بعد مرور ..... سنتين !
لم يحدث بهم اى احداث تُذكر سوى
من شهرين كان فرح احمد و اسراء
و حمزة خطب شيماء ( اخت اسراء ) ، و مراد خطب ريهام ( اخت حمزة ) و مليكة دخلت صيدلة زى ما كانت بتتمنى و كل الشباب اتخرجوا ما عدا ياسين طبعاا و شذى و سيدرا اصحاب مليكة اتجوزوا
★★★★
٭٭ فى بيت مليكة ٭٭
مليكة : ميزو انا هخرج مع حبيبة و البنات و قلت لبابا و وافق
مازن : ماشي يا حبيبتي و خفى على حبيبة ها
مليكة : هى بتشتكيلك منى و لا ايه ؟!
مازن : لا و الله يا حبيبتي انا عارفك مش محتاج حد يقولي حاجة
مليكة : لا ملكش دخل بيني انا و صاحبتي مش عشان هى خطيبتك يعني ها انا و هى عادى و هى على قلبها زى العسل متتحشرش انت بس
مازن : ماشي يا موكا ماشي و الله ليكي يوم يا قلبي ، هتجيبوا باقى الحاجات اللى ناقصة برده
مليكة : اه يا ميزو انت مبقاش فيه وقت فاضل شهر عالفرح
مازن : اوك ، هتروحي بعربيتك و لا تحبي اوصلك
مليكة : لا شكرا يا ميزو هروح بعربيتي سلاااام
★★★★★
مليكة اتصلت بحبيبة
مليكة : انزلى يلا انا تحت
حبيبة : ثوانى نازلة اهو
مليكة كانت قاعدة فى العربية و باصه على باب البيت مستنية حبيبة تطلع و بعدين لقت الباب بيتفتح و طلع منه ......مالك
مالك قرب من عربية مليكة و مليكة دقات قلبها بتزيد مع كل خطوة بيتحركها فى اتجهاها
مالك خبط عالازاز بتاع شباك العربية و نزلت مليكة
مالك : ازيك يا مليكة ؟!
مليكة بخجل : الحمد لله ، انت عامل ايه ؟
مالك : كويس الحمد لله ، اه كنت عايز اكلمك فى موضوع كده
مليكة : موضوع ايه
مالك : الموضوع طويل مش هينفع فى الشارع كده خلينا نروح كافيه
مليكة : معنديش مشكلة بس مش هينفع دلوقت عشان حبيبة نازلة و هنروح مع البنات النادى و نجيب شوية حاجات ناقصة لحبيبة
مالك : تمام هنروحوا النادى امته
مليكة بصت فى الساعة اللى فى ايديها : يعني عالساعة خمسة كده
مالك : تمام هاجى انا و الشباب النادى الساعة خمسة و اقولك الموضوع
مليكة : تمام
مالك : سلاام
و مشى و جات حبيبة و شافت مالك و هو ماشي و راحت فى اتجاه مليكة
حبيبة : سورى اتأخرت عليكي بس كنت بكلم مراد
مليكة : لا عادى يلا بينا
و ركبوا العربية
★★★★★
فى العربية
حبيبة : هو مالك صحيح كان عايز ايه ؟
مليكة : معرفش مقالش قالى عايزنى فى موضوع و هيجي هو و الشباب النادى الساعة خمسة و يقولى
حبيبة : هيكون عايز ايه يعني ممكن يكون عايز يتقدملك
مليكة بزعل : متوقعش كان هيتقدم لبابا مش ليا و هو اصلا شكله شال الموضوع من دماغه انتى عارفة انى بقالى سنتين مشوفتوش غير فى فرح احمد و اسراء بس و مكلمنيش خالص و لا حتى بصلى زى ما كان بيعمل الاول
حبيبة عارفة أنه بيعرف كل اخبارها من مازن و بيعمل كده عشان تركز فى دراستها و بس : معلش يا حبيبتي ممكن بيعمل كده عشان حاجة معينة هو بيفكر فيها
مليكة : whatever خلينا فى المهم هنروح فين دلوقت
حبيبة : هنروح مول ....... نجيب هدوم و تحف و شوية حاجات كده
مليكة : تمام المهم ما نتأخرش عشان متفقة مع مها و روتيلا و نورهان هنعدى عليهم ٤ و نص و نروح النادي
حبيبة : اوك يلا
★★★★★
عند مالك فى المكتب
مالك فتح مكتب هندسة ديكور خاص بيه مع حمزة و مازن
و آسر كمان فتح مكتب خاص بيه بيستورد فيه أجهزة طبية و يوزعها عالمستشفيات و العيادات
فتحوا مكاتبهم بعد ما سابوا شركة باباهم لانهم قرروا أنهم يعتمدوا على نفسهم و أن الشغل فى شركة باباهم كان مجرد تدريب عالشغل أثناء فترة الجامعة و بس
