حمزة : ايه رأيكوا لو طلعنا رحلة زى سفارى كده و اهو تغيير جو
احمد : انا عن نفسي موافق جداا
مراد : و انا كمان معنديش مانع بس اكيد مش هنطلع شباب كده لوحدنا
مازن : انا عندي فكرة ايه رأيكوا لو جبت معايا اخواتي البنات مليكة و چني و اصحاب مليكة
مالك افتكر البنت اللى خبطت فيه فى بيت مازن
حمزة : حلو اوى كده و احنا برده و اهو يفكوا عن نفسهم هما كمان عشان يدخلوا الترم التانى مركزين كده
مراد : اه فعلا خلوها بقى فى إجازة نصف السنة دى اصلا الامتحانات كمان اسبوعين
حمزة : تمام اوى كده
احمد : و انت ايه رأيك يا مالك
مالك : ها ا..اه ...ايه فى ايه
مراد : مالك يبني رحت فين ايه رأيك فى الفكرة
مالك : اه تمام موافق اوك
حمزة : اتفقنا و انت يا مازن قول لاخواتك و احنا كمان
و اتفقوا الشباب على كده
*************
فى المدرسة
مها : موكا انا جعانة جداا
مليكة : اوك شوفى عايزة تاكلى ايه و احنا طلعيين من المدرسة نجيب و نروح نعد فى كافيه عالبحر ناكل ايه رأيك
مها : اوك انا عايزة بيتزا
مليكة : تمام و انا هجيب شاورما
و خلصوا حصصهم و طلعوا من المدرسة
***********
مليكة و مها اتصلوا بأهلهم قالولهم أنهم هيتأخروا شوية و هيتغدوا برة و بعد كدة راحوا مطعم ...... عالبحر
مها : مالك يا مليكة
مليكة : تعبانة اوى يا مها
مها : انتي لسه بتفكرى فى الموضوع ده برده يا مليكة انسى
مليكة : ياريت كان الكلام سهل زى الفعل كانت كل الناس ارتاحت
مها : طيب خلاص أهدى
مليكة بدموع : مش قادرة انسي يا مها مش قادرة انسى ازاى صحبتي اللى كنت بعتبرها اكتر من اختي تعمل فيا كدة ت .....
و قاطع كلامهم الجارسون اللى جه ياخد الطلبات و قالوله اللى هما عايزينه و مشى
مها : خلاص يا موكا عشان خاطرى بقى اضحكى بقا
مليكة وهى بتمسح دموعها : خلاص اهو انا كويسة كل اللى ضايقنى انها اتبلت عليا بكلام محصلش بعد كل الحب اللى كان جوايا ليها ...
قاطعهم الجارسون لما جاب الطلبات
مليكة بمحاولة رسم ابتسامة: احنا قلبناها دراما كده ليه احنا جايين قدام البحر و بناكل بيتزا و شاورما عشان تقلب نكد ايه ده !!!
مها بضحك : ههههه الأكل تحفة
مليكة : و منظر البحر اروع
*************
مازن روح البيت و سأل على چنى و مليكة
حنان : چنى فى اوضتها و مليكة مع مها بيتغدوا بره و زمانها جايه
مازن : ماشي يا ست الكل انا طالع لچنى و لما مليكة تيجى خليها تجيلي
حنان : حاضر يا حبيبي
**********
*** فى أوضة چنى ***
مازن خبط عالباب
چنى : ادخل
مازن : عاملة ايه كل ما أسأل عليكي يا فى الاوضة يا نايمة ايه ده سجن مع وقف التنفيذ مثلاا
چنى : هههه اه حاجة ذى كده المهم أنجز ياخويا جاى ليه
مازن : طيب انا رايح بقى و ارجعلك وقت تانى واضح انك مش عايزة تعرفى المفاجأة
چنى : انت حبيبي يا ميزو يا احسن اخ فى الدنيا يا ....
قاطعها مازن : خلاص خلاص ايه يا ماما هتشحتى هقولك خلاص
چنى : اممم انجز يا بابا
مازن : بصى يا ستى هطلع انا و الشباب رحلة سفارى و كده و هاخدك انتى و مليكة و اصحاب مليكة معانا
چنى : هييه هييه بجد !! استنى انت قلت ايه !!! اصحاب مليكة و ليه انا بقى اصحابي ميجوش ولا هى مليكة احسن مني فى حاجة
مازن : لا يا چوچو الموضوع مش كده خالص الموضوع انكوا لسه صغيرين و انا هبقى مسؤول عنك مش معقول هتبقى انتى و صحابك و بعدين دى رحلة سفارى مش رايحين السخنة احنا
چنى بتفكير : امم خلاص اقنعتني
مازن : طيب هروح اريح انا بقى و لما مليكة تيجى هقولها
چنى : ماشى يا حبيبي
**************
رجعت مليكة البيت و كانت طالعة اوضتها لكن وقفها صوت مامتها : مليكة !!
مليكة : نعم يا مامتي
حنان : اطلع لمازن اوضته كان عايزك
مليكة : حاضر يا ماما هطلع بس اغير هدومي و اصلى و اروحله
حنان : ماشي يا حبيبتي ربنا يهديكي
************
طلعت مليكة اوضتها غيرت هدومها و اتوضت و ادت فرضها وراحت لمازن اوضته
مليكة بتخبط عالباب : ميزو !!
مازن : تعالى يا موكا
مليكة : نعم يا ميزو ماما قالتلى انك عايزني
مازن : اقعدى يا موكا و حكالها الحوار اللى دار بينه و بين أصحابه و اقتراحهم بأنهم ياخدوا البنات معاهم
مليكة : بتتكلم بجد يا مازن !!
مازن : اه طبعا امال بهزر
مليكة طلعت فوق السرير و قعدت تنط فوقه : هييييه هيييييه هييييه ييس ييس حبيبي يا ميزو بحبك يا ميزووووو
مازن بضحك : هههههههههههه خلاص يا مجنونة انزلى سريري اتكسر روحى كملى جنان على سريرك انتى
مليكة راحت باسته من خده : سلااام يا ميزووو
بعد ما مشت مليكة
مازن : مجنونة و الله انا مش عارف انتي بتكبري و لا بتصغري !!!
**************
و راحت مليكة اتكلمت مع باباها و مامتها و بعد كدة راحت اوضتها وكلمت البنات مكالمة جماعية
مليكة : بنانيت بنانيت عندى ليكو مفاجأة تحفةةة
روتيلا : ايه هي ايه هي
مها : ايه يا بنتي ما تنطقى
مليكة : المفاجأة هى اني مسافرة مع بابا فرنسا فى إجازة اخر السنة !
مها : نعممممم !!!!
روتيلا : طيب و احنا !!
مليكة : انا اسفة و عارفة انكوا هتزعلوا بس ..........
**********
و نكمل الأحداث البارت الجاى أن شاء الله
و لو عجبكم البارت متنسوش ڤوت و كومنت
بحبكم فلولاتي ❤❤🍓
