مالك : آسر احنا هنروح امتي ؟
آسر : المغرب كدة
مالك : اوك ، اتأكدت من التجهيزات فى النادى
آسر : اه اتصلت من شوية و قالوا هنروح نلاقي كله جاهز و احنا هنروح نتأكد الاول
مالك : اوك ، هروح اكلم مليكة عشان اعرف الخطة ماشية ازاى
آسر : تمام
★★★★★★
٭٭ فى مدينة الجمال " باريس " ٭٭
مازن و حبيبة واقفين اودام برج ايڤل
حبيبة بفرحة : انا مبسوطة اوي يا مازن
مازن : و انا مبسوط طول ما انتي معايا و مبسوطة يا روح قلب مازن
حبيبة بابتسامة : شهاب هيجي دلوقت صح
مازن : اه ، ثواني هكلمه اشوفه فين
مازن : مش بيرد
شهاب من وراه : انا جيت
مازن حضنه : وحشني جدا و الله
شهاب : ما خلاص بقى راحت علينا يا عريس ، من لقي أحبابه نسي أصحابه بقى ، قالها شهاب و هو ينظر لحبيبة ، و كمل لحبيبة : صح يا حبيبة ؟ اخبارك ايه ؟ ، الواد ده مضايقك فى حاجة ؟
حبيبة بابتسامة : الحمد لله يا شهاب ، لا طبعا مازن حبيبي ميقدرش يزعلني
مازن بفخر و هو يضع يده على كتف حبيبة : شفت حبيبتي
شهاب بضحك : ربنا يسعدكوا يا رب
مازن : يارب ، ميعاد طيارتك امتي ؟
شهاب : كمان ساعة و الشنطة جاهزة فى العربية
مازن : انا مقولتش لحد انك نازل مصر على فكرة
شهاب : كويس انا اصلا عايز اعملها لهم مفأجاة
مازن : تمام ، خلاص كدة هتستقر فى مصر
شهاب : اممم إن شاء الله ، يلا سلام بقى و كملوا خروجتكوا و انا يدوب الحق اروح المطار
مازن حضنه : سلام و خلى بالك من نفسك و ابقى طمني لما توصل
شهاب بضحك : ليه محسسني انك بتكلم ابنك !
ضحك مازن و مشي شهاب بعد ما سلم على حبيبة و مازن
★★★★★★★
٭٭ عند مليكة ٭٭
موبايل مليكة رن و كان المتصل مالك
مليكة : الو يا مالك
مالك : عاملة ايه يا قلب مالك
مليكة : الحمد لله تمام
مالك : ها ايه الاخبار
مليكة : كل تمام لسه متصله بروتيلا و قالت ان الخطة ماشية كويس جداا
مالك : الحمد لله اجهزوا بقى المفروض تبقى مها هناك المغرب كدة و انتوا هتروحوا قبلها ما عدا روتيلا
مليكة : حاضر ، سلام بقى عشان اجهز
مالك : سلام
آسر : ها ايه الاخبار ؟
مالك : كله تمام
آسر : الحمد لله
★★★★★★
٭٭ عند مها ٭٭
مها و الماسك على وشها : روتي انا عطشانة بس مش عايزة اطلع بره بمنظرى ده
روتيلا بضحك : ههههه حاضر يا ماهي هروح اجيبلك انا
و طلعت روتيلا راحت المطبخ و لاقت هبة ( والدة مها )
هبة : ها ايه الاخبار ؟!
روتيلا : الحمد لله محستش بحاجة ، احنا هنجهز كمان شوية لأن مليكة و كلهم هيسبقونا اجهزوا انتوا كمان عشان هتروحوا قبلنا
هبة : حاضر هخلص بس اللى فى ايدي ده و نمشي
روتيلا : تمام
و خدت كوباية ميه و رجعت لمها
مها : كل ده بتجيبي ميه ؟!
روتيلا : كانت طنط هبة فى المطبخ و بتكلم معاها انتي مالك انتي
مها : ماشي ماشي هاتي بقى الكوباية دى
و شربت مها و راحت غسلت وشها
مها : الحمد لله اخيرا خلصت
روتيلا : استريحي انتي بقى و انا هطلع البلكونة اشم شوية هوا
مها و رمت نفسها عالسرير : ماشي
