما تنسي اني خدامة و بس و ما تختيني في بالك ، عشان لو ختيتيني في بالك انتي الحتحصدي شوك !
_انتي ما خايفه مني ؟
* ما كل الناس بتشبهك 
_علياااااااااااء 
*اووووووووعك ، وحاة اسم الله ،يمين ما بقع الارض يدك دي تصلني ارجعا ليك مكسورة و انا اساساً ما عندي حاجة اخسراا 
_يبقي ما تطلعيني من طوري وتخليني اعمل حاجة ما دايراها يا علياء ..
*والحاجة المادايرا تعمليها دي ابشرك ما حتقدري تعمليها ،..
_انتي بتحاولي تستفزيني ولا بتقصدي شنو ؟
*لا ابدا بس بحاول اوريكي حدك معاي وين ، بالذوووق والادب الاتربيت عليهو ، طبعاً دا اذا كنتي بتقدري تفرقي بين الادب و قلة الادب ..
_عارفه انا ساكته ليكي ليه ؟ عشان ما حابة اوسخ يدي بي وحدة زيك ..
*اجابة غلط يا #أيمن و اللبيب بالاشارة يفهم ... 

#استككانة😴~