إغتصاب بقرار عائلي ( الجزء الأول ) | مكتملة.

الفصل 3

اخيب حاجة تقدر تكون من ضمن الطباع ديال شي انسان هي انه يكون ماكينساش و حقود و ايلا جات فيه دقة يردها ب عشرة د الدقات و يكون غادي بمبدا العين بالعين و السن بالسن و البادئ اظلم... صعيب تمثل قدام الناس راك فرحان فحين نتا جنون دنيا كلهم كتحسهم راكبينك و لما لا و نتا نزل عليك باطل من حيت لا تدري و من شخص عمرك كنتي تتوقعها منه ... كون كان شخص اخر فمكاني عندو زوج د الحلول يا اما. . غادي فعلا استسلم و يعيش مع داك الباطل لي نزل عليه و لا غادي ينكر و يحاول يتبت الحقيقة و البرائة ديالو لناس لكن هادو حلول الناس لاخرين ماشي ليا انا حيت فالحل الثاني ممكن نخسر جدي قبل مانفكر نشرح ليه و الحل الاول لايمكن نقبل بيه .. انا محمد العثماني لي مزآال متزآادت ولا غادا تزاد هاد بنت المرا لي ديرها بيا ...اه كبرت ف الفشوش و يقدر يبان للغير انني سهل المنال لكن باش يديرها بيا شي مخلوق لا و عمرها تكون.... هداية ظنت راسها ربحات زعما و كتظن بلي صافي وصلات للمراد ديالها لآا ا هههه واش من نيتها كيسحاب ليها غادي نتزوجها !! ابدآآ مكاينة حتى فرصة لهاد الزواج باش يكون و عمرو غادي يكون ... فعلا هي قدرات ثير اعجابي لكن ماشي بيها كانثى لا حيت هي جميع معالم الانثى لي كيجدبوني منعادمين فيها لكن تارت اعجابي فكونها كانت اخر واحد كنت نتوقع منو تصرف بحال هداك .... بحيث لطالما كانت هداية ف عيني ديك البنيتة الدريوشة لي ماتهزش الراس ف شي حد و عمرك تسنى منها الغدر .... كانت حدودية لابعد مدى بحيت ايلا سولتيها كانت كتجاوبك على قد السؤال .... لكن هيهآآت كيف كيقولو العود لي تحگرو يعميك عمرني توقعت منها تصرف هاكا ... انها تلعب فيها دور الضحية و تقول اني اغتصبتها من لفوق ههههه لا هادي جرأة كبيرة منها ... ولي عمري ظنيتها منها و لكن هي لي قلبات عليا و خاصها تكون قد هادشي لي حطات راسها فيه ... بعيدا عن القصر العائلي و فواحد المكان لي مايخطر على بال حتى واحد فيهم ....كيتسمع غير صوت الخطوات ديالي لي غادا فالاتجاهها و صوت الانين ديالها لي كيتسمع الصدى ديالو بشكل كبير بما ان ديك البلاصة لي حنا فيها دابا بعيدة و خالية من السكان...خليت القصر مقلوووب و خرجت حتى انا بهدف ايجاد هداية خطيبتي حبيبة قلبي و السيدة لي كنت غادي نعقد معاها القران ليوم على حسب ظنهم ...و جيت نيشان للمستودع لي كانجلس فيه و لي فيه استاضفتها ... ماحدني كانقرب و انا كانسمع صوت انينها و بكائها .. لا لا ماغانشفقش عليها و مازال ل حد الان ما داقت حتى ربع داكشي لي موجد ليها ... مزآال الحال و غادي تندم و تقول يآآآ ريت مادرتش لي درتو و مالعبتش مع محمد العثماني ...انا لي كنت نلعب بالبنات و نجيبهم لديك الفيلا و ناخد منهم لي بغيت ولات هي لي جايباني لنفس الفيلا لا و دايرة خطة محبوكة خلات جدي يحضر لكلشي ...كانت باغا تخليني نخسر مكانتي فالعائلة و نخسر حب جدي ليا لي كنفضلو على اي واحد فديك العائلة ...اوا هاهي غادا تصدق هي الخاسرة...خططات و نفدات لكن خطتها مكانتش ناجحة حيت قدرت نتمالك اعصابي لآاخر لحظة و .قررت نرد ليها الصاع صاعين كيف كيقولو ولكن هاد المرة بسيناريو انا لي حاطو و حابكو مزيان بحيث انا لي غادي نكون الشاب المغدور لي خلاتو خطيبتو نهار زواج ديالهم و حتى الكلام لي قالتو لينا واخا كذبات و جابت داكشي من راسها ولكن.. كان فصالحي و لصالح هادشي لي كنخطط ليه ...غادي نخليها هنا مدة لي تخلي الكل يبدا يشك فحقيقة كلام لينا و نصورها مع واحد على اساس انه داك شخص لي كتبغي ...و نخليها ديك ساعة تبان قدامهم انها سمحات فيا على قبلو .... اكيد منفكرش ندير معاها شي حاجة حيت اصلا الشوفة فيها مكتيرنيش حتى معالم الانوثة منعدمة فيها لا طاي لا لباس كيف بنات ..