تاني يوم
مالك صحي من النوم و دخل الحمام و أدى فرضه و اتصل بمليكة
مالك : موكا
مليكة بنوم : امممم
مالك : ايه الكسل ده انتي لسه نايمة
مليكة : عايزة ايه يا نوري احنا مفيش جامعة صح ؟!
مالك بصدمة : نورك ! اقفلي يا مليكة انا غلطان اني بكلمك اقفلي
مليكة قامت قعدت عالسرير : مالك !!
مالك : الحمد لله فوقتي ، ايه يا بنتي ده
مليكة : سورى يا مالك بس و الله مصدعة و عايزة انام ما انت عارف يعني احنا نمنا امتي
مالك : و لا يهمك يا حبيبتي، المهم عاملة ايه ؟؟
مليكة : كويسة الحمد لله ، ثانية انت جيبت رقمي منين ؟
مالك : ما شاء الله لسه واخدة بالك ؟!
مليكة : بتكلم بجد على فكرة
مالك : اخدته من عمو وليد يعني هكون جبته منين
مليكة بغضب : سلام يا مالك عايزة اكمل نوم و روح كلم بابا بقى لاني حاسه ان هو اللى هيتجوز مش انا ، انا معرفش اى حاجة و انتوا اللى بتاخدوا القرارات نيابة عني ، سلام و لما تبقوا تحددوا الفرح و القاعة و الحاجات دى كلها ابقوا صحوني او اقولك ابقوا قوليلى أن النهاردة الفرح عشان هو ده اللى ناقص و الله
مالك : اهدي يا موكا ايه ده و بعدين احنا مش قصدنا اننا نلغي شخصيتك اطلاقا و الله احنا قصدنا نعملك مفاجأة و نفرحك بس طيب بزمتك مش امبارح كانت مفاجأة حلوة
مليكة : كانت حلوة بس يعني مش للدرجادي يا مالك
مالك : خلاص متزعليش بقى هبقى اقولك بعد كدة حلو كدة متزعليش بقى
مليكة بابتسامة : خلاص مش زعلانة ، امشى بقى ، ثانية واحدة انت قولت بابا اللى ادهولك !!
مالك : اه بس بعد ذل و ربنا و مرضاش غير بعد ما قولتلته اني عايز اتفق معاكي هنبدأ الجرافيك امتى و كدة
مليكة بضحك : طب كويس و الله انا كنت متوقعة يقولك استني هدخلها الفون و يخليني اكلمك من فونه هو اِحمد ربنا بقى
مالك : انا حمده يا حبيبتي و الله ، بس ده قالى خمس دقايق و يتصل بيا يشوفني لسه بكلمك و لا لا
مليكة بضحك : و الله فرحانة فيك ، سلام بقى عايزة اكمل نوم
مالك : سلام يا مليكة سلام انتي فصيلة على فكرة
مليكة ببرود : سلام ، وقفلت السكة فى وشه
مالك بيبص للفون بصدمة : دى قفلت بجد !!!
مليكة رمت الفون عالسرير جنبها و كملت نوم و كأن شيئا لم يكن !!
وليد اتصل بمالك
مالك : اذيك يا عمي
وليد : الحمد لله ، ايوة كدة انا كدة اتأكدت انك خلصت بسرعة بس انا سبتكوا ربع ساعة مش خمس دقايق ها
مالك : حبيبي يا عمي و الله شكرا كتر خيرك مش عارف من غيرك كنت هعمل ايه و الله
وليد بضحك : اتريق اتريق بس برده مش هخليك تكلمها و قبل ما تكلمها لأى سبب من الأسباب تكلمني تستأذني انا الاول
مالك بنفاذ صبر : حاضر يا عمي حاضر
و قفل وليد و راح مالك لأسر
★★★★★★★★
آسر : فى ايه يا مالك ! شكلك عامل كده ليه ؟!
مالك : عمو وليد مطلع عيني و بيزلني و ربنا و بنته فرحانة فيا شفت انت احلى من كدا
آسر بضحك : فرحان فيك انا كمان و الله عشان تحترم نفسك هههههه
مالك : ما انا محترم نفسي اهو انا عملت حاجة ده متصل بيا يقولى انا سبتك تتكلم ربع ساعة اهو مش خمس دقايق بس و تتصل تستأذني قبل ما تكلمها اقوله ايه ده
آسر : المهم ركز معايا انا عايزك تعرفلى رقم بابا مها من مليكة عشان اتقدملها
مالك : حاضر هكلم عمو وليد يا رب صبري انا هفضل كده شهر بحاله
آسر بضحك : هههه اوك روح بقى كلمه
★★★★★
مالك : اذيك يا عمي
وليد : ايه ده انا لحقت اوحشك ؟
مالك : جدا يا عمي جدا ، المهم لو سمحت حضرتك عايز اكلم مليكة
وليد : لا
مالك : و الله ما ليا آسر عايز رقم والد مها
وليد : معايا يا حبيبي مش لازم تكلمها يعني خد اهو
مالك بصوت منخفض : صبري يا رب شهر كامل على الحال ده
وليد : بتقول حاجة يا حبيبي ؟!
مالك : بقول قول الرقم يا حبيبي
وليد : ماشى اكتب ............01
مالك : تمام كده شكرا يا عمي
وليد : العفو يا حبيبي
★★★★★★
مالك راح لآسر
آسر : ها كلمتها ؟؟
مالك : تقصد كلمت ابوها اه كلمته و خد الرقم اهو
آسر : هههه و ربنا ابوها هيعلمك الادب فى الشهر ده
مالك : كلمه يلا
آسر : حاضر
آسر اتصل بوالد مها
آسر : السلام عليكم
محمد : و عليكم السلام و رحمه الله و بركاته آسر : حضرتك استاذ محمد والد الآنسة مها صح ؟
محمد : اه يا بني فى حاجة ؟
آسر : كنت عايز اكلم حضرتك فى موضوع ضروري ممكن اقابل حضرتك فين و امتي ؟
محمد : فاضي كمان ساعة فى كافيه ......
آسر : تمام جدا اشوف حضرتك كمان ساعة أن شاء الله
محمد : أن شاء الله يا بني
و قفل محمد والد مها
مالك : ها قالك ايه ؟؟
آسر : هقابله كمان ساعة فى كافيه .... تيجى معايا و لا ايه ؟
مالك : انا فى رأيي تروح النهاردة لوحدك
آسر : تمام هروح اجهز بقى و اروح
مالك : اوك و انا هحاول اكلم مليكة
آسر : هههه روح جرب حظك
★★★★★★
مالك بعت رسالة لمليكة عالواتس اب
مالك : " صحيتي ؟؟ "
بعد ربع ساعة ردت مليكة
مليكة : " اه سورى كنت بصلى "
مالك : " و لا يهمك يا حبيبتي "
مالك : " كلمت باباكي اخدت منه رقم والد مها عشان آسر عايز يتقدملها "
مليكة :" بجد !! اخييرا ابو الهول نطق "
مالك :" هههههه ، و الله انتى ظالماه ده الواد كان بيحب على نفسه بس مكنش عايز يبين ادامها عشان تركز فى دراستها و متفكرش فى حاجة "
مليكة : " نفس السبب اللى انت كنت مطنشنى بسببه برده صح ؟؟ "
مالك : " بالضبط "
مليكة :" بس كنت مستفز و الله "
مالك : " الله يسامحك يا روحي مش كله كان عشان حضرتك تركزى و تدخلى الصيدلة اللى كان نفسك فيها انا كنت بتعذب اكتر منك بكتييير "
مليكة : " اه صح الحمد لله دخلت اللى كان نفسي فيه و كلامك فى الرحلة كان واحد من الأسباب اللى خلتني اركز اكتر بجد شكرا يا مالك على كل حاجة عملتها و بتعملها عشاني
مالك :" بتشكريني على ايه يا عبيطة متشكرنيش على حاجة بعد كده انا لو اقدر اجبلك القمر لحد عندك هجيبه المهم تبقى مبسوطة و بس ، المهم هنبدأ دروس الجرافيك امتي ؟ "
مليكة : " اممممم ممكن بعد بكرة طيب فين اصلا عندنا فى البيت و لا فى النادى و لا ايه "
مالك : " هو فى الاول هنكون محتاجين هدوء عشان تركزى فالمادة مش هينفع اوك عندكوا فى البيت و ربنا يصبرني بقى على ابوكي اللى اكيد هيفضل قاعد لنا "
مليكة : " مالك !!! الا بابا اوك ده بابا ، بابا و ماما و اخواتي و اصحابي محدش له دعوة بيهم "
مالك : " حبيبتي انا بهزر اكيد عمو وليد زى بابا بالضبط و طنط حنان حماتي العسل حبيبتي زى ماما و الله "
مليكة : " ايه ده !! انا كنت ناسية خالص بعد بكرة عيد ميلاد مها انت هتيجي صح ؟؟ "
مالك : " مش عارف و الله "
مليكة : " خلاص بقى نبدأ بعد عيد مها اوك ؟ "
مالك : " تمام "
مليكة : " سلام بقى "
مالك : " زهقتي مني ماشى ماشى سلام "
مليكة : " لا و الله عايزة اروح افطر "
مالك : " انتي لسه مفطرتيش لحد دلوقت ؟! "
مليكة : " مش كنت نايمة و لسه صاحبة دلوقت معملتش حاجة غير اني صليت و كلمتك بقى "
مالك : " خلاص روحي يا قلبي انا اسف سلاام "
مليكة : " لا عادى و لا يهمك ، سلام "
★★★★★★★
و طلعت مليكة بره
مليكة : صباح الخير
وليد : تقصدى مساء الخير يا حبيبتي اتأخرتي كده ليه ؟
مليكة : و الله يا بابا صحيت و صليت و كلمت مالك عالواتس و جيت اهو
وليد : ماشى يا حبيبتي بس متكملمهوش كتير عالواتس اوك
مليكة : حاضر يا بابي
و دخلت عملت الفطار و قعدت تفطر
★★★★★★★
مالك دخل لآسر
مالك : كويس اني لحقتك
آسر : فيه ايه ؟؟
مالك : فى معلومة ممكن تفيدك جداا
آسر : امممم ايه هى ؟!
مالك : مها عيد ميلادها بعد بكرة شوف انت بقى هتعمل ايه
آسر بتفكير : بعد بكرة امممم حلو !
مالك : هو ايه اللى حلو ؟!
آسر : هروح دلوقت اقابل والدها و بعدين اقولك لما ارجع
مالك : تمام ربنا معاك يا حبيبي
آسر : اه و ربنا محتاج دعوات انا دلوقت
مالك بضحك : انت ليه محسسني انك رايح تحارب
آسر ضحك و مشى
★★★★★★★
يتبع .....
نكمل البارت الجاى أن شاء الله
ڤوت
بحبكم فلولاتي ❤❤🍓
