بعد انتهاء هذا العام الدراسي
مازن : مراد هنتقابل فين ؟
مراد : امم ممكن نجيلك عند بيتك لأنه قريب من بيت احمد
مازن : تمام هستناكوا و متتأخروش عشان نلحق نقعد معاه و نضبطه قبل ما نروح القاعة بالليل
مراد : تمام
حمزة : هو صح هيروح يجيب اسراء من البيوتي سنتر امتى ؟
مالك : هو قال الساعة ٧ تقريبا
مازن : اوك انا هروح بقى و انتوا كمان روحوا اجهزوا و تعالوا عشان نلحق
رجع مازن البيت و جهز و بعدها بشوية سمع صوت عربيات الشباب فنزل و ركب عربيته و راحوا لاحمد
★★★★★★
٭٭ عند أحمد ٭٭
احمد : اذيكوا يا شباب ؟
حمزة : كويسين المهم ركز فى نفسك دلوقت
احمد : حاضر حاضر ادخلوا الاوضة و انا هروح احضر هدومي عشان ساعة و الحلاق جاي
مالك : اوك
دخلوا الاوضة و احمد طلع هدومه و قعدوا يضحكوا و يهزروا و كانوا مبسوطين جدااا لاحمد و
خاصة مالك اللى كان مبسوط جداا أنه اخيراااا بعد كام شهر هيشوف مليكة و ده كان تقريبا حال كل الشباب كل واحد كان متشوق أنه يشوف حد معين
بعد كده جه الحلاق و احمد خد شاور بعد ما حلق شعره و بعد كده لبس البدلة بتاعته و الحلاق ضبطله شعره و كان جاهز
و اتصل باسراء يشوفها خلصت و لا لا لان فاضل نص ساعة و يروح ياخدها
★★★★★★
٭٭ عند اسراء فى البيوتي سنتر ٭٭
اسراء كان معاها شيماء اختها و مليكة اللى اسراء اصرت انها تروح معاها
مليكة كانت قاعدة طول الوقت تهزر مع شيماء و اسراء اللى مكنتش فاضية اصلاا
شيماء : اسراء احمد بيتصل
اسراء : ردى عليه
شيماء : الو يا احمد
احمد : اذيك يا شيماء ، اسراء خلصت و لا ايه
شيماء : يعني اوشكت بتلبس الطرحة اهو يعني تعالوا على ما توصلوا تكون جهزت
احمد : تمام ، مسافة الطريق و هنكون عندكوا
★★★★★★
احمد قفل و بص لحمزة
احمد : حمزة جهزت العربية
حمزة : اه جاهزة المهم انت اتأكدت من القاعة
احمد : اه بابا و ماما و أهل اسراء برده هنااك
حمزة : تمام ، احنا جاهزين يلا بينا
و نزلوا كلهم و ركبوا عربياتهم و احمد ركب مع حمزة كان راكب جنبه ادام لحد ما وصلوا عند اسراء
★★★★★★
٭٭ عند اسراء ٭٭
مليكة : على فكرة شكلهم وصلوا انا عارفة صوت عربية مازن
احمد بيتصل....
شيماء : هما وصلوا فعلاا
مليكة طلعت قالت لاحمد انها جاهزة و انه يدخل المكان الخاص بأن العريس ياخد العروسة اللى منفصل عن الكوافير نفسه لأن فيه محجبات فمينفعش يدخل عندهم
احمد دخل و مليكة راحت وقفت مع مازن و مالك راحلهم
مالك بابتسامة بينت غمزاته : اذيك يا مليكة
مليكة : الحمد لله ، اذيك انت
مالك : انا بخير طول ما انتي بخير
مليكة بصت فى الاول بعد وشها ما بقى احمررر
مازن ضرب مالك : احنا متفقناش على كده و لاحظ اني اخوها و واقف معاكوا هااا
مالك : حاضر انا عملت حاجة دلوقت
و قطع الحوار احمد اللى طلع مع اسراء اللى كانت جمييلة جداا احمد و اسراء كانوا مبسوطين جدااا جداا
احمد و اسراء ركبوا مع حمزة ورا و شيماء ركبت ادام جنب حمزة
★★★★★★
٭٭ فى العربية بتاعت حمزة ٭٭
حمزة : الف مبروك يا اسراء
اسراء : الله يبارك فيك يا حمزة
حمزة بص لشيماء : اذيك يا شيماء
شيماء بكسوف : الحمد لله
حمزة بابتسامة : عقبالك أن شاء الله
شيماء بصلته و ابتسمت و رجعت بصت من الشباك تاني و حمزة شغل اغاانى و رفع الصوت خااالص
★★★★★
فى نفس العربية ورا
احمد بهمس لاسراء : الف مبروك يا حبيتي
اسراء بخجل : الله يبارك فيك
احمد : ايه الجمال ده يا ربي ، بقولك ايه ما تيجي نجيب المأذون و نكتب الكتاب بالمرة
اسراء كانت قاعدة بتفرك ايديها بتوتر و مش عارفة تقوله ايه و ساكته
احمد : انا هفضل اكلم نفسي كده كتيير
اسراء بخفوت : اقول ايه ؟
احمد : اى حاجة اقولك جربي كده تقولى يا احمد يا حبيبى
اسراء بصتله بحدة : احمدددد !
احمد : ايه خلاص انا اسف انتى قلبتى كده ليه
★★★★★★
مليكة ركبت العربية مع مازن و وصلوا القاعة
نزلوا و دخلوا القاعة كلهم ورا احمد و اسراء
و احمد و اسراء قعدوا فى المكان المخصص ليهم بعد ما سلموا على اهلهم و اصحابهم
مليكة راحت قعدت مع اصحابها مها و روتيلا و شذى و سيدرا اللى عزمتهم اسراء
مليكة : جيتوا من بدرى ؟
مها : لا لسه وصلين من شوية
روتيلا : مليكة بصي كده هناك
بصت مليكة لقت مالك واقف مع أصحابه و باصص لها و مبتسم
مليكة : فى ايه ؟
شذى : لا و الله مش ملاحظة يعني
مليكة باستهبال : ملاحظة ايه
روتيلا : بطلى استعباط عشان واضح يعني مش شايفة سي مالك العاشق الولهان اللى هناك ده
مليكة : روتيلا بس
مها : شفتيه لما وصلوا عند البيوتي سنتر ؟
مليكة بابتسامة : اممم و جه كلمني كمان
سيدرا : ما تنجزى يا بنتى احنا بنشد الكلام منك بالعافية كده ليه
شذى : و بعدين يعني قالك ايه ؟
مليكة بصت فى اتجاهه : قالي اذيك و قلتله الحمد لله و انت اذيك ؟ و سكتت مليكة
روتيلا : اخلصي يا بنتي
مليكة بصت لروتيلا و ابتسمت : قالى انا بخير طول ما انتى بخير بس
روتيلا : يا عيني عالرومانسية انا عايزة الواد ده مليش دعوة
مليكة بصلتلها بغضب
روتيلا : انا بهزر فى ايه ! ، خلاص عايزة واحد زيه كده
مليكة بسرحان : مفييش ، و قامت راحت لاسراء و شيماء
مها : البت اتجننت خلاص و ربنا الواد مالك جننها ، ربنا يهديك يا مليكة و يكملك بعقلك ده و كلهم ضحكوا لما افتكروا مليكة و الطريقة اللى قالت بيها مفييش
★★★★★
احمد و اسراء لبسوا لبعض الدبل و احمد لبسها الشبكة و كانت شغالة أغنية " يا دبلة الخطوبة " و خلصت الخطوبة و كلهم رجعوا بيتهم و احمد و اسراء راحوا اتصوروا و اتعشوا فى مطعم بعد ما روح حمزة شيماء بعد الاستوديو و راح لاحمد داله مفتاح عربيته و رجع بيته و بيفكر فى شيماء
★★★★★
٭٭ بعد مرور ... شهر ٭٭
مليكة : ميزو انا عايزة اروح لحبيبة بكرة من بدرى
مازن : هو انتى اخت العريس و لا العروسة عايز افهم بس
مليكة : اخت الاتنين و طلعتله لسانها
مازن : لا و الله ده ازاى يعني
مليكة : عادى كده المهم برده هروح انت عارف انها مش عندها اخوات بنات و انا زى اختها يعني و اصلا اصحابك هيجولك بكرة و انا مش هقعد معاك كده كده يبقى اروح للبنت الغلبانة اللى لوحدها دى
مازن افتكر أن مالك جي معاهم بكرة و هو مش عايز مليكة تبقى موجودة و هو موجود : ماشي يا موكا روحي
مليكة : حبيبي يا ميزوو ، هروح احضر هدومي و الحاجات اللى هاخدها معايا
مازن : اوك يا حبيبتي
و دخلت مليكة حضرت حاجتها كلها و بعد كده نامت
★★★★★
صحيت مليكة تانى يوم و فطرت و خدت شاور و لبست و راحت لحبيبة
٭٭ عند حبيبة ٭٭
وصلت مليكة و فتحلها الباب مراد اللى كان نازل رايح لمازن
مراد : مليكة ادخلى حبيبة فى الاوضة انا كنت نازل عشان هروح مع الشباب لمازن
مليكة بضحك : احنا سبنا اخواتنا و رحنا لاصحابنا ليه ؟! روح روح مازن مستنيكوا
دخلت مليكة لحبيبة الاوضة بتاعتها
★★★★★★
مراد راح لمالك و آسر عشان يروحوا لمازن
مراد كان راكب مع مالك و مالك مبسوط و مبتسم
مراد : متفرحش اوى كده مش هتشوفها
مالك باستغراب : هى مين دى ؟
مراد بغمزة : اللى واخدة عقلك يا حبيبي و متوقع تروح لمازن دلوقت و تشوفها
مالك بصله : احمم ، هو باين عليا اوى كده !
مراد بضحك : جداا
مالك : انت ايش عرفك اني مش هشوفها يعني
مراد : عشان هى عندى فى البيت
مالك ضغط عالفرامل جامد وقف العربية و بصله : نعممم !
مراد اتخض من وقفة العربية : فى ايه يا بني ادم انت ؟!
مالك : مليكة عندك فى البيت بتعمل ايه ؟؟
مراد : قاعدة مع حبيبة هتكون جايه عندى البيت تعمل ايه يعني عشان رايح معاكوا لمازن و هى فى البيت لوحدها تقريبا نورهان صاحبتها هتروح لها برده و مليكة بقى هتابع الديكور بتاع الجنينة و تبقى معاها لما الميكب ارتيست و الهير دريسر يروحولها و انا هروح لها قبلكوا
مالك : طيب طيب يلا نروح
★★★★★
٭٭ عند حبيبة ٭٭
مليكة دخلت الاوضة : بيبة صباح الخير يا عروسة اخويا القمر انتي
حبيبة بضحك : تعالى يا مجنونة تعالى
مليكة بصدمة مصطنعة : ايه ده ! هو الواد ميزو قالك
حبيبة باستغراب : قالى ايه ؟
مليكة بضحك : ان انا مجنونة اصل هو الوحيد اللى مكتشف هذا الاكتشاف الرهيب ، طب و ربنا انتوا ليقين على بعض
حبيبة و مليكة قعدوا يضحكوا كتيير و حبيبة دخلت اخدت شاور و جات الميكب ارتيست و الهير دريسر و مليكة نزلت تشوف التجهيزات و الديكور بتاع الجنينة و فضلت نورهان صاحبة حبيبة
★★★★★
٭٭ فى الجنينة ٭٭
مليكة عجبها جداا الديكور
مليكة : لو سمحت ممكن تجيب الورد ده هنا
المهندس : تمام يا فندم انا كنت هعمل كده اصلا
★★★★★
٭٭ عند الشباب ٭٭
مازن : اتفضلوا
دخلوا و قعدوا يضحكوا كتيير
مالك : الف مبروك يا ميزو
مازن : الله يبارك فيك يا مالك عقبالك ، عارف لو مليكة سمعتك و انت بتقول ميزو دى ، دى بتزعق لچنى لما بتقولى ميزو
مالك : مش هتقدر انا مالك يا حبيبي ، و ياريت و الله عقبالى دلوقت لو ينفع انت اللى معقدها
مازن : انا !! ما انت عارف انى موافق بس تخلص ٣ ثانوى و تدخل الكلية عالاقل
مالك : ربنا يصبرني بقى اديني مستني لما نشوف اخرتها مع اختك اللى مطلعة عيني من البداية دى
و ضحكوا و ظبطوا مازن بعد ما اخد شاور و خلصوا و اتصل بمليكة
★★★★★★
يتبع
ڤوت
بحبكم فلولاتي ❤❤🍓
سوري لو البارت فى اى اخطاء املائية لاني مرجعتوش
