صرخت مها و روتيلا بخضة : ملييييكة !!! و جريوا على مليكة الاتنين روتيلا بدموع : مليكة مليكة ! ردى علينا مها لروتيلا : اهدى عشان نعرف نفكر احنا مش معانا برفيوم نفوقها بيه هنحاول ندور على اى حاجة ريحتها قوية نفوقها بيها و انتي حاولى تعملي حاجة توقف النزيف اللى فى رجلها ده روتيلا بتوتر : حاض ..حاضر هحاول روتيلا كانت لبسه طرحتين فوق بعض فقلعت اللى تحت و ربطت بيها رجل مليكة كمحاولة لوقف النزيف و مها فضلت تدور لحد ما لقت نبات ريحته نفاذة الى حد ما و راحت لمليكة و قربته من مليكة عشان تشم ريحته فى الوقت ده سمعه نباح كلب فخافوا و بعدوا مها بعياط : مليكة فوقي بقى ******** جيه ريكس و نط على مليكة و بينبح جامد كأنه حاسس بيها و جرى وراه مالك مالك : مها ! روتيلا ! انتوا كويسين مها : اه الحمد لله مالك بعد ريكس عن مليكة و شالها و فى الوقت ده مليكة كانت بتحاول تفتح عينيها مالك باصص لمليكة و هو شايلها : اهدى انتى كويسة خلاص ارتاحي مليكة غمضت عنيها تانى بعد ما حست بشوية اطمئنان من كلام مالك و كمحاولة لنسيان الم رجلها مها و روتيلا كانوا مشيين ورا مالك بس بعيد شوية لانهم كانوا خيفيين من ريكس مالك بنرفزة و غضب : بطلوا هبل بقى ده مش وقت دلع !! مش ناقصين تتوهوا و يجرالكوا حاجة انتوا كمان ، قولنا الف مرة ريكس مش بيعمل حاجة ، و كمل بصوت عالى : امشوا ورايا بالضبط لحد ما نشوف حل و نرجع المخيم تانى مها و روتيلا خافوا من مالك و نبرة صوته ، اول مرة يشوفوه كده هما متعودين على مالك الهادى اللى بيهزر و بس و حاولوا يهدوا خوفهم و قربوا منه بس مشوا جنبه فى الإتجاه التانى بعيد عن ريكس مشيوا شوية لحد ما لقى اتنين بيتش باجي بتوع مها و روتيلا مالك : بصوا انا هركب واحد و هاخد مليكة و ريكس معايا و انتوا اركبوا التانى و امشوا جنبي بالضبط ماشي ركبت روتيلا ورا مها لأنها كانت منهارة جداا لدرجة متسمحلهاش تسوق مالك ركب و اخد مليكة فى حضنه من قدام عشان متقعش منه و ريكس وراه فضلوا مشيين شوية لحد ما وصلوا مكان المخيم ************* نزل مالك و مازن شافه و راح جرى اخد منه مليكة و دخلها الخيمة و روتيلا جابت علبة الاسعافات الأولية و طهرت الجرح اللى فى رجل مليكة و ربطته برباط ضاغط و كل الشباب وقفين برا قلقانين بعد ما رجع أدهم و آسر من الغابة و كل البنات دخلوا الخيمة مع روتيلا عشان لو احتاجت حاجة طلعت روتيلا بعد شوية و باين عليها الإرهاق و التعب مالك جرى عليها هو و مازن مازن : عاملة ايه دلوقت يا روتيلا روتيلا بصوت ضعيف : هى بقت كويسة دلوقت و طهرتلها الجرح و هو اصلا مكانش عميق اوى و أدتها ابرة هتخليها تنام لحد بكرة يكون الالم خف شوية كلهم تنفسوا الصعداء اخييرا أدهم : طيب يلا يا جماعة روحوا ارتاحوا بقى ، روتيلا خدى مها و ريحوا انتوا كمان اكييد اعصابكوا تعبانة من الخضة هزت روتيلا دماغها موافقة على كلام أدهم و طلعوا البنات راحوا خيمهم و سيدرا و شذى اخدوا مها معاهم خيمتهم عشان ترتاح بعد ما أصرت چنى انها تنام مع مليكة فى الخيمة و روتيلا كمان معاهم عشان لو صحيت فى اى وقت و احتاجت حاجة بعد ما ميشوا البنات دخل مازن لمليكة و قعد جنبها و باس دماغها و اطمن عليها و طلع راح خيمته مع حمزة و احمد عشان يرتاح حمزة و احمد هدوا مازن لحد ما نام و ناموا هما كمان *********** فى خيمة مالك مالك كان قلقان و مش عارف ينام خاالص آسر : اهدى خلاص يا مالك هى كويسة و الله أدهم مؤكدا كلام آسر : فعلا هى كويسة انت مسمعتش روتيلا ، الجرح مش عميق و هتبقى كويسة حاول مالك أنه ينام و بعد وقت طويل نام من التعب ********* صحيوا كلهم الصبح بس مليكة كانت لسه مصحيتش بسبب مفعول الإبرة مازن بقلق : هى ليه لسه مصحيتش لحد دلوقت روتيلا بعملية : ده طبيعي بسبب مفعول الإبرة كام ساعة كده و هتفوق و انا جنبها اهو لو فاقت فى اى وقت كل البنات قعديين مع روتيلا فى الخيمة و مستنين مليكة تفوق و كل الشباب قاعدين بره مستنين حد من البنات يطلع يطمنهم انها فاقت ********* و بعد عدة ساعات مليكة بدأت تفتح عينيها روتيلا قربت منها و مسكت ايديها اللى كانت باردة جداا : مليكة انتى كويسة حاسه حاجة بتوجعك مليكة بصوت ضعيف و رعشة بسيطة : بردانة اوى روتيلا غطتها بكذا غطا عشان جسمها يسخن و تعرق و الحرارة تنزل و ادتها خافض حرارة طلعت ريهام للشباب : مليكة فاقت دخل مازن بس مراد : هى كويسة دلوقت يا ريهام ريهام : اه كويسة هى كانت بردانة شوية بس روتيلا غطتها و ادتها خافض حرارة مالك سامع الكلام و قلقان و عايز البنات يطلعوا بسرعة عشان يعرف يدخل لها *********** فى الخيمة مازن قرب من مليكة مازن : كده يا موكا تعملى فيا كده كنتي عايزة تعرفى غلاوتك عندنا يعني مليكة بابتسامة ضعيفة : و عرفت يا ميزو من شكلك خلاص و طلعوا البنات بره عشان الشباب عايزين يدخلوا يسألوا عليها مازن حط لمليكة الطرحة و لفها كويس عشان الشباب داخلين و قالهم يدخلوا دخلوا كلهم مالك : الف سلامة عليكى يا مليكة كده تخضينا عليكى مليكة اتكسفت : الله يسلمك يا مالك مازن ضرب مالك : خف يا خفيف اختي ها ! احترم نفسك شوية مش شوال بطاطا انا !! مالك اتحرج و سكت كلهم قالوا لمليكة : الف سلامة عليكى و طلعوا عشان يسيبوها ترتاح دخل ريكس بس و مليكة فرحت جداا بيه و هو راح نام جنبها و هى كمان نامت عشان ترتاح ********** حمزة : جماعة ! يوم كمان مليكة تكون ارتاحت خالص و نرجع اسكندرية تانى كفاية كده أدهم : اه فعلا انا المفروض ارجع الشغل تانى و خلاص دراعى خف اهو وافقوا كلهم ******* مليكة صحيت بعد وقت بسيط و قامت بتعب طلعت بره و معاها ريكس مازن اول ما شفها راحلها مازن : ايه اللى قومك من السرير بس ؟! مليكة : اتخنقت من القاعدة فى السرير و انت عارف انى مش بحب كده مازن : عارف مها جابت اكل لمليكة و مازن قعد يأكلها مازن : حاجة اخر دلع اهو بيتجبالك الاكل لحد عندك و يأكلوكى كمان مليكة بضحك و غرور مصطنع : حبيبي يا ميزو انا مش اى حد اصلا ده طبيعي مازن بضحك : عارفة لولا أنك تعبانة بس كنت ضربتك و عرفتك انتى ايه اتهدى بقى ماشى مليكة حطت ايديها على شفايفها : اهو سكت ، خلاص كفاية يا مازن شبعت مليكة بصت لحبيبة : بيبة ممكن فنجان قهوة من ايديك الحلوة دى مازن : يا بنتي انتي كل حاجة قهوة قهوة مليكة : اه طبعا مشروبي المفضل يا روحي ، امال انا بيدلعوني بموكا ليه يعني من فراغ يعنى ولا ايه ؟! ضحكوا كلهم *********** حبيبة عملت القهوة لمليكة حبيبة : اتفضلى يا موكا مازن : شكرا يا حبيبة حبيبة بكسوف : العفو على ايه مليكة باستمتاع : اممم لذيذة شكرا بيبة مالك : بما انها حلوة اوى كده ياريت لو فيها رخامة يا حبيبة ممكن فنجان زى بتاع مليكة ده كده حبيبة : حاضر مفيش مشكلة و عملت حبيبة القهوة لمالك مالك بيبص لمليكة و بابتسامة : حلوة جدااا شكرا يا حبيبة حبيبة : العفو على ايه يعني مليكة : بما انى مش عارفة اتحرك كتيير كده ياريت تجبولى اسكتش الرسم بتاعى من جوه اهو اى حاجة تضييع وقت شيماء جابت لمليكة اسكتش الرسم بتاعها و مليكة طلعت فونها و جابت رسمة برج ايڤل من عليه و قعدت ترسم زيها لانها مش بتعرف ترسم الا لما تشوف الرسمة و تقلدها و ترسمها زيها بالظبط
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
دى الرسمة اللى مليكة رسمت زيها بالظبط ( عشان مش هغير التوقيع و اخليه مليكة طبعاا 😂 ) عجبتهم كلهم الرسمة جداا *********** أدهم كان ماشي لوحده حولين المكان و هو ماشى لقى روتيلا واقفة لوحدها فقرب منها أدهم : روتيلا واقفة لوحدك ليه روتيلا : عادى كنت عايزة اتمشى لوحدى شوية أدهم : اسمك حلو جداا بس غريب شوية ، يعني ايه روتيلا ؟ روتيلا بابتسامة : روتيلا يعني الفراشة الصغيرة أدهم : بجد !! حلو جداا ابتسمت روتيلا لفت نظر أدهم حاجة ورا روتيلا و نطق فجأة أدهم : روتيلا ! اثبتي مكانك روتيلا خافت و كانت هتبص وراها بس وقفها أدهم بحدة : روتيلا قولتلك اثبتى مكانك ! أدهم : روتيلا بصى ايه اللى فى السما ده ؟! بصت روتيلا للسما و فجأة ....... *********** يتبع ........
