مها بصريخ : عاااااا !!!
آسر كان ماشى برا لما سمع الصريخ جرى فى اتجاه الصوت
آسر : مها فى ايه ؟!
مها استخبت وراه : ابعده ابعده
آسر : اهدى طيب هو ايه ده ؟
مها : ا ... ال .. الكلب
آسر : حرام عليكي وقعتي قلبي كل ده عشان ريكس هههه ده لطيييف خالص على رأى مليكة
مها : امسكوا بقى
آسر بضحك : حاضر
و مسك ريكس و جات مليكة راحت لمها
مليكة : مها ! آسر مها مالها
آسر : ملهاش لقيتها بتصرخ و فى الاخر يطلع بسبب ريكس
مليكة : ههههه اه صح مها بتخاف من الكلاب جداا و تقريبا كل البنات اللى هنا برده
آسر ضحك
مليكة راحت اخدت منه ريكس و قعدت على صخرة و قعدت ريكس جنبها و بتحسس عليه
مليكة : والله يا مها انتى عبيطة ده حلو خالص و هادى و مش بيعمل حاجة
مها : والله و انا هستناه لما يعمل أن شاء الله !!
مالك جه : فى ايه مالكوا ؟!
مليكة بضحك : ههههه مها خايفة من ريكس تخيل
مالك : بجد ! ريكس حبيبي مش بيعمل حاجة والله شطور خالص و بيسمع الكلام
مليكة : منا قلت لها كده بتقولى و انا هستنى لما يعمل
قعد مالك جنب ريكس من الإتجاه التانى يعنى ريكس بين مليكة و مالك و قعد يحسس عليه
مها بزعل : خلاص انتوا هتقعدوا تتريقوا عليا انا ماشية
مشيت مها و بصوا لبعض الثلاثة
مليكة : احنا اڤورنا صح ؟
مالك : تقريبا كده
آسر : خلاص انا هروح وراها
راح وراها
آسر : مها استنى
وقفت مها من غير ما تدير وشها
آسر وقف اودامها : انتى زعلتى بجد ! احنا بنهزر
مها : امم عشان انتوا بتتريقوا عليا
آسر : خلاص مش هنتريق تانى طب اقولك على سر متقوليهوش لحد
مها : ايه ؟!
آسر : سر وعد !
مها : وعد
آسر : انا كنت بترعب من ريكس فى الاول بخاف من الكلاب جداا و لحد دلوقت بس انا اتعودت على ريكس و هو بجد مش بيعمل حاجة اسألى مجرب
مها بضحك : ههههه بجد !!
آسر : اه شوفتى ازعل انا بقى عشان انتى اهو اتريقتى عليا
مها مش قادرة تكتم الضحك : ههه مش قصدى بس متخيلاك و انت خايف من ريكس كده
آسر : انا مش قايل لحد عشان كده
و نسيبهم يكملوا ضحك
***********
مليكة و مالك كانوا قعدين بيضحكوا
مليكة : عارف انا المفروض اكتر واحدة تخاف من الكلاب و الله حصل معايا موقف من كلب و انا صغيرة رهيييب
مالك بصلها باهتمام : ايه هو ؟
مليكة بضحك مش قادرة تكتمه: نزلت الشارع و لقيت كلب رحت اديته مستيكة و حطتهاله فى بقه و هو قعد يجرى ورايا و انا اعيط ( الكلام ده بجد على فكرة و انا برده بحب الكلاب هههه )
مالك بضحك : هههههههههههه ، بجد !! طيب كنتى بتفكري فى ايه يعنى ، ليه عملتى كده ؟!
مليكة : مش عارفة بقى زكاء زيادة ممكن ههه
، شفت عاشقة للكلاب من صغري
مالك بضحك : واضح ، كلميني عنك شوية
مليكة : اوك انا مليكة عندي ١٧ سنة فى ثانية ثانوي بحب اصحابي بحب الرسم نفسي ابقى حاجات كتيير صراحة بس اكتر حاجة نفسى اشتغلها من الدراسة ادخل صيدلة ، لكن هواية بقى ابقى جرافيك ديزاينر بس
مالك : حلوة احلامك ، و انا ممكن افيدك جداا فى حكاية الجرافيك دى عشان انا مهندس ديكور
مليكة : بجد !! هبقى استغلك بقى
مالك بضحك : ماشى براحتك
********
أدهم راح لمليكة و مالك
أدهم : ممكن اقعد معاكوا
مالك : اكييد
مليكة : الف سلامة على دراعك
أدهم : يا بنتي عادى اتعودنا خلاص
روتيلا جات ليهم
روتيلا بعملية : كنت بدور عليك يا ادهم ها هتغير عالجرح دلوقت و لا ايه ؟
أدهم : اوك مفيش مشكلة
روتيلا : تمام تعالى جوا فى الخيمة بقى ، علبة الاستعافات جوه و كمان عشان الجرح ما يتلوثش فى الهوا و التراب ده
مليكة بضحك : ههه انتى هتعملى علينا دكتورة بجد و لا ايه
ضحكت روتيلا و مالك و أدهم كمان
أدهم : طيب يلا تعالوا ندخل
قاموا كلهم بس مليكة مشيت خطوة و رجعتها تانى ، مالك وقف و بصلها باستغراب رجعت ليه !!
مليكة راحت فى اتجاه ريكس و نزلت لمستواه حسست على شعره بعشوائية : Good night Rexs
ابتسم مالك على حركتها و مشى ورا أدهم و دخلوا الخيمة و راحت وراهم مليكة
خلصت روتيلا تغيير عالجرح
روتيلا : خلاص انا خلصت كده تمام ؟!
أدهم : شكرا يا روتيلا
روتيلا بخجل : العفو على ايه
أدهم فضل مركز معاها جامد و سرح و هى مكسوفة جداا ، لحد ما لاحظ مالك نظراته
مالك و هو بيضربه فى كتفه بهمس : خف شوية لاحظوا نظراتك
أدهم بانتباه و همس لمالك: اه سورى
مالك ضحك على شكل أدهم
مليكة : طيب يلا يا روتي نروح ننام بقى
روتيلا : اوك يلا
خرجت روتيلا و مليكة وراها
بس وقف مليكة و هى خارجة صوت مالك
مالك : مليكة !!
مليكة بصتله : نعم
مالك بابتسامة : تصبحي على خير
مليكة بابتسامة عريضة بينت غمازتها : و انت من اهل الجنة 🌸
مشيت مليكة و رجعت الخيمة بتاعتهم
**********
فى الخيمة عند مليكة اللى قاعدين فيها مليكة و مها و روتيلا بس
دخلت مليكة بعد روتيلا و كل واحدة راحت نامت مكانها
دخلت فى الوقت ده مها و كانت مبتسمة كل ما تتخيل شكل آسر و هو خايف من ريكس
مها : مليكة ! روتيلا ! ..
صمت قاتل فى المكان
مها بزعيق : انتوا يا بشررررر يا اللى هنا ، هتفت بتعجب : مالهم دول ؟!!
مليكة بابتسامة و هدوء : نعم
مها بغضب : نعم الله عليكي يختي وصلتي لحد فين بقى عشان بقالى ربع ساعة بكلم نفسي
روتيلا بضحك : هههه احنا هنا اهو مرحناش اى مكان
مها : واضح فعلااا كنت بكلم نفسي انا صح و لا اكونش اتخرصت و انتوا مش سامعيني و انا مش واخدة بالى
مليكة بضحك : هههه خلاص أهدى احنا معاكى اهو
مها : لا مش ههدا لحد معرف وصلتوا لفين و سرحانين فى ايه حضراتكوا ؟!
روتيلا و مليكة حكوا لمها اللى حصل معاهم من شوية و مها كمان حكتلهم الحوار اللى حصل بينها و بين آسر من غير طبعا متقولهم أنه بيخاف من الكلاب لأنها وعدته متقولش لحد
و ناموا الثلاثة و هما مبسوطين
************
فى الخيمة عند مالك اللى كان قاعد فيها مالك و آسر و أدهم بس
آسر دخل قعد جنب مالك : احكيلى بقى يا جميل مالك عشان شكلك كده يعنى وقعت و محدش سمى عليك
مالك بسرحان : انت بتقول فيها ، شكلى فعلا
آسر بتريقة : لا وايه ، انا احب و ارتبط !! بعد الشر عليا انا ناقص نكد ، انا اللى بقول كده صح
مالك ضرب آسر فى كتفه : خف يا خفيف و كمل بمكر : و بعدين تعالى هنا عايز تفهمنى انك مش زي بالضبط
آسر بتعجب مصطنع و استهبال : انا !!!
مالك : اه يا اسو يا حبيبي انت و بتغني " اول مرة اتقابلنا " و مركز اوى حضرتك
آسر : بس يلا اتخمد و ده على اساس كنت بغني لوحدى انا صح ؟!
أدهم : بس انتوا الاتنين خلاااص لا انت و لا هو انا اللى بحب ارتحتوا كده
مالك : ايوة فعلا ايه ما بني ده انت كان ناقص ثوانى و تقولها بحبك من نظراتك و ربنا
آسر بعدم فهم : انا مش فاهم حاجة هو فيه ايه
مالك : البيه الرومانسي ، الباشا المحترم روتيلا غيرتله عالجرح و هو واقف بيسبلّلها بعينه و البت واقفة مكسوفة مش عارفة تعمل ايه لولا مليكة اللى أنقذت الموقف و قالت يلا نروح ننام
أدهم : خلاص بقى يا عم ! ، و بعدين أثبت كده عند مليكة و حضرتك بقى عملت ايه ؟؟!
آسر : عملت ايه انت كمان ؟!
أدهم : اقولك انا عمل ايه ، قام بتقليد مالك : مليكة ! تصبحي على خير ، كان ناقص ثوانى و يقولها يا حبيبتي
آسر : خلاص انتوا الاتنين كفاية احنا هقعد نعاير بعض و الا ايه ؟
و راح كل واحد مكان نومه
أدهم : آسر ! مالك ! غنوا تانى " اول مرة اتقابلنا "
مالك : اشمعنا يعني
أدهم بهيام : عايز احسها تانى
آسر و مالك : 3 2 1 اول مرة اتقابلنا
و الربكة اللى فى كلامنا
كانت بتقول فى بينا
هتكون عشرة سنين
طيبة قلبك و خوفه
و الرقة اللى فى كسوفه
خلوني مشوفش غيره
لو مهما شفت ميين
و ناموا بعد وقت ليس بقصير من التفكير فى البنات اللى شغلّوا تفكيرهم بدون سابق انذاار
**********
يتبع ....
ڤوت
بحبكم فلولاتي ❤❤🍓
