السر

7

مرات كدا بتضلم في وشك عشان ربنا بيكون عايزك تشوف نقطة نور هو مديك ليها انت ما شايفها ، فااا بتجوط عشان تترب ..
.
.
.

و من الباب امي استقبلتني بالخرطوووش و وقعت في دق ، مافاهمه شي و بقت تقول لي يا تافهه دي تربيتي ليكي آخرتك بقيتي تدخني سجايرر، انا بس جمدت مكاني و بتضرب فيني نازله علي جسمي بالخرطوش و لا حاولت اقاويها ولا اتحركت ، و الزفت واقف و هاجر و اريج واقفين ،
بهناك اسامة بيكورك سامعه صوتو ، يقوليها بس ما تضربيها و يكورك ما تضربوها ، بتصربيها ليها ما تضربيها ، يا رب الله ياخدني عاااجز ما قادر حتي اوصلك سامحيني يا زينب عليييكي الله ما تضربيها انتي عايزة تأذيها دي ونيسي الوحيد في الدنياا ، انا انفحرت بكا كلامو وجعني اكتر من وجعة كلام امي ، بس فجاه رمت لي الولاعه في وشي ، قالت لي دي شنو ؟
سكتا و ببكي ، قالت ليك بتكلم معاكي انا دي شنو ؟ قلت ليها كان ممكن تساليني قبل تضربيني بالطريقه دي ، قالت لي حتتلائمي تاني يا زينب و قسم بالله ادقك ما يمسكني منك الا الموت ، قلت ليها حتفرق شنو اساسا انا عايشه ميته من اليوم داك ،
سكتت و وشها جاب 100 مليون ، قالت لي الولاعه دي كانت في شنطتك بتسوي شنو ؟ قلت ليها براكي قلتي شنطتي ، يعني حاجه حقتي بتفتشو في خصوصياتي ليه ؟
انا لي سنين ما خشيت غرفتك دي بالغلط ، ردت هاجر قالت لي انا الاديتا ليها * ابوي* قالي اديها لامي ( امي اسمها عايده) .. ايواه ابوكي قاليكي اديها لامي ، طيب حلو شديد
انتي مش دقيتيني و فشيتي غلك اظن بعد كدا ردي ما حيفرق معاكي في حاجه ، خشيت الغرفه ، ابتديت افكر فعلياً ان عيشتي دي صعبه و لازم حل ، جات هاجر داخله ، قلت ليها شوفي ، من الليله دا دولابك ودا دولابي و منديل فاهمه ، منديل واحد حقي ما القا في يدك عشان م اخسرك ، جرت طوالي تشتكي لامي ، امي جاتني معصبه ، انتي كيف تمدي يدك علي اختك ، قلت ليها انااااا ! متين مديت يدي عليها ؟
قالت لي لذيتيني في السرير و اديتيني كف عشان اديت امي الولاعه ، قلت ليها يا حيوانه اكيد امي ما حتصدق اني ما عملت كدااا عشان كداا بالجد انا حوريكي جن ما بتعرفي و صرااااااج اديتا كف و امي رجعتو لي انااا ، قالت لي قبيحة و قليله ادب ، قلت ليها شكرااً .. غيرت ملابسي و لبست كم طويل ، مشيت المطبخ قطعتا سلطه دكوة و شلت العلاجات و مشيت لاسامة ، لقيت معاهو انس اخو ريم ، سلمت و لقيت عيونو دي زي الشرار ..
قال لي انتي كويسه ، قلت ليهو ف احسن حال ، كدي قوم علي حيلك عشان الاكل والعلاج ، قلت لانس تعال تقلو واكل معاهو ، قال لي لا انا متغدي و كان مركز معاي شديد ، بعدها بشعرة دقايق ،
قلت لاسامة انا عندي فكرة ، قال لي انا العندي ليكي خبر حيفرحك قلت ليهو قوول ، قال لي لحد م استلم شهادتي لقيت مستشفي تتكفل بعلاجي في الاردن و بعدها حشتغل سنه علي حسابهم اسدد المبلغ ، و لو لقيت نفسي مستفيد بقعد اشتغل هناك عشان نحسن وضعناا ، طبعا من الفرح والله لمن اخدت لي بكية ، قلت ليهو والله احلا خبر ، قال لي وحاجه تانيه ، قلت ليهو شنو ، قال لي انس فتح لي حساب في البنك و لقيت شغل عن طريق النت تبع شركة اعلانات ، حنطلع منها مصاريفناا ، ياخ لمن حضنتو قلت ليهو دا فرج ربنا علينا ولازم نشكروو ، قال لي ّكنتي حتقولي شنووو ، كل دا و انس قاعد ، قلت ليهو تتزكر الارضيه بتاعت ابوي في مربع 8 ورانا ، قال لي اكيد ، قلت ليهو هي كانت مبنيه صح و ابوي ما تماها بعد وفاتو ، قال لي ايوة ، قلت ليهو انا معاي خاتمي و السلسل الدهب ، و الارضيه فيها دورين بس تتقفل ، انا بفكر نمشي نشوف المنطقه بتكون عمرت و نرحل فيها انا و انت ، انس قال لي لكن دي يا زينب ورث ، قلت ليهو لسه ما عندنا شهادة وفاة و انا بس حقفلا و لقدام كل واحد ياخد نصيبو منها ، قالو لي فكرة حلوة ، قلت ليهم خلاص بكرة وانحنا راجعين من الجامعه بنمشي نشوفا انا وريم ، انس قال لي بوصلكم ما بضمن المنطقه ، و اتفقنا علي كداا ، جسمي كله واجعني ، مشيت رقدت في سريري ما عارفه انوم علي ياتو جمبه من الوجع و بالجد حاسه اني يتيمة ام و اب ، نمتا بدري و صحيت من 7 لبستا و بقيت منتظرة ريم ، اتصلت علي قالت لي ف السكة قلت ليها بعد الجامعه عندك حاجه ؟
قالت لي لالا ، قلت ليها عشان حنمشي مربع 8 ، عندنا ارض هناك وكدا بفهمك بعدين ، كانت واقفه وراي اريج اظن سمعتني ، و طوالي مشت ، المهم فات الزمن و جاتني ريم و مشينا الجاممعه و هي خايفه من زول امس الاتشاكل معانا وانا الوضع عادي بالنسبه لي ، المهم فات علي خير اليوم في الجامعة ،،
خلصنا زي الساعه 3 فكان منتظرنا انس
.......

استككانه ~°

يتبع ....