روتيلا : بنوتات انا عايزة انزل اجيب هدوم جديدة و عايزاكوا معايا
مها : تمام مفيش مشكلة
مليكة : وانا كمان معنديش مشكلة واحنا فى النادى نقول لباقى البنات
روتيلا : اوك تمام كدة
مليكة : اوك سلام بقى يا روتي عشان وصلنا
خلصوا مليكة و مها الدرس و روحوا بيتهم
************
***فى الجامعة***
مراد : مالك مكشر كدة ليه ... آسر رجع علي فكرة
مالك : مفيش حاجة بفكر في حاجة في الشغل متشغلش بالك انت
مراد : روّق كدة و ربنا هيحلها إن شاء الله
مالك : إن شاء الله ... مازن وحشنا بقاله كام يوم مش بيجي الجامعة متعرفش ليه ؟
مراد : لا والله خلينا نكلمه لما نخلص
مالك : اوك .... مش حمزة اللى هناك ده
مراد : اه هو تعالى نروحله و جايز يكون عارف حاجة عن مازن
راح مراد و مالك لحمزة
مراد و مالك : اذيك يا حمزة
حمزة : الحمد لله اذيكوا انتوا يا رجالة
مالك و مراد : الحمد لله كويسين
مالك : حمزة متعرفش مازن مش بيجي الجامعة ليه ؟
حمزة : اه كلمته امبارح تعبان عنده دور برد جامد
مراد : بجد طيب هنكلمه نسأل عليه
خلصوا الجامعة و كلموا مازن
مازن بتعب : ايوة يا مراد
مراد : ايوة يا مازن عامل ايه دلوقت الف سلامة عليك يا صاحبي
مازن : تسلم من كل سوء يارب ... انا الحمد لله احسن دلوقت
مراد : بيسلم عليك مالك و كنا عايزين انا و الشباب نجي نزورك
مازن : تنوروا طبعا فى اى وقت تعالوا مستنيكوا
مراد : اوك مسافة السكة علطول
قفل مازن و نادى على مامته
مازن : ماما اصحابي جايين فى الطريق
والدة مازن : ينوروا يا حبيبي
مازن : چنى و مليكة هنا ولا ايه ؟
حنان : اختك مليكة لسه فى الدرس بس هى على وصول ، و چنى نايمة
مازن : ماشي يا ماما
حنان : خد الدوا بتاعك اهو
مازن : حاضر يا ماما
**********
وصل اصحاب مازن عنده
حنان : ازيكوا يا شباب
الشباب : الحمد لله يا طنط مازن فين ؟؟
حنان : فى اوضته جوا ادخلوله
دخل الشباب لمازن
الشباب : الف سلامة عليك يا مازن
مازن : الله يسلمكوا والله مش عارف اقولكوا ايه تعبتكوا معايا
حمزة : و لا تعب و لا حاجة
قعدوا يتكلموا شوية و بعدين
احمد : الجامعة وحشة من غيرك والله
مازن ضحك : ده على أساس اني اسراء مثلا و متقدرش تستغنى عن بعدى
ضحك الشباب
مازن : مالك روح شوف ماما فين
مالك : حاضر
*********
طلع مالك عشان ينادى والدة مازن
فى الوقت ده مليكة كانت داخلة البيت وخبطت فى مالك و هو معدى
مليكة : أسفة مقصدتش والله
مالك ببلاهة : هاا اه اوك محصلش حاجة
مليكة بصتله : اه و اسفة علي الكلام اللى قالتهولك صاحبتي المرة اللى فاتت بس هى من توتر الموقف بس
مالك مفهمش حاجة و كان هيسألها بس لقاها اختفت من ادامه
مالك وقف شوية و بعدين راح قال لوالدة مازن تكلم مازن و رجع تانى للشباب بس مكنش مركز معاهم كان فى دنيا تانية خالص
***********
مليكة دخلت كلمت مها و أكدوا ميعاد النادى و حكتلها علي الموقف اللى حصل
**********
مالك رجع البيت و هو مش مركز خالص
آسر راحله الاوضة لما لقى نور الاوضة شغال
آسر : مالك اتأخرت كدة ليه ؟!
مالك برفع حاجب : انا بابا عمره ما قالى كدة هقولك انت
آسر : بجد والله كنت فين ؟
مالك : كنت انا والشباب عند مازن عشان تعبان ارتحت كدا
آسر : اممممم ارتحت اقعد بقى و احكيلى ايه اللى حصل عشان شكلك مش مضبوط و انا فاهمك كويس و انت عارف اننا بنحس ببعض
مالك : خلاص خلاص انت بالع راديو ياخويا هقولك حاضر و حكاله الموقف اللى حصل فى بيت مازن
آسر : طيب ايه الغريب فى كلامها
مالك : الغريب انى اول مرة اشوفها عشان تعتذرلى اصلا
آسر : مش عارف والله اقولك ايه ، انا رايح انام بقى تصبح على خير
و راح آسر ينام و ساب مالك اللى نام بصعوبة بعد تفكير طويييل فى الموقف اللى حصل و مليكة و بيحاول يفتكرها أو يفتكر اى موقف حصل كدة بس مفتكرش حاجة
*************
مليكة كلمت سيدرا و شذى و قالتلهم على اتفاقهم أنهم يتقابلوا فى النادى بكرة "الجمعة"
*************
تانى يوم صحيت مليكة نشيطة على غير العادة الإجازة بقى ههههه
و كلمت البنات عشان يتقابلوا بعد ثلاث ساعات و دخلت اخدت شاور و نزلت فطرت
***عالسفرة ***
مليكة : ماما مازن عامل ايه دلوقت ؟
حنان : كويس الحمد لله اتحسن كتير و فرح لما أصحابه جوله
مليكة : طيب انا داخلاله
************
مليكة : ميزو حبيبي عامل ايه دلوقت
مازن : كويس يا حبيبتى انتى عاملة ايه فى الدراسة و المذاكرة
مليكة : الحمد لله تمام المهم أن انا نازلة مع البنات النادى كمان شوية عايز حاجة اجبهالك معايا يا حبيبي
مازن : لا يا موكا بس خدى بالك من نفسك
مليكة : حاضر يا ميزو سلاام
كانت هتطلع من الاوضة بس وقفها صوت مازن : مليكة ............
**************
و نكمل الأحداث البارت الجاى أن شاء الله
ولو عجبكوا البارت متنسوش ڤوت و كومنت
بحبكم فلولاتي ❤❤🍓
