الاغلبيه طلبوا مني نكملها توا
زوجي مغرور 23
ليش ماتصلي ..اظن اسمها ف اممم فدوى ..بس حليوه ..وعقلها كبير ..نشك تكون راجل ..اوف ..ندور عليها خليها تديرلي وجبه ..ماكليت ..متروحش افطر معايه ..
" ننقنه مسطول تذكر اسمها ونسى اسمي "
يبي ياكل يبي سم يسمسمه ..وين بنهرب ..احسن حاجه نهرب للسطوح ..طلعت وفتحت الباب دار صوت حي عليه وحاي ..مشيت بشويه حاجه تمسك تيشرتي ..من الخوف عرفت انه ياسر كملت طريقي عفست ع لوحه حاده وتيشرتي نشق نصين نص الاول عليه والنص الثاني ف ... التفتت مافيه حد ..الحمدلله ..اوف قلبي طاح ..خذيت الطرف اللي تمزق ..وحولت اللوحه من كراعي قعدت دم .. ركبت للسطوح فيه دويره صغيره فيها حاجات خفت نخش لها بس السطوح سقع ومنظر الدار مظلمه خشيت وخلاص قمعزت ولفيت ذراعي ع ركبيه ..
قعدت نفكر ف كلامه يعني متزوج زينه اسمها غريب تكون تونسيه او امها تونسيه ؟ امرته وأرملة خوه .. وعندها عيال ..وتزوجت بعد خوه مرتين ..وتطلقت وهو تزوجها ..مسكينه حظها معفن ..وهو مايطيقها ليش ..لأنه خوه كان يحبها؟..باهي هي شنو ذنبها .. لان صابره عليه وساكته ..وطارق صاحبه ..لكن بينهم مشكله خطيبة طارق ..وفيه واحد مات غارق ..والثاني انبثرت كراعه .. وخايف ع يوسف وسيارته ..اكثر من خوفه ع روحه ..منو يوسف هضا ؟ والماما قطعت عنه مصروفه وطرداته م العياده ..ياحرام ..
لغز ؟ خوف وتعب مرت كم ساعه وانا ف الدار المظلمه والنوم جافاني ..كنت ميته وصوت الاذان حياني ..الكل مستمتع بنومه الا انا ف الظلام والبرد والخوف عليك حظ ..الحمدلله اللهم لا اعتراض لحكمك ..حكايتي كيف بتمر مع هالوسخ ..ليش مانكون ف سرير دافي .ليش وليش ..ااه ياربي رحمتك ..بدى الجو يدفى سمعت صوت باب السطوح ..ف غضون ثواني لقيته واقف قدامي لابس سروال ابيض وبلوزه فسفوريه ..من وين شاريها هذي ..عيونه منتفخه ..ما إقدرت نميز هو واعي ولا سكران ..لكن خفت بلا راده وقفت .. نستعد للهجوم ..
بسبب وقفتي انفتح لبسي الممزق مسكته بإيدي ..
ياسر .. مقمعزه بس شافتني وقفت كان دبشها ملبز دم وإمزق من قدام ..يا الله لهدرجه كنت وحش ..متقرف من نفسي ..هي مالها ذنب الذنب ذنبي ..حاولت نحن صوتي ومديت لها إيدي
ياسر بحنيه : عطيني إيدك
وخرت برعب ..كان نفسي ناخذ شيء ونحطمه او نصرخ بأعلى صوتي ..انا حطمت إنسانه مالها ذنب انها لقت روحها ف المكان والوقت الغلط مع شيطان كيفي ..
قلت عشان نقنعها : عطيني ايدك ..انا واعي ..مش حنضرك ..تقدري تمشي ولا نشيلك ..
هوت راسها بحركه سريعه يعني لا
قلت عشان نستفزها : نشيلك ؟
قالت بصوت هامس : نقدر نمشي
مازالت ايدي ممدوده قلت بنعومه : عطيني ايدك
مدت ايدها بتردد سكرت عليها بسرعه ايدها صغيره ناعمه رقيقه باااااارده لين متجمده .نزلت انا وهي وكانت تعرج ..
خشينا للحوش خشت للدار خذت لبسها وخشت تدوش
بسرعه خشيت للمطبخ وانا ف قمة غضبي ..مستحيل ..حظي المعفن ..انا شيطان ..بريئه وصغيره ..لازم نتفاهم معاها ..اوف ماظني تقبل مني اعتذاري ..اوووووووف ..
فاديه ..كنت نصلي ولما كملت شفته واقف عند الباب ..
تكلم بوقاحه : كيفك توا ؟ نشيلك للمستشفى ؟
بعد عمايلك السود اللي درتهم جاي وعندك وجه وتسأل نشيلك للمستشفى ؟ وانا مش طايقته بكل ..
بسبب ظهور القرف ع وجهها قلت لها : اطلبي اي شيء وانا انفذ طلباتك ..
قلت له : ردني لهلي معاد عندي قعده عندك
قال بترفع : رده لهلك انسي ..لكن اشرطي ولك ماطلبتي.. انا مندري شنو صار امس بس انتي... اوووف
فكرت بسرعه وقلت : تنفذ كل شروطي ؟
قال بسرعه وفرحه لقى مخرج : اكيد
قلت : شروطي هي ....
-----------------
أماني .. اليوم مشيت للسوق وكان فيصل معايه ..انا بصراحه من عشاق التسوق ..كان معايا شكاير واجدات وكنت ع وشك بنطلع م المول سمعت واحد يقولي خوذي رقمي ياسمحه.......09 بحتت فيه شاب مراهق استغربت كنه يغازل فيه ..دورتش وقعدت ندور ف فيصل وصلت للسياره وبعدها بشوي شرف وكان يصرخ : من وين تعرفيه هالشاب ؟ وشنو قال لك ؟
رديت عليه بصراخ : انت انهبلت ..من وين نعرفه .."وحلفت له " لا نعرفه ولا يعرفني
مشى بعيد شوي ورد : باهي ليش جاك ..وقالك ياسمحه .. اكيد يعرفك وشايفك ..ومتفق معاك تقابليه ف المول ..لانك تعرفي ان انا مريض تحسابيني غبي ..
قلت وانا مصدومه من كلامه وافكاره : حلفت لك ان مانعرفه ..كنك مش مصدق ..مراهق يغازل كل بنت شافها ..
كان يشد ف وجهه وشعره وقمعز ع الكنبه وقال بصوت متحطم : انتي تحبيني صح..ومش ح تخلي عليه ..خوذي كل شيء تبيه ..بس ماتخلي عليه ..انا نحبك اماني ..واقسم اني نحبك ..
قمعزت وانا نبكي مش عارفه ايش نقول خايفه منه وعليه ..
بحت فيه وقال : ماتبكيش ..امونه انتي تحبيني صح ..ماتحبيشي هو ..
قلت وانا خاطري نسكته ونطلعه من حاله الهيستيريا : واقسم اني نحبك ..
نعم نحبه هضا سندي وباتي وخويا وعمري شفتش منه حاجه شينه ف حقي
قالت بصوت واطي : عطيني تليفونك واللاب
قلت : فيصل انت تشك فيه
قال بضعف : كان انتي واثقه من روحك عطيني
بحتت فيه كان يتكلم
زوجي مغرور 24
كان يتكلم كأن المسأله حياه او موت : انا واثقه ..لكن انت ليش شاك..شايف فيه حاطه عجباتكش ؟
قال بترجي مجنون : عطيني ونردها لك بعد مانتأكد
قلت عشان نهديه : خلاص فيصل تو نعطيك ..بس بشرط
قال وايده ترجف وطاح ع الكنبه بخوف : شرط ؟!!
--------------
ابتسام ..كنت انظف ف الدور الارضي قسم الضيافه وعبير وبشرى ينظفن ف الدور الاول قسم النوم
عمتي من بعيد هي رسميات معايه نحس فيها كارهتني بعد اخر عزومه ..براحتها ..
اما البنات نتعامل معاهم كصديقات ..وعماد وما أدراك ماعماد ..كيف نتعامل معاه ..طبعا عادي ..مرات نحسه ذوق واخلاق ورومانسي ..بس اللي بيني وبينه صعب ننساه ..لانه زواجنا كان جا بطريقه اخره ممكن حبيته وكسبته ..وانا اللي ف راسي هضا زواج مؤقت غير يطلع بابا م السجن او هو يتزوج سلوى ..كله عشان يصدمنيش مره ثانيه ونتحطم ..
كملت وظهري نكسر وصارت ريحتي كلوركس وديتول ماصدقت كملت بنركب ندوش ونغير لبسي ..
قابلت البنات ف الدور الاول مقمعزات عبير رابطه راسها وبشرى لابسه توته ورافعه سروالها لنص ساقها واضحات يشتغلن بجهد
قلت بابتسامه : عطيكم الصحه
ردن بضحكه : الله يسلمك ..عطيك الصحه حتى انتي
قمعزت بتعب : كملت وروحي طالعه
بشرى قالت وهي راقيلها : قهره ..البنات يوم السبت راحه عندهم وانا كد وجهد ومعاناه ..
عبير : ليش الاخت تبيش تاخذ دور ف التنظيف
بشرى بحمق : ارحموا من ف الارض يرحمكم من ف السماء ..انا ثالثه ثانوي ..البنات يدلعون بناتهم ف هالسنه عشان الشهاده ..وانا طايحين فيه ..
عبير بشماته : انتي مش احسن مني ..محد رحمني وانا ف عمرك ..تبيني نرحمك
بشرى بقهر : مفروض نديروا شغاله
فكرت فيها صح عماد وباته حالتهم فوق الممتاز والحوش كبير واجد طلع معاي سؤال الفضول : وليش ماتديروا شغاله ؟
صرخن الاثنين : عماااااد ..
قات باستفهام : عماد كنه ؟
قالت بشرى بهزوه وهي تقلد صوت عماد : شغالة شنو .. عندنا 3 بنات ف الحوش ..كل وحده تقدر دور وحدها .. خليهم يقعدن صبايا ..لو نجيبوا شغاله الوحده حتى فنجال القهوه ماتشيله من قدامها ..
كملت عبير : زبلاوي الشغالات واجد ..تسحر وتسرق وماتخلي ماتدير ..
انا خطرت ف بالي فكره اي شيء يستفز عماد بنديره هالانسان الاناني المتخلف صاحب أفكار الشيابين وقلت لهم : لو خليته يجيب شغاله ..
بشرى بثقه : مستحيل
عبير بجديه : كيف ؟!
قلت بمكر والفكره عاجبتني : لازم مساعده وخطه .......
بشرى بضحكه : ماعتقدش ينفع لكن نجرب ..طالما فيها شغاله انا معاك ع الحلوه والمره ..
كانت الساعه 9 الليل مقمعز ع الكنبه قمعزت قدامه ببجامتي الورديه الحرير بموديل صيني اول مره نتزين له بعد اخر مشكله ..قلت بضحكه غنج : لالا حرام عمادي ..
بصراحه بدون مجامله الموضوع مايضحك ونحس ف روحي سخيفه لكن لاحظت كل ما ضحكت تبسم .. فحبيت نزيد ابتسامته ..مقمعز قدامي ببلوزه مفتوحه بلون رمادي وسروال اسود ..فيه بسمه خبيثه وعينه تلمع بدهاء ..يحساب حطني ف كمه ..طيب ياولد امك .. تلعب عليه نلعب عليك ..تو نشوف ..
قال ببسمه : دوم هالضحكه
قلت بدلع ونا نلعب ع شعري ونرفعه ع وجهي : وبعدين شنو صار ؟
كان بيكمل كلامه بس الباب دق بالقوه ..غصب عني كنت بنضحك هالمره من قلب .ﻷني عارفه من مخرب الجو الرومانسي ..
فتح الباب باستغراب كانت شهد فاتته ووقفت قدامي وقالت بطفوله : قتلك عبير بسرعه اغسلي دبشك ودبش عماد ﻷنها تبي الغساله
وقفت وتصنعت الضيق : مالقت الا هالوقت ..اف ..نسيت كل دبشك لازم انظفها ..
قال بصبر : وليش ماتغسلها هي .. ابتسام مش فاضيه
قلت بسرعه وانا مستغربه من رده : خلاص انا جايه
قلت بحكمه : انت من جدك ..عبير تغسل دبشك وانا موجوده
قال وهو يقفل الباب ورد قمعز : عادي لبس خوها
قلت : ولبسي منو يغسله ؟
رد : عبير
بحتت فيه وهو يتكلم من جده : اولا انا نرضش غيري يغسل دبشي ..ثانيا تبي خواتك يكرهني ..
بحت فيه بقوه : وليش يكرهنك ؟
قلت وانا نوقف : قمة النذاله هذي لو خليت عبير تغسل لبسي ..وبعدين لو ماخدمت زوجي حبيبي منو نخدم
كانت واضحه كلمة حبيبي طالعه من وراء قلبي ضحك عليها ..واكيد عارف بلسان عسل توصل لمرادك ..
عمزت له 😉 ..مسك ايدي بسرعه وبلهفه : كملي بسرعه حبيبتي وتعالي ..
حسيته عارفني نلعب عليه من نطقه ف كلمة حبيبتي ..
حركت راسي بأسف وقلت : نوعدكش لكن نحاول ..الدبش عرم
نزلت تحت لقيت لدار الغسيل لقيت بشرى طالع من راسها دخان قلت عشان نرفع ضغطها : ها كملتي غسيل دبشي
قالت بحمق : هضا اللي ناقص
قلت بضحكه : ولايهمك ..تسمينش ابتسام لو ماجبت من يخدمك
قالت بشك ومازالت زعلانه : ماعتقدش تقدري عليه ..وقتها نسميك تكشيره ..راس خويا فولاذ ماينفع معاه..
فكرت انه من خلال اسبوع نخليه يجيب شغاله ..لكن بعد هالكلام المشوار طويل ..لازم طبخ ع نار هاديه
تعمدت اتاخر ف الغسيل لنص الليل بعدها ركبت للدار وانا نشحن ف روحي وفعلا كان واعي قال ببسمه مرتاحه : تأخرتي
قلت بتعب مبالغ فيه : ننقاااني إتعبت دبش واجد
قال
