السر

15

قاليهو ، تثبت هي بنت كيف و هي ما بنت ؟؟ انس قاليهو يا دكتور انا بتكلم عن المريضه زينب انت مركز معاي ؟
قاليهو عارف انها زينب والحادث حقها دا ما حيتنسي ، قاليهو انت تقصد ان زينب زوجتي ان الحادث اثر عليها ولا الزول دا عمل عملتو ،
قاليهو لمن جاتنا ما كانت في اي اعراض بتدل علي ان تم اغتصابا ، و بعدين انحنا عملنا ليها الكشف دا بعد علاء طلبو ،
قاليهو علاء !!!! علاء منو ؟ قاليهو الظابط ،
ايوااااه و الظابط يطلب كشف زي دا علي اساس .. انت تقصد ان زينب No't a virgin من قبل الحادث؟؟ و من هنا طلع انس و ماشايف الا غبار رجلينو و الدنيا ضلمت في وشو ، اما انا بعد حولو موضوعي لقضيه كنت لازم اتحاكم و يبقي لي محامي ، و قضيتي (الوهمية) كانت بعد 6 ايام ، واول حاجه كنت لازم احصل عليها هي اوارق ملكية ابوي لقطعه الارض في مربع 8.. و بما اني محبوسه يبقي مستحيل احصل عليها ، عارفين الكان مصبرني علي وضعي انس مرات اندم لاني ما دافعتا عن نفسي و مرات بحس ان العملتو دا صح كأني بتهرب من واقع حياتي رغم ان عمري ما كنته ضعيفه ، فاتو يومين من ال 6 يوم ، و انا محبوسه في الغرفه زاتا حتي ما حولوني للسجن الا بعد المحكمة ، جوني انس وريم ، ريم شايله لي غيار ، و انس وشو ما بيتفسر لدزجه ان ما قادر يعاين في عيوني ،
قلت لريم انا محتاجه مساعدتك ، انس عاين لي قال لي خلي ريم برا الموضوع ، استغربت فيهو ، قلت ليهو جداًّ ، ريم قالت ليهو ليه برا انا كان قدرت اتحبس معاها كان اتحبستا ، قاليهو العاطفه ما تدفعك ، انا بالنسبه لي كان عبارة علامة استفهام كبيرة قاعده قدامي ، اي نعم انس ما حصل جمعتنا لحظات انفراديه برانا الا م ندر بس بقدر كمان افهمو
" الروايه ، بقلم / سحر سمير ( لحفظ الحقوق) ... قال لي عايزة شنو من ريم ؟ قلت ليهو من متين بتدخل بينا يا انس ؟ قال لي اسف ، قلت ليهو لا عادي و انا ما دايرة حاجة ،

( في جانب آخر كان شفنا منو موقف)
طارق عليك الله جيب لي الايفون
عليك الله عليييييك الله انا مش اختك الصغيرة ، افلامك الهنديه دي ما علي انا ، طيب جيبو لي من غير ما اسوي ليك دراما ، قلت ليكي اصبري شهر ، بجيبو ليكي
، يا طارق البت دي ناقه معاك في شنو ؟
ههههه من متين نقتا بتخلص يا ابوي ، سارة قالت ليهو يا ابوي يعني انا اسي نقناقه ؟
انتي بتي الغاليه لا يمكن تكوني نقناقه انتي سكرة البيت داااا ، طلعت لسانها لطارق ، قاليها عويرة تكاوي منو ،
طيب فتشي اليجيبو ليكي ، انا بجيبو ليهاا
يا سلااام ابوي حبيبي ، ولا حوجة ليك يا جلدة يلااا ..
يا ابوي انت عينك دي ملاحظة ليها بتدمع
رايك شنو بو نمشي بعدين الدكتور ؟
انتي عارفاني انا ما بحب الدكاترة و بعدين دي اثر حادث قديم ، لالا بنمشي يا ابوي بكلم امي تقنعك ، قاليها لالا خلاص بنمشي ..خلاص انا بتصل بحجز اتفقنا صح عشان ما تجي تغير رايك ، اتفقنا تب ..

اما في جانبي ، انس وريم بيسالوني عن الكنت دايرة اطلبو من ريم ، رفضت لان اسلوب انس في الرفض كان محرج و فيهو نوع من الزله وانا اعند مني الله ما خلق ، في اللحظة دي جا الظابط داخل ، من غير م يعاين فينا ، قاليهو اتفضلو امشي الزيارة انتهت ، انس قاليهو نص ساعه م تمينا و ياداب الوقت بدري ، قاليهو بمزاجي انا بقوليكم اطلعو برااا ، انا سكت وقلت احاول اهدئ الوضع لانه طلوعي قبل المحكمة مهم رغم انه صعب عشان كدا ما حصعب الامور واتلائم مع الحيوان دا ، و اساسا ما لي مزاج اتكلم مع زول ومحتاجه افكر وانفرد برااي ..

استككانة🍲~

يتبع .....