السر

20

رفضت تماماً ، قلت م عندي حل غير اسامة
مشيت ليهو لقيت معاهو انس ، سلمت عليهو ، و من شدة ما قرفانه من انس ما عاينت فيهو ، قلت ليهو اسامة ، صلي علي الحبيب
قالو ( عليه افضل الصلاة والسلام) ..
قلت ليهو انا ما حابه امشي مع انس ، انس اتخلع عاين لي ، اسامة قال لي ، ليه طالما هو انسان بيحبك و شاريكي ، قلت ليهو بيحبني انا ؟ قال لي ايوة دا كلامو يوم عقد عليكي و قال انك كمان بتحبيهو ،
عاينت لانس دنقر راسو طوالي ، قلت ليهو فعلا كلاو صح ، بس انا حابه امشي بعد خطوبتكم ، قال لي ريم كلمتك ، قلت ليهو ايوة ، ( بقلم/سحر سمير)
قال لي ما فرقت امشي مع راجلك ماف شي بقعدك علاجتي باخدا و ريم ما بتقصر ،
كلها كم يوم وحسافر ، حابي اشوفك في بيتك عشان اطمن عليكي .. عيوني رقرقن
قلت ليهو الا القضيه دي تنتهي حتي اقدر اعيش حياتي ،
سبحان الله في نفس اللحظة دخل اتصال علي انس ، انس كان بيسمع بأهتمام ، قاليهو طيب دا خبر حلو و حيساعدنا في القضيه ،
انا الفضول كتلني بقيت منتظرة يخلص كلامو بفارغ الصبر ، بعد قفل ، قال ان الحيوان دا ابتدا يفوق و يستجيب للعلاج ،
قلت ليهم حتي لو فاق حيقيف ضدي ، في اللحظة دي اتزكرت ان لازم اقعد في البيت عشان اقدر اتحصل علي الاوراق وافهم اللغز داا ، بس اسامة رفض قعادي ،
ناديت انس في الحوش ، قلت ليهو انا عندي فهم من قعادي ، قال لي في شنو ؟ قلت ليهو في اوراق عايزة انسخا في غرفه امي ، انا فتشتا و في مكان شاكة فيهو لازم افهم حاجات كتيرة قبل القضيه ، قال لي طيب ارح معاي و لمن تجي لانس يتلقي فرصك ، لقيتو مصمم قلت ليهو تمام ،،
دخلت لاسامة قلت ليهو انا بمشي ، مشيت غرفتي دايرة اشيل ملابس ، ريم قالت لي هناك عندك كل حاجه ، هاجر كانت قاعده قالت ليها هناك وين ؟؟
قالت ليها عقبالك يا هاجر ، زينب بقت مرت اخوي و اسي سايقنها معانا ، بس وقفت علي حيلا و بقت تشطح و تمرح في الكلام ، انتي تتزوجي انس ، شاف فيكي شنوووو قبيحه و مقطعه ، وبس تشيل و تتكلم ولا رديت عليها
شلت حاجاتي و طلعتا ، ريم مخلوعه قالت لي اختك دي غريبه خلاص ،
قلت ليها هههه هي جات علي اختي بس ، يا ستي الله يهديها بس ، طلعت ودعت اسامة و كميه الفرحه الفي ملامحو لمن حسيتا جوة قلبي ، قلت ليهو كدا راضي ؟ قال لي شديييييد ، الله يهنيك و يسعدك ، قلت ليهو وتتهني غلاي انا .. و طلعنا انا وانس ، وريم خليناها ،عندو علاج تدي ليهو وتحصلنا ، طبعا ركبت العربيه زي البراي ولا شغاله بيهو و قاعده اربط في المواقف الحصلت ، لدرجه طلعت دفتر المحاضرات من شنطتي و قلم ، و ابتديت اكتب الاحداث عشان اقدر افهم ، و طبعا هو مستغرب مرة يعاين فيني بشخبط و بكتب جمل ما مفهومة ، لمن وصلنا انا ما شايفه غير الدفتر دا ، يلا بيتهم كبير عادي بس دورين ، و من الناحيه الجماليه حلو شديد والمحليهو اكتر شجر اللبلاب متفرع بطريقه جميلة .. المهم دخلنا ، قال لي اطلعي ، هو طالع وانا طالعه وراهو ..
لمن وصلنا غرفه نوم كدا كبيرة كلها اسود بالابيض ، قلت ليهو دي لي انا ؟ قال لي لا لينا ، قلت ليهو لينااا!!! وانت البقعدك معاي شنو في غرفه وحدة ؟ ، قال لي زينب روقي ما تبقي هجوميه بالشكل دا ،
قال لي انا الغرفه دي كنت بجهز فيها من قبل الحادث و عملتها عسان اليوم دا ، بس ... و سكت ، قلت ليهو كمل ، ما رد علي ، طوالي طلع ناديتو انس انس ما رد علي ..
قعدتا شويه فد الدفتر و بعدها ابتديت اربط في الاحداث تاني ، حسيت مخي شاطب ،
قلت اغير مشيت فتحت الدواليب بفتش القالتو لي ريم م لقيتو ، اتصلت عليها عديل ، قالت لي ملابسك علي اليمين ، فتشت لمن لقيت ماشاءالله ملابس طلعه و بجايم و قمصان نوم بي اروابهم ، م عارفه الجابعم منو بس حاجات حلوة ، شلت لي بجامة واحدا لقيتا بي بنطلون الباقيات كلهم ارديه ، شلتها ، استحميت و غيرتا ،
و رجعت مسكت الدفتر ، عيني وقعت علي
..........

استككانة😪~

يتبع .......