السر

2

اسامة العلاجات دي كانت في التلاجه !!!!!!
وصلت لحد هنا كيف ؟؟
رد علي .. اتلفت لقيتو زي الداير يغمر صعب شديد اوديهو مستشفي براي ، يا ربي اسوي شنو انا اسي ؟ قعدت جمبه و بقيت ماسكاهو بهز فيهوو ، اسامة فتح يا غالي معقول حبه تسوي فيك ما كنته قايلاك ضعيف كيف وين القوة الكنته بتحكي لي عنها ،
و بعدين انت اخوي لمن تكون مغمض كدا و ما واعي بحس اني براي في الدنيا دي ، اشكي لمنو وارخم علي منو ، قووووم ياخ ، اووووف جسمو كلو عرقان واصلا انا بليتو بالمويه و محموم و قلبو بضرب بسرعه ، كان خليتو بملابسو دي حيجيهو التهاب يا رب ساعدني ، قمتا علي دولابو طلعت ليهو فنله قطنيه لبستها ليهو ، اتذكرت عنده حبه تحت اللسان ، يا ربي بتنفع ، كدي اجرب
جررري مشيت المطبخ ، امي قالت لي يا بت مالك مصروعه كداا في شنو ؟ انتي يا امي كان جايبه خبر بيتك واولادك م كنتي حتسالي ،( عارفه اسلوبي زفت بس كل حاجه في وقتها حلوة ) طوالي طلعتا من المطبخ ، و رجعت الغرفه ، لقيتو فايق شويه اترددتا اديهو الحبه ولا انتظر ، بقيت شغالة كمادات ، بعد ساعه الا ربع ، جا انس صحبو
غرفه اسامة منها صالون قبل الحوش ، يعني عادي البجي من برا ما بيخش من البيت و الصاله ، ف انس طوالي بيخش بالباب دا لانو امن ما بيصل البيت بهناك عشانا ، حتي لمن جا داخل شافني قبل وشو و انا اصلا ما انتبهتا الا لمن قالي اسف ، عاينت ليهو و البجامه الابساها فيها طاقيه ،
رفعتها في راسي ، قلت ليها تعال اتفضل ،
خش مخلوع لمن قعد قصاد سرير اسامة علي ركبو و بقي يهبش فيهو ،
قال لي مالو ؟ والله يا انس ما عارفه جيت داخله زي كل يوم عشان اطمن عليهو ومنو اجي اغديهو واديهو العلاج ، جيت لقيت الصينيه دي جمبو و شريط الحبوب والكبايه فاضية ، طيب يا زينب منو بيديهو غيرك ؟
يا انس انت عارف غرفتو دي مافي زول بيدخلا غيري و الباقي انت عارفو ، طيب نشيلو المستشفي ، والله ما عارفه هو بيفوق و يرجع يغمض تاني و شايفه الحمه نزلت ما خليت حاجة ما سويتا حجن واعرف الخلاهو ياخد حبوب زي دي شنو واكيد علي معدة فاضيه ، الحبه دي الدكتور قالي اديهو وحدة ولازم يكون ماكل لانها قويه ،
حيرتيني والله يا زينب ، لمن يفوق حنعرف منو باذن الله كدي قومي لي من محلك دا ، طيب ، قعد جمبو و قال لي جيبي لي بصله ، انس نفس مجال اسامة اخوي و اظن بقدر يتصرف لانو طوالي مع اسامه و بيبت نعاهو ايام كان بينتكس ، جريت جبت البصله ، قلت ليهو هاكا ، عاين لي كدااا بتعجب !!!!
قلت ليهو شيلاااا ، دنقر و رفع راسو ، قال لي زينب ! قلت ليهو هااا ، قال لي قشري البصله و اقسميها علي اربعه و جيبي لي ربعين منهااا !! طبعا القالو دا ما حقل عملتو في حياتي كلها ، قلت ليهو طيب بتعجب كدااا ..
مشيت و ساكة البصله بالسكينه ، عشر دقايق تقريبا حتي قدرت اعمل القالو لي ، والله تشوفو البصله تقولو طالعه من حادث حركة ، المهم جبتها ليهو ، ضحك في شكلها لكن م اشتغلت بيهو ، بقي يدعك ليهو في معصم يدو و يشممو في البصله ، وحدة وحدة لمن فتح ، غسلت ليهو وشو ، قال لي اديني ترينق من دولابو ، اديتو و طلعت المطبخ مسافه يغير ليهو ، لقيت امي عامله ملاح بطاطس و رز و سلطه ، شلتا ليهو و مشيت غرفتو ..
قلت ليهو بعد اذنك انس قوم لي بس عشان ا ااكلو ، اسامة رد لي ( بصوت مرهق )
رجليني المشلوله ما يديني ، قلت ليهو اسامة بطل فصاحه انحنا لسه عندنا شكله بس اكيد دا ما وقتها ، خليني ا اكلك عشان في حبة الكالسيوم ، لازم تاخداا ،
عاينت لانس لقيتو سرحان ومسهي كدا ، حاولت اعاين محل تركيزو ما عرفتا ، براهو اتكلم قال غريبة !!!!! عاينت ليهو !! قلت شنو يا انس ؟ قال لي : قلتا غريبه !
قلت ليهو الغريب شنوو ؟ عاين لاسامة و قال لي اطلعي براا ، قلت ليهو لا ما طالعه فهمني في شنو والغريب شنو ؟ قال لي زينب لو سمحتي حابي اتكلم مع اسامة ! اسامة قاليهو في شنو يا زول روق عملتا شنو انا ؟
اتكلم قدام زينب عادي انا ما بدس حاجه عنها ، قاليهو اسامة انت دكتور ناشئ و مدرك تماماً ان صحتك دي يا الله و يا مين مجارينها ، قاليهو انس اتكلم عديل ، في شنو اسي للكلام دا عملت شنو انا ؟ قاليهو ما تقولي لي عملتا شنو عايز تعمل شنو اكتر من كدددااا ؟
عاين يا انس انا اعصابي باظت فياريت تقول لي عديل يا اسامة انت سويت كذااا
ليه حرق الاعصاب دا ؟ قاليهو طيب سوال واحد وجاوبني ، الولاعه الواقعه تحت التربيزة دي شنووو ؟
اسامة رفع ضهرو وحاول يمد راسو و هو متعجب ، قاليهو يا زول قول بسم الله ولاعة شنو ؟ انس رفعا و ختاها ليهو في التربيزة
قاليهو دي ؟؟؟؟
قاليهو انس انا من متين بدخن ؟ وحتي لو شفت علبة سجاير في حيبي مفترض تكون متاكد من جواك ان دا ما انا ، و في اكتر من مقاله انا كتبتها ضد التدخين و انت عارف كدا اني بكره ال ..... قاطعتو
قلت ليهم انا عرفت الولاعه دي حقت منوو
و يا انس قبل تهاجم ، اوزن عقلك انا عارفه انك بتتكلم من خوفك عليهو ، لكن وضعو اسي ما بيسمح من غير انفعال كان ممكن تفهم منو ، قالي اسف ،،
بس انا حياتي كلها متعلقه بي اسامة و فكرة ان في حاجة ممكن تضرو بالجد مؤلمة شديد لي .. قلت ليهو كله لخير .. شلت الولاعه وصينيه الاكل و ماشه ، انس قالي شايلا الولاعه ليه ؟ قلت ليهو حرجع الولاعه لسيدا ...

استككاناية ☕~<

يتبع .....