كامل ( والد مالك ) : اوك انتوا فعلاا مضغوطين فى الشغل جامد مع الجامعة طبعا فأنا مش هقدر امنعكوا انتوا من حقكم راحة برده
مالك : حبيبي يا حج انا قلت كدة برده طول عمرك فهيم والله
آسر : شكراً يا بابا احنا فعلا محتاجين فترة نقاهة من الجامعة و الشغل
كمال : شايف يا مالك اخوك الكبير بيتكلم بأدب ازاى
مالك : كبير ايه بس يا حج هى خمس دقايق فرق بقى كده هو الكبير خلاص و بعدين الحياة حلوة يعني و اهو انا ارحم بكتيير من ياسين
كامل : عندك حق والله و الواد ياسين مش عارف هيبقى مسؤول عن بيت ازاى و هو دماغه طاير كده
آسر بضحك : ربنا يهديهم يلا يا مالك بعد اذنك يا بابا هروح اكمل شغل
كامل : ماشي اتفضلوا
بعد ما راحوا مكاتبهم
كامل : ربنا يحميك يا آسر انت و مالك و يرزقكم ببنات الحلال ياارب ، و ضحك و هو بيقول : و يهديك يا ياسين يا بني
**************
تاني يوم
صحيوا البنات و هما نشطيين جداا خدوا شاور و فطروا و ادوا فروضهم واتكلموا مكالمة جماعية
مليكة : صباح الخير يا بنات
روتيلا بضحك : صباح اللى بتغني
مها : صباح الروقان كل ده عشان الرحلة
شذى : اه طبعاا انتي شيفانا يعني كل يوم طلعين رحلة من دي
مها : لا عندك حق فعلاا
مليكة : خلونا فى المهم هنتقابل بعد ساعة عند مها عشان ننزل نجيب الحاجات اللى نقصانا غير طبعاا الشيبسي و الكانز " فيروز اناناس " و جالكسي
روتيلا : اوك تمام كمان ساعة أن شاء الله
مليكة : ساعة يا روتي هاا عشان عارفين احنا ساعتك مأخرة نص ساعة مش كده ؟!
روتيلا باستعباط : واضح فعلا أن الساعة هى اللى بايظة اعملها ايه انا يعني ؟!!
مها بغل من عدم الانضباط في المواعيد : تصلحيها يا قلبي ، و هى بتظغط على الحروف بتريقة
مليكة : يلا سلااام
*************
مالك و آسر و مراد طبعاا راحوا الشغل بعد ما صحيوا و خدوا شاور و ادوا فروضهم
** في الشغل **
مالك : مراد اطلبلي قهوة مظبوطة بالله عليك خلينا نخلص ضغط الشغل بتاع النهاردة ده عشان ميتراكمش علينا الشغل بعد ما نيجي من الرحلة
آسر : اه والله و انا كمان اطلبلي شاى
مراد برفع حاجب : لا والله !! خدام ابوكوا انا ، مش عارفين تطلبوا لنفسكوا
آسر : معلش يا مراد بس مش قادر اتكلم اخلص
مراد : انت هتتأمر كمان ، انا والله مش عارف انتوا تؤام ازاى مالك عنيه رصاصي و عنده غمازات و دمه خفيف و بيهزر كتيير و مشروبه المفضل القهوة و مش بيطيق الشاي ، أما آسر عينه بني و معندوش غمازات و جادي جداا فى تعاملاته بيهزر شوية بس اغلب الوقت جادي و مشروبه المفضل الشاي مع أن اللى يشوفكوا ميلاحظش الاختلافات دى اللى اذا كان عارفكوا كويس غير كده مش هيعرفكوا من بعض
مالك بضحك : هههههههههههه نحن نختلف عن الاخرين طبعااا
آسر بنفاذ صبر : الوقت اللى انتوا بتضيعوه فى الكلام الفارغ ده كان زمانا مخلصين فيه الشاي و القهوة و شوية من الشغل الكتيير ده اخلصوا
مراد : حاضر يا باشا ثواني و يكون الشاي عندك يا كبير احنا اسفينلك
مالك بضحك : ههههه ناس مبتجييش غير بالعين الحمرا
و ركزوا فى شغلهم بقى عشان يخلصوا و يروحوا يحضروا شنطهم و يناموا لانهم هيتحركوا الساعة خمسة الصبح
*************
بعد ساعة كانوا البنات اتجمعوا و راحوا المول اشتروا اللى ناقصهم و جابوا حلويات و شيبسيهات و تسالي كتيييير كأنهم رايحين رحلة شهر مش مجرد اسبوع
مها بتعب : آه مش قادرة خلاص رجلي مش قادرة ادوس عليها من كتر اللف منكوا لله
سيدرا : اه والله تعبت خلاص مش قادرة
مها : انا جعانة بقلنا كتيير بنلف و الاكل اتحرق طبعاا غير أننا فطرين بدرى اصلاا
مليكة : اوك تعالوا نروح مطعم ناكل و اشرب قهوة لاني صدعت جداا
روتيلا : اوك يلا
و راحوا مطعم على البحر
مليكة : بحب جداا اشوف البحر اقدامي كده و المطعم هدوء خااالص مع الموسيقي الهادية دى الجو تحفة فعلاا هنا
روتيلا : اه فعلاا
مها بنفاذ صبر و جوع : المهم الاكل بتاعوا هيكون حلو و لا لا مش مهم كل ده
روتيلا : ههههه طفسة
و قاطعهم الجارسون اللي جه اخد الطلبات و مليكة و روتيلا طلبوا قهوة مظبوطة بعد الاكل و مها و سيدرا و شذى طلبوا شاي لانهم كانوا صدعوا من كتر المشي واللف
مها : انا عايزة غزل بناات
سيدرا : يا ربي عاليوم اللى مش فايت ده تعالوا اخلصوا عايزة اناام ده غير ان سيف كل شوية يتصل بيا يطمن اني روحت
شذى : اه والله وانا كمان إياد بيقولى كل ده بتعملوا ايه انتوا رايحين اسبوع و لا شهر والمفروض انكوا بتجيبوا الناقص لكن واضح انكوا جبتوا كله مش الناقص بس
مليكة : ههههه رجالة معندهاش صبر
و كل واحدة روحت بيتها بعد ست ساعات لف
**************
صحيت مليكة الساعة ٣ الصبح من الاشتياق أن الساعات تمر بسرعة عشان يتحركوا صلت قيام ليل و قرت وردها اليومي لحد الفجر ما أذن صلت و دخلت اخدت شاور و لبست و اتصلت بالبنات تتأكد انهم صحيوا و نزلت تستني مازن و چنى
حنان : صباح الخير يا موكا جاهزة يا حبيبتي
مليكة : صباح النور يا مامتي اه يا حبيبتى جاهزة و مستنية مازن و چنى
مازن : انا جاهز يلا ، فين چنى ؟
مليكة : مش عارفة احنا فاضل ساعة و نتحرك و انا كنت عايزة نروح بدرى
مازن : و انا كمان عشان على ما نتجمع و كده ، طيب اطلعي شوفيها يا موكا
مليكة : حاضر يا ميزو
و طلعت مليكة دخلت الاوضة بعد ما خبطت و ملقتش رد و كانت المفاجأة
مليكة بصدمة و صريخ : چنى !!...........
***************
و نكمل الأحداث البارت الجاى أن شاء الله
و لو عجبكم البارت متنسوش ڤوت و كومنت
بحبكم فلولاتي ❤❤🍓
