السر

21

عيني وقعت علي صورة في الحيطة
مشيت قربت ليها ، الملامح دي ما غريبه علي نهائي ، الصورة عباره عن راجل عجوز شايب ، عاينت واتاملتا فيها وحسيت بحنين ما عادي تجاه الصورة دي ، رجعت للدفتر اشيل واكتب ، لمن نمتا مكاني ، ف انا من النوع النومي الخفيف خسيت بحركة ، فتحت عيوني لقيت انس ، قلت ليهو انت ما براك في الغرفه دي ، استر نفسك ، كان طالع اظن من الحمام و ما لابس فوق ، ورجعت غمضتا ، قال لي قومي لااكل انتي ما اكلتي حاجه قلت ليهو ما دايرة ,قال لي م علي كيفك انتي عندي امانه ، قلت ليهو شبعانه ، قال لي زينب قومي لو سمحتي ، بما اني جعانه قمت فللي، نزلت تحت لقيت اكل جاهز كتير ، قلت لريم وليمة هي ، قالت لي عندي صحباتي جايني وحدة فيهم جايه من الدلنج ، قلت ليها عيييييك ، قالت لي عايشه هناك بس لكن هي ما من هناك ، قلت ليها حنتطرهم معامي اصلا برنامج مافي ، قالت لي تمام مع انه كنت حابة انزل السوق اجهز حاجاتي ، قلت ليها بكرة ي زوله ، قالت لي تمام.. انا حاكل يا ريم والله جعانه م بقدر انتظر ، طبعا انس عاين لي وضحك لاني قبل شوية قلتا م جعانه ،😹
( بقلم/سحر سمير ) .. المهم اكلت كداا جو داخلين سلمت عليهم و البنات من شدة ما سمحات بقيت بعاين في انس لو بكشف لوحدة فيهم ، حسيتو لاحظ لي ، قام استاذن و طلع مشوار ، وقعدنا اتونسنا ، وحده فيهم قالت لي زينب انا حبيتك طبعا ، اسمك زي اسم امي ، قلت ليها علييييكي الله ، وانا كمان والله حبيتك و يخلي ليكي مامتك ،يارب ، قالت لي امييييين ، طبعا حسيتهم علقو علي شكلي ، بتهامسووو
قلت خير م مشكله ، المهم عزمتنا عندهم بعد خطوبه ريم ، و فاتو علي كدااا .. جا الليل بس بتقلب واتقلب لمن ربنا كرمني و نمتا ، انا اصلا عندي صحيه نص الليل دي للحمام اساسي ، فتحت عيوني لقيت انس راقد قصادي وصاحي يعاين فيني لمن قمت ناطه ،قلت ليها مممما م م مااا مالك انت ، قالي مالي راقد ما ارقد ، طوالي قمتا جريت الحمام ، ورجعتا ، رقدتا واديتو ضهري ، جينا تاني يوم من الضهر في السوق ما كانت خطوبه دي لو عرس كان حصل شنووو ، طبعا انا ولا شغاله بالموضوا ، وعدت ريم انها تسوي فيني الدايراهوو .. و رجعنا علي كدد و اخبار عمي بتتحسن اول باول وكله لمصلحتي بس الله اعلم المدسوس شنووو ، سبحان الله مرت الايام سريع ، و فجاه الامور جاطت ، اهل ريم وانس ويوسف كانو جاين و تاني يوم الخطوبه وبعدها بيومين سفر اسامة ، ف قررو تتعمل في البرنده ،
جاني انس قال لي محتاج مساعدتك ، قلت ليهو خير ؟ قالي خير بس عايز اجيب الزينه و نتساعد في البرنده ، قلت ليهو طوالي لاني بحب شغل الشفع دا ..
قام جاب الحاجات و بقينا شغالين انا وهو قريب المغرب كل ما اتلفت القاهو بيعاين لي قلت احسن شي ما اعاين ليهو واتجاهلو بس ف كل الكلام البينا اخت دي وين و اعمل دا كيف .. بعدها عاين للساعه و قال لي انا بمشي المطار اجيب ناس امي بعد كدا علي وصول ، حابه تجي معاي ؟
قلت ليهو لالا شكراا ، جات ريم قبل انس يطلع من جات تصرخ عاجباها الزينه ، قلت ليها شفتي كيييف ، قالت لي رهييييييييبه ياخ ، انس وين عايزاهو ، قلت ليها طلع يلبس عشان المطار ، قالت لي طيب حطلع ليهووو
.. بعد نزلو من فوق قلت لانس توديني عند اسامة اشوف الناقصو شنو ، قال لي شوفي نفسك اسامة امورو تمام ، سكتت ، هو طلع و ريم جات مسكتني جلبطت لي حاجه في وشي قالت لي انتي اصلا الا يخلعوكي كدا و يختوكي قدام الامر الواقع ، سكت قلت ليها سوي الدايراهو ، بيني و بينكم انا محتاجه شديد للتغير نفسيتي زاتا تعبت شديد ، قالت لي بكرة من الصباح حنطلع خليكي جاهزة ، قلت ليها حااضرر ، و مسكت فيني نعسه كداا بقيت منتظرة اهل انس يجو بالقوة ، جاي جاي لمن جووو ، سلمنا بس انس قاليهو دي صحبة ريم نهائي ما قاليهم دي مرتي ، قعدت شويه وهما طلعو ينومو انا طوالي انتهزت الفرصه و طلعت انوم ، قبل اطلع انس قال لي انا بايت عند اسامة ، قلت ليهو تمام
و طلعت الغرفه استحميت و طلعت ما اتفاجأ الا بي انس قدامي ، م عرفت اسوي شنو خلعني خلعه ، من غير احس بقيت جايطة فيهو انت مش قلتا طالع الجابك شنو و ببكي اصلا لمن بتخلع ببكي ، قال لي اسف اتصلت باسامة قالي ما اجي معاهو اصحابو ، قلت ليهو تمام ، عايزة امشي منو ، مسكني ، فكيت يدي منو ورقدتا اتغطيت و اديتو ضهري ، انا حاسه انو بيحبني بس بيقاوم الاحساس دا ليه ما قادرة افهم ، علي كدا الليله دي انتهت
صحيت من 8 عاينت جمبي لقيتو مافي ، جات ريم قالت لي قومي خشي ليكي في عبايه خلصي البنات منتظرننا تحت ، قلت ليها بنات منو ؟ قالت لي سارة و وسام قلت ليها طيارة بس اخد دش سريع ، مشيت و خلصتا و لبست عبايتي وجيت مارقه ،
سلمت عليهم و صبحتا ، ام روان ادتني العصير البيتي دا قالت لي في السكة اشربي من جات مرة ودودة كدا و محبوبه ، لمن طلعنا من البيت مع طلعتي اتخبطتا لي في واحد .....

استككانة🐒~

يتبع ......