အပိုင်း ၁၂
ညနေခြောက်နာရီထိုးရုံးဆင်းပြီး အိမ်ပြန်ဖို့
ကားဆီအလာ ကားပါကင်မှာ ကိုကိုကားကို
တွေ့ရသည်။ ဒီအချိန်ထိ ကိုကိုမပြန်သေးဘူးပဲ အလုပ်ရှုပ်နေတာလား သိချင်တာနဲ့ ကိုကိုရုံးခန်းသို့ တက်အလာ ကိုကိုရဲ့
အတွင်းရေးမှူးတောင် မရှီတော့ဘူး
တံခါးမခေါက်တော့ပဲ အခန်းထဲဝင်တော့
ကိုကို စားပွဲပေါ်မှာလက်ထောက်ပြီး အိပ်နေတာလား ဒါမှမဟုတ်ခေါင်းမူးနေတာလား
" ကိုကို..ကိုကို "
ခေါ်ကြည့်လိုက်တော့ကိုကို ကျွန်တော်ကို့ကြည့်ပြီး လေးလံစွာပြောသည်။
" မပြန်သေးဘူးလား "
" ကိုကိုကရော့ဘာလို့မပြန်သေးတာလဲ "
" မနက်ဖြန်လေလံပွဲအဖြေသိရတော့မှာ အဲ့ဒါကြောင့် ဒီညကတည်းက စာရွက်စာတမ်းတွေ ပြင်ဆင်ထားမလို့ "
" ကိုကို ဘယ်ချိန်မှပြန်မှာလဲ "
" ဘာလုပ်မလို့လဲ "
" ကိုကို အိမ်ရောက်မှလုပ်ပါ့လား အိမ်ပြန်နောက်ကျရင် လမင်းငယ် မျှော်နေမှာပေါ့ "
" စာရွက်စာတမ်းတွေ အိမ်ကိုမယူချင်လို့
ငါအလုပ်ငါသိပါတယ် မင်းပြန်တော့ "
" ကိုကို ဘာလို့ မင်းတွေငါတွေပြောနေရတာလဲ
ခါတိုင်းလို့ မိုးစက်လိုခေါ်ပြီး ကိုကိုလို
သုံးနှုန်းပြောပါ့လား "
ကိုကိုကျွန်တော်ကို အေးစက်တဲ့မျက်ဝန်းနဲ့
တစ်ချက်ကြည့်ကာ
" ငါမင်းကိုမယုံကြည့်ဘူး "
" ကိုကိုကလဲ ကျွန်တော်လမင်းငယ်ပေါ်ကောင်းတာ ကိုကိုသိရဲ့သားနဲ့ အခုလည်း ကိုကိုအိမ်ပြန်နောက်ကျရင် လမင်းငယ်စိတ်ပူမှာပဲလေ
အဲ့ဒါကြောင့် အိမ်ပြန်ဖို့ပြောနေတာ "
"မင်းဘာလို့ဟိုတစ်နေ့က တခြားကုမ္ပဏီက သူဌေးကို ငါဆီခေါ်လာတာလဲ ပြီးတော့ အဲ့သူဌေးက မင်းနဲ့အကြာကြီး စကားပြောနေတယ်လို့ငါသိရတယ် "
ကိုကိုသံသယဖြစ်နေတာအဲ့တာကြောင့်လား
" ကိုခန့်မဟော်ကသဘောကောင်းပါတယ် ကိုကို ပြီးတော့ ကျွန်တော်တို့ အလုပ်အကြောင်းမပြောပါဘူး "
" မင်းက သူနဲ့ ခင်တယ်ပေါ့ "
" သိပ်မခင်ပါဘူး ကိုကို "
" ခင်လည်းမထူးဆန်းပါဘူး အဲ့လိုအတ္တသမားကို ပေါင်းသင်နေတဲ့ မင်းလည်း အဲ့လိုစိတ်ဓာတ်ပဲနေမှာ ငါအလုပ် လုပ်ရအုန်းမယ် မင်းပြန်တော့ "
" ကျွန်တော်က ကိုကိုထင်သလို လူမျိုးမဟုတ်ပါဘူး ကျွန်တော်ကို မြင်နေတာတောင် ကိုကိုမသိဘူးလား ကိုကိုနိုင်ငံခြားထွက်သွားလို့ ကျွန်တော်နဲ့ဝေးသွားခဲ့ပေမဲ့ ကျွန်တော်တို့အားလုံးက
ငယ်ငယ်ကတည်းက အတူနေလာခဲ့တာပဲ "
" အပေါ်ယံဟန်ဆောင်ကောင်းတာက မင်းတို့ သားအမိရဲ့ ကျွမ်းကျင်မှုပဲလေ မင်းအမေကိုယုံကြည့်ခဲ့လို့ ငါညီခံခဲ့ရပြီးပြီ မင်းကို ငါယုံကြည့်လိုက်ရင် ..."
" ကိုကိုခံရမယ်လို့ပြောချင်နေတာလား ကိုကို ကျွန်တော်ကိုယုံချင်ယုံ မယုံချင်နေ မင်းတွေငါတွေနဲ့တော့ မပြောပါနဲ့ မိုးစက်လို့ပဲခေါ်
ပြီးတော့ ကျွန်တော် မပြန်ဘူး ကိုကိုပြန်မှပြန်မှာ "
မိုးစက်ခေါင်းမာစွာဆိုဖာပေါ်ထိုင်လိုက်သည်။
ဘယ်လိုလေးတုန်း ဒီကလေးဇွတ်ပါ့လား
ကိုကိုက မင်းကို မယုံဘူးလို့ ဒီလောက်ပြောတာတောင် အမှတ်သည်းခြေမရှီဘူးလား မယုံတာထက် မင်းအမေနဲ့ ကိုကိုကြားမှာ မင်းပင်ပန်းမှာဆိုးလို့ပါ အခုတော့ အတင်းတွယ်ကပ်တဲ့
မင်းကို ကိုကိုအချော့ပေးပြီး အိမ်ပြန်မှ
ဖြစ်တော့မယ်
" မိုးစက် "
ကျွန်တော်ခေါ်လိုက်တာကြောင့် ဆိုဖာပေါ်မှာ ထိုင်နေရင်းကနေ ကျွန်တော်ဆီကို ရောက်လာပြီး အမြဲပြုံးနေကျအတိုင်း အလှဆုံးအပြုံးကိုပြုံးပြီး
" ဟုတ်ကဲ့ ကိုကို "
" အိမ်ပြန်မယ် "
" ကိုကို ကျွန်တော်ကို မိုးစက်လို ပြန်ခေါ်တယ်နော် ကိုကို ကျွန်တော်ကို စာရွက်စာတမ်းတွေပေးလိုက်ပါ့လား ကျွန်တော် အိမ်ရောက်တာနဲ့
လုပ်ပေးမယ် မနက်ဖြန်ကျရင် အဆင့်သင့်ဖြစ်အောင်လို့ "
ကိုကို ကျွန်တော်ကို အေးတိအေးစက်နဲ့ ပြန်ကြည့်သည် ကိုကိုတမျိုးထင်သွားပြီလား စာရွက်စာတမ်းတွေကို တောင်းမိလို့ ပိုပြီး
မသင်္ကာဖြစ်သွားတော့မှာပဲ
" ကိုကို ကျွန်တော်က...."
" ရော့ "
စာရွက်စာတမ်းကို ကျွန်တော်ဆီ လက်ကမ်းပေးလိုက်တဲ့ ကိုကိုကြောင့် ကျွန်တော် ဝမ်းသာသွားပြီး မြန်မြန်ယူလိုက်သည်။ ကိုကိုကျွန်တော်ကို အလုပ်ခိုင်းတယ်ဆိုတော့ ကိုကို ကျွန်တော်ကို သိပ်မမုန်းဖူးပဲ ကျေးဇူးတင်လိုက်တာ ကိုကို
🏬
YOU ARE READING
လမင်းလေးရဲ့ ဥယျာဉ်မှူး
General Fictionပထမဆုံးဖန်တီးထားတဲ့ မြန်မာ BL Fic ကိုအားပေးကျပါအုန်းနော် လိုအပ်ချက်တွေများနေပေမဲ့ ချစ်ခင်မှုနဲ့ ဖတ်ပေးကျပါနော်
