و مع ظهور الشمس الساطعة لتُعلِن عن بداية يوم جديد و بداية أمل جديد يُولد و تسقط أشعة الشمس الذهبية على عين مليكة النائمة لتجعلها تتململ فى فراشها و تضع الغطاء على وجهها لتكمل نومها بهناء و لكن يا لسخرية القدر تدخل والدتها " حنان " لتوقظها
حنان : مليكة قومى يا حبيبتى هتتأخرى على المدرسة كدة
تتقلب مليكة متأففة من تكرار محاولة ايقاظها
حنان : يا بنتي بقى قومى هتتأخرى و ترجعى تقولى صحيت متأخر و محدش صحانى
مليكة : عشان خاطرى يا ماما سيبينى انام خمس دقايق بس بالله عليكي
حنان : براحتك بس مترجعيش تتكلمى
مليكة : ماما هى الساعة كام ؟
حنان: الساعة ٨ الا ربع يختى و اتأخرتى عالمدرسة
مليكة بصدمة و نطت من عالسرير : ايييه !!! انا اتأخرت جداا مها هتبهدلنى دلوقت ياربي بقى هى سنة باينة من اولها
مليكة دخلت الحمام و اتوضت و طلعت ادت فرضها و لبست بسرعة ( اللى هى السرعة بتاعت مليكة ساعة مثلاا )
فون مليكة رن و كانت مها صاحبتها
مليكة : ايوة يا ماهي
مها : انتى فين يختى اتأخرنا جداا عالمدرسة و هنتأخر بسببك و انتى ع.....
قاطعتها مليكة : وانتى عارفة انى مبحبش التأخير و عدم الالتزام بالمواعيد وبعتبره عدم احترام للمعياد حفظنا الاسطوانة بتاعت كل مرة
مها : كويس يا حبيبتى انك عارفة و ياريتك بتتعلمى
مليكة : شوفتى بقى انك انتى اللى بتأخرينى كان زمانى وصلتلك دلوقت لو مكنتيش قاعدة تلكلكى كدة
مها : لا والله بقيت انا اللى معطلاكى دلوقت اقفلى يا مليكة اقفلى و خمس دقايق و الاقكى ادامى
مليكة : حاضر حاضر مسافة الطريق اهو علطول سلام يا قلبي
و قفلت مليكة و سلمت على باباها و مامتها
مليكة : انا نازلة بقى استودعكم الله
ونزلت بسرعة عشان متتأخرش على مها
***********
وصلت مليكة عند مها و نزلتلها مها و هى متعصبة
مها : هو ده اللى ثوانى و مسافة الطريق
مليكة : خلاص بقى يا روحي متعصبيش نفسك be quiet حياتي keep your cool هو يعني طبعي و لا بنشتريه
مها بغضب : يييه مستفزة
مليكة : I know يا قلبي مجبتيش جديد
ونسبهم يكملوا خناق و نروح مكان تانى خالص
(فى الجامعة)
مراد : فى ايه يا بني مالك قالب وشك عالصبح كدة ليه
مالك : آسر مسافر مع بابا من ثلاث ايام مشفتوش وحشنى جدا ابن الايه
مراد : والله انتو ناس غريبة يعنى تبقوا قاعدين مع بعض ناقر و نقير و تبعدوا تفضلوا تدوروا على بعض
مالك بضحك : اه القط مبيحبش الا خناقه بقى يا عم ايه حشرك انت
مراد : فكك بقى و خلينا فى اللى احنا فيه المهم خلينا نخلص محاضراتنا و نروح لابوك بدل ما يطردنا احنا الاتنين كدا
مالك بضحك : اه والله عندك حق خلينا نخلص
************
و راحوا المحاضرات بتاعتهم و راحوا الكافتيريا و هناك قابلوا حمزة و احمد اصحابهم
مالك و مراد : اذيكوا يا شباب
حمزة و احمد : الحمد لله
مالك : يدوم الحمد يارب .. هروح اجيب قهوة عشان افوق و اركز فى الشغل بدل بابا ما يبهدلنى حد عايز حاجة
مراد : انا عايز شاي
حمزة : انا عايز حاجة ساقعة
احمد : استنى يا مالك هاجى معاك عشان أشيل معاك
مالك : اوك يلا
***********
راح احمد و مالك يجيبوا الطلبات
مالك : اخبارك مع اسراء ايه ؟
احمد : اهو الحمد لله اتقدمتلها و حددنا الجمعة الجاية هنقرأ الفاتحة
مالك : الف مبروك يا صاحبي ... ربنا يتمملك علي خير يارب
احمد : الله يبارك فيك يا مالك عقبالك
مالك : لا عقبالى ايه بعد الشر انا ناقص نكد
احمد : هههههههههههه بكرة نشوف و الله هتيجى واحدة تخليك تقع على وشك و بكرة تقول أحمد قال
مالك : لما يبقى يجى بكرة بقى
***********
مليكة و مها خلصوا المدرسة و مروحين و فجأة
مليكة : مهاااا حاااااسبى
********
و نكمل الأحداث البارت القادم إن شاء الله 😉
لو عجبكم البارت متنسوش ڤوت و كومنت 💞
