زوجي مغرور 11
شهد باستفهام : ليش وجهك احمر
ابتسام فوق من نفسها : كنت راقده انتي جيتي م المدرسه
شهد بابتسامه وخشت وقمعزت ع السرير اللي مش مرتب : اها..قبل بنجيك م الصبح بس ماما خلتنيش قتلي اكيد راقدين ..
بحتت ف الساعه لقتها 1 نزلت هي وشهد تجهز مع عمتها ف الغدا مع انها مازالت عروس بس نفسيتها زفت لازم تشغل روحها بحاجه
روحن البنات وجا عمها وحطوا الغدا وهي اعتذرت انها تاعبه شوي وركبت ..
خشت للدار وقلبه لين تفحم من الحقد عليه هو دار اللي داره امس مش حب فيه عشان نمشيش لهلي بس نذاله وعناد وحقاره لاني قتله شيلني لهلي توا يجبرني نعيش معاه حتى كان روحت لهلي شنو بنقول ..بنقول قضيت ليله مع زوجي وتوا نبي الطلاق..وكان اسألوني ليش تبي الطلاق شنو بنقول.. بنقول عشان قالي شريتك بفلوس وتصبيره لوقت زواجه م بنت عمه ..مالاخير مش حنقدر نسيبه مش ماللي صار امس لان عنديش هل ملزومين بيه هو اللي ملزوم بيه ..
عماد.. خش لداره لقاها ع الكنبه وعيونها الناعسه فيها اثر البكا
: السلام عليكم
لارد
بصوت هادي ومازال ببدلة العمل : افهمت انك اخترتي تقعدي زوجتي ..كنت عارف انك عاقله ..راح نعاملك بما يرضى الله وتبقي زوجتي طول العمر ان شاء الله ..
ماكان فيه ولا اجابه لوعوده خذا دبشه وخش دوش ..
طلع رايق نفذ مخططه ونجح وتخلص م قصتها ..يرد يعيش حياه طبيعيه ويثبت لروحه انه احسن الاختيار ..
عماد : ليش ماتغديتي ؟
عيونها مثبته ع الارض وماردت عليه
فار دمه : انا لما نسألك تردي عليه وتبحتي فيه ..
رفعت عيونها وعطته نظرة تقييم من فوق لتحت بعد مامسحت جسمه بعيونها : قلت حاجه ؟..الغدا خاطريش نتغدا فيها حاجه
ثار غضبه : وليش ؟
ابتسام : حريه شخصيه
عماد حاول يسيطر ع اعصابه قبل يتهور مش مهم الغدا تملح بس طريقة كلامها والنظرات : هضا تصرفات انسان عاقل
ابتسام وصلت معاها وبحقد ودموع : وانت تعرف الانسان العاقل ..الانسان العاقل يتزوج وحده عشان يقهر هله ع تأخير زواجه..هضا سبب بالله ..الانسان العاقل يقول لزوجته هذي تصبيره لوقت زواجي لاني شريتك ..العاقل يلمس مراة غصبا عنها وهي مش طايقته .. واخيرا يالعاقل تو نكون الزوجه المطيعه ..لكن افهم شيء واحد ..ملكت الجسد بالغصب لكن استحاله تملك القلب.. وراهو مانكره حد الا انت إكرهتك اكثر من ابليس ..
ناضت متجهه للحمام وقفها صوته بهزوه : انا ماطلبت تحبيني .. وانتي كيف فكرتي ف الزواج وقت وافقتي عليه ؟..
ردتش عليه خشت للحمام
______________
فاديه ..وقفت وحيده والشمس عموديه ع راسي وقت الظهر من غير سند لا أب لا أخ لا زوج طبعا ..ومن غير حتى شنطتي ..محتاره وضايعه مع إحساس بالمراره وذل لأول مره نجربه ونعيشه ..
امس ضربني واليوم نزلني م السياره بعد فرغ سمه ..امالا بكرة كيف يكون ..ابتدأت حياة العذاب وراحت حياة الدلع ..بابا اللي ضيعني ..طحت ف ايد واحد يبيني عبده عنده وقالها بصراحه ياليته غير يستاهل ..لكن لمن بروح ..لماما اللي زوجها مايبي يشوف وجوهنا ..لعيال عمي اللي كرهوني وانا ماتزوجت يبال نروح مطلقه ..يريشوني ويقطعوني ..وسالم المجنون ممكن يدبحني من غير القبله ..مصدق روحه اني خطيبته وتزوجت غيره..وين بنروح بالله ..ياربي ارحمني ..
سمعت صوت سياره متوجهه لها رفعت راسها لقتها لقت جيب سوده فيها مجموعة شباب حست بدمها جمد ف عروقها م الرعب ..تذكرت كل القصص اللي اسمعتهم ع الخطف ..بخوف قعدت ف مكانها سمعت صوته م قريب ..وصار جنبها وبدون إراده جت وراه ..
ياسر : اي خدمه ياشباب
واحد م الشباب : لا تسلم شفنا سيارتك حسبناها سيارة واحد م الشباب
ياسر : حصل خير
فاديه ..حمدت ربي شباب مش معاهم سلاح ماتحركت م مكاني رجفة الخوف مازالت مأثره فيه لكن خلاص بنركب معاه شيء احسن من شيء ..بعدين هضا قدري ونصيبي ان شاء الله نصيب خواتي احسن م نصيبي ..لكن مش راكبه معاه الا لما يقول مش ذاله روحي زياده ..
ياسر .. رفعتله ضغطها وهو يستنى فيها بس لما شاف السياره حس بالحمق يسري فيه ..بس لما نزل وشافهم لقاهم مجموعة شباب لاحقين هلهم لمطعم الحيطه ..شافها كيف تحتمي فيه ..هذي اللي بترد لبنغازي ..هو غير رايه غصب تمشي معاه ..سحبها وراه ماسكها من ايدها لسيارته وخشت فاديه بقوه : ردني لبنغازي .." كذاااابه ..غير تستعبط حفظ لكرامتها عشان يعرف انها مش راضيه ..يعني وين بتروح ؟
ياسر ساكت فتح الراديو وكمل طريقه لجهة الشرق
اول مره تطلع م بنغازي ودعتها بدموع وصدرها مهموم وقلبها مطعون ظنك الايام تردها مره اخره ..وتفرح ولا تزعل كان ردت !!
________
ليلى
واقفه قدام المرايه تبحت ف روحها قفطانها قديم ولابسته ف كل المناسبات من سنه مع إن عندها 3 قفاطين جديده واحد عنابي والثاني احمر والثالث تفاحي وكلها موديلات قديمه او واسعه من اختيار امها والاخير ذهبي وهو اللي لابسته مستور ومسكر كله مش باين منه شيء الا رقبتها وكفيها " عايله معقده " وهضا من اختيار خوها عبدالله شراه لها لأن وبكل بساطه ممنوع البنات يمشن للسوق وممنوع استخدام.الكحل والمكياج عائلة ليلى مش كيف باقي العائلات بالنسبه لخوها عبدالله واعر لين فايت حده هو وامه وليلى واختها متحملات وساكتات لين يجي نصيبهن كيف خواتهن ويتصرفن كيف مايبن ..
------------------
ازوجي مغرور 12
شهد باستفهام : ليش وجهك احمر
ابتسام بنفس مخنوقه :كنت راقدة ..انتي جيتي من المدرسه ..
شهد بضحكه وخشت قمعزت ع السرير : جيتك من الصبح ..لكن ماما مسكتني قالت اكيد راقده ..
ابتسام شافت الساعه لقتها 12 الظهر ..خذت الورغان متاع السرير بحركه عنيفه وتكلم في شهد : امشي جيبيلي كيس قمامه ..
شهد بخوف وموسعه عيونها : ماتلمسيش حاجات عماد بعدها يزعل ..
ابتسام :انتي امشي بس جيبيلي الكيس ..
حطت الورغان وكل حاجه ع السرير في كيس القمامه ونزلت تدير في الغداء مع عمتها.. مع انها عروس لكن النفسيه زفته عندها ..وماتكلمت ولا كلمه وحتى عمتها نفس الشيء ..جهزن الغدا وجن البنات ركبن غيرن لبسهن وجا عمها وقمعزوا ع سفرة الاكل.. هي اعتذرت انها تعبانه وركبت لدارها متبيش تغدى ..
قلبها مليان حقد عليه ليش دار عملته بنذاله وحقاره وعناد فيا عشان قتله ردني لحوش عمي .. يذلني ويجبرني نقعد معاه مقابل فلوسه ..لو رديت لحوش عمي شن بنقول لهم قضيت ليله مع زوجي ونبي الطلاق.. وقالي خذيتك تصبيرة ليوم الفرح بنت عمه.. مش حنرجع لحوش عمي مش عشان اللي صار امس عشان معنديش اهل ملزومين بيا وهو توا اللي ملزوم بيا ..
عماد خش للدار بعد ماعرف وتأكد انها له ..مقمعزه ع الكنبه بنفس الوضعيه ..وعيونها الناعسه فيها أثار البكاء
عماد :السلام عليكم .. مافيش رد منها
عماد بصوت هادي : فهمت انك اخترتي بتقعدي زوجتي..
كنت عارف انك عاقله..حنعاملك باللي يرضاه الله وح تكوني زوجتي لآخر العمر ..
مفش اي استجابه لوعوده ..خذا ملابسه وخش دوش وطلع رايق نفذ تخطيطه ونجح وتخلص من قصتها..
بيعيش حياه طبيعيه ويثبت لروحه انه احسن الاختيار..
عماد : ليش ماتغديتي ..وين الورغان !!
عيونها مثبته ع الارض مفش منها ولا رد ..
لعند هنا شاط عماد : انا لما نكلمك تبحتي فيا.. وتكلميني
رفعت عيونها لجسمه من فوق لتحت تقييم فيه ..بعد ممسحت جسمه بعيونها : قلت حاجه ..اين ورغان.. شوفه في القمامه ..
عماد بغضب : ومنو سمحلك يامدام ..
ابتسام : انا قلت نرميه ..
عماد حاول يسيطر ع روحه مش مهم المفرش لكن حركاتها ونظراتها استفزاته : وهذي حركات انسان عاقل..
الورغان جديد..
ابتسام وصلت عندها بحقد ودموع :وانت حاسب روحك عاقل ..االعاقل مايتزوج عشان يعاقب أهله ع التأخير.. العاقل مايقول لزوجته اللهي اعطوها اهلها امانه انتي تصبيرة ليوم زواجي عشان شريتك ..العاقل مايلمس حرمة وهي مش طايقته.. واخيرا يالعاقل حنكون الزوجة المطيعة ..لكن انت ملكت الجسد بالغصب لكن القلب استحاله تملكه ..وانا كرهتك ماكرهت قبلك حد الا ابليس
وناضت للحمام لكن وقفها صوته بهزوه : انا ماطلبت منك تحبيني ..وانتي كيف فكرتي في الزواج وقت وافقتي عليه .. مردتش عليه وخشت للحمام ..
فاديه ..واقفه وحدها الشمس عمودية ع راسها وظهرها لا سند ولا أب ولا أخ ..ولاحتى شنطة ملابسها.. محتاره وضايعه مع احساس بالمراره والذل اول مره تعيشه .. امس ضربني واليوم نزلني من السيارة امالا بكرة كيف بابا ضيعني حطني في يد واحد يبيني عبده له ويقولها بصراحه ..ياريته يستاهل ..لكن وين بنمشي ماما زوجها مايبي يشوف وجهي ..عيال عمي كان مشيت لهم يشووني.. وسالم حاسبني خطيبته وتزوجت غيره .. ياربي ارحمني .. سمعت صوت عجلات سيارة رفعت راسها لقت فيها جيب سودة وفيها مجموعة شباب .. حست بدمها جمد في عروقها من الرعب وعقلها وقف وقفت السيارة جنبها ..تذكرت قصص الخطف ..قعدت في مكانها سمعت صوته من مسافه قريبه ..بدون اراده وقفت وراه ..ياسر : اي خدمه ياشباب ..
رد واحد من الشباب : تسلم بس شفنا سيارتك شبهنا عليها ..ياسر : حصل خير ..
فاديه متحركت من مكانها قعدت ترعش وقلبها يدق بقوه..لكن قررت ترد معاه خلاص شيء احسن من شيء
بعدين هضا قدري ونسيبي ..
ياسر مقمعز يدخن قريب يكمل الدخان وعطاها فرصه وهي تأخرت وخلاص كان بينزل يجيبها كان هي مجنونه فهو عاقل ..مهما كان هذي زوجته وخدامته ..كيف يفرط فيها ..شاف الجيب في المرايه حس بالغضب نزل يتفاهم معاهم ..بمجرد وصل حس بالراحه كانوا مجموعه طالعين لزرده لاحقين هلهم ..حس بيدها وجسمها وقت جت وراه تحتمي فيه..مش كانت بترد لبنغازي هذي فرصتها لكن هو غير رايه غصبا عنها ترد معاه.. بعد تفاهم مع الشباب خذاها معاه ماسكها من يدها لسيارته فتح الباب وخششها للسياره ..
فاديه بقوه : ردني لبنغازي ..
كذابه هي كتوميه وحفظا لكرامتها عشان يعرف انها مش راضيه ..لكن لمنو بتمشي..
ياسر مردتش عليها ولع الراديو ومشى للشرق ..
فاديه اول مره تطلع من بنغازي ودعتها بدموع وصدر مهموم ..وقلب مطعون وروحها مثقله بالحزن ..ظنك الجاي تحس بفرح او حزن ..
بعد اسبوع ..
ابتسام نحس بغصه بعيد ان نحب وحيده ضايعه ماننكر اهل عماد مش مقصرين معايا ويحبوني بدون قيود او حدود ..لكن الدم يحن.. لولا بنت عمهم اللي واضح انها محبوبة الجماهير وعمتي طايره فيها ومافي ع لسانها الا دارت حطت فعلت لبست قالت ..
اما عماد حكايه ثانيه اول ليله حاول يرضيني لكن رديت
عليه بحقد ومع هضا كله خذا اللي يبيه ..وقعد يتجاهل وجودي ويعاملني كيف الساس ..وشكله عافني.. ياريت دوم مش يوم ..ومانتقابل ابدا لأنه عمله باليل يجي الفجر وانا وقت نوضاني ..فكرة وحده في بالي مش حنقعد له لما يطلع بابا من السجن ..وقاعده توا ع قلبه.. طلبت منه يدبر ارقام خواتي مع كم دمعه شكلها أثرت فيه ..اليوم خش فرحان لحقته باهتمام : عماد ممكن رقم خواتي بنكلمهم..
قالي : اي تبي تكلمي توا ..
رديت عليه بضحكة معجون اسنان : اها الله يخليك..
قمعز ع الكرسي وبدا يكلم : السلام عليكم ..
........... الاخ فيصل
...........معاك عماد عديلك
...........الله يسلمك ..ممكن زوجتي تكلم اختها..
عطاني التليفون اول مرة نحس اني مرايفه عليها كأن ليا سنه متفارقين مش اسبوع ..
بدموع سيلان وتعاطف : كيف حالك وكيف زوجك معاك انتي بخير !وحشتيني موت ..
اماني بضحكه عاليه : حبه حبه ..انا بخير وزوجي شايلني ع كفوف الراحه ..توحشتك يالبرتقاله ..ها بشري اكيد عذبتي حاله ..
فتت المقطع الاخير وبلهفه : كلمتي فاديه ..
جت القوه الشخصيه الواثقه لأماني : لا.. لكن ماينخاف عليها ..زوجها من اسرة معروفه..ومشهوره..ولهم عيادات وصيدليات ..ومحلات أثاث ..وهو دكتور يعالج الناس اكيد قلبه طيب ..ومعيشها في العسل وخلاها تنسى..
ابتسام : فاديه مستحيل تنسى ..انتي ماشفتيه شكله يخوف انا خايفه عليها ..ممكن اسمه مزور ومش دكتور..
اماني : متخافيش ..ممكن سافرت أو انشغلت.. انتي خيالك واسع ينفع لفيلم رعب.. تعوذي من الشيطان..
ابتسام : الله يحفظها ..انتي وين ساكنه..
كلمتها ساعه ونص ..عرفتها ساكنه في حي راقي جدا وزوجها من الناس الاغنياء..وشكلها تحبه ومتهنيه معاه..
لكن ماعجبنيش فكرة ان هله معرفوش ..وكانت تخطط لقهر عمتي وبناتها ..وقتل خطيبة عماد..
وبعدين في اخر المكالمه قالت : اسمعي خوذي رقم تليفوني#######091 واطلبي من زوجك تليفوني عشان نكلمك ديما..بسرعه شحن تليفون فيصل بيفصل ..
ابتسام نبي ورقه وقلم بسرعه خذيت قلم من جيب عماد القدامي وكتبت الرقم ع بلوزتي السماويه هضا رقم الغاليه ..قلت بهمس : مع السلامه تفاحه ..
نقطع الخط وكان فيا طاقه لازم نفرغها وهو مقمعز جنبي صرخت فيه بغضب : وانت ماتعرفش تحل
التمعت عيونه بغضب لكن صوته كان هادي :ليش فيه اسرار ماتبينيش نسمعها ..
بطريقه طفوليه : كلام صبايا مفش داعي تسمعه.. واشريلي تليفون اليوم ..
كأنه يكلم طفل مشاغب :وهذي طريقه تطلبي بيها.. وليش التليفون وعندك الارضي ..
قلت بعبره :بنلعب بيه ..انت اشريلي بس ..
عماد: نشوف اختك بعد مكالمه وحده قلبتك علي ..
نزل شلال دموع : ونا معنديش عقل نفكر بيه ..انا قبل ماطلبت منك ..لان نحسابك تهديلي واحد ..لكن شنو نتوقع من واحد كيفك ..
فتح فمه برد عليها لكن عطاته ظهرها جرت لدارها وقبل تقفل الباب كان واقف وصرخ فيها : وربي تعاودي الحركه هذي تعرفي شنو يصيرلك تندمي ..
وخرت مرعوبه منه : اي حركه عشان طلبت تليفون ؟
عماد بغضب : تعطيني ظهرك وانا نكلم فيك ..وبعدين امتى تكمل هالدموع ..كل كلمه تنزل معاها دمعه.. اوف عيشه تقصر العمر ..
بدموع وشهقات : كان مش عاجبك طلقني ..
عماد : رجعيلي 30 الف ..ممكن نطلقك ..اللي دفعتها فيك..
صرخت فيه : خذيت بمقابلها بأبشع طريقه..
رد ببرود: لما نمل منك تو نطلقك بدون ماتطلبي ..وقبلها مانبيش نسمع منك طاري الطلاق ..وطلع
توقع من أول ليله تعقل ..ماتجيب سيرة الطلاق خير شر
لكن واضح ماينفع فيها ..اما البرتقاله ارتمت ع السرير تحسب ..وتفكر كيف تدبر المبلغ ..
فاديه ..
وصلنا بعد تعب شاق وصلنا للبيضا نزلت مره نصلي رديت شكله مايصليش لان لقيته في السياره قبلي.. ويكلم بالتليفون.. شكله يدور في حوش ..كويس امس مسكني في عمارة هنود لغز الراجل هضا.. مشينا مكتب عقارات بعد نص ساعه جا ومشينا لحوش صغيرون.. خالي من الاثاث الا دار وحده فيها فرشه ..وشكله جديد الحوش واضح من السيسان ..وبرى فيه جنان صغير مليان بالشجر هواء نقي ..لكن جوى معفن وعمك يسور متلثم بالمنشف ورافع سرواله ..اخ نسى دار اللي كنا فيها امس..الحوش عباره عن دارين ومربوعه وحمامين ومطبخ كبير احلى حاجه في الحوش المطبخ ..
نزل الشناطي واغطيه للنوم وقالي مصدق روحه يكلم في شغاله بلهجه آمره : رتبي الشناطي وفرشي لان تعبان ونبي نرقد ..
خش الحمام يدوش ونا فرشتله وطلعت برى بنهرب منه.. طلع من الحمام وكلمني قالي خودي شناطيك واطلعي
الوقح الاجرب واثق من روحه ومفتخر ..خذيت حاجاتي وخذيت البطانيه قال : لا خليها كان حسيت ببرد بنتدفى بيها وانتي كان صقعتي تعالي ندفيك ..
واطي مستحيل نجي شورك نموت من البرد ولا تلمسني
عزقتله البطانيه بغضب وطلعت قالي سكري الباب وراك خشيت دوشت ولبست سروااين فوق بعضهن وبلوزتين وفوقهن جاكه شتويه.. انكتمت لكن حسيت بدفا ورقدت ع فرشه مجروده كيف قلتها وغطيت في نوم عميق..
أماني حياة مترفه جميله زوج حنون وكل اللي نتمناه ونطلبه نحصله.. واللي نتمناه نتحصل عليه ..طلوع نت تليفون
وزوج طيب الله يخليه ليا.. لكن الزين مايكمل..لان ملاحظه ع فيصل تصرفات غريبه ..مايمشيش في الظلام بروحه لازم الضي الفيلا يقعد والع كله فوق ولوطه.. كأن حفله.. وضعيف الشخصيه بشكل كبير ..ويكره الحيوانات بشكل عام وخاصه الكلاب ..
مثلا يروح تاعب نقوله هي نطلعوا يرد بابتسامه مليتي من قعدت الحوش انتي تأمري مش تطلبي ..سيارته ما عجبنيش شكلها قتله غيرها قالي نمشي انا وانتي لمعرض السيارات واختاري بذوقك .. طلبت شغاله ومالهش اي لزوم بذخ ورفاهيه وخلاص.. نحسابه يرفض قالي بكرة تكون عندك..
طبيعي اي بنت تمنى زوج كيف فيصل وتطلب وتحصل ع كل شيء ..بس انا متطلبه بشكل كبير ومش فاهمه في الحياه كويس ..تمنيته يكون قائد لي لكن شكلي بنكون انا قائد لغيري ..
ياسر طلع من الحوش بعد ماحرق لفاديه كف يدها لان اكتشفت انه عنده خمر وكبتها ..وصارت مناقشه قويه بينهم فاديه ماسكتت صرخت فيه وعلت صوتها وكاينه تحدد في ملابسه حرقلها يدها وطلع من الحوش غاضب
وقف في سيارته في مكان هادي مفيش اي ضوضاء
لين رن تليفونه ..فتح الخط وحطه ع ودنه
صوت رجالي مبحوح : السلام عليكم ..
ياسر لارد
الطرف الثاني ببحه : وين قاعد ؟
خذا نفس وجاوب بصوت مخنوق : في البيضاء
الطرف الثاني : شن أمورك ..تمام !!
ياسر بصوت هامس : لا
الطرف الثاني : ليش ..فيه شيء جديد منعرفش ..
ياسر بهمس مذنب : تزوجت ..
الطرف الثاني جاوب : عارف ..ام العيال الله ياخذها بهاليوم ..
ياسر : مرة ثانيه ..
الطرف الثاني بغضب : ليش ..وامتى ..انت ماتوب فرخ لازم حد معاك يعلمك كيف تصرف ..
ياسر بترجي : يوسف افهمني ..
صرخ الطرف الثاني بانفعال : ياسر ..مش كافي وحده ..
طلقها لصالحك احسن من نتدخل وربي مايرضيك تصرفي..
ياسر قعد فتره ساكت من الصدمه يوسف معتبر روحه أب متسلط عليه.. وشايفه ملاك بريء مايعرف يصرف نفسه ..لهدرجه يخاف عليه..مش عارف شنو داير في بنت الناس ..ح يغير رايه ..
ياسر بخنقه : كيف يعني تدخل ؟
يوسف بقوه : كان بتخليك تدير الاخطاء لازم تطلقها.. لو اظطريت ندير .....اي شيء ..
ياسر الخنقه لفت عليه اقوى : وهي تخليني ندير الغلط..
لا... لا...
يوسف بصبر: قلت لك اطلع من طرابلس عشان تبعد ع المصايب.. جيت وجبت معاك المصايب ..انت امتى تفهم
ياسر : ملهش حد.. وانا محتاج لحد يخدمني.. ويسليني..
يوسف بنقمه : ملهش حد أحسن ..مش ذنبك.. ومن امتى الحنيه.. قبل نخبرك قلبك ميت ع بنات حواء.. وليش مضيقه خلقك بنت الكلاب..ماتقولش اكتشفك انك فقير.. او مش ساكن في فيلا كيف هلك.. أو
قاطعه ياسر : اكتشفت الخمر..
فترة صمت
يوسف بصدمه : مش قلت تركته ؟
ياسر بضعف : انا تركته ..لكن.. لكن نشرب شوي لما نكون متضايق ..او النوم مجافيني.. وكان في جنان الحوش الاول اللي كنت مأجره..وكنت نبي نتخلص منه ..
يوسف بهزوه : تخلص منه ..تشربه يعني ..
ياسر بقهر : انا كنت ناوي نسيبه ..وانت تعرف لكن
يوسف بضيق : وكيف كان رد المدام ؟
ياسر بضيق مشابه : كبتها كلها ..وكبت منها في وجهي
يوسف بضحكه عاليه : وربي بنت ارجال.. تسلم يدها..
ويرحم والديها.. لاااا هالبنت فله ..خليها تربيك.. ياريتها تعطيك كف توعيك من اللي انت فيه ..
ياسر مبرطم : مش مطلقها ..
يوسف بذهول : منو قال طلقها.. اسحب كلامي الاول.. نحسابها كيف عجوز النار ..لكن دامها قويه.. بيش تناسبك..
ياسر بحسره : ماضي اسود انت تعرفه ..
يوسف بعد سكوت : براحتك.. تصرف باللي يرضيك..بس ماتظلمها انا بصراحه رحمتها هالبنيه ..وطالما مالها حد اعتبرها اختي.. اتصلت عشان نطمن عليك..والحمدلله انت بخير --وبضحكه -- في ايدي امينه ..وكان استحقيت اي شيء تعرفني انا وفلوسي فداك ياخويا..مع السلامه .. سكر من يوسف وقعد يتأمل فيه يوسف طول عمره ينصر في الضعاف ..وهو مفش حد معاه نصره ولا نصفه..وقرر مش ح يطلقها ..ومشى للصيدليه شرى ميبو عشان الحرق ..وشرى بعض الحاجات وورغان بلون وردي هدية ترضيه لها ..
-------------
كان يراقب في العمال والشمس ساطره عليه طلع من المحل في حيره تليفونه ضاع وهضا مخصصه للعمل ..
وين يكون ..في شقته في طرابلس او في الفيلا اللي في بنغازي ..ركب في سيارته وبيتجه للعماره اكيد الغفير خذا اجار الشقق.. مشى للعماره وهدرز شوي مع العامل ع احوال العمارة وسكانها بعض منهم مدفع الايجار قالهم عطيهم مهلة ..طلع جت في وجهه عزوز كبيرة في العمر بعباية سودة..
قالت بتساؤول : انت صاحب العمارة
رد عليها : وصلتي ..
قالت بصوت مكسور من كبر سنها : الله يرحم والديك..
ماتردني ..
خذا نفس وقال : الله يرحمهم ويغفرلهم ..امري
قالت : اصبر ع ولدي 3 شهور ونعطيك الايجار كامل تعرف الوقت هضا اللي نحن فيه ..
قاطعها : بدل من 3 شهور ادفعي بعد 6 شهور وال3 هذينا ماتجيبي ايجارهم كأنك خلصتي ..
