٭٭ فى مدينة الجمال " باريس " ٭٭ بعد مرور عدة ساعات من الانتقال من صالة لاخري داخل متحف اللوفر حبيبة : انا زعلانة اننا هنمشي مازن : ما احنا هنكمل اماكن ثانية لسه فى اروع كمان اصبري بس حبيبة : انت جيت فرنسا قبل كده ! مازن : اه كنت باجى فى الاجازات لشهاب و هو اللى عرفني الأماكن دى كلها حبيبة : طيب ، احنا طلعنا اهو من المتحف قولي بقى حكاية الجسر مازن بابتسامة : حاضر تعالى نروح نقف عليه و بعد ما راحوا مازن : بصي يا بيبة الجسر ده اسمه جسر الفنون أو جسر الحب و بيقولوا عليه برده جسر العشاق مبني زي ما انتي شايفة كدة على نهر السين على سبع أقواس هما كانوا تسعة اصلا بس و هما بيجددوا الجسر خلوهم سبعة بس ، كان الأول العشاق بيجوا هنا و يعلقوا على الفتحات اللى فى الجسر دى اقفال مكتوب عليها أسمائهم بالحبر الدائم أو منحوتة اصلا عالقفل كذكرى و تعبير عن حبهم لكن سنة ٢٠١٤ قررت باريس انها تشيل الاقفال دى و فعلا سنة ٢٠١٥ شالوا كل الاقفال و جابوا الفنان الفرنسي و كان اصلا من اصل تونسي " إل سيد " للرسم بالغرافيتي و الخط العربي عليه مكان الاقفال حبيبة : ليه شالوا الاقفال ؟! مازن : عشان كان وزنها كبيير جدا عالجسر لان وصل عدد الاقفال عليه حوالي مليون قفل و وزنهم ٤٥ طن و ده كان هيسبب سقوط للجسر
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
جسر الفنون
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اقفال الحب قبلأن تنزع
حبيبة : انا تعبت و جعانة بقى مازن : هههههه حاضر تعالي ناكل فى مكان هيعجبك جداا ★★★★★★★ ٭٭ فى النادى ٭٭ _ : انا مين ؟!..... مليكة بصوت عالى و هى بتشيل أيده و تلف تبصله : شيبوووووو ! شهاب بضحك : قلب شيبو و حضنته و هو باسها كل ده اودام كل النادى و مالك اللى فقد أعصابه آسر مسك مالك : مالك اهدى افهم الاول فى ايه مالك بعصبية و بيشيل ايد آسر من عليه : افهم ايه انت مش شايف حاضنها و بيبوس فيها ازاي شهاب و هو حاضنها و على نفس وضعه : وحشتيني يا موكا مالك و هو بيشيل ايد شهاب من على مليكة : انت اللى هتوحشك حياتك ، و لسه بيرفع ايده عشان يضرب شهاب مليكة مسكت ايه مليكة بدموع : لا يا مالك ده شهاب .... خالو مالك : ده خالك انتي ، ده ادك مليكة : اه و الله خالو تيته ماتت و هي بتولده عشان كان غلط فى سنها و هو من ساعتها عايش عند ماما و انا اتولدت و هو عايش معانا فى البيت ، هو بس كان بيدرس فى باريس و رجع لأنه خلص دراسة شهاب بعصبية : انت مين اصلا عشان تكلمها كده مليكة : ده مالك خطيبي يا شهاب مالك : انا اسف يا شهاب بس المنظر استفزني شهاب هدأ : و لا يهمك يا مالك ، الف مبروك عالخطوبة معلش بقى معرفتش انزل مصر وقتها مالك بابتسامة : عادى و لا يهمك شهاب حط ايده على كتف مليكة : اخبارك ايه يا موكا ؟ مليكة : زعلانة منك عشان مجيتش الخطوبة و مش بتسأل عليا و مقولتليش انك نازل مصر شهاب : كنت عايز اعملها مفاجأة لحبيبي اللى وحشني مليكة : بكاااااش مالك : ما خلاص بقى يا عم شهاب انت استحلتها نزل ايدك شهاب بضحك و هو بيبص لمليكة : مالك بيغير مني ، مش هنزل ايدي برده بقولك وحشتني بقالي كام سنة مشفتهاش انا مش بعرف انزل و هى عشان الثانوي مكنتش بتعرف تجيلي هناك مع مازن چني بغضب و هى حاطه ايديها فى وسطها : و انا يا سي شهاب موحشتكش ؟!!! شهاب بضحك و شالها و لف بيها : وحشتيني طبعااا دا انا كنت هسلم عليهم كلهم و انت فى الاخر عشان افضالك انت يا جميل چني بضحك من اللف : بتضحك عليا يا شيبو شهاب : و انا أقدر برضه و ضحكوا كلهم آسر بهزار و صوت عالي : كفااااية كده يا جماعة اظن انها خطوبتي و عيد ميلاد البت الغلبانة اللى لسه مطفتش الشمع دى ! ضحكوا كلهم و اتجمعوا حولين الطرابيزة اللى عليها التورتة و مكتوب عليها " بحبك مها " و غنوا اغنية العيد ميلاد و طفت مها الشمع بعد ما غمضت عينها و اتمنت أمنية و طبعا كانت الفرحة مش سايعاها و كلهم ادوها الهدايا و راحوا مليكة و روتيلا و سيدرا و نورهان حضنوها و قالوها مع بعض كل سنة و انتطيب و من قلبي قريب و ضحكوا كلهم آسر : كل سنة و انتي من اهلي مها بكسوف : و انت طيب آسر : هو ده اللى ربنا قدرك عليه ماشي ماشي ليك يوم يا جمييل و اتبسطوا جداا و فضلوا مشغلين اغاني و مبسوطين لحد وقت متأخر روتيلا : كفاية كدة بقى عشان فرح امجد و لا ايه ؟!! مها : انا نسيت الفرح خالص اصلا ! آسر بهمس : انا بأثر اوي كده ابقى معاكي و تنسي العالم مها : آسر ! بس بقى آسر ضحك بصوت عالي ضحكة رجولية و هي سرحت فى ضحكته و فضلت بصاله بابتسامة مالك بغلاسة : ما كفاية بقى يا عم روميو آسر : و انت مالك بيا ياض متروح تشوف حالك ، مليكة هناك اهي انت سيبتها مع شهاب و جيت ليه !! مالك برخامة : كده مزاجي آسر : طيب يلا يلا عشان هنمشي ، رخم ! مليكة : فى حاجة يا مالك ؟! مالك : لا مفيش حاجة يا روح مالك كنت بباركلهم بس مليكة بنظرة تفحص و رفع حاجب : ماشي بس مش مصدقاك مالك بضحك : يا فاهمني انت، تعالي تعالي و سيبيهم ضحكوا و استأذن آسر و مها و مشيوا و مشي كل الموجودين و راحوا فرح أمجد ★★★★★★ ٭٭ فى القاعة ٭٭ راحت روتيلا و مها و مليكة ناحية أمجد عشان يباركوله روتيلا و هي بتسلم على امجد بابتسامة: الف مبروك يا امجد امجد بابتسامة : الله يبارك فيكي يا روتي عقبالك اكتفت روتيلا بابتسامة روتيلا : الف مبروك يا تغريد ( مرات امجد ) تغريد : الله يبارك فيكي يا روتي و سلموا مها و مليكة على امجد و تغريد و باركلهم و فضلوا قاعدين مبسوطين لخطوبة مها و فرح امجد و قضوا يوم سعيد جداا و روحوا ناموا من التعب ★★★★★★★ فى صباح يوم جديد تستيقظ بطلتنا عندما سقطت أشعة الشمس على عينيها لتزعجها ففتحت عينها بتذمر و اغلقتها عدة مرات حتى تستوعب عينيها قوة الضوء قامت مليكة من السرير و عملت الروتين الصباحي و نزلت تحت ٭٭ عالسفرة ٭٭ مليكة : صباح الخير يا مامي ، صباح الخير يا بابي ، صباح الخير يا شيبوو كلهم : صباح النور شهاب : كل ده نوم مليكة بابتسامة : كنت مرهقة جداا و ما صدقت و الله ، اليوم امبارح كان طويل جدا و متعب و جهزنا كل حاجة فى يوم واحد فصعب شهاب : المهم أن كل حاجة مشيت زى ما كنتوا عايزين مليكة : اه الحمد لله و فون مليكة رن ، مليكة بصت للموبايل وابتسمت شهاب : الابتسامة دى وراها مالك طبعا مليكة ضحكت و ردت على الموبايل مليكة : الو ، صباح الخير يا مالك مالك : صباح الورد يا موكا ، عاملة ايه النهاردة مليكة : الحمد لله تمام ، و انت ؟؟ مالك : الحمد لله ، كنت متصل عشان نأكد عليكي ميعاد درس الجرافيك مليكة خبطت ايديها على جبهتها : اوبس ! انا نسيت خالص مالك : و لا يهمك ما انا اتصلت عشان افكرك ، هنتقابل امتي بقى مليكة : اممم ممكن بعد العصر كدة مالك : تمام هكون خلصت شغل أن شاء و اجيلك فى النادى مليكة : تمام ، سلام مالك : سلام و قفلت شهاب : ميعاد ايه اللى كنتوا بتتفقوا عليه ده ؟! مليكة : هنتقابل فى النادى عشان ....... و حكتله بالتفصيل عرض مالك عليها أنه يعلمها جرافيك ، و هي تعمله التصاميم شهاب : فكرة حلوة جداا ، و لقيتي حد يححقلك احلامك اهو كان نفسك تبقى جرافيك ديزاينر مليكة : اه و الله انا فرحانة جدا و متشوقة جداا جداا بجد عشان اتعلم شهاب : هبقى اجي معاكي ماشي ؟ مليكة : تمام مفيش مشكلة ★★★★★★★★ ٭٭ عند مها ٭٭ صحيت مها بنشاط و هى مبسوطة جداا و بتبتسم لوحدها كل ما افتكر اللى حصل امبارح و الاتفاق اللى آسر عمله مع اهلها و أصحابها Flashback مها : انت عملت كل ده امتي ؟! آسر بابتسامة : من تلت ايام كدة اتصلت بباكي و طلبت ايده منك و مالك قالي أن مليكة قالتله أن عيد ميلادك بعد يومين فخليت بباكي يرد عليا بسرعة فى نفس اليوم عشان اعرف اجهز الحفلة و اتفقت معاه على كل حاجة و تاني يوم قابلت البنات و الشباب فى النادى و اتفقت معاهم و هما ساعدوني الصراحة كتيير مكنتش هعرف اعمل كل حاجة بالسرعة دى من غيرهم مها بفرحة : شكرا عشان كل حاجة يا آسر آسر : مفيش شكر بينا ، يلا عشان تروحوا الفرح و الوقت ميتأخرش و طمنيني عليكي لما توصلي البيت مها بابتسامة : حاضر Back رن موبايل مها و كان آسر آسر : صباح الخير مها : صباح النور آسر : كنت عايز اطمن عليكي عشان روحتي متأخر امبارح ، نمتي كويس ؟! مها : اه الحمد لله آسر : الحمد لله ، و فضلوا يتكلموا شوية و بعد فترة من الوقت اللى محسوش بيه و هما بيتكلموا قفلوا و راحت مها فطرت و كلمت البنات ★★★★★★ بعد عدة ساعات تقابلوا فى النادي و جلسوا بعد ترحيب مالك بمليكة و شهاب الذى أصبح يعتبره صديقه مالك : هتشربوا ايه الاول و بعد كدة نبدأ ؟؟ مليكة : بما أن الموضوع فى فهم بقى و كدة فممكن قهوة مظبوطة شهاب : و انا قهوة سادة مالك : تمام ، و شاور للنادل مالك : اتنين قهوة مظبوطة و واحد قهوة سادة لو سمحت النادل : تمام يا فندم و ذهب النادل و طلع مالك اللاب توب بتاعه و بدأ يشرحلها التفاصيل و يعرفها على البرامج و تكوينها و شربوا القهوة و كمل شرح الأساسيات اللى هتستخدمها و بعد عدة ساعات مالك : كفاية كدة النهاردة ، المهم تكوني فهمتي مليكة : فهمت الحمد لله مالك : كويس جداا ، هاتي بقى اللاب بتاعك عشان احملك عليه البرامج ديه طلعت مليكة اللاب من الشنطة و مالك طلع من جيبه فلاشة و حملها البرامج و ادهولها شهاب بضجر : تعالوا ناكل بقى عشان جعت و زهقت منكوا اصلا ضحكوا عليه و طلب شهاب اكل ليهم و أكلوا و فضلوا يضحكوا لحد ما رجعوا البيت ★★★★★★★ ٭٭ فى بيت مليكة ٭٭ تجلس مليكة فى حجرتها و تضع حاسوبها المحمول ( اللاب ) على ارجلها و تنفذ ما علّمه لها مالك و قطع عليها ما تفعله صوت رنين هاتفها مليكة : الو السلام عليكم __ : عااااااا مليگ-----ة !!!!!؟.... ★★★★★★ يتبع...... ڤوت بحبكم فلولاتي ❤❤🍓
