عند محمد...
خليت لينا كتعاير ...وخرجت مشيت للحمام لي على برا دوشت و لويت عليا فوطة و مشيت لبيت اخر من غير هداك لي خليت فيه لينا ... اصلا شكون قاليها تجي عندي ياك هي لي لصقاتني اوا تحمل العواقب... واخا انا بنفسي مافهمتش كيفاش جات صورة ديال ديك لفعة قدام عيني ... و ملي كنت حداها صعاب عليا نغتاصبها ... بففف مافهمتش ... حليت بلاكار لقيت فيه مازال شي حوايج ديالي .... جبدت سروال صورفيط و تيشورت لبستهم و هبطت لتحت كنقلب على شي قرعة نزيد نغيب بيها ... عجيييب امري ليوم واش كاع هادشي لي شربت و ماقداش فيا تقول فيا شي فويت نشرب من هنا و يخرج من هنا .... مشيت لبار لي عندي فالفيلا هزيت قرعة و تميت طالع للبيت لاخور ... حتى كنشوف لينا خارجة كتلصق تاني ...
لينا (بتلاعب): امم محمد حبيبي ... فين غادي واش صافي سخيتي بيا انا مازال ماشبعت منك ... انممم ليووم خليتيني نحس بلي بصح كتبغيني ...
محمد :لينا عطيني تيقار هاد ليلة بالضبط ...وراه مابقا فيا ما ** غير سيري و خليني ...
لينا : ماشي مشكيل بب بلاما دير والو المهم نبقا حداك ...
هزيت راسي لسما زعما باز لهاد درجة لصقة ..اااف ...دخلت لبيت و هي لاصقة فيا و جلست على الفوطوي لي حدا سرير ... بقيت كنشرب من ديك القرعة و هي حاضياني ...
لينا : حبيبي نقدر نسولك...
محمد (بقلة حيلة): الا كان شي سؤال كيخص داكشي غير خليه عندك ...
لينا : لا لا بغيت غير نسولك على الارث لي كان بغا يعطيك جدي واش دابا غادي يعطيه بيك بلاما تزوج ...
محمد (صغرت فيها عيني): مافهمتش نتي علاش كتسولي ...
لينا (بتلعتم):ااا ...ها ...لا ..غير بغيت نعرف واش ممكن تزوج بيا و تحقق ليا حلمي فانني نكون مرتك من بعد ما كنت فقدت الامل( مصطنعة الحزن ) محمد ماتصورش انا شحال تعدبت ملي ماختاريتينيش كنت غادا نحماق ... محمد انا راه كنبغيك و نتا عارف هادشي ...
ايييييييييييه كتبغيني ...كن غير ماجبدتيش الورت بالاول كان ممكن نصدقك ولكن دابا راني فاهم كلشي ...حتى نتي بحالهم او بالاحرى بحالي باغا تبيعي نفسك على قبل لفلوس و صابرة لدل معايا ولهاد المعاملة غير على قبل لارث ... ولكن انا مابقيتش غادي نخلي بنادم يستاغلني انا غادي نستاغل بنادم حتى نوصل لهدفي ...
حطيت ديك القرعة من يدي ...و درت عندها ... و شفت فيها باهتمام ..
محمد : لينا ..
لينا ( بدلال ) : اممم
محمد تزوجي بيا ... ؟؟
لينا (صدمة فعينيها بحيت وصلات للي بغات ): محمد !!! حياتي واش .. واش كدوي بصح ؟؟؟ ( دارت يدها على فمها ) ناريي ماتخايلش شحال فرحتيني وبلا قياس ...اكيد قابلة و موافقة و باغية نتزوج بيك و هداك هو حلمي من صغر ...
محمد : صافي صافي سكتي من الهضرة د الافلام دابا خلي راسي يبرد و غدا نهضر مع جدي و نشوف اش نديرو ...
خديت قرار فدماغي و رسمت خطة نقدر نعاقب بيها كل من حاول يتلاعب بيا بمن فيهم جدي لي دارني بحال شي بيدق حركني كيف بغا .. و درت واحد الخطوة مهمة لي غادي تخليني نلقا ديك اللفعة د هداية ... مازال ماساليت شغلي معاها
طلع صباح ودخلت اشعة الشمس لي فيقاتني من سهوتي حيت نكذب الا قلت فيقاتني من نعاسي ... كنحس براسي دايخ ليل كلو و انا كنفكر ...غير نعسات لينا خرجت و خليتها واخا عيات تحلون عليا خليتها هاكداك حتى نعسات ... مشيت للبيت لاخور و بقيت جالس ..شي حاجة خلاتني نبقا نفكر غير فكلام هداية ... ملي كنت هازها و هي مريضة غادي بيها لدار كمال و هي كتقول ليا ماشي لخاطري ...وملي كنت بغيت نحرقها كانت كتقول ماشي انا ...كيفاش زعما واش ممكن يكونو تلاعبو بيها حتى هي بحالي ... و حتى هي تكون غير تكدمات معايا فهادشي ... مايمكنش و من جهة اخرى ممكن صعيب هداية لي كنت كنعرف تكون دارت هادشي بوحدها ... هداية لي كانت مسالمة ... ااااف اش كنقول انا اكيد غادا تكون عارفة والا علاش سكتات و ماقالت والو داك صباح و هي عارفة بلي انا ماقستهاش ...اكيد حتى هي مشاركة معاها ... طمعات ف الارث لا و سامحات فالمبادئ والاخلاق لي طول حياتها و هي كتمثل بيهم ....
هزيت بورطابلي و خرجت قبل ماتفيق ديك لصقة تاني ... ركبت لوطو وخرجت من الفيلا متاجه لتطبيق اول خطوة ... مشيت قضيت واحد الغرض و من بعد مشيت لقصر ...دخلت كان كلشي مازال ناعس ... كنت طالع لبيتي قلت بينما يفيقو لكن بانلي باب المكتب محلول طليت لقيت جدي جالس ...اكيد فايق كيفكر فخطتو لي فشلات ...كنت كنقول لمن شابه انا بابا مسالم و داخل سوق راسو ..و هاديك لي بلزاتني هههه تقريبا مكنعرف عليها والو ... دابا عرفت بلي انا شبهت لجدي ... الراجل القاصح لي مكيرحم حتى واحد الا غلط واخا يكون ولدو من لحمو و دمو ...ياما شفتو كيصرفق بابا و غير كنوقف كيدير راسو كيهضر معاه بشوية و لحد الان باقي مافهمتش ديك العلاقة لي بينو و بين بابا ...قدام ناس ديما كيبينو بلي علاقتهم عادية كاي اب و ابنه و هما فالحقيقة عكس كل ماكيقولو ...
دقيت عليه ...شافني...
محمود : محمد دخل اولدي ...
محمد : جدي كنت باغي نهضر معاك فواحد الموضوع مهم ...
محمود : واش عرفتي فين كاينة ديك الكلبة ...
محمد : لا اجدي انا فكرت مزيان ...مابقاتش هماني هداية ... ماتستاهلش نفكر فيها ولا نبقى نتعذب على قبلها ...او نضيع وقتي باش نقلب عليها ...جدي انا بغيت نهضر معاك فموضوع اخر ...
محمود : واخا اولدي هضر و راني حتى انا كنت بغيت نهضر معاك فواحد الموضوع مهم غير قلت حتى تبرد شوية و تهدن ...
محمد (فخاطرو ..نبرد من ورا ماضحكتي عليا ا جدي 😏): انا مهدن اجدي و الموضوع لي بغيت نهضر معاك فيه غادي يبين ليك بلي راني نسيت بصح ... مهم ا جدي الموضوع هو انني قررت نسد فم ناس و صحافة ...قررت نتزوج بلينا ...
محمود (بصدمة ):شنوو !!! لا لا ... محمد نتا مامضطرش تزوج بلينا ... الصحافة انا غادي نعرف نسكتها .. شوف اولدي انا صافي سحبت كلامي لي كنت قلت ليك من قبل مابقيتيش ملزوم باش تزوج عاد ندوز ليك الاملاك باسمك ... انا من ورا داكشي لي دارت هداية راجعت حساباتي ...و قررت نخلي ليك الحرية تزوج بلي بغيتي ... ماشي بالضرورة تكون وحدة من العائلة ...
حسيت بيه ماحملش الفكرة ديال انني نقوليه نتزوج بلينا و من جهة وضح ليا شي امور ...هادشي علاش ختار هداية و دار ديك لعبة حيت هو كان عارف الا عطاني الاختيار غادي نختار لينا على هداية ...
محمد : لا اجدي انا ماخديتش هاد القرار بسبب شرط لي عطيتي ... انا خديتو من بعد مافكرت مزياااان لينا هي الانسانة الوحيدة لي تصلاح ليا ...
محمود (بصدمة):ولكن اولدي ...
محمد (قاطعو): جدي الله يخليك انا خديت قراري ... غادي نتزوج بلينا حيت كتفهمني و عاد هي انسانة ناضجة و مثقفة ونقدرو نكونو انا وياها الصورة المثالية لاحسن زوجين فعائلة العثماني ... بالطبع من بعدك نتا و جدة الله يرحمها ...حيت من غيركم ماشفت حتى واحد من العائلة باينة عليه بلي عايش سعيد كزوج و زوجة ...
محمود (بتلعتم):محمد ماغاديش ناخد هاد القرار ديالك بمحمل الجد ... سير رتاح ليك شوية و خرج و سهر مع صحابك و نسا هادشي لي وقع هاد الايام ...و جلس رتب افكارك و عاد خود القرار ... راه زواج هدا ماشي لعب ...
محمد(باستهزاء): علاش ا جدي قبل ماعطيتينيش الحق باش ناخد الوقت و نفكر ...واش ديك ساعة كان لعب ...
محمود (مخربق): لا ماقصدتش .. مهم انا قلت ليك دابا سير حتى تفكر مزيان ...
محمد : جدي انا ماجيت عندك هنا حتى كنت فكرت مزيان و حسمت فالقرار ديالي ...و قررت نعلمك بيه ... و ماكرهتش هاد زواج يكون هاد الاسبوع باش هاكدة نرتاحو كاملين ...
محمود (معصب ولكن كيحاول يضبط اعصابه): واخا اولدي لي بان ليك ...ولكن كنتمنى قبل تعاود النظر فهاد القرار لي خديتي وانا غادي نكون فجنبك فاي قرار خديتيه...
محمد : ان شاء الله اجدي واخا انا راني ماجيت عندك حتى كنت واخد القرار ديالي... مهم نخليك دابا وبليل نهضرو واخا ....
خليت جدي معصب ولكن مربط الايدي ماعندو مايدير هو لي حط هاد الشرط بالاول و انا غير طبقتو مادام هداية مشات نديرو لينا فبلاصتها ... والمهلة لي خديت ماشي باش نفكر فقرار زواج ... غير بينما اكد ليا واحد صديق بلي يقدر يعاوني فداك الغرض لي مشيت عندو على قبلو صباح ... غادي نوريهم اللعب على اصوله ... و الحنش لي ربا جدي غادي يولي طول منو ...
مشيت لبيتي و تلاحيت فوق سرير ... كنحس براسي محتاج نعاس ولكن كترت تفكير ماخلاتنيش .... بقيت تاني كنفكر ... طول حياتي كنت عايش كيف بغيت ... كندير لي عجبني و مكنفكر لوالو وبرغم كاااع المصايب لي طحت فيهم عمرني حسيت بلي عندي مشاكيل لي نبقى نفكر فيهم لدرجة يطير عليا نعاس حيت كان ديما جدي لي كينقدني منهم و كيخرجني كيف شعرة من العجين ماكنتش عارف بلي هو نفس شخص لي غادي يخليني واحد نهار نحس بلي عندي هم و هم كبير ... لكن اول ماناخد الورث و يكون كلشي باسمي ماغاديش نبقا نحس ديك ساعة بلي عندي شي مشكيل ...وماغاديش نبقى نفكر من اصله ... غفات عيني لمدة ساعة او ساعتين ماحسبتش الوقت ... حتى كنفيق على صوت صراخ فالقصر ... اش هادشي ... عمرو كان فتاريخ هاد القصر ينوض فيه صداع و يترفعو فيه الاصوات من غير صوت جدي و صوت بابا ملي كتجيه الحالة العصبية ... اااايه ا سي العثماني يمكن فعلا كبرتي و مابقيتيش قادر تضبط عائلتك .. ووصل الوقت لي تسلم زمام الامور ديال عاد العائلة لشخص بحالي يحكمها و يردها لسابق عهدها ... نضت نشوف منين جاي صداع ... لقيت عماتي بجوج كيتغاوتو هبطت باش نستفسر على الامر ...
الباتول (بالغوات وهي شادة فيد ديال المربية لي ربات هداية ): انتي ماشي سوقك هادي كانت خدامة عندي وانا لي نقول واش تبقى ولا تمشي و مادام هداية مشات يعني حتى هي مابقا عندها لزوم فهاد دار و ماعندكش الحق تمنعيني ...
الياقوت : واش نتي قلبك حجر واش لمرا مريضة و بغيتي تخرجيها لزنقة ...
الباتول : الالة انا ماعنديش دار العجزة هنا سيدة كبرات و مابقيناش فحاجتها ... وماتخافيش راني غادا نوصي شيفور يديها لدار العجزة و يحطها عندهم ماغاداش نلوحها لزنقة ...
الياقوت (كتحرك راسها بالنفي مامتيقاش لكلام لي كتقول ختها): نتي قلبك حجر هاد سيدة فنات معاك عمرها رباتك و ربات بنتك و دابا بغيتي ترميها لدار العجزة و هي مريضة و محتاجة لعملية باز لقلبك ياك كنتي قلتي بلي غادي تكلفي ليها بالعملية ديالها ولا تنادم معاك الحال ....
الجملة الاخيرة لي قالت عمتي خلاتني نسها لدرجة كلامهم ولا كيجيني بعيد وبديت كندير افلام فراسي ...المربية ديال هداية مريضة و محتاجة عملية و مامات هداية لي غادا تكلف بعمليتها ... واش ممكن يكون داكشي لي كنفكر فيه ... اوووف فيق ا محمد فيق شفتك كتقلب ليها على اعذار ... مكاين حتى عذر من غير طمعها باش تولي مرات الحفيد والوريث الوحيد ديال العثماني ... سست دماغي و هبطت شديت فيد دادة سعدية لي كانت مسكينة كاتبكي .. حتى انا فواحد الفترة من حياتي كانت تهلات فيا او بمعنى اخر حنات فيا فاش كنت كنمرض او كنحتاج كطفل لديك لي بلزاتني كانت كتجي تحضني و تحن فيا بالرغم من انها كانت المربية ديال هداية وماشي ديالي ... كنت ديما كنقول بلي هداية فطبعها شبهات للمربية ديالها ضريفة و حنينة و بريئة ...ولكن ماكنتش عارف بلي الخصال ديال مها غادي يبانو فيها من بعد ... ديك سيدة الارستقراطية لي كيهمها غير الفلوس و المظاهر
شديت ليها من يدها الا مكانش على عمرها و مرضها لي سمعتو غير دابا فغير على ايام لي عطفات عليا فيهم و كانت كتحن فيا بالرغم من انها مكانتش مربية ديالي حيت كانت خاصة بهداية ...
محمد ( بصرامة ): دادة سعدية ماعندها فين غادا تمشي غادا تبقى هنا (هزيت صبعي فوجه عمتي الباتول)و مانبغيش نسمعك كتهينيها ولا تحاولي غير محاولة فانك تخرجيها ...كوني اكيدة غادي نلحقك على بنتك ...
الباتول (بصدمة) :محمد اش كتقول اش هاد الاسلوب كتهضر معايا بيه ...
محمد: لي عندي قلتو دادة سعدية غادا تبقى فهاد دار ..
الباتول : ولكن راه بابا لي ...
قطعها صوت جدي لي نازل مع دروج ...
محمود ( بالغوات):الباتووووول و خلي عليك سيدة فتيقار والا غادا تبعي ديك الكلبة ديال بنتك ...
شافت فيه بصدمة ...ماتوقعاتش منه داك لكلام بقات مدة كتشوف فيه مصدومة و انا كنمتل انني مافاهم والو و انا عارف جدي قاليها هاكداك غير حيت كانت غادا تقول بلي هو لي قاليها جري عليها ... خليتهم كيشوفو فبعضهم و شديت فدادة سعدية غادي بيها للغرفة ديالها سندات عليا و كانت عمتي الياقوت شادة فيها من جهة لاخرا ... هاد الاخيرة يمكن الوحيدة لي مافاهمة والو فهادشي لي كيوقع و يقدر يكون العكس تقدر تكون فاهمة و عارفة كلشي و ماشي بعيد هي لي معلمة بنتها هادوك تحرميات باش تجي طبقهم عليا ... وصلنا حدا الغرفة ديال دادة سعدية و طلبت من عمتي الياقوت تخليني معاها ... شكراتني حيت خليتها تبقى و ماسمحتش ليهم يجريو عليها و مشات ...و انا شديت فيد دادة و دخلتها للبيت بغيت نعرف قصة مرضها و على اشمن عملية كيهضرو ... جلستها على سرير و هي سخفانة كتحرك بتتاقل ...
محمد : دادا نتي غادا تبقاي هنا و حتى واحد ماغادي يخرجك من هاد دار غير تهناي...
دادا سعدية (سخفانة) : امم الله يرضي عليك اولدي .امم ولايني راه الباتول عندها الحق انا سالا دور ديالي فهاد دار ملي مشات بنتي هداية ...
محمد (كرهت علاش دكرات اسمها): دادا بلاما تجبديها هاديك اللفعة راها خرجات واحد الكلبة مطرقة ... مهم ديها غير فصحتك هي لي كتهم دابا ...
دادا سعدية : امم اننمم لا اولدي ماتقولشي هاد لكلام على بنتي انا لي ربيتكم و عارفاكم كاملين كيف عاملين.. واخا ماعرفتشي علاش كتقول هاكدة على هداية لكن انا عارفة غادي غير تكون فاهمها غلط ...
محمد (بدون شعور): ياريت ا دادا ياريت ... (عاد حسيت براسي)ولكن لا ادادا هداية خرج منها لعجب ... المهم من بعد و نهضرو فهاد الموضوع ..دابا قولي ليا شنو العملية لي كانت كتهضر عليها عمتي ...
دادا سعدية : انا اولدي كبرت و القلب عندي عيا و طبيب قاليهم شي عرق تخنق ليا فالقلب و خاصني عملية على ماقال طبيب خاصها فلوس كتيرة ... انا نيست اولدي حيت ماعندي ليها مناين ولكن هداية بنتي شي جوج دالاسابيع دابا باش جات عندي و قالتلي بلي يماها غادا تكلفلي بيها مانعرف شني وقع حتى تقلبات عليا هاكدة الباتول غير مشات بنتي و بغات ترميني ..انا ماهامنيش العملية ...كنعيشو غير لي مكتب لينا سيدي ربي انا بغيت غير نطمن على بنتي هداية لي نسولو عليها من الخدم مايجاوبنيش و اهل دار راك عارفهم حتى واحد مايقدر يسولهم...
محمد (سرح بدماغو):قلتي جوج دالاسابيع اممم ...
دادا سعدية : اه ابني جوج دالاسابيع و قولي عنداك شي خبار على هداية فاين مشاات و علاش سي محمود و نتا كتعيطو ليها الكلبة ...
محمد : دادا نخليك دابا غادي نهضر مع جدي يدير ليك العملية و هداية حتى تصحي و تعرفيها شنو دارت دابا ديها غير فصحتك ...
خليتها و خرجت هارب من الاجابة فين غادا تكون مشات و هي فديك الحالة ... اففف تمشي حتى لجهنم انا مالي ... مشيت عند جدي و طلبت منو يدير العملية لدادا ووافق حسيت بيه كانه مرغم ... عاود فتح معايا الحديت على القرار لي خديت بخصوص زواج بلينا يالاه بغيت نقوليه بلي صافي قراري نهائي حتى كيجيه اتصال و طلب مني نخرج و نخليه ... خرجت ولكن
أنت تقرأ
إغتصاب بقرار عائلي ( الجزء الأول ) | مكتملة.
Любовные романыاغتصاب بقرار عائلي قصة مشتركة بقلمي انا : Youssra Rifaï و صديقتي Zahira Alouan قصة درامية ، بوليسية ، رومانسية ... باللهجة المغربية تحذير : القصة تحتوي على بعض الالفاظ التي قد لا تناسب جميع القراء ... - بعض الاحداث كالعنف و الضرب و الجرح ق...
