مليكة : انا اسفة والله و عارفة انكوا هتزعلوا بس انا مش هتأخر اصلا يعنى اسبوع اسبوعين كده بالكتيير يعني
مها : ده على اساس ان الاجازه فيها كام اسبوعين يعني احنا كنا عايزين نقضى الإجازة مع بعض قبل ما نبدأ دروس ثالثة ثانوى
سيدرا : اه فعلااا
شذى : متبقيش ندلة بقى
مليكة بضحك : هههههههه وقعت قلبكوا فى رجليكوا صح و ضحكت عليكوا ههههه بجد عندى ليكوا مفاجأة بس مش كده خالص
شذى : منك لله والله خوفتينا
روتيلا : ايه هى بقى الماجأة
مليكة : بصوا اتحيلوا عليا شوية
مها : بطلى غلاسة بقا و اخلصي
مليكة : خلاص هقولكوا و امري لله
و حكت لهم الاقتراح اللى قاله لها مازن
روتيلا : انا معنديش مانع
سيدرا : حلو جداا
شذى : انا معاكي طبعا فى اى مكان
مها : انا عن نفسي معنديش مانع المشكلة كلها هتبقى فى ماما
مليكة : لا سيبي طنط هبة عليا سهلة دى المهم تمام كده هكلم طنط هبة و اقول لمازن
***********
قفلت مليكة و كلمت طنط هبة و اقنعتها و راحت لمازن خبطت عالباب
مازن : اتفضل
مليكة : ميزو تمام كده اتفقت مع البنات
مازن : طيب حلو اوى كده ركزوا بقى فى مذاكرتكوا الاسبوعين دول
مليكة : حاضر يا حبيبي
*************
و انشغلوا البنات فى المراجعات النهائية و المذاكرة للامتحانات
و الشباب ما بين الجامعة و الشغل
و عدا ٣ اسابيع بدون احداث تذكر غير أن البنات فى الامتحانات
************
اخر يوم الامتحانات
مليكة : الحمد لله اخيرا الترم ده عدا على خير
مها : اه و الله الحمد لله عقبال الترم الثانى بقى
مليكة : هننزل كلنا النادى النهاردة بس بعد ما نريح شوية صح ؟
مها : اه هكلم روتيلا و سيدرا و شذى أاكد معاهم الميعاد
مليكة : تمام يلا بقى عشان عايزة انام و فصلت
************
روحت مليكة و مها و ناموا و صحيوا بعد ٣ ساعات نوم
مليكة دخلت اخدت شاور و لبست و نزلت
مليكة : مامي بابي حبايبي و ربنا
وليد : عايزة ايه يا موكا من غير لف و دوران
مليكة : عيبك انك فاهمني يا بابتي والله ايدك على خمسينيا يا حبيبي
وليد : انتي يا بنتي مش لسه اخده فلوس قريب غير طبعا انك مقلبة مازن
مازن : مين اللى بيجيب فى سيرتي
مليكة : حبيبي يا ميزو عايزة خمسين جنيه
مازن طلع الفلوس من المحفظة : خدى يا حبيبتي و خلي بالك من نفسك و متتأخروش
مليكة : حاضر يا احلى ميزو فى العالم
مازن : ماشي يا بكاشة و اعملوا حسابكوا عشان هنطلع الرحلة كمان يومين
مليكة : اوك سلام انا بقى
*************
مشيت مليكة و اتجمعوا البنات و راحوا النادى
***********
فى الجامعة
حمزة : ها يا شباب جهزوا نفسكوا عشان الرحلة كمان يومين
احمد : احنا تقريبا جاهزين انا قلت لاسراء و هتجيب شيماء اختها معاها
حمزة : تمام و انا ريهام اختي قولتلها برده
مالك : انا قلت لياسين هيجي معانا برده
حمزة : حلو اوي كده و انت يا مراد اتفقت مع الباص اللى هنروح بيه
مراد : اه بس مش فاهم بصراحة ايه لزمته و احنا كل واحد معاه عربيته ليه بقى نجيب باص و منروحش بعربيتنا
حمزة : اقولك ، اولا عشان نحس باستمتاع الرحلة و احنا كلنا مع بعض كده ، ثانيا عشان اخت مازن اللى هتجيب أصحابها مش هينفع كلهم يركبوا عربية مازن مش هتكفى العربية و برده مينفعش يركبوا عربية حد فينا لوحدهم
مراد : فعلاا معاك حق والله انا مفكرتش فى الموضوع ده خالص
مالك : طيب تمام كده يا شباب اسيبكوا انا بقى يلا يا مراد عشان عندنا شغل و ناخد من الحج إجازة اسبوع عشان الرحلة
مراد : يلا و ربنا يستر و ابوك يوافق
مالك : أن شاء الله هيوافق يلا
*************
في النادي
روتيلا : عملتوا ايه فى الامتحانات النهاردة
مليكة : الحمد لله تمام
مها : اه والله الحمد لله كانت كويسة
روتيلا : الحمد لله
سيدرا : مليكة ! احنا صح هنروح الرحلة امتى احنا خلصنا الامتحانات اهو
مليكة : اه صح فكرتيني مازن قال لى اقولكوا تحضروا نفسكوا عشان هنطلع كمان يومين
شذى : كويس جداا انا زهقانة فعلا اليومين دول
مليكة بمكر : ده بجد ! و هو إياد سايبك زهقانة كده يا حرام !!
شذى بضحك : ههههه الصراحة لا
مليكة : انا بحبكوا اوى يا بنات بجد خلونا نوعد بعض وعد
مها : ايه ؟!
مليكة : اننا منسبش بعض ابدا و نفضل نحب بعض و نكون سند و قدوة حسنة لبعض
و مدت مليكة ايديها عالطربيزة و قالت : وعد !!!
كلهم حطوا أيديهم فوق ايد مليكة و قالوا فى صوت واحد : وعد
************
وعد الصداقة !! اوقات كتيير الاصدقاء بيدلوك على الطريق الصحيح و يحثوك على رضى ربنا هما دول اللى فعلا يستحقوا يكونوا اصدقاء ، ربنا ميحرمنيش من اصحابي ابدا ، يا رب انت عالم بيا و عالم بإنى مقدرش اعيش بعيد عنهم فمتبعدناش عن بعض ابداا يا رب يارب اجعلنا قدوة حسنة لبعض 🙏☝
هذه الكلمات كتبتها مليكة فى مذكرتها بعد ما قضوا يوم جميل جدااا مع بعض و قفلت مذكرتها و دخلت تنام بعد ما ادت فروضها طبعااا
************
فى الشركة
مالك : بابا بعد اذن حضرتك طبعااا كنت عايز انا و مراد و آسر ناخدوا إجازة اسبوع عشان هنطلع رحلة سفارى بعد يومين أن شاء الله
كمال ( والد مالك ) : ..........
**********
هنقف هنا و نكمل الأحداث البارت الجاى أن شاء الله
و متنسوش لو عجبكم البارت ڤوت و كومنت
بحبكم فلولاتي ❤❤🍓
