زوجي مغرور 20
خش عليه عبدالله الحبيب الطيب داري لكن بدل الوجه السمح البشوش وجه وحش مجنون ثور ثاير اول مره نشوفه بالشكل هضا ..جرني من شعري وقعد يسحب فيه وراه بدون رحمه مره نوقف ومره نطيح وهو ماهمه شيء ..سمعت رفيده تبكي وامي ترجى فيه يفهمها لكن كان يجر فيه بقوه لين حسيت دماغي بيطلع مع شعري .. وقف ع الجري ورماني ف دار مش مفروشه ع الارضيه لما طحت قفل الباب ..فك السير تاع سرواله وقعد ماسكه ف ايده : من ولد الكلب ..عطيني اسمه ؟
نرجف من الصدمه والفجعه ومش عارفه اي شيء : من..منو تقصد ؟..
رفسني بكراعه بعدها ضربني بالسير وقال وهو يلهث : حبيبك ..اللي تكلمي فيه ..وتصوري له ..واللي عشانه رفضتي فتحي ..تكلمي خير من خليك انتي والارض واحد..
عرفتش شنو نرد الخوف والصدمه كلها ضدي فكرت نستغيث بثاني قلت بصوت كسير : وين عبدالعزيز ؟ عبدااااااااااالعزيز
صرخت باستغاثه ..رفع السير وضربني بقوه وهو يقول : عبدالعزيز يقول اذبحها ..ادفنها حيه ..انا بريء منها ..انا مسامحك بس اقتلها..لكن لا نعطيك ماخترتي.. وبنزوجك له ..وبعدها متبري منك ليوم الدين ..لكني عطيني اسمه ..
يضرب فيه وكأنها ميته قمعزت وتكورت ع الارض وطاح معظم الضرب ع ظهري قلت بتوسل : قول لعبدالعزيز ..وربي ماكلمت حد ..اقتلني اذبحني وربي أهون من أن تظلمني ..
لكن بدل مايخف الضرب زاد واشتد اكثر ..رفعت راسي ونا نحساب القصه لعب عشان نوافق ع الشايب قلت بصوت متألم : خلاص عبدالله انا موافقه ع فتحي ..
نزل وشدني مع شعري الناعم ف ايده وجره لتحت فاضطريت نرفع وجههي وصرخ ف وجههي : عشان تسودي وجوهنا ..ساد نحن نعرف مصايبك ..ولا خايفه ع حبيب القلب ..عطيني اسمه ..وانا نفكك ..عطيني اسمه .. راهو قتلك عندي كيف شرب الميه .. مونافعك تستري عليه ..وهو فاضحك ..
بكيت وقلت بصوت مظلوم : يمين الله مادرت شيء غلط ..ارحمني ..او اقتلني ..اقتلني ياخوي..إلا الشرف ياخوي.. اذبحني كان مش مصدقني لكن لا تعذبني ..
قبل تكمل توسلاتها انهارت مغمى عليها وهنا بس وقف ع الضرب كانت كيف الدميه ..مهمشه ..محطمه..داميه ..
مسك راسه وقمعز قدامها ..وهو يفكر بالمصيبه اللي طايحه ع راسه .. كانت بداية المسأله لما خش عبدالعزيز وف ايده كلاشن وهو هايج ويصارخ وعرف القصه منه ..
عزوز استقبل مكالمه تليفونيه فيها شخص أكد معرفة اخته وصفها له او وصف لبسها وقال له انها حبيبته وان عنده دليل ودز له الصور وهي تضحك وتبتسم معقوله ..
كان عبدالعزيز بيقتلها بالكلاشن لكن عبدالله منعه ..مش عشانها عشان رفيده وخواتها وسمعت العايله فوق كل شيء ..الحل يجيب الشاب ويزوجها له ..لكن مستره عليه ..خايفه عليه ..
《حسبي الله ونعم الوكيل ف اللي يلعبوا ع بنات الناس》..
_____________
ابتسام ..نضت من النوم الظهر والنفسيه زفت لاحظت اللي اسمه عماد امس مارقد معايه ولا كلف ع نفسه يجي ياخذ بخاطري ..ع اساس هامته بعد الكلام اللي إسمعته.. جمعت الذهب كله حتى الدبله ..لكن تو نوريه البنت اللي شراها م الجامع شنو تدير فيه ..هي خاربه خاربه خليني نعميها ..
نزلت تحت ناويه نيه ..بس بعد نفطر ﻷني جيعانه نزلت من الدروج اللي يطلن ع المطبخ مش لازم نمر م وسط الحوش واكيد ملتمين فيه ..خبطت بوليد عمره ممكن 10 سنوات ..وصرخ بصوت عالي : شغاااله
التفتت وراي فش حد قلت ونا نبحت فيه بتفحص : فش حد منو تقصد ؟
فتح عينه بصدمه وقال : حاي شغاله وتحكي عربي ..
قلت بعد فهمت قصده ونا خاطري نعطيه كف : حل من يالايا ..
قال بنفخه : انتي اللي حلي
اوف شنو هالفرخ تعديته وخشيت للمطبخ ونا نشوف ف وجهي ف القزاز المطبخ عيوني صغار وحمره من كثر البكى امس وشعري واقف فعلا كأني شغاله حسبي الله عليك ياعماد شوف كيف قعدت بسببك انت وهلك ..
كملت أكل وقبل نطلع جا الفرخ وهو يسحب ف ايد وحده عمرها ف اوساط الثلاثين قال بحماس : هذي الشغاله اللي تكلم عربي ..
هنا فار دمي من هالفرخ قالت امه ببسمة اعتذار وهي تمد ايدها وتسلم : اهلين كيفك ياقلبي اكيد انتي ابتسام ..انا ام هادي خالت راجلك ونقعد زوجة عمه ..
اوف يعني 3 خوت متزوجين 3 خوات عايله خيال
قلت وانا خاطري نخنق الفرخ : اهلين ..بخير الحمدلله..انتي كيفك ؟
ضربت راس ولدها بارتجاج وقال بحجه : انا شنو درت ؟
قالت بنعومه : إعذريه ماعرفك يحسابك وحده من صحبات البنات
الهادي قبل يطلع م المطبخ رفع حاجبه وقال : عارف ان هذي حبيبة عماد
حبك برص انت انت وعماد ..اول مره نحس بإحساس القاتل ..ووووه عليه نتمنى نقتله ..طلعت انا وهي م المطبخ وهي تقول باحراج : فروخ هالايام يشيبوا الراس ويجيبوا المرض ..مانقول الا الله يهديهم .. خشينا للصاله لقيت ام عماد والبنات مندري عليهم امتى روحن من عيت عمهم ..قمعزت جنب ام هادي اللي اسمها وداد ..ما اقدرت نخليها ونركب حسيتها قلة ذوق ..واشتغلت الهدرزه اندمجت ف التصنيت ..
خش بهيبته وتكشيرته عاكسه مزاجه النكدي ..ياعرب وين رقد امس .. قمعز مقابلني وعيني ف عينه إكرهته اوف ..
خش الهادي لعماد مباشره وقال :
زوجي مغرور 21
وقال : بالله عماد مش تشبه للشغالات ؟
تحولت التكشيره وحط بدالها ضحكة هزوه : واحلى شغاله
بحتت فيه بقهره وعنده وجه ينكت مبرده طلع من فمي رد الطفولي مالقيت الا هالكمله : كان انا أحلى شغاله انت احلى سواق
تطربق بضحكه رجوليه اول مره تبين اسنانه قال بعدها غمز بعينه : لعيونك نقعد أحلى سواق
كانت ردود الفعل البنات استغربن عمتي كشخت خالتهم ابتسمت بخجل
بعد فتره البسمه مازالت ف وجهه قال : ابتسام تعالي
وقفت ومشيت وراه ..وكانت امه اتبع خاطرها تجي معانا تحمي ولدها مني كأني من اكلة لحوم البشر ..ياريتني منهم وناكله .. اول ماخشينا للدار خذيت شنطة الذهب وحطيتها قدامه ..
مستغرب قال : هضا شنو ؟
تكلمت بهزوه : ذهبك ..ماعندي به حاجه ع قولتك ..عطه لسلوى ..او اعزقه مش مهم ..
خذاه ورده ف الدولاب وبنظرة عتب : هضا ذهبك ومايلبسه حد غيرك ..
تنرفزت مش بجوه رديت بكبرياء : الله ياخذني كان خذيته..انا عندي كرامه وعزه ..وبنت عرب اجواد .. نحبش ناخذ حاجه معطيه ليه بدون نفس ..يمكن تكون تزوجتني فزعه وشهامه ع قولت امك..وانا شاكره لك ع هالفزعه لكن بنكون شاكره لك اكثر لو احترمتني وقدرتني ..وطلبت من هلك يحترموني ..بدون ذهب اوغيره هضا كل المطلوب ..
ودمعتي نزلت ..قمعزني ع السرير وقال بهمس : انتي تأمري مش تطلبي ..وماتبكيش دموعك غاليه ..
ابتسام بحزن بلا غاليه بلا بطيخ : انت ديما تحب تبكيني..
بحنان جذاب ورومانسيه : واقسم باللي خلق هالكون اكره شيء ع قلبي نشوف اجمل عيون تبكي
قلت : باهي ليش امس تقول ...
قاطعني : تبيني نكذب ..انتي سألتي بالله
قلت باندفاع وحقد وقح ياعالم : ليش تبيش تشري لي ذهب ..وليش امك تقول هالكلام للعرب .. انت تعرفش قد ايش انجرحت وانحرجت امس ..
مسك ايدي وقعد ساكت ثواني توقعت ضاع منه الرد قال بتردد ملحوظ وعيني ف عينه : اسمعي حكايتي وانتي احكمي ..انا اكبر خوتي وخواتي واول ولد ف العايله كلها.. كنت فرحتهم او وحيدهم وفخر باتي وعمامي وحتى خالاتي ..لما ولدوا البنات ماتغير الوضع ابدا ..قبل سنتين خطبوا لي بنت عمي مارفضت ..لكني نبي العرس بسرعه رفضت هي بدون سبب ..اول مره حد يعاندني ..قسمت نقهرها ان نجيبلها ضره عشان تعرف تعاند عماد ..وكنتي انتي هالضره ..واجمل شيء ف حياتي ..انا مش ناوي نظلمك ولا نظلمها ..
يعني مايحبها كيف ماقالت ام سلوى ..
سبب غبي وأناني وحقير يعني مايحب سلوى لان المحب مايكدر حبيبته ..إنسان بدون مشاعر ..قلت بهمس م الصدمه : تقهرها ..يعني انا غلطه ..
مسح دموعي بصبعه وابتسم : وربي أحلى غلطه ..ليش مش فاهمه ..انتي زوجتي وشريكتي ..وتقعدي طول عمري زوجتي ..بس هذوما هلي انتي ماتعرفيش ..عمي انا كيف ولده واكثر ..باتي وامي مايرقدوا الليل من خوفهم عليه ..غصبا عنهم بيكرهوك ﻷنهم مايعرفوك ..وخشيتي حياتهم فجأه بدون مايعلموا .. ما ننكر امس زعلت عشانك ..بس هذي امي تاج راسي ..ترضي نزعل امي عشانك ..
باهي تو نوريك ونربيك كويس تصنعت الرقه وضعفت :
لا مايرضيني ..لكن امس ..انحرجت انت ماسمعت شنو قايله عليه ..حسيت بطعنه ..
مسك ف ايدي : كان حد اخره مزعلك راهو ناخذ حقك بس هذي أمي ..
قلت بنحاسه : فيه حد ثاني زعلني ..تاخذ حقي ؟
ضرب صدره : قولي منو.. وانا ولد باتي ناخذ حقك
تبسمت بانتصار : انت ..انا نستاهلش الذهب
قال بانكار : لا انا ماقلت هك ..هو مش وقته وامي كانت مستعجله ..لكن لك الحق ونشري لك كل اللي خاطرك فيه
إكرهت كل شيء انا بسببك انت : لا نبيش الذهب ..وبيع الذهب ﻷني إكرهته ..وبدل ماتشري لي ذهب ..حطها ف بالك انا مش رخيصه او ورايه هل ..اقسم لك لو حد جاب طريقة زواجي منك ..بطريق ماتعجبني ناخذ حقي بروحي ..ونرد لعيال عمي او ماما
تو نوريه ونوريهم كلهم ..ونشمت اعدائه فيه ..ونخلي اللي مايشري يتفرج ..ونخليهم كيف ماقالوا مشريه من الجامع ..يقولوا عليه.. متبع امرته وخدامها ..
قال بيرضيني : كرامتي من كرامتك وانا مانرضى عليك
جيت بنصبي مسكني من ايدي : ما رايفتيش عليه
قلت كأني ننكر تهمه خطيره : لا
ضحك وهو مستمتع بخجلي : بس انا مرايف عليك ..طول الليل امس قضيته وانا نفكر فيك ..خفت نخش نكلمك تديرلي نفس اول ليله ..
نضت وقتله خلاص ف الليل ..
جا الليل دهنت جسمي بزيت لدرجة لين دبشي تزيت عارفه انه يكره ريحته ..
لقيته ع السرير فرحان توقعها نفس هذك الليله لكن قربت منه شم ريحة الزيت وقال : هضا عقاب ..تعذيب
قلت : تذكر كلامك اول ليله ..انا لليوم زعلانه منك ..
ابتسم وقال : نجيهم اللي يزعلوا ..وربي ماكان قصدي اجرحك ..فيه حد يجرح قلبه ..
يابلعووووط بس ح نخليك تقولها من قلب قلت وانا نهز ف راسي عشان تنشر ريحة الزيت : مش راضيه عليك
دار روحه زعل وانجرح وقال بعذاب : امتى ترضي عليه
قلت : مطول الرضا هالمره ..يعني اسبوعين ثلاثه ..كان تعدلت ..نفكر
قال وايده ع خشمه : يالظالمه
قال بجديه : ابتسام انا ماسألت ليش امي قالت هك ..لكن واضح بدافع ع ولدها ..تصرفي لزواجي من وحده غريبه وانا خاطب ..
زوجي مغرور 22
وانا خاطب..طبعا من وجهة نظرها ..امي طيبه انتي شفتيها شرت لك ذهب تفرحك ﻷن اعتبراتك كيف بنتها ..وهي مش راضيه ع زواجي لكن اكيد حرجوها بالأسئله ..فقالت هك ..ماتوقعت يوصل كلامها للعرب هك بالطريقه هذي لكن واعدتني تصححه ..
قلت بحزن وحقدي عليه اكبر من حقدي ع امه وعذره اقبح من ذنبه : فش طريقه للتصحيح ..لكن اطلب منها ماتحكي عليه بصوره شينه ..واطلع شوف وين ترقد كيف مارقدت امس ..
بحت فيه بضيق لكن نفذ ..
____________
فاديه ..درت العشاء وتعشيت فش اي وسيله للتسليه تي في ..نت ..تليفون ..كملت شغل الحوش ضميت الدار المجرده م الاثاث كوسيله لتضييع الوقت ..طلعت م الدار لداره المفتوحه اول مره نشوفها مفتوحه العاده ديما مقفوله ويحط دبشه المستحقه غسيل عند باب داري هالمره شكله نسى يقفلها ..والدبش مرمي بفوضى جنب الباب جبال مش جبل دبش ..واعر غسلها وتحديدها ..قليل أدب وعديم الاحساس والذوق ..وهو مصدق إني ح نغسلها كويس ..
انا غسلي لدبشه بالذات انقعها ف سطل اميه مع شوي صابون وغساله مافيه وانا عنديش جهد ..نغسل ونعصر ..لقيت طاقيه سوده ولون اخره تاع الصاعقه شكلهم جديد ...وبلوزات وتيشرتات وسراويل ..
فجأه بدون سابق انذار سمعت صوت ضجه ف الصاله وطلعت نجري بنهرب للدار شفت ف ايده قارورة قزاز لكن فيها سائل اصفر ..يعععععع ..قرفت من شكله قال بهلوسه من كثر مامسطول : طاااارق ..انت ..انت هناااا !! بحتت ف روحي كنت لابسه بجامه بيضاء لاصقه ع جسمي ولابسه الطاقيه السوده تاعه ..
خفت معاد إقدرت نتحرك من مكاني وقف ع الباب يقدم خطوه يوخر خطوه عيونه الناعسه مش قادر يفتحها
قمعز عند الباب وقال بلسان ثقيل : طارق ..محمود مااات ..مات غارق تعرف كيف غارق ..اكثر شيء كان يخاف منه الميه ..مات فيها ..سالم انبثرت كراعه ..كان يحب يسافر ويرفه ع روحه ..اكثر شيء كان يحبه حريته ..أغلى شيء عليهم افقدوه ..والدور ...عليه ... توقع القدر ....او غيره ينتقم ..
اخير شال نظرته من عليه وبحت ف اللي ف ايده وشرب منها ..تحركت او وخرت للخلف ..
شكلها حركتي جذبت انتباهه قال باستغراب : ليش تباعد انت تعال اقرب ..انت مازلت زعلان ..اقسم مكان قصدي ..اوه صح خطيبتك ..كانت نذله ..انا فكيتك منها ..من ... كل مصيبه وراها مراه ..ياليت من يفكني من ... ا ا ا ا اه طارق قمعز ..قمعز ..
تشجعت وقمعزت جنبه مندري قصقصه جنون حط ايده ع كتفي وقال : طارق انت صد..صد...صديقي صح ..انت خويا صح ..غير الكلام وقال : زينه تستنى فيه ..رد ..
نصدمت منو زينه ..وليش تستنى فيه ..واسمها زينه غريب هالاسم ..
شال ايده القذره من ع كتفي وكمل : ماعندي فلوس ..انا ياسر ..ياسر ..راتبي شويه ..تعرف امي لزتني ..من الحوش ..ومن العياده ..وقطعت عليه..راتبي ..عشان ..عشان ..لكن هما ..
《انا ياسر حتى هو سكران مغرور 》
بحت فيه بعيونه العسليه الناعسه وتكلم كأنه واعي : انت مصدقني صح ! انت معاي ..
ركز نظرته فيه خفت نتكلم ننفضح ان انا مش طارقه
قال بصراخ : ليش ..ليش مش مصدقني انا عمري كذبت عليك ..
تحرك باتجاهي مندري ايش يبي م الخوف فزيت واقفه مسكني من تيشرتي ولصقني ف الساس وايد ع رقبتي تذكرت انه هو سكران ضربته ع ساقه وخبشت وجهه بأظافري فرتخى شوي قبل بنهرب مسكني وضربني ع خشمي لين حسيته نكسر ..طحت ع الارض وشديت روحي بالعافيه ..
صرخ فيه : ليش مش مصدقني ..انت بالذات ليش ؟ انت تعرفني ..انت الوحيد ..تعرف انت كيف ..مفروض تصدقني ..
عرفت انه ناوي يكمل هجومه ففخمت صوتي وقلت : انا مصدقك
بحت فيه نظره غريبه قعد يوسع ف عيونه ويضيقهم خفت يقول ليش انتي هنا وبعدها حول بلوزته وقال : ا ا ا اه منا سعد ..ماتقول الله يسامحه ..منعني وارتاح ..تعرف ..تعرف هو ..زينه الغبيه مصدقه روحها ..مرتي وتغار عليه ..
ضحك بعدها كح بهلوسه : حبيبة وزوجة خويا وام عياله ..تحبني وتغار عليه ..تصدق سيب الطب لان طريقه طويله وهو مستعجل يتزوجها ..وف الاخير مات ..وانا خذيتها بعد طلاقها مرتين ..انا وزينه .."ضحك بقرف " ..عشان العيال ..ياحظ طليقها ..افتك منها ..لكن .. عشان العيال بس ..
غير الهدرزه وقال بخوف ورعب : نخاف يوسف يموت .. او تخرب سيارتي ..القدر ينتقم ..او غيره ..الدور عليه .. اسسسس.. يوسف .. يعرفش.. كان المفر الوحيد الشرب
《اللهم احفظنا 》..
" من طريقة كلامه اغلى حاجتين ع قلبه سيارته ويوسف ف الكون "..
نزلت راسي الدم يرعف من خشمي رفعت راسي بسرعه عشان يوقف الدم ..
قال بألم وحزن وهو يمسك صدره : ماما تقول مع الأيام تحبها ..وانا مع الايام نزيد ف ..
《ياعيون الماما راجل بشناباته يقول ماما 》..
قال باحتقار وبصوت مقلد : نحبك يا ياسر ..اكرهت ..نفسي ..لانها تحبني ..وكرهت كل حواء .. مافيه شيء تكرهه الا درته ..ضرب وضربتها .. سب وسبيتها ..فلوسها وخذيتها ..حتى ذهبها .. الضفدعه .. ع الاقل تنتبه للعيال ..لكن لا ..ماهمها الا ياسر .. خنقتني ..
ناض واقف يتمايل : تعرف انا تزوجت بدون عرس.. البلوه ..تصلي ..تقولي ليش ماتصلي .....
