السر

26

بعاين لي و بعاين ليهوو بس حقد لله في لله ، شويتين مافي اساس اللمة دي كلها جاا زي الباشا ، انا من شفتو عفاريتي مرقن ،، ابوي من شافو قام وقف علي حيلو من الخلعه بس كتما وسكت و ساب الموضوع للاخر ،،
عاينت لابوي قعد و عمل لي كدا 💪 قلت ليها قدرهاا ، من الجلسه بدت ابتدا يهاجمني ، قاليهو شوف يا حضرة القاضي : البت دي من زمان اخلاقا كعبه امها تعبت معاها و بتجي انصاص الليالي داخله ، طبعا الظابط علاء اتفاجأ دا ما العامل حسابو ، دا علاقتو شنو بي بيتكم ،، سكت وخليتو يلعلع بي راحتو
، قاليهو انت تبقي شنو للمتهمه دي ؟
قاليهو في مقام ابوها ، و يوم الحادث انا كنت مباريها عشان بتمشي اماكن مشبوهه وانا كنت عايز اوعيها ، طبعا انا مخلوعه وبعاين لامي دي طبعا شالوها جابوها المحكمة مافاهمه شي ولا عارفه الحاصل لي كلو ..
ابوي وقف علي حيلو : قاليهو تبرا من انك تكون ابوها وانا علي عايش ، طبعا الراجل دا لمن رجف من الخلعه لمن برك في الواطه ، قاليهو ككككيف ككيف انت ميت كيف تكون انت الجابك هنا شنو ؟ انا شفت جثتك بعيني ، ايووووواه اعترف اعترف كدا ما بقت قضيه وحدة ، القاضي قال لابوي اتفضل اقعد نسمعك بعد جلسه المتهمة ، طبعا داك جن وفقد عقلو و ابتدا يطربق ، قام جا دوري وسالني ، حكيت ليهو موضوع قطعه الارض بتاعت مربع 8 لحد الاخر ، وان محاولة انه يغتصبني دي م اول مرة ، كلهم اتخلعو لاني م كنت بحكي خصوصاً لاسامة و ابوي من سمع كلامي الا مسكوه ،
قلت ليهو انما الظابط اتهمني ب اني بنت ليل و اني بتاجر بي شرفي ، قالي الطابط علاء بس دي التحاليل البتقول كداا ما انا ، قلت ليهو تحاليل شنو الا كان انتو ملخبطين ، ختيت يدي علي المصحف وحلفت قسم ان مافي راجل لمسني ، قال لي التحاليل البتحكم ، طبعا انا هنا انفعلتا وعادي اطلع الفي رجلي وادي في وشو ، قال لي التحاليل استلما زوجك ، قلت ليهو انس !! قالي ايوة ، كدا ياداب وقعت لي ( انس غير رايو وعايز يطلقني عشان نتيجة التحاليل اذن صدق اني بت ما تمام ، وهنا انا قوتي زادت وطلبت بتحاليل تانيه لان الكلام دا فيهو رد شرف وانتو الحتدفعو تمنو ، بس مشيت قدمت الاوراق اللقيتا تحت البلاط و بقيت بقرا ليهم بصوت عالي ، اولا يا علاء اعفي لي م بقدر اقول عليك ظابط اتهمتني بتهمه بشعه واستغليت ضعفي الزول الانت قلت اني لزيتو واتهمتني بالشروع في القتل المتعمد ، دا يبقي زوج امي واللي هي اساسا ما طلعت امي و كان شريك ابوي في الشغل ، و يوم مشيت قطعه الارض كان في شاهد زور شهد ضدي تحت تهديد الزول دا ، وكان متفق معاهو انه يوصلني السطوح ، *باك*فلاش*
تتزكرو يوم كنا انا وريم في المطبخ يوم قالت نفطر في الحوش و دخلنا ندخل الصينيه في المطبخ و كنا بنتكلم عن الارض وانو حنمشي الساعه 2 ، في اللحظة دي كان سامعنا من هنا هو خطط ، ويوم كنت بتكلم تلفون مع ريم هاجر سمعت ومشت كلمت ابوها و الارضيه دي زاتا كتب امي تنازل عليها اجباري ..
طبعا بعد سمع كلامي ، ابتدا يعترف ان حتي الحادث كان مدبر و طلعو شهادة وفاة مزورة طبعا بعد وفاه ابوي كل الاملاك امي حتحافط عليها لمن نكبر وتبقي ورث بس تحت تاثير الضرب كان بكتبا تنازل و بما انو كان شريك ابوي بشهادة الوفاة الشغل كله والمحلات شالها هو ،، ابوي دا بس مسك راسو وقاعد واسامة وانس و كلهم مستغربين ، اما امي عمرها م كانت امي ولا حبتني وعمرها مرت الابو ما بتبقي زي الام الحقيقيه ولا زوج الام بقدر يسد خانة الاب دا لو طلع زول بيعرف ربنا و حتي اخواتي اتربت بينا فجوة وقسوة وان اخوانك من ابوك مهما كان ما زي الشققا مع انو قدام ربنا اخوي ودمنا واحد بس للاسف دا البنقوم جيلنا عليهو ودي كلها ما قيم ينشأ عليها مجتمع صالح ،،
اما انا لانو اعترف فما كنت مذنبه في نطر الفانون والحق بيظهر مهما كلف الامر اي زول ربنا بعاقبو علي اغلاطو ، قضيتي انتهت وملفي اتقفل للابد و الظابط علاء تم ايقافه عن العمل بصورة مستديمة ، و زوج امي اتحكم علبهو 25 سنة يعني مؤبد وزي الفقد جزء من عقله ،
تاني يوم مشيت عملت التحاليل الطبيه و فعلا في غلط و كنت متعشمة ان تحليلي يكون اتلخبط مع وحدة تانيه ، بس الاكتشفناهو ان كان تحليل مزور واصلا ما اتعمل لي كانت ردة فعل للظابط لاني اتلائمت معاهو وهدد الدكتور انه يلبسو قضيه الله اعلم نوعها .. في اللحظة دي في زول سف التراب ندم .. جا اعتزر لي طبعا انس و انو ما عندو استعداد يطلقني وانا كنته متمنية الطلاق دا عسان الخوة ما تتاثر واصلا بعد كلام امه لي مستحيل اقدر ولا اقبل واسباب كتيرة ما قبلتها علي نفسي ، طلقني بعد تلاته شهور ومحاولات كتيرة مني ، و عشنا مع ابوي وعمتي وسارة و طارق ، اما امي اللي هي عمرها م كانت امي ، ابوي بعد رجع حقوقو سجل ليهم البيت بأسمهم و وفر ليهم راتب شهري ومصاريف البنات ،،
رجعت الجامعه و حافظت علي كوني بنت بي ما كملتا في it دخلتا كلية الطيران وريم حولت معاي ، و ريم واسامة لسه مخطوبين و علاقتي انا وانس ما اثرت فيهم حمدلله ، انس ما ضطر انه يسافر و بدا علاج طبيعي في الخرطوم وحالتو في تحسن .. بالنسبه للصورة الشفتها في غرفة انس كانت صورة جدو الله يرحمو حسيت بحنين لسه الا واحساس ان ابوي عايش كان ملازمني ، و امه لانس رجعت واعتذرت لي انها غلطت في حقي احترمت الحته دي بس كان قراري واحد .....

اما طارق كان نصي الحلو ......❤ و اتخطبنا بحمدلله

فاااا من البدايه اختار شريكك صح عشان تقدر تكمل صح و لو حصل امر ربنا خلي اولادك في الاولويه و كان مالقو الامان من امهم وابوهم ما حيلقوووو و م كل مرة بتسلم الجرة

تمت ❤❤❤ بقلم / سحر سمير
اتمني تكون نالت رضاكم واستحسانكم في انتظار تعليقاتكم و انتظروني في روايتي الجديدة -