٭٭ عند حبيبة ٭٭
مليكة طلعت لها بعد ما اتأكدت من كل حاجة فى الديكور
مليكة : قمر و الله بسم الله ما شاء الله
حبيبة : انتى اللى عنيكي حلوة عشان كده شيفاني حلوة
نورهان : اه فعلا انتى حلوة و الله يا مليكة
مليكة : ميرسي يا نور انتى احلى و الله
نورهان : و الله بفكر اخطبك لاخويا
حبيبة : لا يا نوري ملكيش دعوة بمليكة
نورهان : ليه يعني انتى مخطوبة
مليكة : لا و الله
نورهان بصت لحبيبة : امال ايه
حبيبة : تقدرى تقولى محجوزة حاجة كده يعني
نورهان : مش فاهمة
حبيبة بصت لمليكة و قالت بمكر : يعني فى واحد كده بيحبها
مليكة حطت ايديها على بق حبيبة : بس فى ايه المفروض النهاردة احنا اللى نعمل فيكي كده مش انتي اللى تعملى كده فيا
و بصت لنورهان : مفيش حاجة من الكلام ده يا نور فكك منها دى واضح انها بتخرف من قرب ميعاد الخطوبة بس لا اكتر و لا اقل
نورهان بعد اقتناع : اوك هسكت دلوقت بمزاجي عشان بس خطوبة بيبة بس هعرف برده
حبيبة : نورى حبيبتي ابقى ركزى مع اصحاب مازن و مراد و انتى هتفهمى من غير حد ما يقولك و الله
نورهان : اوك
مليكة : اسكتوا بقى و لا هروح لاخويا حبيبي اللى سبته عشانك
حبيبة بمكر : عايزة تروحي عشان تشوفي مازن و لا حد تانى هنااك
مليكة : لا بقى كده كتيير انا هروح البس الفستان على ما تخلصي عشان الميكب ارتيست تعملى انا كمان
حبيبة : ماشي يا حبيبتي ادخلى الاوضة اللى جنب اوضتي دى غيرى فيها
★★★★★
راحت مليكة الاوضة
و غيرت هدومها و لبست الفستان و لفت نظرها الصورة اللى على الكومدينو
راحت فى اتجاهها و ابتسمت
كانت صورة مراد مع أسر و مالك
و هنا أدركت أن دى أوضة مراد
و رجعت تانى البنات
حبيبة : ايه رأيك حلوة صح ؟
مليكة : انتى قمر و الله يا بيبة
حبيبة بغرور مصطنع : انا عارفة انى حلوة مش جديد يعني انا قصدى عالصورة
مليكة بغضب : انتى رخمة على فكرة يعني خلتيني اروح اوضة مراد قصد
حبيبة : شكلي كده
و قعدوا يضحكوا و مليكة عملت ميكب خفيف جداا جداا ، لو حد مش عارفها هيفتكر انها كده طبيعي
و مازن اتصل بمليكة
مليكة طلعت لسانها لحبيبة : ميزو حبيبي بيتصل
حبيبة : ردى طيب
مليكة ردت : الو يا ميزو يا حبيبي يا احلي عرييس فى الدنيا
مازن ضحك : ايه ده احنا بدأنا الشغل ده من دلوقت و لا ايه انتى قصدك تغيظى حبيبة
مليكة بتمثيل : و انا كمان بحبك و الله انا بفكر الغي اصلا الحوار ده او اقولك اقعد انا جنبك بدل حبيبة و هى تروح تقعد جنب مراد اخوها
مازن بضحك : ههههه خلاص بجد بقى حبيبة خلصت
مليكة : اه خلصت خلى مراد يجي و بعدها بشوية تعالى انت بقى
مازن : ماشي يا موكا يا حبيتي سلاام
و قفل
★★★★★★
عند الشباب
مالك مسك مازن من هدومه : متقلهاش حبيبتي تاني يالاا
مازن باستنكار : لا و الله !!
مالك : اه و الله عندك حبيبة قولها اللى انت عايزة لكن مليكة لاا
مازن : هدومي بس وسع ايدك كده انا العريس على فكرة ، آسر لم اخوك ده
مالك : ما هو ده يا اخويا اللى مصبرني عليك
آسر : بس يا مالك خلاص
مازن : مراد روح انت بقى لحبيبة و احنا خمس دقايق و هتلاقينا وراك
مراد : طيب تمام سلام يا شباب ، و الف مبروك يا ميزو
مازن : الله يبارك فيك يا ابو نسب
و ضحكوا و مشى مراد و بعدها بعشر دقايق مشيوا الشباب
★★★★★
وصل مراد و دخل لحبيبة
مراد : جاهزة يا حبيتي مازن جى ورايا
حبيبة : اه يا مراد
مليكة : مراد ! بابا و ماما و چني هيجوا مع مازن مش كده
مراد : اه اكيد
مليكة : تمام كنت مفكراهم هيجوا قبله
شوية و رن مازن على مراد و قاله أنه تحت
مراد : يلا يا حبيبة مازن جه تحت
★★★★★
و مسك ايد حبيبة و نزل و وراهم نورهان و مليكة
و راح عند مازن و مازن اخدها منه و سلمه على أهل مازن و اهلها و راحوا قعدوا مكانهم
مازن : انتي حلوة جداا النهاردة على فكرة
حبيبة بكسوف : ميرسي ، و انت كمان
مازن بمكر : و انا كمان ايه ؟!
حبيبة : بس بقى يا مازن
مازن : ايه ده هو انا اسمي احلو كده ليه !
حبيبة نادت مليكة
مليكة : نعم !
حبيبة : خليكي واقفة هنا و لمي اخوكي شوية
مليكة : بس يا مازن اتلم و بصت لحبيبة : حلو كده اروح بقى !
حبيبة : انا جبت مين صح أخته ما شاء الله الرخامة وراثة فى العيلة
مليكة : انا ملاحظة أنها بتغلط فيك يا مازن
مازن ضحك
حبيبة : امشي يا مليكة يا حبيتي انا غلطانة انى ناديتك
مليكة غمزت لمازن : انا ماشية سلام اى خدمة يا ميزو عد الجمايل ها
نورهان كانت مركزة مع كل اصحاب مازن و مراد عشان تعرف مين هو اللى حبيبة كانت تقصده
مازن و حبيبة لبسوا الدبل على أغنية " يا دبلة الخطوبة " و قعدوا و اصحاب مازن رقصوا معاه لحد ما وقفهم صوت
....: تيست تيست احم اسف يا جماعة عالمقاطعة بس عايز اهدى الأغنية دى لميزو حبيبي
و اشتغلت المزيكا
و ابتدى مالك يغني أغنية " شو حلو " و كل الناس اندمجت معاه و مالك طبعاا كان مركز مع مليكة اللى كانت مكسوفة
نورهان قربت من حبيبة : هو ده صح
حبيبة : ييس شوفتي مش قولتلك هتعرفى لوحدك
نورهان : حلو اوى
حبيبة : بس اسكتي انتي عايزة مليكة تسمعك و تكلك دلوقت
نورهان : هى مليكة فى الدنيا اصلا مليكة مش بقت هناا و هى سمعاه بيغني ، هو اسمه ايه صح
حبيبة : مالك
نورهان : وااو ، مالك و مليكة ايه ده اسم كابلز تحفة
★★★★★
روتيلا مسكت ايه مليكة : انتى متوترة كده ليه أهدى انتى بصراحة حلوة جداا النهاردة يعني الأغنية لايقة يعني
مليكة : بس بقى انتى كمان انتى صاحبتي انا و لا صاحبته هو
روتيلا : انا ساكتة اهو
مالك كان بيغني و هو مبتسم و مركز مع مليكة و خلص الأغنية و قرب منه مازن
مازن : بتهدى الأغنية دى لميزو حبيبك و لا لاخت ميزو عشان افهم بس
مالك : ليك انت طبعاا
مازن : اه ما هو واضح اهو
ضحك مالك و قرب من مليكة اللى مسكت ايد روتيلا تلقائى
★★★★★
مالك : الف مبروك يا مليكة
مليكة : الله يبارك فيك
مالك عدى جنبها و كأنه ماشي و قالها بهمس جنب ودنها : عقبالنا يا رب
و مليكة وشها احمررر جداا
مها : هو قالك ايه عشان تحمرى كده
مليكة : .....لا رد
عند حبيبة و مازن
حبيبة : لقين على بعض على فكرة مالك و مليكة
مازن : انا عارف على فكرة هو عايز يخطبها دلوقت بس انا اللى مش موافق عشان هى داخلة ثالثة ثانوى لما تدخل الكلية الاول
حبيبة : عندك حق طبعاا
نورهان : لا مليش دعوة انا عايزة اعرف هو قالها ايه عشان تحمر كده مليش دعوة الفضول هيموتني
حبيبة : يا بت اتهدى و سيبي مليكة فى حالها
نورهان و هى رايحة فى اتجاه مليكة : هعرف برده
راحت نورهان لمليكة و مليكة عرفتها على اصاحبها مها و روتيلا و شذى و سيدرا
نورهان : اتشرفت بمعرفتكوا
البنات : احنا اكترر
نورهان لمليكة بهمس : ما انتى هتقوليلى هو قالك ايه عشان تحمرى كده يعني هتقوليلى مليش دعوة
مليكة بضحك : طيب كويس انك جيتي دلوقت بقى عشان اقول مرة واحدة اسمعى يا حشرية
ضحكت نورهان و البنات
مليكة : قالى الف مبروك قولتله الله يبارك فيك و بعدين مشى و عدى من جنبى و انا افتكرته ماشى بجد و الله راح قالى بصوت واطي عقبالنا بس
روتيلا و نورهان اكتر اتنين مجانين : بجد !! ده رومانسي اوى ، اوعدنا يارب
و ضحكوا البنات و اتبسطوا جدااا و فضلوا يتكلموا و يضحكوا كتيير
نورهان لحبيبة : عرفت قالها ايه قالها الف مبروك عقبالنا بس
حبيبة : انتى يا بنتي حشرية كده علطول
نورهان : اه طبعااا اسيب يعني فضولى يموتنى
حبيبة : لا يا حبيبتي ميصحش
★★★★★
عند آسر و مالك
آسر : يا بني مش ناوى تبطل اللى انت بتعمله ده شوية
مالك : لا و لو متغاظ منى اوى كده اعمل زىي
آسر : ليه هو انا مجنون زيك
مالك : مش احسن ما انت قاعد كده و البت مش عارفة اذا كنت بتحبها و لا لا
آسر : انا عجبني كده انت مالك
أدهم قرب منهم
أدهم : بس انتوا هتتخنقوا هنا كمان دى خطوبة مازن ها
مالك : حبيبي يا ادهوم جيت امتي كنت بدور عليك من ساعتها
أدهم : لسه جى اهو انت عارف الشغل بقى
آسر : عارفين ربنا يكون فى عونك
أدهم : هروح اسلم على مازن
★★★★★★
أدهم : الف مبروك يا مازن
مازن : الله يبارك فيك يا ادهم اتأخرت ليه
أدهم : لسه طالع من الشغل
أدهم : الف مبروك يا حبيبة
حبيبة : الله يبارك فيك
و بص لمليكة اللى كانت واقفة جنب حبيبة : اذيك يا مليكة
مليكة : الحمد لله
أدهم لروتيلا اللى كانت واقفة مع مليكة : اذيك يا روتيلا
روتيلا بكسوف : الحمد لله
أدهم : عقبالك
روتيلا : ميرسي
مشى أدهم
مليكة : اعمل انا بقى زى ما كنتوا بتعملوا فيا من شوية
روتيلا : انتى حبيبتي يا موكا
مليكة : ايوة دلوقت بقيت حبيبتك ماشي ياختي ماشى
★★★★★
و خلصت الخطوبة و كل واحد روح بيته
و مازن اخد حبيبة و مليكة و راحوا اتصوروا و بعد كده اخدهم مطعم و اتعشوا هناك بعد ما اصرت حبيبة أن مليكة تروح معاهم
★★★★★
٭٭ فى المطعم ٭٭
مليكة : على فكرة يا حبيبة انا بحبك جداا والله و مش هعمل زى اخوات العريس بقى اللي بيعاملوا مرات اخوهم وحش و كده
حبيبة : و انا كمان و الله بحبك جداا انتى صاحبتي مش مجرد اخت مازن يعني
مازن ضحك عليهم
و روحوا و هما مبسوطين جدااا
★★★★★
يتبع
ڤوت
بحبكم فلولاتي ❤❤🍓
