اااااا فييييين ا با سيمو ...
التفت ل جيهتو بعصبية مصطنعة ....
انا : ان**** مرة جاية عارفني ماكانحملش لي يعيط ليا سيمو ..
حليت ليه دراعي .... و تسالمنا و حنا كانضحكو
ليث: ههههههه عااااارفني غا شاد فيك ا ****
انا : هههه شكون شدك علينا !! ياااكماااا .. (غمزته) اخيرا لقيتي شي ساطة لي طيحاتك و منعات عليك الخروج ...
ليث : ههه لا لا عارفني ماشي ديال داكشي... انا ماشي بحالكم كل نهار مع وحدة 🙄🙄...
انا : باز لك ... هادشي لي بغات الوقت الزهو و النشاط ...
ليث : واحد كمال كاتشوفو ... رامي !!
انا : كمال راك عارف مابقا ليه والو و يبدل عنوان الاقامة و يديرو ليه البار بلاصتها و رامي راه غارق مشاكل مع مرتو هربات ليه بالولد
ليث : وااايلي گاااع ...مافراسي والو !!!
انا : والله ... مااا عالينا نتا هاني ... اومورك ناضية ...؟
ليث : بيييخر اللهم لك الحمد ... المهم ها الوراق لي طلبتي واجدين ... علاش باغي تزور زواج علامن باغي تلعب و تقول تزوجت راه الا كان شي تخرميز من داك اللعب ديالك انا لي غادي نمينط مك بيدي !!!
انا : تت ... صافي داك البلان مامنوش ... ولكن خصني نهضر معاك ف شي حاجة مهمة بزاف و عندها علاقة بداكشي ... يلاه نمشيو ل شي كافي و نجلسو ...
ليث : اهم... واخا ا سيدي ... طوموبيلتي و لا طوموبيلتك ؟؟
انا :امم ... يلاه معايا حسن ...
ليث صديقي من شحال هادي تقريبا شي 6 سنين .. عرفتو من مور واحد الكارثة كنت درتها ... دابزت ف البار و عيطو للشرطة .... و هو لي كان جا و ماكبرش المشكل بالعكس تعامل مزيان .. شي لي خلاني ديما نبقا ممتن ليه ... و قلت ليه اي حاجة خصاتك انا رهن الاشارة ... تماك تطورات ديك المعرفة لصداقة و عرفتو ب صحابي .. كمال و رامي ... و بقينا صحاب ليومنا هذا .. قلعت و اتجهنا لواحد المقهى ... دخلنا .. كل واحد دوموندا اش بغا ... و جبدت معاه الموضوع بخصوص هداية ..
انا : ليث .. عشيري بغيتك دير معايا واحد الخدمة عمري نساها ليك حياتي كلها
ليث ( ضحك ) : ههههه داخلت عليك بالله اشمن مصيبة درتي ها وراق زواج موجودين و دابا ثاني شنو هاد الخدمة اش كاين شنو واقع ....
انا : ههه لا لا ماتخافش مهم.. سمع عندي واحد بنت عمتي هربات لينا ...
ليث (باهتمام) : اهم ..
انا : المهم الموضوع كبير بزاف و لكن خلاصة القول .. القضية فيها زواج اجباري جدي كان باغي يزوجنا ببعضنا بزز .. وهي مابغاتش و ناضت هي هربات ....
ليث : هربات !!!! ماتعرفش نتا ترفض .. بغيتو تقبرو البنت و هي حية !! مالقا بيمن يزوجها غير بيك ...
انا :خلينا من ضحك دابا ... واراه قلت ليك الموضوع كبير و تا انا ماكنتش باغي .. ولكن .. تت اففف المهم ..
ليث : ايوا شنو المعمول دابا !!!
انا : نتا بوليسي ... وتقدر تساعدني كتر ...بغيتك تلقاها ليا فينما كانت ...راه تقول الارض تشقات و بلعاتها ماعرفتهاش فين مشات ...
ليث : همم اوكاي ... ( كيدوز يديه على لحيته) امم ماعندكش فكرة فين تقدر تكون مشااات !! عندها شي صحابات شي واحد فحياتها متلا ...
انا : تت وااالو
ليث : شي خيط ولا شي حاجة خلات موراها باش نعرف كيفاش حيت مايمكنش نجي و نبدا نقلب عليها .. ما علمتوش كاع الشرطة...؟
انا : لااا جدي مابغاش الامور تخرج برا العائلة راك عارف .. الصحافة ..
ليث : صعيب صعيب بزاف نلقاوها ... وريها ليا بعدا ..
جبدت الفون و بقيت نقلب حتى لقيت واحد صورة عائلية عندي و كانت هداية مصورة تا هي و زوميت عليها ... مديت ليه التيليفون باش يشوفها ...
انا : هي هادي
ليث ( بعينين خارجين ف شاشة الهاتف ) : ه.. هد !
انا ( باستغراب ) : واش كاتعرفها ؟؟
ليث ( ابتلع ريقه و هز راسو فيا ) : امم .. لا بغيت نقول واش هادي !! شًشنو سميتها ...
انا : هداية ...
ليث : هاااه ... هداية .. (عقد حواجبو )
انا : ياكما شفتيها قبل !!! شتك تصدمتي !
ليث : تتت لا لا لا .. ابدا غير جاتني فشكل .. امم زعما هاد البنت كاتبان فوجها بريئة كيفاش تقدر تهرب
انا (ضحكت باستهزاء ) : ههههه بريئة هههه شوف شووف... نبغي هاد الهضرة تبقى بيناتنا و ايلا كان شي خبار قولها ليا .. مانبغيش هادشي يخرج لبرا
ليث ( شاف ف الساعة ديالو و وقف ) : امم فهمت فهمت .. خصني نمشي دابا ا محمد.. تفكرت عندي شي خدمة ضرورية .. التيليفون ما بيناتنا ...
سلم عليا بزربة ... و مشى استقل طاكسي و غادر
أنت تقرأ
إغتصاب بقرار عائلي ( الجزء الأول ) | مكتملة.
Romanceاغتصاب بقرار عائلي قصة مشتركة بقلمي انا : Youssra Rifaï و صديقتي Zahira Alouan قصة درامية ، بوليسية ، رومانسية ... باللهجة المغربية تحذير : القصة تحتوي على بعض الالفاظ التي قد لا تناسب جميع القراء ... - بعض الاحداث كالعنف و الضرب و الجرح ق...
