كانت مليكة و مها راجعين من المدرسة و فجأة
مليكة : مهاااا حاااااسبى !!!
ضغط على فرامل العربية بكل قوته و وقفت فى اللحظة الأخيرة بس طبعا بعد ما قلبها وقع فى رجليها من الخضة
مليكة : مها انتي كويسة فى حاجة بتوجعك ؟!
مها : هاا ا..ه لا انا الحمد لله كويسة مفيش حاجة
مليكة براحة : الحمد لله
نزل من عربيته
هو : انتي كويسة يا أنسة
مها : انت اعمى ما بتشوفش
هو : اسف كنت بتكلم فى الفون
مها : و اصرفها منين أسف دى إن شاء الله
مليكة : خلاص يا مها حصل خير الحمد لله انك كويسة
و ركب عربيته و مشى و سابهم و هو بيفكر ايه البنت دى انا اعتذرتلها اعمل لها ايه اكتر من كدة يعني !!
مها : شوفتى قلة الذوق مردش حتى
مليكة : خلاص بقى يا مها فكك يا قلبي المهم انك كويسة متفكريش كتيير
**********
آسر داخل بيته و راح على اوضته علطول عشان يرتاح
مالك راحله الاوضة لما شافه و هو داخل البيت من البلكونة
مالك : آسر ........آسر
مالك بزعيق : آسرررررر
آسر : ايه يا بني حد ينادى حد كدة !!!
مالك : لا و الله انا بقالى ربع ساعة بنادى على حضرتك
آسر : طيب يلا روح عايز اتخمد بقى بابا رجع هو من السفر من يومين و سابنى انا هناك و هموت وانام
مالك : انا مش فاهم اصلا انت ايه لازمتك فى الشركة دى و انت فى علوم
آسر : ما انت عارف يا بني انا ماسك قسم الأجهزة الطبية و كدة
مالك راح نام عالسرير
آسر : قوم يالاا من هنا انا عايز انااام انت مش عندك اوضتك !
مالك : وحشتني و قررت أتنازل و انام جنبك شفت بقى
آسر : لا والله ! ، و حدفه بالمخدة
نام آسر جنب مالك و سرح بعيد
مالك : آسر ....... آسر
آسر : يا نعم انت جى تتخمد و لا تلكلك
مالك : لا بجد مالك ؟ سرحان كدة من اول ما دخلت مش موضوع مجرد تعب شغل ده
آسر اخد نفس طوييل
آسر : مفيش بس حصل معايا موقف كدة بس
مالك : حلوة ؟!!
آسر : هى مين دى ؟؟
مالك : اللى واخدة عقلك يا كبير
آسر : مش موضوع حلوة دى قنبلة و انفجرت فى وشى و اعتذرتلها والله
مالك : شوفت يا حبيبي فاهمك انا ، توأم بقى المهم احكيلى ايه اللى حصل
آسر حكى لمالك موقف العربية اللى حصل معاه و هو راجع
آسر : انا عارف انها عندها حق انا لو كنت مكانها كنت هعمل اكتر من كدة بكتييير بس انا قدّرت الموقف و اعتذرتلها دى صاحبتها اللى مش هى اللى كانت هتتخبط تفهمت الموقف و قالتلها خلاص حصل خير
مالك : خلاص حصل خير المهم برده مقولتليش حلوة ؟
آسر : انا فى ايه و لا ايه يا بني ادم انت !! بارد
مالك : خلاص خلاص
مالك باستعباط : طيب اسمها ايه ؟
آسر حدفه بالمخدة فى وشه و قال بسرحان : مهااا
مالك برفع حاجب : وانت ايه عرفك اسمها بقى !!! انت كنت بتعتزر و لا بتتعرف
آسر : انت مستفز يا اخي .. عامةً صاحبتها هى اللى قالتلها خلاص يا مها حصل خيير ، و اتخمد بقى
نام مالك و آسر
************
و تانى يوم صحيت مليكة من النوم دخلت اخدت شاور و اتوضت و ادت فرضها و لبست و نزلت
مليكة : صباح الخير يا أحلى بابي فى الدنيا
وليد ( والد مليكة ) : صباح النور يا حبيبتي
حنان : ايوة كدة غنوا و ردوا على بعض
مليكة بضحك : هههههه انتي حبيبتى يا مامتي هو انا ليا غيرك برده يا جميل
حنان : ايوة يختي كلى بعقلى حلاوة
مليكة : طيب يلا بسرعة بقى هاكل و نزل قبل مها ما تتصل و اسمع محاضرة كل يوم
مليكة خلصت اكل بسرعة و نزلت راحت لمها
مها : ده ايه اللى حصل موكا بجلالة قدرها جاية بدرى ده من ايه ده !!
مليكة : خلاص انا اسفة هلف و ارجع تانى هو كدة مش عاجب و كدة مش عاجب
مها : خلاص خلاص يلا خلصت لبس الكوتشي يلا بينا
و راحوا المدرسة و خلصوا و طلعوا على درس بعد المدرسة
و هما فى الطريق روتيلا اتصلت بيهم
مليكة : ايوة يا روتي عاملة ايه
روتيلا : الحمد لله انتي عاملة ايه يا موكا
مليكة الحمد لله و قعدوا يتكلموا شوية عن اخبارهم و المدرسة و مها برده كلمت روتيلا و اتفقوا يروحوا النادى يوم الجمعة
روتيلا : بنوتات انا .......
**********
و نكمل باقى الأحداث البارت الجاى
و طبعا متنسوش لو عجبكوا البارت فوت و كومنت 💞
