مازن : مليكة !
مليكة : نعم يا ميزو
مازن : لو محتاجة فلوس أو اى حاجة قوليلى
مليكة : لا يا حبيبي متحرمش يا رب معايا بس اقولك هات هات حد يقول للدلع لا
مازن بضحك : لا طبعااا و متبقيش موكا اصلا عندك المحفظة على الكومدينو خدى اللى انتى عايزاه يا حبيتي
مليكة راحت باسته من خده : متحرمش منك يا ميزو يا احلى اخ فى المجرة بحالها
مازن : هههههههههههه يلا روحي بقى عشان متتأخريش
مليكة : سلاام يا ميزو
*************
و نزلت مليكة لمامتها تحت
مليكة : انا نازلة يا مامتي استودعكى الله
حنان : استودعكى الذي استودعتني إياه يا حبيبي خلى بالك من نفسك و متتأخريش هاا
مليكة : حاضر سلااام
*************
و نزلت مليكة راحت لمها لأنهم اتفقوا كل البنات يتجمعوا عندها و بعد كده راحوا النادى
*************
***فى النادى***
سيدرا : وحشتونى اوى يا بنات بجد رغم أن مليكة و مها معايا فى نفس المدرسة إلا اننا مبنشوفش بعض كتتير عشان انا ادبي و هما علمي بقى
شذى : اه والله وحشتني اوى لمتنا دى من اول ما دخلنا الثانوى و احنا اتفرقنا
روتيلا : خلاص بقى عيشوا اللحظة و بلاش تقلبوها دراما كده الا خلاص الدمعة هتفر من عينى
مليكة مكملة اللى بدأته روتيلا : اه والله اتأثرت بالمشهد اهئ اهئ اهئ
و ضحكوا البنات : هههههههههههه
مها : سيدرا ! شذى ! احكولنا بقى عن سيف و إياد و الهدايا اللى جات فى الفلانتين و كدا
سيدرا : اه ده انتوا هتعملوا حفلة علينا بقى
روتيلا سقفت : ايوة بقى احكوا احكوا
مليكة : يلا كلي آذان صاغية
شذى : انا إياد جابلى دبدوب و شيكولاتات كتيييير و برفيوم
سيدرا : انا سيف جابلى باندا و بوكيه ورد بينك و علبة جلاكسي عشقي طبعااا
روتيلا بصريخ : اووووه !! هو ده
مها : أهدى هتفضحينا
و ضحكوا
و قضوا يوم لطيف جدا ما بين حكايات عن حياتهم اليومية و ضحك و لعب و هزار و روحوا و هما فرحانين جدااا
***********
و الشباب طبعا كانوا كلهم متجمعين عند أحمد النهاردة عشان يبقوا معاه و يظبطوه قبل ما يروح مع اهله لبيت اسراء لان النهاردة قراية الفاتحة
احمد : منورين والله يا شباب
مراد : بنورك يا عريس ركز انت بس فى اللى انت فيه و اخلص
احمد : منا بخلص اهو و بعدين لف وقال : هاا ايه رأيكوا هعجبها ؟!
آسر : قمر طبعا و بعدين مالك مدلوق كده ليه اتقل شوية يا اخويا
مالك بمكر : اه بالله عليك عرفنا خلاص انك بتحبها و يا ترى بقى انت و قعت لوحدك و لا الهوا هو اللى رماك الرمية السودا دى ؟!
احمد بضحك : ههههه خلاص بقى عرفنا انكوا توأم انتوا هتحفلوا عليا ولا ايه
الشباب ضحكوا
احمد : يلا خلاص متشكرين يلا ياخويا منك ليه بيتك بيتك
مازن : هههه مشين اهو يلا يا شباب احنا بنطرد علني
ضحكوا ،
و الشباب كل واحد روح بيته و احمد راح مع أهله بيت اسراء
*************
*** فى بيت اسراء ***
والد اسراء : يا اهلا و سهلا انستونا و شرفتونا و الله اتفضلوا
والد احمد : بنور اصحاب البيت طبعا
و قعدوا وبعد التحية و شوية كلام عن الشغل و كده
والد احمد : طبعا حضرتك عارف احنا جايين ليه يشرفني طبعاا اني اطلب ايد اسراء بنت حضرتك لاحمد ابني
والد اسراء : و انا والله يشرفني أن احمد ابنك يكون جوز بنتي انا موافق مبدئيا بس طبعاا الرأى الاول و الاخير لاسراء
احمد : اكيييد يا عمي
ودخلت اسراء بالحاجة الساقعة و هى حطه وشها فى الارض و بتتمنى الارض تتشق و تبلعها من كمية الحرج و التوتر اللى هى فيهم
بعد ما عطت كل واحد كاسه قعدت جنب بباها و هى لسه حطه وشها فى الارض
والد اسراء : ها يا اسراء ايه رأيك يا بنتي
رفعت اسراء وشها و بصت لباباها و هزت دماغها بمعنى موافقة
والد اسراء : خلاص على بركة الله
والد احمد : يلا بقى نقرا الفاتحة
و قروا الفتحة
والد احمد لاسراء : الف مبروك يا بنتي
اسراء : الله يبارك فى حضرتك يا عمو
والدة احمد : الف مبروك يا ولاد
احمد و اسراء : الله يبارك فيكى يا ماما ، الله يبارك فى حضرتك يا طنط
و اطلقت والدة اسراء زغروطة مصرية أصيلة
وضحكوا كلهم ، واتفقوا أن الخطوبة هتكون فى الإجازة و سلموا اهل احمد على أهل اسراء و ميشوا مع شعور احمد و اسراء بالأرض لا تسعهم من كم السعادة اللى هما حسينها
************
و الشباب كلموا احمد عشان يعرفوا اللى حصل و احمد حكالهم و كلهم كانوا مبسوطين جدااا لاحمد و دعوله بالسعادة
************
تاني يوم
صحيت مليكة و غسلت وشها و اخدت شاور و اتوضت وأدت فرضها و لبست و نزلت فطرت وراحت المدرسة مع مها
***********
الشباب فى الجامعة
مالك : ها يا شباب هنفضل مقضيين الحياة ملل كده عايزين اى جديد
مراد : اه والله حاجة اخر ملل يعني عايزين حاجة فرفشة كده اقترحوا حاجة !
حمزة : انا عندى اقتراح ايه رأيكوا لو ........
***********
و نكمل الأحداث البارت الجاى أن شاء الله
ولو عجبكوا البارت متنسوش ڤوت و كومنت
بحبكم فلولاتي ❤❤🍓
