السر

12

لكن حصل عكس المتوقع ..
و نهائي ولا اتكلمت معاها ، مشت غرفه اسامة لقتا في حاله لا يرثي ليها ، واسامة حالتو حاله ، لقتو ممدد ف السرير و نايم و دموعو في وشو ، قعدت جمبو و مسكت يدو قام ناطي و قال زينب جييييتي ، ّلمن عاين لقاها ريم مسك راسو ، قاليها شوفي لو عايزة تكذبي علي احسن ما تتكلمي عشان ما اخسرك ، احكي لي الحاصل انا حاسي و احساسي ما بخيب و عارف ان الحيوان دا ما اختفي من البيت الا في فترة اختفاء زينب اختي ، قالت ليهو انا ما جايه اكذب انا جايه اتكلم مع راجل بتحمل مشاق الحياة و مؤمن بقضاء ربنا ، كل الحصل زينب عملت حادث واسي في المستشفي وحالتا مستقرة ، اسبووووع يا ريم اسبوع حرام عليكن سايبني مجدوع زي الكلب انس كان رد علي اتصالي يمشيني زي الشافع انا مشغول انا مشغول ، حتي انتي م كنتي بتردي علي وزينب تلفونا مقفول ، لييييه ياخ ليه انا ما بشر سايبني مجدوع زي الكلب ، لكن يمين بالله لو اكتشفت ان الكلب دا عمل حاجه في اختي و داسه علي يا ريم .... ختت يدها علي خشمو ، قالت ليهو فال الله ولا فالك ، انا ما بقدر اخسرك يا اسامة وحات الله افديك بروحي و بعمري كله ، طبيعي انه يتخلع من كلاما ، بس لان الوقت ما مناسب ، دخل قلبو وسكت ، قاليها حمشي اشوف زينب متين ؟ قالت ليهو انا جيت اجهزك وانس او يوسف حيجو ، يا حليلا مسكت غرفتو نضفتا ليهو و رتبتا و غيرت الفرش ، طلعت ليهو غيار ، ونزلتو علي العجله و وصلتو لحد الحمام ، قالت ليهو اسفه و ياريت لو اقدر اساعدك اكتر من كدة بس قريب حتتحلاا لانو قدامك طريقين و حتعرفهم في الوقت المناسب ،
بعدها بساعه تقريبا بقى جاهز ، ( طبعا اسامة اعاقتو ما اثرت في كونو شاب وسيم و عادي انه يكون حلم لاي بنت ) ..
في المستشفي جا الدكتور المتابع لحالتي ، و قالو ان النزيف وقف و م احتاج عمليه ، و ممكن افوق في اي لحظة ، جا انس للدكتور عرف منه وضعي و الحاصل علي ، بس في سوال فضل عند انس واتردد كتير انه يسأل الدكتور ، بس اتجرأ و سالو ، قاليهو يا دكتور : حسب كلام الشرطه ان الراجل المعاها كان في وضع م تمام وانه زي كأنها قضيه اغتصاب بس عايز اعرف من الكشف والتحاليل اذا فعلا في اغتصاب ولا لا ؟ قاليهو انت منو وتقرب شنو للمريضه ؟ قاليهو انا خطيبا و عاقد عليها ، ي ريت الكلام دا لو كان اتقال جمب اضاني كان فقتا من غيبوبتي و رجعت بيتنا جرررري و ما بعيد اسابق العربات هه ، الدكتور قاليهو : انا ما بقدر اتكلم في حاجه زي دي لو غندك قسيمة تثبت وريتي انك ولي امرهت ، حتي لو جا ابوها ما بندي معلومات زي دي عن المريضه الا في حالة اثبات ،
طبعا انس ما عندو اي اثبات ، كل القالو للدكتور ، شكراا ي دكتور دوشتك معاي ..

ريم اتصلت علي انس ، قالت ليهو منتظرنك انا و اسامة ، قاليها جاي عليكم ، شوفي علاجاتو يا ريم الناقص شنو ؟ قالت ليهو دقيقه ، اسامة ناقص شنو في علاجاتك ، قاليها ولا حاجه ، قالت ليهو قال ولا حاجه ، قاليها انا جاي عليكم ..

( اما في جانب تاني بعيد خالص )

يا امي ، ديل كلهم نايمين انا بيوصلني الجامعه منو ؟ ساره انا عايزة اعرف يا بتي الترحيل دا انحنا دافعين ليهو ليه ؟ انتي بس قولي عايزة ابوكي يوصلك والله انا احترت معاهو و دلعو ليك دا حيخربك ،
في زول جاب سيرتي هنا ؟ هههههههه ابوي صباح الخيرر يخ ، صباح النور يخ اهاا جاهزة ؟ اكييييد جاهزة ،
دقيقه يا ابراهيم افطر بعداك اطلع ،
بعد ارجع بفطر الليله انا اجازة زهجت من الشغل دا ، طارق لسه نايم ؟ الولد دا مستحيل يشيل مسؤلية ولا يساعدني كل همو الخرطوم ، الله يهديهو بس
يلا يا سارة خلينا نطلع ، ارحكا .....

استككانة🍕~

يتبع ......