زوجي مغرور 98
يوسف ..
كنت يوميا قبل نمشي للعمل نمر قدام حوشهم.. مرات نلمحها هي خاشه أو طالعه ..أو نمر من نفس المكان اللي تمر فيه هي يطفي شوقي لها.." هك هانت عليك العشره ياليلى "..
فعلا الحب م طرف واحد مؤلم.. اليوم قابلت ياسر وافق ع مساعدتي..
مرات هي تظن إني فلست لكن لما تعرف الحقيقه لكن لما تعرف الحقيقه ممكن تغير رايها.. ماحد يقدر يجبر ليلى ع شيء.. ولما تغير رايها ماحد يقدر يبعدها عليه..
ليلى كان أكثر شيء يهمك ف الدنيا الفلوس.. ح نوفره لك وبكثره..
هدرت كرامتي ونا عزيز نفس لما طلبت م خوتها رجوعها فاجأني دخول أمها واعلنت إن بنتها طلبت الطلاق.. صح أنا نحبها ولا كرامه ف الحب ..لكن متأكد بدون كرامه هي ماتبيني.. لكن مش ح نهدر كرامتي أكثر..
قبل تخلى عليه اقترحت نسمي إسم المول "الليالي " يكون مشتق م إسم ليلى.. وكنت ناوي ناخذها زياره له كمفاجأه لما يكمل.. لكن قررت نمنحها نصيبي بدال م هك فهو يفرحها أكثر م مجرد إسم..
إتفقت مع ياسر يقوم تأخير وصول خوها.. يكون عندي وقت متسع ﻹقناعها.. كان مانفع نجبرها.. وتفكر ف العواقب لاحقا..
________
ليلى..
بعد طلعت أمي م داري وهي غاضبه.. خشت أختي الكبيره "سلمى " كلمتني بحميه تحاول تقنعني : الرجاله ماهمهم حد ..
قطعتها بثقه : يوسف غير..
مسكتني بإيدي : يوسف راجل شباب ومال.. وخاطره بولد يشيل إسمه ..وانتي ماجبتي له.. يمكن الراجل يكون توا خاطب ..وقريب يتزوج.. ماسألتي عقلك ليش تركك ؟ليش ماحل يردك..
هذوما ناويين يجننوني ولا شنو ..رديت : سلمى هو حاول بس خوتك رفضوا..
هزت راسها وهي تقول : حبيبتي ليلى ماتعلقي روحك بأمل كاذب.. عشان تحطميش بعدين ..جهزي روحك للأسوأ..
قمعزت نتخيله مقمعز ف عرس كبير مع عروسته الجديده وحده م بنات خالته.. الثلاثه مرشحات جيدات.. يدلعها ويضحكها ويشريلها الهدايا ويهدرز معاها ..يا قلبي ساد أرحمني..
اليوم الثاني العصر ..دوشت دوش ساخن وطلعت ونا نسمع ف صوت سياره وقفت.. أكيد هضا عبد الله ..لكن الجرس ثار شكوكي..
طليت وكانت سيارة يوسف ..
بدون شعور تحركت ..أمي إمسكتني وقتلي ماتفتحي
رفضت وقلت لا ..
فتحت له الباب خش بسلطه رمى السلام بصوته المبحوح ..وعينه ماتبحت فيه.. خششته للمربوعه تحركت للمطبخ صبيت له عصير ورديت له..
مديت له عصير وسألته : يقولوا مفلس ؟
رفع وجهه وجاوب بتروي : يقولوا..
إجابه مبهمه إنتقلت للي يشغلني : وناوي تزوج ؟
كان العصير وصل لفمه ..لكن رفع وجهه وضاقت عيونه وجاوب ببطء : إحتمال..
مسكت التصرفات المتهوره داخلي وسألته بهدوء : من هي ؟
حط العصير اللي ماذاقه ع الطاوله وسأل بدون مايجاوب : من توقعي ؟
جاوبت : وحده م بنات خالتك ..
وقف وهو يجاوب بمهل وع فمه تلاعب بسمه : ذكيه..
ضربت الطاوله كان يعتقد إن حبه ضعفني فهو غلطان.. أنا نتعذب فيه بعده وهو يفكر يتزوج غيري : وطبعا ناوي تطلق
جاوب ببطء : أكيد لا..
تم شن الحرب.. صرخت فيه : عشان هك خليتني ف حوش هلي.. عيد حساباتك.. صاحبك زوج الإثنين شجعك.. ﻷنه يعرفش ليلى..
تقدمت ونا قريب ننفجر وعيوني تفنص قريب تطلع : رد فلوسي.. انا عطيتك الفلوس عشان تفك ضيقتك.. مش عشان تتزوج بهن.. وحوشي تفكرش تسكن فيه إمرتك..
كملت ونا نمسح دمعات غبيه بحقد وغل : مش ح نخليك تهنى معاها.. إنت فاهم.. نعنها يوم الزفه تطيح ع وجهها ويصيرلها ارتجاج ف الدماغ.. وانت تلحقها بجلطة ف القلب.. تحساب بنقول إمشي ربي يوسع دربك.. نعنك ماتشوف إنت وهي إلا النكد والهم والغم..
كملت : تعال هنا يمكن عنديش مشكله وسبب اللي ماحملت مشكله عندك إنت.. نحن درناش فحص ولا شيء ..
كملت ونا نقلد صوته المبحوح بهزوه : نحبك ياليلى.. كذاب.. كان ماخليتك تندم يالعنز الاشقر .. رد لي فلوسي.. وبعدها تزوج ياخاين.. يانذل ..
_______
طارق..
نفحة عطرها سبقتها لتعلن حضورها..انصعقت لما حولت عبايتها ..بانت كزهره جميله.. بمكياج خفيف مايشبه مكياج خواتي ليلة زفافهن.. وغيرت قفطانها..
بدت طفله ساذجه مرتبكه لطيفه متقده وجذابه.. لكن المظاهر خداعه.. هي جشعه بلا قلب.. صلينا مع بعضنا.. وخليتها..
مش عريس حقيقي واليوم عندي مباراه لفريقي المفضل وقمعزت حضرت الإعاده .. كانت فرصه لﻹبتعاد ع عروستي شويه.. لكن عقلي رفض اﻹبتعاد ..كانت تحرك واجد ورقدت بعدها ع السرير.. جفلت م الأفكار قعدت نتخيل هدرزتها وضحكتها ليه.. منظرها وهي ع ال تي في وتلعب بالبلايستيشن..
قعدت نتسكع بعد انتهت المباراه بخسارة فريقي.. خذيت دبشي عشان نغير.. لقيتها منثره الصابون ومعطرات الجسم بالحمام.. قطعت خيالاتي الغبيه بالحقيقه وهي استحاله نعيش معاها سلميا.. لحاجات واجده أنااضطررت ﻹبتزازها عشان تتزوجني.. طمعا ف اﻷملاك.. وهي كانت زوجه ل... تخيلت منظرها بجنب فيصل كان منظر مؤلم.. شويه.. الشعور هضا يتسمى الغيره.. أنا نغير !! علي من ؟
كانت راقده بوسط السرير وجسمها صاحب العظام الرقيقه ممتد يغطيه جلد ناعم ..وخصلات شعرها ع المخده..
إيدها الصغيره تحت المخده ..قربت أكثر عشان نحركها عشان
زوجي مغرور 99
إيدها الصغيره تحت المخده ..قربت أكثر عشان نحركها عشان بنرقد.. بكت بكاء هيستيري وشهقات تهز جسمها سألتها بخوف : أماني ..كنك ؟!
لكن كافأتني بضربه بركبتها ف بطني معاها صرخه.. تلويت م بطني م اﻷلم طارت هي م السرير طاحت ع اﻷرض ..وصلت للضي فتحته ..كنت دايخ نوم.. لكن رقتلي قفزت م السرير طلعت تجري وبتطلع م الجناح ..
شنو المأزق هضا ..أنا طارق نلحق بطفله ف هالمكان.. مسكتها ونا نهزها : وين طالعه نحن ف الهوتيل..
ردت بخوف غريب : تصرخش..
نفضت إيدي منها ..الخطاء كان ف تصرفي أنا مش تصرفها هي.. كانت راقده ف أمان وسلام .. وفجأه تلقى راجل معاها شنو توقع بتحضنك يعني.. ممكن كانت تقصد ..شنو درت .. مااستمرت افكاري ﻷني غرقت ف النوم..
نضت لصلاة الفجر بصوت ينادي باسمي يتكرر وبنفس النبره : طارق.. طارق.. طارق.. طارق.. طارق.. طارق.. طارق.. طارق.. طارق ..طارق.. طارق.. طارق.. طارق..
كان ﻷسمي نكهه أخرى ..فتحت عيوني ونا نحاول نقعد مش غاضب : خلاص ..وجع هذي طريقه تنوضي بها حد
خشيت بندوش ..لكن لقيتها مستخدمه كل الميه الساخنه اللي ف سخان..
توضيت بميه بارده وطلعت نصلي.. لقيتها مقمعزه واللاب توب قدامها والسماعات ف ودنها.. ومازالت لابسه البجامه الصفرا الواسعه وشعرها مرفوع وطايحه منه خصلات قصيره ع وجهها..
قررت ف تأجيل ﻹصابه بمرض السكر والضغط عدم التفكير بعروس تجيب معاها لاب توب..
اﻹسبوع اللي فات خضت حرب ضروس ضد عائلتي حتى يوافقوا إني نتزوج ..باتي رد ع اﻷمر بتعليق قصير : كنت نحسابك عاقل..
أما أمي فاجأتني برفضها.. والسبب إن أماني صغيره ومرهقه وأنا ....
أما سمير شجعني : خوذها وخليها تسجل كل شيء باسمك وطلقها..
أسماء وأمل رفضوا الموضوع جمله وتفصيلا.. ماحضرن حتى عقد القران..
اضطريت نرقد ف اﻹستراحه ..ﻷني غيرت ديكور داري وأثاثها ..لكن مازالت ريحة الزواق تفوح فيها..
رديت بنرقد ف النهار
كان نفس الصوت بتكرار وبنفس النبره : طارق.. طارق.. طارق.. طارق.. طارق.. طارق.. طارق.. طارق.. طارق ..طارق.. طارق.. طارق.. طارق..
صرخت بغضب : نعم..
ماردت.. رديت راسي للمخده ..حسيت بالسرير ينخفض وصوت إقترابها ..جميع حواسي نايضه..قريب نهرب.. قعد صوت قلبي مسموع.. غمضت عيوني.. تو تحول اللحاف وترمي ذراعها عليه وتحتضني لتغريني.. لا تو تحط راسها ع كتفي.. لالا تو تمرر صوابعها بشعري .. وتهمس بكلمات ناعمه..
رفعت الغطاء لكن بوقاحه وصرخت بازعاج متعمد : نوض صل الظهر .. ونا جيعااااانه.. جيب غداء لو تحب ع حسابي..
_________
ليلى..
كملت : تعال هنا يمكن عنديش مشكله وسبب اللي ماحملت مشكله عندك إنت.. نحن درناش فحص ولا شيء ..
قطعها بصوت هادي : الشرع حلل أربعه.. وانتي قلتي بتخطبي لي..
ماإقدرت نرد عليه ..كنت قريب نبكي..نبيش نبكي قدامه جيت بنطلع بسرعه م المكان بدل مانطرده من حوشنا مسك إيدي وهو يسأل : شنو قصة الفلوس !!
نفضت إيدي م إيده وبفخر جاوبته : حولت من رصيدي لرصيدك ****** ..وياريت تردها ..
وضفت عشان نخليه يندم ع فعلته : وطلبت قرض ع راتبي بمبلغ كبير.. بس خلاص بنلغيه ..ﻷنك ماتستاهل..
مسك إيديه بقوه وهمس : بطلت نتزوج ..القصه فيها إرتجاج وجلطه وهم ونكد..
فكرت ممكن ﻷني ذكرت القرض قرر يبقى معاي يبيش يتزوج.. أوكي عنديش مانع.. بحتت ف وجهه ونحكي بصدق : خلاص إتفقنا نعطيك القرض.. بس تقسم تزوجش عليه..
ضحك ضحكه رنانه أمي برى سمعتها وخذاني ﻷقرب كنبه وقمعزني جنبه وهو يحكي بثقه : واقسم ياليلى مش متزوج.. راضيه ! إنتي فكري بالعقل بنات خالتي قدام عيني طول عمري.. ليش نفكر فيهن ونا متزوج ومتريح.. وقصة العيال أمتى مايسخر ربي بيجوا..
رديت وخلاص الدموع حضرن : باه.. ليش قلت لعزيز الكلام اللي قلته ؟
مسح دموعي وقال : خوك شنو قال ؟
هزيت راسي : إن هلي رموني عليك.. وعزيز مارضى و....
قطعني بغضب ونفور : كذااااب.. من قال الكلام هضا.. عزيز قاله ..أنا مستعد نواجهه حداك..
قطعته ونا نمسك إيده :مصدقتك يوسف..
سألني بصوت هادي وهو يحاول يكبح غضبه : أمك تقول معاد تبيني.. وطالبه الطلاق
صرخت بذعر : لاااا...
سألني بعدها بخفوت بعد ماعرف ع شخصية المخرب بيننا " أمي " : تردي ليلى.. الحوش بعدك كأنه مقبره.. فقدتك الدنيا ضاقت بي..
نحاول نداري خجلي : ناخذ عبايتي وأهم أوراقي وجايه
كنت بنطلع اعترضت أمي طريقي : بتردي له !!
وعطت نظرات إحتقار وتعالي ليوسف ..جاوبتها بهدوء : اها.. ياامي كانت تهمك راحتي.. خليني نرد له..
قطعتني : لو طلعتي معاه لا إنتي بنتي ولانعرفك.. حتى عزاي ماتحضريه..
رديت لورى مصعوقه مسك يوسف كتفي .. إختفت أمي بعد نسفت قلبي ..
ابتعدت ع يوسف ونا نرجف بحزن ليش ديما تعاكسنا اﻷمور : أمشي يوسف.. الله يسهل عليك.. نقدرش نرد معاك..
قال بتردد وهو مش مقتنع بردي : روحي معايه ومصيرها مع الوقت ترضى.. وزوريها.. عمري مامنعتك م زيارتها..
يوسف يعرفش أمي : يوسف أمي عندها السكر .. وكبيره ف العمر لاقدر الله توفت أو توفيت أنا ومش راضيه كيف ؟!
انهرت نبكي
زوجي مغرور 100
انهرت نبكي.. رفع راسي ..وباس جبهتي.. خذا تليفونه وحطه بين ايديه.. وبثقه : ليش تبكي ! خلاص كيف ماتحبي نخليك عندها.. ومش ح نطلق نحاول نردك برضاها وبرضا خوتك.. وهضا تليفوني ..كلميني يوميا .. وكان ماسمح الوقت دزي رساله.. وإذا غيرتي رايك نجي ناخذك....
قطعته : نحاول اﻷسبوع الجاي بعبدالله ياخذني للبنك عشان نطلع القرض..
حرك راسه برفض : مانستحقه ليلى.. عندي خير الحمدلله.. ومشروعي اﻷخير وجه خير بإذن الله .. أكيد بيكون وجه خير دام إسمه " الليالي "..
نخنق صوتي بعبره موجعه.. سماه المول باسمي.. عنديش شيء بالمقابل نقدمه له إلا كلمه وحده همست فيها بألم : خليهم يلوموني.. بس أقسم.. نحبك يوسف..
حضني لين قريب كسر ضلوعي وبرقه همس : ونا نحبك حتى لو تفرقنا نحبك.. لين نموت.. قلبي ماحب غيرك..
وطلع.. وخذا قلبي معاه..
_________
عماد..
هي وخالد مشكلين عايله.. أنا زايد ع الحاجه.. تبتسم له تضحك له وتحكي معه وتقلق عليه.. أما أنا ماتحكي معاي إلا لضرورة القصوى أو مجامله.. ولما نسألها ترد بأدب جم كأني غريب ولا أمت لها بصله..
كان اليوم عند باتي عزومه.. جت معاي إبتسام ظنيتها ف البدايه ترفض ونضطر نجبرها لكن ما إعترضت أبدا..
مش إبتسام الأولى اللي يظهر ع ملامحها رفضها خجلها غضبها فرحها..
قعدت إمرأه غامضه مانعرفها .. معقوله تكون سنه م العمر تغير كل هضا ف اﻹنسان !!
وصلنا غادي مافش حاجه لتحذيرها عدم محاولة إزعاج أمي أو إثارة مشكله هي تعلمت درس كويس..
ف نهاية اليوم خشيت نسلم مقمعزات كلهن.. أمي وإبتسام وعبير وبشرى وشهد وخالاتي أم هادي وأم سلوى ..
كلهن يهدرزن يتهامسن يبصرن إلا هي.. كنت نعرف علاقتها مع خواتي مقطوعه ..هن يكرهنها..
كانت تبحت ف خالد مرات تقمعزه ويحاول يمسك شعرها القصير بين صوابعه.. او يبكي ..ماكانت تبحت ف حد.. كانت حزينه.. بائسه وشكلها قريب تبكي..
وقفت بسرعه ونا نعلن مرواحتنا بسرعه.. مع إن بكرة عطله.. لكن رفضت نقعد أكثر.. مانقدر نراقب منظرها وهي حزينه..
________
فاديه ..
نضت لقيته مش قاعد.. ونا راقده فوق السرير المشئوم.. مع إني متأكده رقدت ف الزاويه ع اﻷرض.. ابتعدت ع السرير ببغض ودورت ع لبسه ..لقيت دبش له بدولاب .. دورت ع أغلى حاجه عشان نرفعله ضغطه ..تيشرت راقي بكمام طويله وسروال جينز أسود ..اضطريت نشده م فوق ع خصري ..وثنيت اﻷطراف م تحت..
خذيت قفطلني المرمي ع اﻷرض وعزقته بالقمامه..
أماني هي اﻷهم ..مستعده نعيش طول حياتي بتعاسه.. لكن مطمنه إن أختي تعيش ف هناء..
خش م الباب شاري حاجات..حطها فوق طاولة المطبخ وقمعز ع الكنبه وناداني كيف ماينادي الخدامه : فدوى وقفت قدامه نطقت عيونه باﻹعجاب رغم لبسي ساتر .. إحتمال توقف قدامه قرده لابسه قفطان يعجب بها..
تكلم بوقاحه هي طبع مغروس ..واللي صار أمس كان البدايه لا غير : لما إناديك قولي لبيه.. نعم.. حاضر.. اففف اليوم مشيت واجد هاتي إميه دافيه إنقع فيها كرعيه ..
لو تنقع راسك الكبير المتكبر عشان تختنق نفسك يكون أحسن.. نفذت بصمت.. الورقه الرابحه معاه يضغط بها امتى مايبي.. خذيت حوض بلاستيك كبير وميه دافيه وحطيتها قدامه.. وجيت بنمشي.. لكن بتعبير غاضب تكلم : وين ماشيه !! قمعزي..
أمرني بوقاحه متناهيه : دلكي ..كرعيه يوجعن ..
إحساس الغضب واﻹضطهاد ..إحساس إنك مسلوب اﻹراده.. قليل الحيله.. هضا إحساسي..
إحساس يخلي ندبات ف روحي.. ونا نقمعز بانكسار ونمسك كرعيه ونحول كندرته وشخاشيره.. وندلك كرعيه..
هكي تدوس كرامتي.. غرقت بتفكيري وماحسيت بروحي نلوي صبعه الصغير قريب كسرته ..صرخ بألم وقريب ضربني بكراعه وهو يصرخ : خلاص.. جهزي الفطور هنا..
جهزت الفطور وقمعزت قدامه.. لقيتها فرصه نطلبه بما إني مطيعه : عندي امتحانات بعد يومين.. تستمر ﻹسبوعين..
كمل فطوره بدون تعليق ..رديت له قمعزت تحت الكنبه وحطيت راسي مسنده لركبته ..بحت فيه بطرف عينه.. وحط إيده فوق راسي يلعب ع شعري وسأل : ضروري
تكملي قرايه.. إنتي متزوجه ..ووظيفتك إرضاء زوجك..
ياريت ينقطع لسانك الطويل.. صح وظيفتي إرضاء زوجي ..فقدت إحترامي لنفسي بسببك أمس.. وإنت تحاول كسر عزة نفسي وكبريائي .. مش ح نضيع أكثر م اللي ضاع.. قرايتي شيء مهم مش ح نتخلى عليها : ما باقي شيء بس اﻹمتحانات إسبوعين ..وبعدها نفضى لك رفعني وهو يمسك أعلى ذراعي وقمعزني جنبه .. وبانتصار : مفروض نمشوا لطرابلس ..لكن ح نقعدوا اﻹسبوعين وبعدها نمشوا.. عشان إمتحاناتك..
سألته لنأكد : جديات ياسر..
حط إيده ع كتفي وقامت نحولها بعيد : جديات..
بحتت م قريب لقيت م جهة كتفه اليسار أثار دم.. هضا الجرح اللي جرحته أمس مازال ينزف.. رفعت نظري شويه لقيت زاوية رقبة السوريه أثر روج بلون أحمر .. وع رقبته باقي أثار الجريمه.. اقشعر جسمي ..وقفت بسرعه.. قبل نزرع سنوني برقبته.. نعم أنا متوحشه ونتحول ﻷكل لحوم البشر لما تشعل ف قلبي نار الغيره.. بعد صلاة المغرب جا وقمعز ع الكنبه ..فطلبته بخضوع : ممكن نكلم أماني..
رفض : لا أختك عروس ومش....
