وصل آسر الكافيه
محمد ( والد مها ) : مالك صح ؟
آسر بضحك : لا انا آسر اخوه التؤام
محمد : اه يا بني معلش اتأخرت عليك و لا حاجة
آسر : لا يا عمي و لا يهمك انا لسه واصل دلوقت اصلا ، اعرف حضرتك عليا الأول انا آسر قد مالك طبعا حضرتك عارف مالك ، متخرج من كلية علوم عندى شركة خاصة بتاعتي بستورد فيها أجهزة طبية و كده
محمد : بسم الله ما شاء الله ربنا يوفقك يا بني ، بس مفهمتش برده عايزني فى ايه ؟
آسر : بصراحة يا عمي انا كنت يعني ..
محمد : في ايه يا بني اتكلم عادى
آسر : بصراحة أنا معجب بأنسة مها بنت حضرتك و كنت عايز اجيب والدى و نتقدم بس كنت عايز الاول اعرف رأى حضرتك المبدأى
محمد : و الله يا بني مش عارف اقولك ايه بس هفكر و ابقى اقولك رأيي ، بس ده كله مش مهم انا يهمني رأي مها طبعا و انا يعني شفت اخوك و عارف أخلاقه و أن شاء الله ربنا يقدم اللى فيه الخير يا بني
آسر : تمام يا عمي بس ممكن حضرتك تقولى رأي حضرتك النهاردة ضرورى
محمد : ليه يا بني الاستعجال ده
آسر : مش استعجال و لا حاجة بس انا كنت عايز لو حضرتك وافقت طبعا اعمل ..................
محمد : أن شاء الله يا بني هشوف و حاضر هقولك يا بني
آسر : شكرا يا عمي
محمد : على ايه يا بني يلا استأذن بقى
آسر : اتفضل يا عمي
ومشى محمد و بعده مشى آسر
★★★★★★★
٭٭ عند مليكة ٭٭
مليكة : ميزووو وحشتني جداا جداا يعني بجد مليش دعوة تعالى
مازن بضحك : هههه هو انا رايح رحلة مع اصحابي و هرجع
مليكة : انت بتتريق عليا يا مازن
مازن : لا يا روح قلب مازن بس انتي كمان وحشتيني بجد
مليكة : اه يا حبيبي ماهو واضح عشان كده معبرتنيش لحد دلوقت صح
مازن : مليكة حبيبتي انتي واعية للى بتقوليه انا فرحي كان امبارح يا روحي
مليكة : خلاص انت وحش اديني حبيبة حبيبتي اكلمها
مازن : حاضر ، حبيبة حبيبة
حبيبة : نعم يا حبيبتي
مازن : خدى كلمي مليكة معاكي اهي
حبيبة بفرحة : بجد ! هات ، مليكة عاملة ايه
مليكة : انتي اللى عاملة ايه يا عروسة و الواد مازن عامل معاكي ايه ، لو زعلك فى اى وقت قوليلى و انا اضربهولك
حبيبة بضحك : لا حبيبتي مش مزعلني فى حاجة
مازن : كده يا موكا هتضربيني ماشي ماشي
حبيبة : الف مبروك يا روحي كنتي جميلة جداا امبارح و كده الخطوبة بقى صح
مليكة : وانتي كنتي اجمل يا بيبة يا مرات اخويا يا عسل ، اه كده ماهو اكيد مازن قالك و انا اخر من يعلم
مازن : كنت بعملك مفاجأة تفرحك انا غلطان يعني
مليكة : لا يا حبيبي طبعا مش غلطان و وحشتوني و الله انتوا الاتنين انتوا مش هتيجوا البيت و هتطلعوا من الفندق عالمطار صح
مازن : اه يا حبيبتي الطيارة كمان أربع ساعات
مليكة : تروحوا و ارجعوا بالسلامة يا روحي و متنساش طبعاا تصورلى باريس حته حته و تجبلي هدية حلوة معاك
مازن بضحك : ههه حاضر من غير ما تقولى يا روحي
مليكة : هروح انا بقى و اسفة عالازعاج يا عريس سلاام
مازن : سلام يا عبيطة
و قفل مازن
مازن : ربنا يكون فى عونك يا مالك اخدت المجنونة
حبيبة بضحك : هما الاتنين مجانين و الله و لايقين على بعض
مازن : عندك حق يا قلبي ، يلا قومي نجهز الشنط عشان نلحق
حبيبة : شنط ايه يا حبيبي الشنط جاهزة و مقفولة اصلا زى ما هى مليكة حضرتهم و انا مجيتش جمبهم خالص هدومنا اللى لبسناها برضه ماما حنان هى اللى حضرتهم فى الاوضة
مازن : ماشي يا روحي ، ربنا ميحرمنيش منك ابدا
حبيبة بابتسامة جميلة : و لا منك يا ميزو
★★★★★★
٭٭ عند مالك ٭٭
مالك : ها يا آسر عملت ايه ؟
آسر : قولتله و قالى هيفكر و يقولى رأيه النهاردة
مالك حضن آسر : ربنا يسعدك يا حبيبي
آسر : و يسعدك انت كمان و ميبعدناش عن بعض ابدا
مالك : هكلم أدهم و يارب يكون خلص شغل عشان يخرج معانا
آسر : اه و الله ياريت و شوف مراد كمان
مالك : اوك
و اتصل بأدهم
مالك : اذيك يا دوما
أدهم : كويس يا مالك ، انت عامل ايه
مالك : كويس المهم خلصت شغل
أدهم : اه خلاص ثواني و اطلع من القسم فى حاجة
مالك : تمام قابلنا بقى كمان نص ساعة فى كافيه ....
أدهم : تمام فى حاجة مهمة و لا ايه ؟
مالك : فى بس لما تيجى بقى سلام و هشوف مراد
أدهم : ماشي سلاام
و اتصل بمراد
مالك : مراد فاضي ؟
مراد : ايه يا بني الدخلة دى ، ليه انا عند ريهام فى البيت
مالك : بجد كويس هات حمزة معاك بقى و قابلونا كمان نص ساعة فى كافيه .....
مراد : ماشي بس فى ايه قلقتني
مالك: مفيش حاجة يا بني عايز نتجمع عادى تعالوا بس
مراد : ماشي خلاص هقول لحمزة و نيجي ، سلاام
مالك : سلام
و قفل
آسر : تمام كده يلا بينا بقى
مالك : يلا
و مشيوا
★★★★★★
شذى بتكلم مليكة
مليكة : شوشو وحشاني
شذى : و انتي اكتر يا حبيبتي
مليكة : اصلا زعلانة منك عشان مجتيش امبارح
شذى : حبيبتي انتي عارفة أنه غصب عني و الحمل تاعبني و الله و إياد مش راضي يخليني اتحرك خالص و الله زهقت
إياد بصوت عالى عشان يوصل لمليكة : قولى لبنت عمتك يا مليكة و الله تعباني معاها و مش بتسمع الكلام و كل شوية تعيط
مليكة بضحك : هههه معلش استحملها يا إياد
إياد : منا مستحمل اهو انا نطقت
شذى : انتوا بتتفقوا عليا و لا ايه
مليكة : لا يا شوشو انتي حبيبتي ، المهم نستيني مش تباركيلى مش انا اتخبطت
شذى بصدمة : بجد امتي ده ؟!
مليكة بسعادة : امبارح فى فرح مازن
شذى : ازاى يعني احكيلى بالتفصيل الملل
مليكة بضحك : حاضر ، و حكت لها اللى حصل بالتفصيل ، بس كده ايه رأيك بقى ؟؟
شذى بفرحة لصاحبتها و بنت عمتها : حبيبتي الف مبروك يا روحي و مالك بيحبك و أن شاء الله هيسعدك يا قلبي
إياد : الف مبروك يا مليكة
مليكة : الله يبارك فيكوا ، انا فعلا مبسوطة جداا
شذى : حبيبتي دايما يارب
مليكة : تسلميلى يا قلبي ، المهم عيد ميلاد مها بعد بكرة و مش عارفة اجيب ايه او اعمل ايه ؟؟
شذى : و لا انا و الله ، بصى خلينا بكرة نتكلم كلنا مع بعض و نشوف
مليكة : تمام يا قلبي ، سلااام
شذى : سلاام
★★★★★★★
٭٭ عند مها ٭٭
محمد بتكلم مع هبة فى موضوع آسر
محمد : ايه رأيك يا هبة فى اللى قولتهولك
هبة : و الله مش عارفة بس من اللى انا شوفته و الكلام اللى قالهولك هو محترم جدا انت ايه رأيك ؟
محمد : و الله انا سألت عنه و محترم جدا و كل الناس بتشكر فيه و فى أخلاقه انا عن نفسي موافق
هبة : و موافق عالطلب اللى طلبه برده
محمد : و الله هى فكرة حلوة و ده دليل أنه بيحبها بجد و انا مش هلاقى حد احسن منه اسلمه بنتي
هبة : طيب يلا اتصل بيه قوله انك موافق
محمد : ماشي
و اتصل بآسر
★★★★★★★
٭٭ عند الشباب فى الكافيه ٭٭
أدهم : معلش اتأخرت بس لسه طالع من القسم
مراد : و لا يهمك اقعد يا باشا وحشنا و الله
أدهم : و انتوا كمان اخباركوا ايه ؟
الشباب : كويسين الحمد لله
آسر : انا كلمت والد مها و اتقدملها بس لسه مقالش رأيه بس هو قالى أنه هيقولى النهاردة
مراد : بجد ؟!
و قاطع كلامهم رنين فون آسر
آسر : ده بيتصل اهو
مالك : رد
آسر : الو سلام عليكم
محمد : و عليكم السلام و رحمة الله و بركاته
آسر : ها يا عمي
محمد : موافق يا بني
آسر بفرحة : ربنا يكرمك يا عمي و اوعدك اني هحافظ عليها
محمد : اتمني انك تكون قد ثقتي فيك
آسر : أن شاء الله
و قفل
حمزة : ها ايه الاخبار
آسر بفرحة : وافق
مراد : الف مبروووك
و كلهم باركوله
آسر : حلو اوى كده ، وبص لمالك و كمل : مالك ! اتصل بمليكة
مالك : ليه ؟؟
آسر : اتصل بس و هقولك
مالك : مع اني مش فاهم حاجة بس حاضر
و اتصل مالك بمليكة
مالك : اذيك يا موكا
مليكة بابتسامة : الحمد لله تمام
مالك : دايما يارب
آسر : هات الفون يا عم الحنين اخلص
مالك : ما تقولى انا
آسر : اخلص بقا و هات
مالك بضيق : طيب ، مليكة ! خدى آسر معاكي
مليكة باستغراب : اوك
آسر : اذيك يا مليكة
مليكة : الحمد لله يا آسر
آسر : ممكن تقابلينا بكرة فى النادى بس متعرفيش مها
مليكة باستغراب : ليه ؟
آسر : هتفهمي كل حاجة بكرة بس ياريت الصبح عشان نلحق تمام
مليكة بعدم فهم : تمام
آسر عطي الفون لمالك
مالك : متسألنيش على حاجة لاني ذي ذيك مش فاهم اى حاجة
مليكة بضحك: ماشي كده كده هنعرف بكره
مالك بابتسامة : سلام يا قلبي
مليكة : سلام
و قفلوا
أدهم : ما تفهمنا يا بني
آسر : لو فاضيين بكرة الصبح تعالوا معانا و انتوا تعرفوا
مراد : تمام نيجى معاك
و كملوا كلام و حوارات عادية لحد الليل ما دخل و كل واحد روح بيته
و نام آسر بعد ما خطط لكل حاجة هيعملها
★★★★★★★
يتبع ......
ڤوت
بحبكم فلولاتي ❤❤🍓
