مالك بحرج من مازن : بصراحة أنا بحبها و الله يا مازن و عايز الموضوع يبقى رسمي بجد بس مينفعش عشان دراستها لما تدخل كلية عالاقل و عايزك انت تساعدني انا هختفى من حياتها خالص بس هسأل على اخبارها منك انت ، انت صاحبي و عارفني كويس و عارف اني مش بهزر فى المواضيع دى
مازن : هو عشان انت صاحبي و عارفك كويس هديك الثقة دى و اتمنى انك تبقى عند حسن ظني و ثقتي فيك و قولتلك متنساش مليكة مش مجرد اختي مليكة حتة من روحي بجد
مالك : عارف و الله و ان شاء الله هكون عند حسن ظنك
مازن : اتمنى ، يلا نرجع تاني بقى
*********
مراد : انا فى رأيي نروح ننام دلوقت عشان نصحي بدرى لان الباص هيبقى خمسة الصبح برده
قاموا كلهم دخلوا ناموا
**********
صحيوا كلهم الصبح و صلوا و ركبوا الباص بعد ما فكوا الخيم و الشباب طلعوا الشنط الباص و اتحركوا
و مراد قال دعاء السفر و كلهم رددوا وراه
و شغلوا قرآن بصوت مشاري راشد و معظمهم نام لان الطريق طوييل
*******
و صلوا اسكندرية و وصلوا الاول اسراء و شيماء و بعد كده سيدرا و نزل معاها سيف و شذى و نزل معاها اياد و بعد كده حمزة و ريهام و بعد كده مراد و حبيبة و بعد كده مازن و مليكة و چنى و بعد كده بقى الشباب اللى فاضلين روحوا اخر حاجة لان مش معاهم بنات مالك و آسر و ياسين و أدهم و احمد
********
** فى بيت مليكة **
حنان فتحت البنات لما رنوا الجرس و حضنتهم كتيير
حنان : حمد عالسلامة يا حبايبي
مازن : الله يسلمك يا ماما
حنان : اتبسطوا ؟؟
چنى و مليكة و مازن : اه يا ماما جداا الحمد لله
لاحظت حنان عرجت رجل مليكة
حنان بخوف : مالك يا مليكة ؟!
مليكة : مفيش يا حبيبتي انا كويسة و الله هى مجرد واقعة بس و اتعورت مفيش حاجة
حنان : اوك روحي ارتاحي يا حبيبتي
مليكة : حاضر هدخل الاوضة بس معتقدش اني هعرف انام و الله اعتقد اكتر حاجة عملتها فى الرحلة دى النووم و بس
*********
كلهم وصلوا بيتهم و ناموا
*****
بعد كام يوم
** فى بيت مليكة **
كانوا كلهم قاعدين عالسفرة بيتعشوا
مازن : بابا كنت عايز اكلم حضرتك فى موضوع كده
وليد : موضوع ايه يا ابني
مازن بجدية : بصراحة يا بابا انا عايز اخطب
حنان بفرحة : بجد يا مازن !
مازن : انا يعني ههزر فى موضوع زى ده
وليد : هى مين دى يا ابني حد نعرفه يعني ؟!
مليكة : استنى يا ميزو استنى ، انا عارفة حبيبة صح ؟؟
مازن : انتى ايش عرفك يا بت انتي
مليكة : انا بفهمك من نظرة يا ميزو ، و اصلا زعلانة منك متكلمنيش خالص عشان بقولك كل حاجة و انت مقولتليش هاا واخد بالك انت ؟!
مازن : منا بقولكوا اهو
مليكة : زعلانة برده و متكلمنيش
وليد : بس اهدوا ، هى مين حبيبة دى يا مازن
مازن : دى اخت مراد صاحبي يا بابا و كانت معانا فى الرحلة برده و الصراحة هى عاجباني
وليد : انا عارف أخلاق مراد كويس ربنا يكتبلك اللى فيه الخير يا حبيبي ، كلم مراد و خليه يحدد ميعاد و نروح نتقدم و نقرأ الفاتحة لو حصل نصيب يعني
مازن بفرحة : حاضر يا بابا ، هروح انا بقى ، سلاام
************
** فى الجامعة **
مازن وصل كان موجود مراد و مالك و احمد و حمزة و راح مازن فى اتجاههم
مازن : ازيكوا يا شباب ؟
كلهم : الحمد لله
مازن : مراد ممكن ثواني
مراد : اه طبعاا تعالى
و مشيوا بعيد شوية
مراد : فى ايه يا مازن ؟
مازن : الاول قولي ايه رأيك فيا ؟
مراد : ايه السؤال الغريب ده !! بس اوك ، شاب جميل محترم فيك مواصفات اى حد يتمناها يعني
مازن : يعني لو اتقدمت لبنت توافق عليا ؟
مراد : اه طبعاا هترفضك ليه يعني مفكش عيب واحد حتى عشان ترفضك
مازن : طيب بصراحة كده انا طالب منك ايد اختك حبيبة
مراد : و الله دى حاجة تفرحني جداا انك تكون جوز اختي بس طبعااا الرأي رأيها هى ، هشوف رأيها و اقولك و لو وافقت يبقى على خيرة الله
مازن حضن مراد و مراد قاله الف مبروك و مالك راح فى اتجاههم
مالك : مازن !
مراد : طيب هرجع انا للشباب تانى
و مشى مراد
مازن : نعم يا مالك ؟
مالك : انا قولتلك انى هسألك على اخبار مليكة صح و انت قولتلى هتساعدني
مازن : اممم و بعدين
مالك : يعني هى عاملة ايه ؟
مازن : كويسة هتكون عاملة ايه يعني !
مالك : فى ايه يالاا انت بتزلّنى كده ليه ، ربنا يا شيخ يوعدك بواحدة تطلع روحك على ما تعبرك
مازن : لا بالله عليك بلاش الدعوة دى دلوقت ده بدل ما تقولى مبروك
مالك : مبروك على ايه !!
مازن : مش انا اتقدمت دلوقت لحبيبة اخت مراد
مالك بفرحة لصاحبه : بجدد ! الف مبروك و حضنه
مالك بفرحة : يعني كده هتعملوا خطوبة و هشوف مليكة تانى
مازن : امشى يالاا من وشي هو ده اللى همك !!
مالك : اه طبعااا
و ضحكوا و رجعوا تانى للشباب
مازن : شباب انا اتقدمت لحبيبة اخت مراد و هو هياخد رأيها
كل الشباب فرحوله جدااا و اتمنوله الخير
*************
مراد روح البيت و راح لحبيبة الاوضة بتاعتها
مراد : حبيبة !
حبيبة : تعالى يا مارو
مراد : ايه رأيك فى مازن
حبيبة بحرج : ايه السؤال ده يعني ؟!
مراد : بصي يا حبيبة مازن اتقدملك و انا بصراحة عن نفسي موافق جداا و اتمنالك مازن طبعاا صاحبي و انا عارفه كويس ، بس طبعاا الرأى الاول و الاخير ليكي
حبيبة مش عارفة تقول ايه
مراد : بصي يا حبيبتي فكري كويس انا مش عايز اعرف رأيك دلوقت ، و انت استخيري و قوليلى رأيك بعد ما تفكري كويس ، تمام يا حبيبتي ؟!
حبيبة : اممم
********
** فى بيت مليكة **
مازن رجع البيت و راح لمليكة الاوضة
مازن : موكا انتى زعلانة مني بجد ؟!
مليكة ماسكة فونها و متجهلاه خالص و مش بترد عليه
مازن فهم انها زعلانة لأنها لما بتكون زعلانة مش بتتكلم و بتتجاهل اللى اقدامها
مازن قرب منها و حضنها : موكا حبيبتي انا مش قصدى ازعلك
مليكة عيطت و مش بتتكلم
مازن : هشششش خلاص حبيبتي أهدى
مازن عارف انها مش هتتكلم خالص دلوقت لأنها و هى زعلانة و مدايقة و بتعيط مش بتعرف تتكلم حتى لو حاولت بيطلع صوتها بصعوبة و كأنه مبحوح عشان كده نيمها عالسرير و اخدها فى حضنه و قعد يطبطب عليها و يمسح على ظهرها لحد ما نامت فى حضنه
********
مازن رجع اوضته و هو زعلان و مدايق من نفسه لأنه عارف ان مليكة هتحس أنه مقلهاش لأنها بقت مش مهمة عنده و مش بقى بيحبها زى الاول و هو عارف كويس أن مليكة حساسة جداا و مش بستحمل حاجة و اى حاجة و لو كانت تافهه حصلت و دايقتها بتعيط على طول
نام بعد ما قرر أنه هيصالح مليكة
***********
تانى يوم صحي مازن و نزل اشترى حاجات و رجع تانى
مازن راح لمليكة الاوضة
مازن و هو مخبي حاجة ورا ضهره : موكا !
مليكة : نعم ؟
مازن : قرب منها و طلع البوكس اللى ورا ضهره و ادهالها
مازن قرب منها و حضنها و باس دماغها : و الله بحبك و انتى لسه مهمة عندى و اغلى حاجة فى حياتي بس كنت عايز اعملها مفاجأة ليكوا كلكوا
مليكة بابتسامة هادية : خلاص مش زعلانة ، انت عارف انى بدايق شوية و بعدين بهدا
مازن : عارف ان حبيبتي قلبها طيب و مش بتقدر تزعل من حد ، مش ناوية تفتحي البوكس بقى و لا اخده تانى
مليكة ضحكت و فتحته و بصت فيه بصدمة
مليكة بفرحة و صدمة : واااااااو ميزو باندا و جالاكسي و ورد بينك كمااان
و نطت حضنته و باست من خده
مليكة : حبيبي يا احلى ميزووو فى الكون كله
، على فكرة حلوة حبيبة و انا حبيتها ربنا يسعدك يا ميزو يا حياتي انت
ضحك مازن و راح اوضته بعد ما ضحكوا و هزروا كتيير و مازن صالح مليكة و مش بقت زعلانة منه خالص و حكى لها على الحوار اللى حصل بينه و بين مراد فى الجامعة و طبعااا مقلهاش على اللى الكلام اللى حصل بينه و بين مالك لأنه بقى بيتعمد ميجبش سيرة مالك قدامها خااالص عشان تركز فى دراستها و بس
***********
بعد كام يوم مراد قال لمازن موافقة حبيبة بعد ما عملت استخارة و كانت مرتاحة جداا و هى اصلا اعجبت بيه لما كانوا فى الرحلة
و مازن فرح جداا و اتفقوا هيقروا الفاتحة و الخطوبة فى الإجازة بعد خطوبة احمد و اسراء ب .... شهر
********
** يوم قراية فاتحة مازن و حبيبة **
مليكة كانت مبسوطة جدااا لمازن و كانت طول اليوم شات مع حبيبة و بترخَّم عليها
و صل مازن و أهله بيت مراد استقبلهم مراد بفرحة عارمة
و دخلوا و اتكملوا الكلام المعروف فى الحوارات اللى زى دى
لحد ما جات حبيبة و سلمت عليهم لحد مليكة ما شاورلت لها تقعد جمبها و قعدت جنبها و كانت مليكة قاعدة تهزر معاها و تحرجها طوول الوقت و حبيبة وشها احمرر و مش قادرة ترد على مليكة و كل شوية تقولها بس اسكتي كفاية احراجى و انتي بتزوديه ما شاء الله عليكى بدل ما تهديني ،
كل ده طبعا و هما كانوا بيتكلموا بصوت و محدش سامعهم
و قروا الفاتحة و اتفقوا الخطوبة فى الإجازة بعد خطوبة احمد و اسراء بشهر
§§§§§§§§§
يتبع ......
ڤوت
بحبكم فلولاتي ❤❤🍓
