اعذرني بنات تأخرت عليكن في النشر صارتلي خلبطه وتوا عدلتها
زوجي مغرور 69
لما طلعت م الحوش كانت سيارات واجده وعرم رجاله.. أنا الوحيده اللي روحت ياسر أصر إني نروح.. أما أماني وابتسام بيقعدن.. وصلنا للشقه كنت مصليه العشاء وتاعبه بكل.. رتميت ع السرير لكن ماإقدرت نرقد رغم تعبي كنت نبحت ف الفراغ.. كان مقمعز قدام سريري ع الكرسي.. تقرب وحط إيده البارده الضخمه فوق جبهتي.. وقرا قرآن (الفاتحه والمعوذات ) وكررها وكررها لكن مازلت واعيه.. حتى عيني ماغمضتها..
وقف رغم اتعبه وارهاقه وطلع ورد بعد وقت قصير ف إيده شريط أدويه وعطاني حبتين واميه.. مرات تكون (هيروين او كوكايين أو مورفين ) سألتش رحبت بأي شيء يعطي راحه مؤقته ..خذيت الحبتين وغرقت ف عالم آخر..
نضت لقيت الشمس شرقت والساعه 10 والجو دافي.. وياسر واقف يراقبني.. رفعت روحي طاح الغطاء لقيت روحي لابسه بجامه والبطم مفتوحات دبشي تغير انا ما إرقدت بها هذي..
كان يراقب بتوجس وحذر.. وتكلم بشويه: حاولت انوضك لصلاة الفجر مانضتي ..أمس الليل كنتي ساخنه..
أنا نومي صح ثقيل لكن يحول لبسي ويلبسني غيرها بدون ماينوضني هضا مستحيل.. الحبوب مخدره ؟ رقد معايه.. فيه اثر ع السرير الغطاء محول والمخده أثر راسه عليها.. استغل حالتي..بس نشعرش بشي متغير.. يتغيرش هضا مالواقع المؤلم إن بابا توفى..
كان مجهزلي لبسي وعدة الدوش دوشت وطلعت..
لقيته جاب حتى فطور لكن ماعندي نيه ناكل أصر يانفطر أو مفش مشي للعزا.. شالني لخواتي ف حوش العزا..
مرن يومين نفس الموال واليوم آخر يوم ف العزا..
خشيت للشقه واستقريت ع السرير.. وهو جاب الميه وحبتين الدواء الغامض لكن بدل مانحطها ف فمي خليتها ف كفي وتظاهرت بالنوم.. قرب م السرير وبدا يحول ف جزء من لبسي بحركات سريعه وردني كيف ماكنت.. همس ف ودني وهو يتلمس ف فمي بصبعه : أستودعك الله الذي لاتضيع ودائعه..وطلع..
__________
أماني..
بديت نوعى م الصدمه كان لابد ناخذ دبش م الحوش ونعرف أخبار فيصل خبرت أمي "مرت عمي " وافق سعد ولد عمي هو وبنته وخذوني للحوش وصلت للفيلا قعد سعد هو وبنته ف السياره ..لقيت داري كيف ماخليتها جت رمانه بسرعه وتبكي وتقولي خوذيني معاك.. فكرت إبتسام حامل تو نعطيها لها.. خبرتني فيه من خش لداري ف غيابي.. لقيت كل الاوراق مختفيه مع صندوق الذهب.. ركبت لدار أم طارق وخبرتها تظاهرت بصدمه.. لكن اتصلت ببنتها أمل وجت.. بعد شد وجذب طلعت الصندوق.. خذيت اللي نبيه منه ورديت لعم الصندوق.. رفضت أم طارق لكن ماهتميت.. هذي حركات أبناء العز والطبقه المخمليه السرقه..
ساعدتني رمانه ف لم كل لبسي .. طلبت من سعد يمر بيه للمستشفى لكن الزياره كانت ممنوعه.. وحالة فيصل سيئه جدا..
تاعبه ﻷقصى درجه انحدار النفسيه.. أمل تقولي : طارق يقول خوذيه ولو تحبي ارميه ف القمامه.. ماكان يعلم إني خذيته..عطيتها نظرة لا مبالاه شنو طارق هضا اوف.. ومن بيهتم به.. إلحقتني وهي تكمل كلامها : هو حقك.. وأسفه ﻷني خذيته..
قاطعتها : سرقتيه بدون علمي.. ومعاه أوراق.. حتى هنا ليه..
ردت باستنكار مشبع : لا مش لك.. راجلك مامات عشان ثورتيه.. خوه خذا الأوراق عشان العمل..
اقشعر جسمي من جاب طاري الورث بابا توفى وراجلي مريض بمرض عضال.. وهذي وخوها يفكروا بالورث.. لا راجل ولاهل ولا مستقبل : خبر يوصلك يتعداك.. كل شيء باسمي.. بيع وشراء مثبته بأوراق رسميه.. أراضي عمارات.. حتى رصيده بالبنك كله بحسابي.. كل شيء يملكه فيصل ملكي.. أنا عظمه ف بلعوم خوك.. وشوك ف طريقه..
__________
يوسف..
مريض بإنفلونزا.. تاعب للاخر.. لكن مضطر نتحرك.. اليوم طلعت نشوف فاتورة تليفوني القديم اللي ضاع.. وشكله طاح ف يد من استغله شر الأستغلال.. لقيت الفاتوره بمبلغ كبير..
مكلم بعدة أرقام اكثرها مجهوله.. بمساعدة أحد موظفي الإتصالات كان واحد م الأرقام لتليفون حوش.. وم الحظ تعرف الموظف ع أسم صاحبه.. مشى له ف الحوش.. بعد ما حكى مع صاحب الحوش حكى له القصه مختصره.. إن التليفون نسرق وصار فيه مشاكل بسرقته.. اختفى الراجل فتره وطلع وهو حامق اعترف بخجل : هضا الرقم مع صاحب ولدي .. اسمه وليد ال.......
وعطى عنوان حوش وليد.. قرب المغرب وزاد التعب.. فاظطريت نأجل التحقيق وإثبات برائة ليلى.. تمددت ف وسط الحوش ع أمل نتريح لعند يأذن المغرب.. لكن الحمى زادت والتعب والإرهاق تضاعف.. معاد إقدرت نوقف..
________
إبتسام..
أمس روحت ..عماد بيطلع منعته نبيش نقعد بروحي.. لازم نغير م طيعي نعود للاستراتيجيه القديمه مش بالعناد نروضه باللين وتكتيك انثوي والسحر الحلال..
اليوم الثاني..حسيت بألم ف ضرسي تمددت حتى يزول الألم لكن غفيت.. نضت لقيت الساعه تسعه وعماد قال فيه ضيوف بيجوا يسهروا عندنا.. بسرعه قياسيه غسلت وجهي وغيرت لبسي ..نزلت بسرعه قبل نخش للمطبخ..
عماد : تحسابين اللي رادني منك خوف.. لا مش خوف.. لكن احترام لعمي وخالتي أما إنتي ولا شيء..
صوت قوي وحازم لسلوى: إنت تعرف الإحترام.. يا شبيه الرجاله..
تبعت صوت صرخه رعب.. خشيت بسرعه لقيت عماد يرفع وجهها يبي يضربها بقوه وبدون...
