مليكة بصدمة و صريخ : چنى !!!
طلع مازن و حنان بخضة من صرخة مليكة
مازن بخضة : فى ايه يا مليكة ؟ چنى مالها
مليكة : الحيوانة لسه نايمة و فاضل ساعة و نتحرك
مازن براحة : حرام عليكي يا شيخة وقعتيلى قلبي فى رجلي و الله
حنان : انتوا مجانين !! ، ربنا يهديكوا يا ولادي يااارب
مليكة طلعت عالسرير جنب چنى : انتي يا زفتة قومي اخلصى و ربنا هنمشى و نسيبك
چنى بنوم : اممم سيبيني شوية بس
مليكة بغضب : شوية ايه يا زفتة انتي قومي اخلصي
چنى قامت : حاضر قومت اهو
خلصت چنى لبس و نزلت
مليكة : يلا اتأخرنا كنت عايزة نروح بدرى منك لله يا شيخة
چنى ببرود : كل اللى انتي بتقوليه ده مش هيغير حاجة اللى حصل حصل و خلصنا يلا يا موكا يا حبيبتي شدى الشنط دى عشان صوت الباص جه
مليكة بصدمة : ايه كمية البرود اللى مشيه عالارض دي
*************
طلعت مليكة كانوا أصحابها البنات وصلوا عندها و مازن واقف مع أصحابه بيطلعوا الشنط الباص
مازن : تعالوا يا موكا يلا
مليكة : حاضر يا ميزو
مازن : الاول قبل ما نطلع ده احمد صاحبي و دى اسراء خطيبته هما لسه الخطوبة فى الإجازة بس مشيها يعني هههه و دى شيماء اخت اسراء
مليكة : اتشرفت بمعرفتكوا
اسراء : و احنا اكييد
مازن : و ده حمزة صاحبي و دى ريهام أخته ، و ده مراد و دى حبيبة أخته ، وده مالك و ده آسر اصحابي و ده ياسين اخوهم ، ها توهتى و لا لسه ؟! انا كده خلصت
مليكة بصت لمها و مها كمان و يبصوا لمالك و آسر و مصدومين
مازن : موكا .... انتى يا بنتي روحتي فين ؟؟
مازن لاحظ نظراتهم لمالك و آسر و ضحك : هههههههههههه انتوا اتلخبطوا كده ليه متخافيش اوى كده عنيكي سليمة متحولتيش لسه دول مالك و آسر توأم
مالك اصلا مكنش مركز معاهم اول ما شاف مليكة
مليكة : هههههه الحمد لله فعلا حسيت ان انا بقيت حوولة ، المهم اعرفكوا دى مها صحبيتي و دى روتيلا و دى شذى و دى سيدرا و ده إياد خطيب شذى و ده سيف خطيب سيدرا
چنى : انا عشان اصغر واحدة فيكوا متحسبش يعني !! ايه محدش عرفني على حد و كأني هوا مش موجودة ، اعرفكوا بنفسي انا بقى بما أن محدش معبرني انا چنى اخت مازن و مليكة الصغيرة
ضحكوا : ههههههه
و كلهم سلموا على بعض و طلعوا الباص و قعدوا
و طلبوا من مراد اول حاجة يقرأ دعاء السفر و هما يرددوا وراه ، بعد كده شغلوا قرآن بصوت الشيخ مشاري راشد
آسر : مالك ! دى مها اللى كنت هخبطها بالعربية و مليكة اللى جنبها اخت مازن هى صاحبتها اللى كانت معاها
مالك : و مليكة دى اللى اعتذرلتلى عن كلام صاحبتها
سكتوا ثواني و بعدين قالوا فى صوت واحد : اه انا فهمت
مالك : مليكة افتكرتني انت و اعتذرلتلى عن الكلام اللى مها قالتهولك
آسر : بالضبط كده
و ضحكوا بصوت عالى و كل اللى فى الباص بصلهم
ياسين : فى ايه يا اخواتي متضحكونا معاكوا
مالك : اخرس ياض خليك فى حالك
ياسين : انتوا هتعملوا عليا الكبار و لا ايه و بعدين لاحظوا أن معانا بنات يعني عاملوني باحترام عالاقل قدامهم اى منظر يعني
و خلصت السورة اللى كانت شغالة و اشتغلت أغنية " ليها فيا و ليا فيها" و كل اللى فى الباص غمضوا عنيهم و ريحوا عالكرسي لورا مالك فضل سرحان مع كلمات الأغنية فى مليكة و آسر سرح فى مها و إياد فى شذى و سيف فى سيدرا و احمد فى اسراء
و قطع اندماجهم مع الأغنية ياسين و هو بيطفي الأغنية
ياسين : ايه ده مش استايلي خالص خالص يعني و شغل أغنية " فرتكة فرتكة " و ضحوا كل اللى باص
و اندمجوا الشباب مع الأغنية و غنوا معاها كلهم و هما مبسوطين جداا بس البنات مكنوش مندمجيين اوى يعني و قطع اندماج الشباب صوت چنى و هى بتقفل الأغنية
چنى : و لا ده استايلنا خااالص برده و شغلت أغنية " انا طبعي كده " و اندمج مع الأغنية كل البنات و كانوا بيغنوا مع الأغنية بحمااس و بينطوا بهبل فى الباص
و الشباب كانوا مركزين معاهم و ميتيين على نفسهم من الضحك أن البنات من الكبيرة للصغيرة فيهم قلبت طفلة عندها خمس سنين
*************
و عدت الرحلة على خير و بعد كام ساعة من الضحك و الغنا و الهبل وصلوا المكان اللى هيعسكروا فيه و وقف الباص
**********
مراد : يلا يا شباب نزلوا الشنط كلها و انتوا يا بنات ساعدونا نثبت الخيم فى الارض و ياريت نساعد بعض بسرعة قبل الشمس ما تغرب
*********
و عملوا بهمة و نشاط و فعلا ثبتوا الخيم و ولعوا النار و كان مالك جايب معاه " ريكس " الكلب بتاعه لأنه ميقدرش يقعد بعيد عنه اسبوع كامل و كمان عشان يبقى حماية ليهم من اى خطر أو حيوانات برية
*********
ناموا بعد تعب السفر و تثبيت الخيم و إشعال النار و ناموا و هما مطمنين أن ريكس برا و مش معرضيين لخطر
********
صحيت مليكة الفجر صلت و طلعت برا ملقتش حد خالص لانهم كانوا كلهم نايمين راحت لريكس و قعدت جنبه و فضلت تحسس عليه و تلعب معاه لحد ما لقت ريكس نبح و جرى بعيد عنها فلفت فى الإتجاه اللى مشى فيه ريكس لقت ريكس بينط على مالك
مالك بضحك : هههه خلاص يا ريكس اهدا فى ايه ؟
و راح فى اتجاه مليكة : صباح الخير
مليكة : صباح النور
مالك : ممكن اقعد
مليكة : اكييد
قعد مالك عالضخرة اللى قاعدة عليها مليكة
مالك : ايه اللى مصحيكى دلوقت
مليكة : عادى مجلييش نوم فقررت اطلع اشوف لو حد صحى بس ملقتش حد و قعدت العب مع ريكس بقى لحد ما حد يصحى
كانت بتتكلم و هى مركزة مع ريكس اللى قاعد جنب مالك عالارض و مالك بيحسس عليه
مالك : على فكرة أنا اللى انتى اعتذرتيله بسبب موقف مها ، و آسر هو اللى كان هيخبطها مش انا ، و كنت هسألك بس انتى مدتنيش فرصة و اختفيتى
مليكة : بجد اسفة كنت بحسبك هو مكنتش اعرف انكوا توأم يعني
مالك ضحك : ههههه عادى ولا يهمك
مليكة ابتسمت و هى مركزة مع ريكس و حركاته و مالك كان متابعها كويس
مالك : ممكن اسألك سؤال غلس شوية
مليكة : اممم ممكن
مالك : انتى ................
************
و نكمل الأحداث البارت الجاى أن شاء الله
و لو عجبكم البارت متنسوش ڤوت و كومنت
بحبكم فلولاتي ❤❤🍓
