زوجة لسبعة أيام

٦٠

اتلفت بضهري كدا ، لقيت رحاب في وشي ..
م كلمتها ولا عملت شي غير اني، مشيت قعدتا .. 
عبير بتقوليها ، رحوبة ازيك ي غلا ؟
و رحاب بتعاين فيني عيونا عايزة تطلع شرار و انا بتبسم ليها حقارة مني بس ، قامت قالت لي ليكي عين تجي ؟
زي الكلام ما لي ولا رديت ، قالت لي بهيمة انتي ما بتفهمي يا الاسمك علياء ؟
سلمى وعبير قالو ليها دا كلا شنو يا رحاب اسي البت دي م اتكلمت معاكي ،في شنو ؟ قالت ليهم انتو اسكتو ما تتدخلو انر وهي فاهمين بعض كووويس وهي عارفه كويس انا بتكلم عن شنو ! 
ضحكتا بس خشمي دا وعندي ، بس مشيت بمبدأ الداير تهري تسكت تخلي .. قالت لي بتكلم معاكي اناا و قربت مني ! 
بس بعاين فيها ، و عبير بتقولي في شنو يا علياء ؟ قلت ليها انا زيك واااحد ، و عاينت ل رغدة قلت ليها كيفك رغدة ؟ ( رغم انه مواقفي مع رغدة م تمام بس حسيتا زولة تانية حتى محجبة كدا و هاديه و نظرة الشر الكانت في عيونها ديك اتكسرت و انا بادرت لانه نظرتي م بتخيب و هي ردة السلام من دخلنا .. قالت لي كويسه حبيبة انتي كيفك و كيف حبوبة ؟ قلت ليها في نعمة والله .. 
يلا هنا رحاب وصلت مرحله من الغضب ، وعلت صوتها ، قالت لي بتزفت معاكي انا ؟
قلت ليها م تتزفتي معاي انا امشي اتزفتي مع الزفت البتتزفتي معاهو ، م توصليني مرحلة لو سمحتي احفظي لسانك عني ..
قالت لي _ ماشاءالله استقويتي ..
*كلك نظر والله ..
_فعلا ما لقيتي زول يربيكي ، وحدة م محترمة ..
*انتي اللقيتي زول يربيكي ، اتربيتي اسي؟
_علياء احترمي نفسك يا اتلفظت ... 
عبير : رحاب عيب م صح 
سلمي : صراحة ي رحاب بقيتي وحدة لا تطاق غير المشاكل م عندك حاجة ياخ ارحمينا و ارحمي نفسك عيب عليكي ، واناي في العمر دا جايبه لأهلك الكلام عيب ياااخ ، من جيتي دخلتي في البت شكل و نبز . 
*لفظك القلتي دا ، ياهو انتي ، كان قايله ح اردو ليكي تبقي غلطانة يا ايمن ......
سلمي: ايمن منووو ؟ّ
عبير : ايمن !
انا : ايمن منوووووو ؟
عبير:انتي اسي قلتي ليها يا ايمن !
انا : اااي صلتا يمكن بتعرفو ولاحاجة ، ولا شنوووووو ؟
طوالي ، طلعت على وين م بعرف .... 
شلت الكوز و مشيت الحوش ، عبيتو موية و واقفه بشرب ،، جاني وليد ، قالي ، ازيك ؟ قلت ليهو حمدلله ، قالي عايزك في موضوع ! قلت ليهو اتفضل ، قالي هنا ما بينفع ،، قلت ليهو وين طيب ! 
بس جااا احمد داخل بي كشكشكة المفاتيح ، و عينو وقعت علينا انا و وليد طوالي وقف يعاين فينا ، بعد داير يجي ، قام دخل الصالون .. وليد قالي بتكلم معاكي ! قلت ليهو في شنو ، قلت شنو ما انتبهتا !
قالي موضوع مهم شديد ، يا علياء ( وانا اصلا ما قادرة اركز معاهو وبالي نهائي ما معاه مشتتة ) 
جات عبير ، قالت لي انتي هنا ! و ازيك يا وليد ، قاليها تمام حمدلله ، قالي علياء انتي عارفه انا ما لحوح بس محتاج عشر دقايق من وقتك و انا م عندي مشكله لو هسي تديني ليهم بس المكان دا م مناسب ان شاء الله جمب باب الشارع ... عبير عاينت ليهو كدا بأستغراب ، قالت لي هدا باب الشارع شوفي داير شنو ! 
قلت ليهو اوكي ، طلع قدامي ، عكعبير قالت لي في شنو وشك مخطوف م طبيعيه !
قلت ليها ما عارفه والله ، قالت لي طيب بنتظرك هنا عشان امي اتصلت لي ، لازم نمشي ، شوفي وليد بسرعه و تعالي ، قلت ليها طيب .. 
طلعتا ليهو ، قال لي :
_انا عارف وقفه زي دي م صح بس لي فترة بفتش ليكي ما لاقيكي ، حتى رقمك ضاع مع التلفون ..
*ان شاءالله خير !
_دخلتي حياة الكل مع بعض في فترة قصيرة ، عملتي اصحاب عملتي علاقات كويسه ، و دخلتي قلبي في الفترة دي يا علياء ، و دايرك وبشتريكي بي نور عيوني ، ببقى ليكي الاب والاخ والزوج ، و الام و الاخت ، حتى حبوبتك حأشيلها فوق راسي ، ااي عارفك حتتفاجئي ، بس دا الحاصل اني بحبك !

( في جانب ايمن ) 
*انت بس ادي الظرف لأبوها ... اااي عبدالله ، و اتأكد ان الظرف دا ما يقع في يد زول غير ابو رحاب ، هسي وصلتا ؟ طيب انجز و اديني خبر ... قاطعو زول جمبو .. 
_خلص مكالمتك بسرعه الشرطة ما بتستنى ..
*في شنو يا محمد(صحبو ) ، شرطة شنو يا مان !
_ههههههه شرطة ، ما عارف الشرطه ! البوليس طيب !!
*طيب ليه ؟
_بعد الهباب البتهببو في حياتك دااا لسه بتسأل ليه !
*بس انا ما اذيتك بحاجة ! 
_سمعتك يا ايمن ، سمعتك وانت داير تبيع العربيه ، دا غير السرقات الحصلت ف البيت سواء مني ولا من اصحابي ، شكيت في الناس كلها الا فيك ..
*اا اا انننا مم متين ! انا ما سويت شي 
_ههههه انا ما بسألك اذا سويت ولالا ، انا بقوليك انك تطلع ليهم بالذوق عشان ما يسوقوك بالقوة ومنظرك يبقى زباله قدام الناس ، ياااخ ما كفايه انك ملحد واتحشرتا في نصنااا زي السوسة ، الله اعلم منو لاعب في راسك مضيع نفسك و مضيع حياتك ، امشي خش السجن يمكن تعقل اساساًالسجن للرجال ، امشي ارجل ....

انا كل العملتو ،مشيت و خليت وليد ، لقيت عبير واقفه لي ، قلت ليا خلصتا ،ممكن نمشي ! قالت لي حصل شنو ،قلت ليها مافي حاجة ، قالت لي علياء في ش

نو ؟ قلت ليها وليد قال بيحبني و داير يتزوجني ! وهو م عارف الفرق بينا ، خلينا نمشي انا زاتي دايرة امشي ، سلمي م قادرة اطلع و اودعا ، م علقت علي موضوع وليد ، بس رنت على احمد ، و جا مارق ، طلعنا على العربيه ،. وليد بعاين فينا .. و انحنا في العربية ، كلام ايمن كان صادم بالنسبه لي ،والله ما اتخيلتا ابداااً،كنت قايله حيقول لي موضوع شغل ولا شي ، م قادرة افكر مشتته ..
فجأة احمد قالي ، علياء عايز اتكلم معاكي في موضوع ! بي سري قلت الليله حاصل شنووو !
قلت ليهو اوكي ، عاين ل عبير وقاليها انتي اختي و دايماً بفتخر بيكي و بي عقلك و رزانتك عشان كدا حأدخلك جواا الموضوع الحاصل معاي ،، قالت ليهو في شنو احمد ، قاليها حاحكي ليكي ... اخد نفسو ، و حكى ليها باختصار عن العملتو رحاب .. بقت تقول لاحول ولاقوة الا بالله استغفر الله يا رب ، و كمان ليها عين تتكلم و تتباجح انا بس دايره اعرف مشكلتها شنو مع علياء ،، احمد قاليها انا المحتاج اجابة للسوال دا من علياء ان مشكلتا شنو معاكي ؟ 
م اترددتا طوالي قلت ليهو عشان انا اول وحدة اكتشفت انها بتخون زوجتا ، قبل اعرف زوجها دا منو اساساّ ، بس قبل كل شي هي شخصية متمردة و مسلطة !
قالي كيف الكلام دااا ،عرفتي كيف ،، تاني قالي ولا خلاص الموضوع انتهى و انا اتصالحت مع الفكرة ف النهاية هي الاختارت والعيب عداني .. عبيرقالت انا مصدومة بالجد ! معنى كدا قصة سيف دي ياها قصتك يا احمد ، قاليها ايوااا قصتي يا عبير ، و عشان ولدي يتربى عندي لازم اتزوج .. و اتزوج علياء ! انا وعبير نططتنا عيونا ،عبير قالت ليهو دا كلام شننوووو يا احمد ! 
قاليها ما تدخلي ف اللحظة دي يا عبير ، خليني مع علياء .... قلت ليهو بصدمة :
*ما فهمته !
_عارف القلتو دا غريب شويه بس م لقيت زول غيرك قدامي !
*فعلا غريب ، بس خليت بنات اهلك كلهم وجيتني انا !
_ايوة ، لاني بثق فيكي ، وحتى ثقتي دي حتكون غريبه بالنسبه ليكي بس فعلاً انا بثق فيكي و انتي الوحيدة العارفه الحقيقه ، عشان كدااا ، كلها #سبعة_أيام .. 
*ما عارفه اقوليك شنو ..
_وافقي يا علياء ... 
عبير : اذا علياء وافقت انا ما حأوافق !
ما معقول تكون هي ضحية في نص مشكلة م ليها دخل بيها ، و في زول وضعو احسن منك و بيحبها و ممكن تبني معاهو حياة حقيقه و مستقبلية !
احمد : زووول !! منو دا ! منو ؟
عبير : وليد !

#استككانة اخيرة 😑

يتبع للحلقات الاخيرة ....