تقديم
جئنا من جديد ماغاديش نقولو كيف ولفتو يتقال قنبلة الموسم و
صاروخ العام ولكن غادي نقولو ليكم بلي هي قصة ليست كسابقاتها قصة حطينا فيها كل جوارح ديالنا قصة تجمعو فيها جوج حمقات لا لا بعقلهم ... قصة كتجمع من كل فن طرب ..غموض ..دراما ..تفرشييييخ زايد نيفو شوية (التفرشيح التفرشيخ التفرشيخ .. لا ينصح به ذوي القلوب الضعيفة الهشيشة ههه ) ... حب ... خيانة ...غدر ...و ماننساوش ضيفة الي غادا طل عليكم مرة مرة ..السفااالة ...
كنتمناو نكونو عند حسن ظنكم ...و حتى نتوما تكونو عند حسن ظننا و تفاعلو معانا ..
اربطو الاحزمة ...واستعدوا للانطلاق ..ستبتدأ رحلتنا بعد قليل ...
قصة : #اغتصاب_بقرار_عائلي
بقلم : Youssra Rifaï & Zahira Alouan
احيانا غرورنا يصور لنا اننا دائما ممسكين بزمام الامور ... لكن يحدث مايجعلنا نعي فجأة اننا قرب قوسين من الخسارة...
من منا ليس في سباق مع الزمن ..
من منا لا يضيع بمكان ما .. من منا لا يقصر في حق شخص ما .. و يقترب من خسارته .. و هو لا ينتبه حتى لتلك الخسارة .. او ربما خسره و انتهى .. حينها لن ينفعنا ندم..
ف الوقت لي كان كل واحد غارق ف شغله ها لي ف الشركة كل واحد فين .. بدا كل شخص يوصله اتصال مفاده انه كاين اجتماع عائلي ضرووووري خص الكل يحضر ليه بدون استثناء .. الكل استغرب شنو هاد الحاجة الضرورية لي على ودها تقام هاد الاجتماع العائلي على حد علم الجميع انه كلشي مستقر ف الشركة كلشي مقاد ماكاين لا مشكل ل حتى حاجة ... هاد الاتصال شغل بالذات واحد زوج د الناس كل وحدة فيهم كاتقول عام الله اش كاين ياكما الوالد غادي يفرق الورث بيناتهم وحدة كاتقول ماكيهمش سواء فرقو ولا لا حقها جايها جايها ... و وحدة كاتقول لا خصني ندير الحييلة باش يتكتب لي حق كثر من حق ختي
و ف واحد البلاصة خارجة على مدينة الرباط ب كيلوميترات قليلة .. و ف قصر من القصور الفخمة لعائلة العثماني ذات الطراز الكلاسيكي ... كانو جميع افراد العائلة الكبار و الصغار مجموعين كل واحد فيهم شاد الكرسي ديالو و مترأس الطاولة الجد محمود العثماني .. بجانبه الايمن كان محمد البالغ من العمر 29 سنة الحفيد الوحيد لعائلة العثماني و المفضل للجد محمود .. و مقابل معاه الاب ديالو و الاخرين كانو باقي افراد العائلة ..
محمود : كيما كاتعرفو .. محمد هو الحفيد الوحيد لهاد العائلة و هو الوريث الشرعي لجميع املاكي و هو الاقرب لقلبي كيفما كيعرف الجميع.. لذلك قبل مانموت .. باغي نفرح بيه و نزوجو و نضمن الاستمرارية لاسم العائلة و ديك ساعة الا بغات تجي الموت غير مرحبا بيها ..
محمد : الله يطول لينا ف عمرك ا جدي
محمود : ههه .. الموت علينا حق ا ولدي المهم .. كيما قالو سيادنا اللوالا خيرنا مايديه غيرنا داكشي علاش فرحتي غادي تكون كبر ايلا تزوجتي وحدة من بنات عماتك ..
محمد بلا مايشعر إبتسم و شاف ف احدى من بنات عماتو .. و هي بالمقابل ابتسمت و حنات راسها...
بقلم : زيزو و يسرى
ف الوقت لي كان محمد كيستارق النظرات ...عم صمت رهيب و بداو كلا من العمات كايشوفو ف بعضياتهم ...
محمود : اكيييد الاختيار ماغاديش يكون اختياري .. ماغاديش نختار لي غادي يكمل معاها حفيدي حياته حيت هادي حريته وله الإختيار ... يا هداية يا لينا ... خود وقتك ا ولدي و فكر مزياااان ...
مهم انا ساليت كلامي لي جمعتكم على قبلو ليوم يلاه ليلة سعيدة ..
بمجرد ماعطاهم بالضهر و طلع مع دروج ....ناضو العمات كل وحدة جرات بنتها و دخلاتها ل بيت ....
الياقوت : بنتي... لينا سمعيني زواج راه قسمة و نصيب و كل واحد كياخد لي مكتاب ليه وااااياك تم واياك ايلا مشا حتى ختار ولد حبيبك هداية تديري شي حاجة
أنت تقرأ
إغتصاب بقرار عائلي ( الجزء الأول ) | مكتملة.
Romanceاغتصاب بقرار عائلي قصة مشتركة بقلمي انا : Youssra Rifaï و صديقتي Zahira Alouan قصة درامية ، بوليسية ، رومانسية ... باللهجة المغربية تحذير : القصة تحتوي على بعض الالفاظ التي قد لا تناسب جميع القراء ... - بعض الاحداث كالعنف و الضرب و الجرح ق...
