زوجي مغرور 43
واضح علاقته ف أصحابه قويه.. عشانهم جاي يحضر ف عرس واحد منهم والثاني مأمني عند إمرته.. كويس مش كل البشر أعدائه.. فيهم أصحاب له.. كان حوش صاحبه من دورين الباب من قزاز وقطع نحاسيه مذهبه والحوش شكله جديد وحلو.. دقيت الباب نفتح ..كانت تلبس عبايه لكن مش مواسيه والإيشارب مش عارف كيف لافته.. ليظهر وجه مشوه بفعل عوامل خارجيه.. شفايف مشقوقه وعيون منتفخه من ارق طويل وبكى مرير وجنب وجهها الايمن منحمر ومنتفخ.. قصيره نوعا ما ممكن ﻷن انا طويله.. رقيقه كيف رق ابتسام.. ببشره ذات لون عجيب.. بشكل عام طشونه قدام ضخامة جسمي..
قبل تكلم انطلق صوت فنطيت متباعده وحتى هي .. كان تليفوني فتحته كان يترقص ف شاشة التليفون "ياسر زوجك " هضا الغبي..
رديت وصوته فلق طبلة ودني : شن صار معاك.. قابلتك المراه..
رديت : أها..
سألني : كل شيء تمام.. خلاص خشي..
انا نفسي كنت متردده خايفه هذي صاح رقيقه لكن وجهها وجه حفارة قبور حتى ابتسامه ف وجههي ما ابتسمت.. بالعكس مكشره.. وف نفس الوقت المظاهره خداعه يمكن تكون طيبه.. وانا نبيش نتقل ع خواتي واصلا ياسر مارضى يشيلني لهم.. بلعت ريقي وضغطت ع روحي : يعني فرقت.. خلاص امشي..
رد بزعل : فرقت !! لو مافرقت مارنيت نطمن عليك..
قطعته ونا نهمس عشان المراه ماتسمعني : خلاص عدي كل شيء تمام..
بتهزي معصب : ليش تهمسي..
قطعته : المراه تسمعني..
رد يعصب : ماتهمسيس يا الزفت ..
رديت متجاهله المراه وعاطيتها ظهري وبهمس: انت الزفت وفوقها غبي وتافه..
قال وهو يغلي : نستنى فيك عند الباب اطلعي..
ياويلي شنو ناوي يدير كنا حلوين باس حتى ايدي ونا نقوله تروح بدون إصابات وعشان همست رقتله.. سمعت صوت يقاطعه ..
بعدها صوته ببرود : يلا مع السلامه الوعد لما نروح..
وسكر.. التفتت للمراه وانا نحس برعب ياسر عدى وخلاني مع هذي اللي حتى كلمه مرحبا ماقالتها..
_________
ياسر..
وصلت لطرابلس عروس البحر.. بعد قطع لنا يوسف تذكرتين .. مشيت للحوش من حظي طلع خالي مافيه حد ..واللي تعرفوا عليه برعب قبل سنه كنت هنا.. هلي منتقلين لطرابلس احتمال من 2008 وانا بنغازي مستحيل نتخلى عليها.." قالولي من الدنيا وازي..قتلهم نبي بنغازي.. وبلادي فيها بنغازي.. هللي نبيها قلتلهم.. ربي يخليها.. مغير دونك ياقلبي وازي " هلي زياراتهم لبنغازي ماوقفت لكن انا اكثر منهم عاشقها عشق..
اقتحمت داري لكن انصدمت فيه حد راقد ف سريري..
كانت راقده ف سلام وأمان لين ارتفع عنها الغطا بقوه..
صرخت بخوف.. كنت واقف بطولي المرعب.. ساد طريق المهرب.. من غير ماتحرك.. سحبتها وسألتها : ممكن نعرف ليش راقده ف داري ؟
كان خاطرها تهرب لكن الخوف قيدها..
سألتها بملل : مش حاضره عرس عمك !!
مسحت وجهها وقالت بطفوله : ماما تقول مش ضروري نحضر
رقتلي : كيف مش ضروري هضا عرس عمك.. ومع من قاعده ف الحوش..
بطفوله بريئه : مع الخدامه.. حتى لو ماحضرت حدش فاقدني.. ولو حضرت مع من بنقعد !!
عبست وجهه وحاولت نهدي نفسي ونمسك كم هائل من السب والشتيمه قبل تطلع من فمي ع أمها.. زينه..
أمرتها بعصبيه: بسرعه ع دارك البسي قفطانك..
بخوف : لكن ماما قالت..
بنظره مخيفه.. جرت لدارها منفذه الاوامر..
جمعت اكبر قدر ممكن من اغراضي.. لبس.. ساعات.. ومع البحث لقيت 300 ف كتاب طبي..و200 تحت السرير و500 ف صندوق قديم..
جمعت الحاجات ونزلت تحت ﻷن متأكد مش ح تتاح فرصه ثانيه
وقعدت نستنى ف بنت خويا حسام قدوتي ف حياتي سابقا.. حسام خويا الكبير.. طاح ف زوجه ناكره للجميل .. عنده 3 عيال الكبير 22 سنه عاطل ع العمل وفاشل دراسيا.. والثاني 15 سنه مراهق عاقل وثقيل والبنوته ريما بعمر 14 سنه حساسه ومريضه بالسكري والسبب زواجي من امهم .. الضفدع زينه او كيف ماتحب تسمي روحها بعمر 45 سنه..
بعد زواجها مرتين طاحت ع راسي اكبر مصيبه ومن احب الناس ع قلبي " أمي " كنت هايج وطربقتها فوق روسهم كلهم..
قطع سرحاني للماضي.. ريما واقفه بخجل بقفطان سكري طويل كت لكن ملتف بجسمها ومبينها اكبر من عمرها ..
سألت ببسمه : حلو
رقة ملامحي واهتز قلبي " اااه قد ايش تشبه لباتها "
طلعنا للعرس انا وهيه..
_________
ابتسام..
كنت مع البنات ف دارهن لما دق الباب فتح هو عماد.. وف إيده فنجال شاهي : اغسلي دبشي..
كانت كومه كبيره من اللبس.. جمعتها من غير كلام لكن الصدمه.. كانت ونا نوازي فيها ع حسب لونها ونغسل..
كان أكثرها نظيف ومغسول لكن تعمد يعكرشها.. لميتها ف ايدي وركبت له..
قبل نخش للدار
عبير : بسرعه ابتسام عندي قفطان هنا تعالي شوفيه..
رديت عليها : دقايق وجايه..
كان مقمعز كراع ع كراع سألته : الدبش نظيف ومايستحق غسل..
رد بهزوه : صاح
خذاها من إيدي وكب عليها الشاهي ورماها : توا مستحقه غسل.. ابتسم بمكر.. نزلت دموعي من عيني غصب كظمت غيظي.. يتعامل معايه بحركات صبيانيه..
كملت غسيل وحددت الدبش.. وقبل اريح ظهري الا وقفت ف وجهي شهد : بشرى تقول غسل الماعين عليك اليوم..
وقفت بتعب وكنت بنقول لها انا تاعبه وخوكم ماقصر معايه..
زوجي مغرور 44
لكن لو سمع هالكلام يفرح بانتصاره..توجهت للمطبخ بسكوت وبديت نغسل..
جت عبير فرحانه ومستانسه وفتحت الثلاجه وصبت اميه
وانا نغسل سألتها : خير أخت عبير..
ابتسمت بفرحه: شكرااا ﻷنك طلبتيه.. خويا طلع رومانسي مطلعنا للملاهي وبعدها للمطعم بمناسبة حملك واااو.. ليش مش جايه معانا !! تعبك مش عذر .. تعالي بس ماتقولي روحوا بدري..
تمتمت : لا انا تعبانه
براكين من الغضب داخلي قبل دقايق كسر ظهري م غسل لبسه..وتوا مطلع خواته.. انا من تزوجته ماطلعني..
قبل يطلع معاهن وهو ف قمة أناقته : سلامتك..
مسكت دمعتي لكن فضحني اهتزاز جسمي : أكرهتك..
ببسمه وقحه : حتى انا.. الموضوع مش شخصي.. انا هك نعامل خواتي.. يا أختي..
______
ليلى..
طويله.. وفوق الطول لابسه كعب عالي زايد لطولها.. رغم كونها متوسطه الطول وبكعب عالي نوصل لطولها.. لكن قدامها شعرت بقصر لدرجة تمنيت نكسر كعبها.. جمالها امممم كان ينقاس نعطيه تسعه من عشره.. مش ﻷنه ناقصها شيء لا.. كانت فاتنه وجذابه وقمه ف الأنوثه.. واثقه لها ملامح كلاسيكيه.. شعرها أكيد مصبوغ استحاله يكون سواد طبيعي ممتد لجبهه بيضاء صافيه مجموع بتسريحه غريبه.. وحواجب حاده بنفس اللون..
شفايفها تلمع بمرطب وردي.. وجهها خالي م المكياج.. بس فيه كدمه ف زاوية راسها..
من أول ماخشت وانا حقد عليها مفتلكه ومرتبه وانا حالتي حاله .. بعد خشوشها مباشره رن تليفونها.. ياسلام يعني لحق يشتاق لها وبدت تكلم وتهمس بصوت منخفض ووجهها احمر أكيد كلام عشق وغزل..
" هابا لو تدري " .. رجعت بذاكرتي للخلف.. امس بعد المغرب دق الباب.. توقعت تكون وجبة عشاء.. وبعد فتره فتحت كان واقف فوخرت وعطاني ظهره
وبصوت مبحوح : ليش ما فطرتي ولا تغديتي !
تمثيل الاهتمام منه مقرف
مااهتم بعدم ردي..قال: عمرك ماكليتي..لكن ماتطيحي مريضه او مغمى عليك.. ماعندي قدره ع حوسة المستشفيات..
ارتفع ضغطي للمليون لكن التزمت الصمت..
التفت يتأكد من وجودي وبسرعه شال عينن" خجول أكثر مني .. انا فسسته تفسيس كل شيء فيه حفظته رغم انها لمحه" رد تكلم ف جفلته : انا وصاحبي بكرة بنسافر لطرابلس.. وإمرته بتجي عندك..
ومشى وخلاني وانا نفكر كيف ننتقم من ضيوفه ونحشمه معاهم.. قطع سرحاني صوت ناعم : السلام عليكم.. ومدت إيدها..
كنت نفكر نفوتها لكني سلمت عليها وقلت : تفضلي..
سحبت ايدي من ايدها وبحركه مقصوده مسحت ايدي ف عبايتي بقرف.. وشيرتلها ع الصاله ..
اول ماقمعزت خليتها وتوجهت للمطبخ .. اول مره نخشله فما عرفت وين الحاجات.. لقيت تمر وبكلاوه وعصيرات طبيعيه وقهوه وشاهي.. كانت كراعي تألم فيه وانا نسحبها وعبايتي مصلحة إعاقه ليه وانا ندوس ف طرفها ونتعثر لبسي فضيحه تحتها .. هضا غير شعري مانقدر نلمسه من كثر جر خوتي فيه صار راسي كله يوجع..
فاديه.. مسحت ايدها ف عباتها بكل جرئه ..جرحتني بكل.. مسكت روحي.. خشيت معاها كانت تعرج بألم .. قمعزت ع الصالون.. اختفت المراه.. شكلها خشت للمطبخ ..خذيت التليفون بنكلم ياسر خلاص .. لكن سمعت صوت أنين وأهات.. عديت نجري للمطبخ .. خشيت لقيتها مستلقيه ع ارضية المطبخ ع جنبها قمعزت قدامها وحاولت نسندها لكن صرخت بألم: اه اه
رفعتها بقوه وانا لافه ايدي حول خصرها المجعوك .. صرخت من جديد بعنف حاولت تفك روحها من ايدي..
ونفذ صبري ع هالمتكبره : قطعتي حبالك الصوتيه من دون فايده فأرجوك.. اسكتي بس..
شدت ع فمها وسكتت ..كنت خايفه تفقد الوعي لكن تماسكت.. سحبتها مع انها رقيقه لكن ثقيله.. واقرب مكان هو وسط الحوش حطيتها ع الصالون.. عديت للمطبخ وصبيت لها اميه ورديت لها كانت مغمضه عيونها.. قمعزت ف اقصى الصالون سحبت راسها وع فخدي نزلته تمددت بألم ..مسحت العرق اللي ع جبهتها وبديت نقرا عليها قرءان ذكرتني بياسر يوم الكابوس.. بغض النظر ان البنت وقحه وقليلة أدب ومتكبره وشايفه روحها.. فيها اثر الجمال.. رغم وجهها متشوه فمها متوسط ورقيق وخشمها شامخ وبشره صافيه بلون اسمر ..تأملت وجهها ع خدها اليمين اثار أصابع ضخمه.. مضروبه حسيت بوجعها يوجعني.. صاحب ياسر كيفه متقوي ع هالمسكينه.. وضاربها ضرب شين.. بدت ترفرف جفنها وتناثرت دموعها ع خدها.. وقفت قرايه.. وحاولت تقمعز.. سألتها ونا نمسح خدها : وين الوجع !!
كانت ماسكه فخدها اليمين وهي تأن من الألم .. نزلت كراعها ورفعت طرف عبايتها.. فتحت عيوني مذهوله.. كلن ف نص الساق انتفاخ كبير يشبه الورم..
رفعت وجهي لها ونا منصدمه : شكلها مكسوره..
غطت ساقها وهي تمسح وجهها : بكرة يعدي..
نصحتها بصدق : هضا كسر واهماله خطير ..امتى صار!!
ردت بألم : أمس.. كان أمس وجع ف وسط الساق..
"تذكرت الموقف كان فيه وجع لكن الألم اصبح لايطاق بعد رمي عبدالعزيز لها "
رديت نتكلم معاها : لازم مراطعة المستشفى بسرعه.. هضا كسر .. واهماله يعني عدم تدفق الدم لباقي كراعك وبالتالي تموت الخلايا..
قطعتني بثقه والألم ف صوتها : الخلاصه تبتر.. خليها تبتر.. انا لو تقطعي راسي ماهمني..
قمعزت حدها وانا نسئلها: عليش !!
رفعت عينها
زوجي مغرور 45
رفعت عينها اللي تلمع ببريق الدموع : إكرهت حياتي..
ارتفع ضغطي تأذي روحها ﻷنه أذاها : ﻷنه ضربك.. طيب فكري كيف تنتقمي منه مش تنتقمي من روحك..
سألتني بصدمه : وعادي تنضربي وتنهاني ؟
بصوت هادي : لا مش عادي أكيد.. لكن كان اللي عندك بس يضرب.. اللي عندي يضرب ويحرق ويحبس ف الحمام..
فتحت فمها : إحرقك وحبسك.. من !!
رفعت كتفي ونا متوقعه حالها كيف حالي واردى : اللي يتسمى راجلي..
بأناملها الرقيقه تغطي فمها الصادر منه شهقة استنكار : نهاره يمد صبع عليه..
عقدت حواجبي ونا نسئلها : ومن دار فيك هكي ؟
ارتخى جسمها واهتزت شفايفها وانهمرت الدموع فيضان وشدت ايدها ع خدها الأحمر : خوتي.. ضربوني.. واتهموني وانا بريئه.. وعزقوني ع هضا.. هضا ..هو كان السبب.. دز من يصورني ووصف كل شيء فيه.. وفوق من هكي يتظاهر بالبرائه.. خوتي سندي.. لو باتي حي.. لوباتي حي..
ضمت وجهها بين ايديها وبكت.. ضميتها ونا نطبطب ع ظهرها.. وفكرت بسخريه كنت نتمنى عندي خوت شوفي بعض الخوت نقمه : صدقيني حتى الاب يخطي ف حق بنته..
رفعت وجهها اللي معبي دموع وهي تشهق : لو كان باتي حي.. ماصار.. اي شي.. من هضا..
مسحت دمعتها بإيدي ..هدت نوعا ما وسألتني ف المقابل: وانتي شنو حكايتك مع المجنون اللي يسمى راجلك ؟
يمكن مرت ساعات وانا نحكي وهي تحكي.. قمعزنا بعدها بصمت.. ومن قلب بعدها قالت : لو ف كوكب خالي من الرجال.. هم سبب مصايبنا وحزنا..
ايدتها وانا نهز راسي موافقه : كل مصيبه وراها راجل..
قطعت تأملنا ونا نوقف وكأني ف حوشي : نقول انا جيعانه.. خل نتعشى..بس ماتراقبيني ..هالمره مش بس تمسحي ايدك ف عبايتك.. ترجعي كل اللي ف بطنك..
ضحكت بخجل : اسفه ع الحركه اللي درتها.. تلومنيش كنت مقهوره.. بعدين فاديه عندك نيه تاكلي..
باستنكار جاوبتها : ايوه عندي نيه.. نجوع وما يدري عليه.. بس بنسألك راجلك خلاص سافر.. عشان نشوفو الفيلا براحتنا..
نفخت شفايفها : الله لايرده.. بلكي الطياره تطيح به.. طار من قبل تجي..
رفعت راسي ونا نفكر : لازم ندير تفتيش كامل.. توقعي قافل داره كيف ياسر..
________
ياسر ..
خشيت للعرس وطاحت عيني ع العريس جاي بيسلم ويباركوا له وخوتي جنبه وعيال خويا الكبير الله يرحمه..
فزوا خوتي بما فيهم العريس اما باتي فظل مقمعز..
طبست ع راس باتي قبلته بين باتي تمتم كأنه مقابلني أمس : ليش تأخرت.. العرب تسأل عليك ..
رد بصوت واثق :زحمة سيارات..
سلم ع خوته فيه من سلم عليه وفيه منو فاته ..لاحظوا الجميع الجفا من طرف ياسر لكن تجاهلوا..
سلم ع العريس وغمز له : مبروك .. أخيرا رضيت باختيار الوالده..
قبض ايده ورد عليه : اذا قدرت عليك بصعوبه انت وراسك الصخري.. أنا ماخذت معايه جهد او وقت..
كرر الجمله وهو مش مؤمن فيها : فيها خيره ممكن
عطاه نظره من طرف عينه ويتمسخر : خيره!! زواجك من زينه خيره..
وخر من جنبه لما شاف عيال خوه اللي هما عيال زينه ..
سلم عليهم العيال ..ولمح طارق خاش هو وخوه وباته..
تفادى الاحراج انسحب من وسط المعازيم متظاهر باستقبال مكالمه..
نظره لخوته استفزاز وتجاهل ..
قطع أعصابه المشدوده رنة تليفونه ورد بخوف فتح الخط دغدغ اذنه صوتها الأنثوي لكن متبرم : تعشيت !!
جاوب بخوف وعدم فهم : لا... ليش ؟
بحمق : شنو العشى ؟
رد بقلق وسأل : مندري.. صار شيء ؟
بزعل : اكيد رز ومشويات ومقليت ومقبلات.. انت تعشى عشاء عرس وانا شيبس وبسكوت..
ظل فتره ساكت عشان يستوعب بعدها انطلقت من فمه ضحكة استمتاع : يوسف البخيل..
قطعته بنرفزه : ان شاء الله اسهال قدام الكل..
سكت مش مصدق الدعوه بعدها طلعت منه ضحكه رجوليه مميزه.. من الحمق سكرت ف وجهه..
_______
يوسف..
ياسر خايف ع امرته وهو مش راضي يخليها بروحها ف بنغازي.. وانا عندي مشوار ضروري للعاصمه.. فطرحت عليه الفكره وهو مصدق.. وحتى انا مش راضي نخلي ليلى ف بنغازي ولا حتى ناخذها معايه.. حلو اسمها.. يوسف وليلى.. ليلى ويوسف.. اسمها حلو وناعم وهي بشعه وشرسه.. ينرحم السراق المسكين اللي يرمي حظه ع محاولة سرقة الفيلا..
كان من المفروض نعطي ﻷختي الوحيده سهام الخبر .. بس خفت نعطيها الخبر تجي للفيلا وبمجرد نظره لوجه ليلى تشك ف القصه..
خذيت حل وسيط وعطيتها خبر شينه يجيها الخبر من غيري .. لكن كذبت وانا مش متعود ع الكذب وقلت لها مسافر مع عروستي للعاصمه لقضاء شهر العسل.. مافيه حل الا هضا..
_________
نزلت نجري من الدروج شايله بطانيتي ووراي رمانه هذي الشغاله عقدت معاها صداقه ﻷنها المراه الوحيده ف هالحوش ممكن تسمعني وتفهمني..
الساعه 9 الليل بعد نوم فيصل خططت انا ورمانه..
خذينا من دار المعتوه الأسود من المعتوه الأسود من بيكون خاطي صاحب الدار السوده خذينا ال تي في وفيديو ونزلنا لوطه ورى الفيلا بجنب حوض السباحه.. فرشنا فرشه وجهزنا العده عباره عن شاهي وبسكوت ﻷن نحبش ناكل ونا مندمجه ف فيلم .. يعني تخيلوا الجو اكيد صح الجو بارد وانتي ف بطانيتك وفيلم رعب وااااو نزلت اخر اربع درجات ببطانيتي ورمانه ورايه ..
ف وسط الحوش ونشوف....
