"Ako pa rin si Daren Benjamin. Si Daren Benjamin na patay na patay sayo, Kim."
Bakit ko ba nasabi iyon? Isa akong malaking hangal.
"Dito na lang pala ako bababa. Salamat Daren."
Dali daling bumaba si Kim. Dahil ba nailang siya sa sinabi ko? Hindi ko alam. Bahala na siya.
Pinatakbo ko na ang sasakyan. Uuwi na dapat ako, pero wala ako sa kondisyon. Ayoko pang bumalik sa bahay kaya nga nagmaneho na lang ako. Wala akong tiyak na pupuntahan. Nagdrive lang ako nang nagdrive hanggang sa magdilim na. Naisip ko na dumaan na lang sa bar. Baka sakaling makalimot ako.
Sa Bar.
Oorder na ako nang may mapansin ako na pamilyar na mukha.
Edward?
Oo. Siguradong siya nga iyon. Ang buwiset na vocalist na iyon. Ang lalaking umagaw sa akin kay Kim.
Pero bakit may kasama siyang ibang babae? At nakapulupot ito sa kanya.
Nagmasid ako ng kaunti. Halata na hindi lang sila magkaibigan. Ibig bang sabihin noon niloloko niya si Kim?
Tumayo na si Edward kasama iyong babae. Lumabas sila ng bar.
Para naman akong sira dahil hindi ko napigilan ang sarili ko na sundan sila.
Nakita ko sila sa may parking lot na halos maghalikan na.
"Hoy, Edward!" Hindi na ko nakapagtimpi.
Napatingin sila sa akin.
"Anong ibig sabihin nito?" galit kong tanong.
"Si Black Spade," sabi ng kasama niyang babae.
"Mauna ka na sa sasakyan," sabi ni Edward sa babae. Sumunod naman ito.
"Alam ba ito ni Kim?" tanong ko agad.
Ngumisi lang si Edward.
Nakakainis siya. Gusto ko siyang suntukin.
"Sa pagkakaalam ko, hindi naman tayo close kaya bakit mo ko kinakausap?"
Mas lalo akong nainis dahil sa sinabi niya. "Gusto ko lang malaman kung bakit may kasama kang ibang babae gayong si Kim ang girlfriend mo," giit ko.
"Wala ka nang pakialam don!" sabi niya bago siya umalis. Buwiset siya.
Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
Halata naman talaga na babaero siya, pero siya pa rin ang pinili ni Kim.
Ah!
Nawalan na ako ng gana uminom. Nagpasya na lang ako na umuwi na. Pero hanggang sa pagdadrive naiisip ko pa rin ang buwiset na lalaking iyon. Hindi ko matanggap na tulad niya ang ipinalit sa akin ni Kim.
Kim?
Hindi ko alam kung namamalik mata lang ba ako pero bigla kong nakita si Kim.
Oo siya nga iyon. Nag aabang siya ng masasakyan. Saan ba siya nagpunta at hindi pa rin siya nakakauwi?
